教育王國

標題: 係咪做全職媽媽，幫自己小孩子睇功課就不用補習？ [打印本頁]

作者: rinarina 時間: 14-3-16 16:49 標題: 係咪做全職媽媽，幫自己小孩子睇功課就不用補習？

本帖最後由 rinarina 於 14-3-16 23:28 編輯

做左全職媽咪後，小孩子真的不用上補習班？
而家小學的程度，做全職媽媽係咪自己教好D？定係一樣要岀去補習班？

感覺上full time mum好似多D時間睇住D細路。可以慢慢教佢地handle繁重的功課，考試。

如果繼續返工，怕會到時handle吾倒佢地咁多嘢

作者: icecream1222 時間: 14-3-16 16:57 標題: 回覆：係咪做全職媽媽，幫自己小孩子睇功課就不用補習？

提示: 作者被禁止或刪除內容自動屏蔽

作者: rinarina 時間: 14-3-16 17:02

回覆 icecream1222 的帖子

咁即係做全職媽媽自己教好D？如果返份full day job,6點半先返到屋企，夠時間用嗎？

作者: ayvicki 時間: 14-3-16 18:42 標題: 回覆：係咪做全職媽媽，幫自己小孩子睇功課就不用補習？

初小或之前自己教好啲，幫佢地制定時間表，跟著就慢慢放手自己學會定時做功課及執書包

作者: Isaacmommy 時間: 14-3-16 19:10 標題: 引用：回覆+icecream1222+的帖子咁即係做全職媽

原帖由 rinarina 於 14-03-16 發表
回覆 icecream1222 的帖子

咁即係做全職媽媽自己教好D？如果返份full day job,6點半先返到屋企，夠時間用 ...

六時半返到家應該都ok。

作者: hadwinboy 時間: 14-3-16 21:35 標題: 引用：回覆+icecream1222+的帖子咁即係做全職媽

原帖由 rinarina 於 14-03-16 發表
回覆 icecream1222 的帖子

咁即係做全職媽媽自己教好D？如果返份full day job,6點半先返到屋企，夠時間用 ...

6時半回到家的工作，很幸福了

作者: tws2010 時間: 14-3-16 22:43

回覆 icecream1222 的帖子

6時半off, 自己教, 好辛苦勞氣, 小朋友睡了, 再做公司工作, 長期睡不夠...

作者: tws2010 時間: 14-3-16 22:45

回覆 rinarina 的帖子

都OK, 但辛苦, 要有心理準備

作者: Honey 時間: 14-3-16 23:11 標題: 回覆：係咪做全職媽媽，幫自己小孩子睇功課就不用補習？

我兩夫婦要返工，阿仔小三都唔洗去功課班或補習，叫佢放學休息食茶點沖涼再做功課，識做做先，唔識等我哋放工教，我7點左右回到家，晚飯前後睇佢，小一對功課答案&齊唔齊，小二只對做齊未，小三唔check，小三連默書都唔洗同佢默。

唔關洗唔洗做全識媽媽事，有心教同冇心教最緊要。

作者: mrsjacky 時間: 14-3-17 00:07

rinarina 發表於 14-3-16 17:02
回覆 icecream1222 的帖子

咁即係做全職媽媽自己教好D？如果返份full day job,6點半先返到屋企，夠時間用 ...

睇下你想跟幾多，我以前都係630到家，跟功課都夠時間，但只能跟功課。後來轉左做part time,咁就唔止跟功課，可以跟埋佢地成個讀書態度同自理能力，又可以放學同佢地去公園玩，玩完回家再keep返佢地做功課時間。我覺得如果有得揀，一定係full time mon好。

作者: IloveJJ 時間: 14-3-17 08:30 標題: 引用：Quote:rinarina+發表於+14-3-16+17:02+回覆

提示: 作者被禁止或刪除內容自動屏蔽

作者: longlokma 時間: 14-3-17 09:07 標題: 回覆：係咪做全職媽媽，幫自己小孩子睇功課就不用補習？

長輩或工人和孩子相處时可以做到的只是"陪伴"，而父母可以做到的卻是"教導"……效果是截然不同的

作者: IloveJJ 時間: 14-3-17 12:04 標題: 引用：長輩或工人和孩子相處时可以做到的只是"陪

提示: 作者被禁止或刪除內容自動屏蔽

作者: icecream1222 時間: 14-3-17 14:22 標題: 回覆：rinarina 的帖子

提示: 作者被禁止或刪除內容自動屏蔽

作者: little_yolky 時間: 14-3-20 16:18

Honey 發表於 14-3-16 23:11
我兩夫婦要返工，阿仔小三都唔洗去功課班或補習，叫佢放學休息食茶點沖涼再做功課，識做做先，唔識等我哋放 ...

