教育王國

標題: 特優, 但有社交困難! 何去何從 ??! [打印本頁]

作者: 準媽咪 時間: 14-3-13 14:23 標題: 特優, 但有社交困難! 何去何從 ??!

4 年來幼稚園老師都同意佢既情緒自控能力不斷進步中, 發脾氣密度小左, 每次發脾氣既時間都短左! 但前日被政府既兒童心理科定性為: 社交困難! (但幾年來在校內都好受歡迎喎!! 不論大小朋友都 like 佢!!)

該去邊度尋求意見呢??

請有經驗既前輩指教指教!!

作者: shareholder 時間: 14-3-13 16:52

「但幾年來在校內都好受歡迎喎!! 不論大小朋友都 like 佢」如果真係咁, 唔洗理政府個報告

作者: lillymarie 時間: 14-3-13 17:39

政府心理學家沒給你建議嗎？
有否考慮過遊戲治療？

作者: kmmum 時間: 14-3-13 23:48

http://counselling.bgca.org.hk/profession.html
http://counselling.bgca.org.hk/parent.html <-家長熱線,你可以和社工或CP 電話傾談,講出小朋友既社交問題.

作者: 準媽咪 時間: 14-3-14 11:32

kmmum 發表於 14-3-13 23:48
http://counselling.bgca.org.hk/profession.html
http://counselling.bgca.org.hk/parent.html

啊 ! 多謝資料 !

昨日得知原來班中有另一位小朋友, 又系去果個正苦兒童心理科, 位家長又系好懷疑個姑娘既評估!

唉 ! 依家個世界郁 D 就話有病, 真系唔癡都被話到癡 !!

作者: kmmum 時間: 14-3-14 12:37

回覆準媽咪的帖子

正苦心理學家? 那區?! 你打去小童既家長熱線, 和社工傾完, CP 會直接聯絡家長.
我囡3月尾做評估.

現今社會,個個小朋友要好似PR咁先叫正常. 每個小朋友有她/他的個性.
我既態度係.一定唔可以影響別人, e.g 拍打朋友/公共場所大叫.之類.
我囡是attenting seeking.公共場所.問大量問題,好似連龍咁問到'達到她目的'/hide under the table./圍住別人轉/間唔中自轉.
行為上似亞氐. 但不是,

作者: 準媽咪 時間: 14-3-14 13:21

kmmum 發表於 14-3-14 12:37
回覆準媽咪的帖子

正苦心理學家? 那區?! 你打去小童既家長熱線, 和社工傾完, CP 會直接聯絡家長.

港島區

"小朋友要好似PR咁先叫正常"......咪就系囉! 只要好似有 D D 徵狀, 就被懷疑! 心血小D 都被嚇死 !!!

但掉轉頭諗, 政府投放資源去做哩 D 都好過冇既!

作者: vivianho35 時間: 14-4-2 10:45

我囡見完協康同健康院醫生都話我囡冇野, 健康院醫生仲話有野個個係我, 幾串呀....
佢話亞囡而家兩歲半但有4歲到o既能力, 但我囡係係學校完全唔會同同學玩, 人地唱歌跳舞佢會唔郁就咁企係到 (even佢識唱晒d歌), 我睇呢個page同自閉個page見呢d係社交問題, 咪去下law, 個dr話呢d冇問題, 係性格

作者: picture 時間: 14-4-16 08:11 標題: 引用：我囡見完協康同健康院醫生都話我囡冇野,+健

原帖由 vivianho35 於 14-04-02 發表
我囡見完協康同健康院醫生都話我囡冇野, 健康院醫生仲話有野個個係我, 幾串呀....
佢話亞囡而家兩歲半但有4 ...

我女2.5時上PN都係咁。唔食、唔飲、唔痾、唔唱、唔玩……最壞時郁都唔郁每日坐同一個位……唔係就同老師玩野……你做東時我做西。

成日偷看隔離班。

老師們好好，3個月開始郁下，跟住有食、飲、痾。年尾時已經開心上堂了。

現在女4嵗，問返佢佢就話自己特登唔合作因為中意媽咪，唔高興媽咪唔一齊上堂所以玩野。

試下同佢傾下，佢未必識表達但佢腦仔一定係諗緊D野！

作者: chingoi 時間: 14-5-22 17:49 標題: 引用：4+年來幼稚園老師都同意佢既情緒自控能力不

原帖由 準媽咪 於 14-03-13 發表
4 年來幼稚園老師都同意佢既情緒自控能力不斷進步中, 發脾氣密度小左, 每次發脾氣既時間都短左! 但前日被政 ...

我囝囝都有類似的情況，以家上緊個情緒管理班，見佢有進步，有興趣pm我，可以了解吓！

作者: maggieddie 時間: 14-5-23 17:52 標題: 回覆：特優, 但有社交困難! 何去何從 ??!

我仔都俾政府心理健康治療科跟進緊心理學家主要話佢個人太衝動固執緊張壓力大又唔識正確宣洩情緒所以依家教佢啲宣洩減壓放鬆嘅方法啱啱上左第二堂未知成效

作者: yannietimb 時間: 14-5-26 13:51 標題: 引用：我囡見完協康同健康院醫生都話我囡冇野,+健

原帖由 vivianho35 於 14-04-02 發表
我囡見完協康同健康院醫生都話我囡冇野, 健康院醫生仲話有野個個係我, 幾串呀....
佢話亞囡而家兩歲半但有4 ...

要keep住留意小朋友，同我姨甥女好似，好叻，但返學完全唔同小朋友玩，評估係社交障礙，可能醫生覺得你小朋友仲細係正常，但如果繼續係咁一定要跟進，姨甥女接受了兩年遊戲治療，到k3有日佢媽媽邀請了其中一個同學仔回家玩，竟然見到佢同個同學有交流，之後同佢媽講可唔可以再約其他同學回家玩，這樣她就可以同所有同學傾計了！姨甥女breakthrough 左，做媽媽感動到喊，原來對一個小朋友，同同學玩咁簡單的事可以是咁困難！

作者: Cherry車厘子 時間: 14-7-11 13:25

社交困難?!唔洗理政府啦

歡迎光臨教育王國 (/)