教育王國

標題: 名幼是否真的大競爭力? [打印本頁]

作者: hilarychu 時間: 14-3-15 08:34 標題: 名幼是否真的大競爭力?

2公婆返工，得1姐姐照顧:
有2個offer:
1.九龍塘比較遠(撘車可能30~45分鐘）比較出名學術深am學校!有7，8成直升k!
2.本區步行不用10分鐘朋友口啤好學自理一流但學術普通的學卷全日班!一定直升k!

作者: 小曳人 時間: 14-3-15 10:43

本帖最後由小曳人於 14-3-15 10:51 編輯

我好幾年前住馬鞍山，因為想生多個，所以安排好大仔足兩歲插班，之後轉全日，一間大人要行15分鐘嘅學校，學術OK，一切幾好，就算讀4年都OK
無心插柳，朋友叫我去入紙報九龍塘區N班，坐火車加行路，大半個鐘，但daddy自己湊返學，bb未出世前，工人湊放學 (要成個鐘！)
呢間係我會幫佢報K1嘅學校，收咗咪讀囉
結果，佢响呢間學校讀咗4年，細b都跟埋入去讀... 不過我地已經搬出少少，方便大仔返小學

我諗，樓主應該諗清楚自己想小朋友讀咩小學，想學校俾d咩佢
我假設屋企一樣咁教，一樣可以教得好深，甚至比學校更深，但做功課，課堂規矩、自理，呢d嘢係自己教唔到咁多嘅，咁，你想要邊樣呀？
其實再學術嘅學校，都會教自理，但一般當然全日班會好好多啦~

至於你話競爭力，你係咪想佢讀私小、直資？
一般情況，學校睇學校面試表現，唔係睇佢讀邊間學校
但好多想自己考學校嘅家長都鍾意去讀九龍塘d KG，相對上，成功率好似高好多，但到底有幾多係同學校有關？我自己會覺得家庭嘅影響力較大，不過學校都有幫助！

歡迎光臨教育王國 (/)