我用絶地訓練, 小一已經唔駛對功課、唔對做齊未、唔駛同佢默書、唔駛溫測驗、唔駛同佢沖涼刷牙換校服!!!!!!!!!

我只需要用對眼遙遙咁望住佢。懶爸媽通常小朋友會做多啲。我以我懶為榮。

作者: eviza_snow 時間: 14-3-20 23:23 標題: 回覆：icecream1222 的帖子

好同意，初小最好自己跟緊d,特別係1，2年級，set定做功課時間，同佢地温習時間，分享下當初我教大女嘅方法。
每日時間表
3點放校車，換完衫，食d嘢去個廁所。(盡可能做功課其間唔準離開坐位)
330開始向書枱陪佢做功課，點解要陪? 因為一個6歲嘅小朋友好少會自己坐定定，專心做，但如果你向佢隔離，不單止佢游雲可以叫返佢返黎，如果佢做得好，仲可以你要即時鼓勵佢讚佢，佢自然比心機，態度認真d.
430至500 左右必定做晒，500至600同佢一齊温書，包括默下書，朗讀下課文。
6點後，玩，食晚飯，睇電視。
(係日日都係咁，要佢明白佢每日嘅時間表，除左病，必須日日實行)
小女升小2後，開始陪嘅時間少咗，可能只會陪佢温習，功課開始自己做，唔識先問。
到小3完全放手，我連功課都唔check,只負責簽手冊。so far小女現上了中學，都能自動自覺一返到屋企即做功課，日日自己温書，因為小學其間，佢已養成呢個習慣。

作者: chanwendy 時間: 14-3-21 09:52

我女小二, 冇補習, 我六點半會返到去, 我要求佢要在我收工返去時做好晒功課, 不過佢好多時未做完, 但佢唔係唔識做, 只係做得慢, 同有時冇心機啫. 默書評估都係佢自己搞掂, 我最多只係提佢溫啫. 暫時仲未見到有補習的需要.

作者: MariaTsui 時間: 14-3-21 10:21

我都是FTM,兩個小朋友一直都無補習,哥哥今年升中,他們都可以自動自覺做功課,會溫書,我會幫他們默書,測驗考試俾練習,成績中游,最重要是培養學習態度.

作者: 金毛B媽 時間: 14-3-21 10:53

本帖最後由金毛B媽於 14-3-21 10:54 編輯

我都係全職媽媽, 大仔小4, 細女小2. 我都完全沒有睇佢地功課, 佢地自己攪掂, 小一時, 都會幫佢地睇一睇 (他們兩個, 都沒有出去補習的, 只是有讀英文興趣班和普通話興趣班)

哥哥小3開始 (因為妹妹小一, 我要睇妹妹) , 都完全放手, 默書, 買支錄音筆俾佢自己錄完, 自己默, 測考, 都係自己溫習, so far 而家佢完全自動波, 自己攪掂

妹妹現在小2, 功課上, 都全放手, 不過默書, 測考, 都要我做監督員, 因為妹妹比較活潑, 心散過哥哥

以我經驗, 初小要習慣佢地自己負番責任, 父母不可以照顧太多, 如果唔係, 上到高少, 一樣依賴你, 就慘了

當然見到有 d 小朋友, 一班補習老師跟身, 成績當然會好, 但不要羨慕, 因為我覺得初小成績不重要, 最重要是要建立起他們的責任感, 養成習慣

所以做全職媽媽, 我都不是太辛苦

作者: picture 時間: 14-3-21 20:48 標題: 引用：我兩夫婦要返工，阿仔小三都唔洗去功課班或

原帖由 Honey 於 14-03-16 發表
我兩夫婦要返工，阿仔小三都唔洗去功課班或補習，叫佢放學休息食茶點沖涼再做功課，識做做先，唔識等我哋放 ...

小一至小三大約每天多少份功课

歡迎光臨教育王國 (/)