教育王國

標題: 誇區上小學 [打印本頁]

作者: Pertra 時間: 14-3-11 20:01 標題: 誇區上小學

提示: 作者被禁止或刪除內容自動屏蔽

作者: little_yolky 時間: 14-3-12 09:48

Pertra 發表於 14-3-11 20:01
如誇區上小學，對學業課外活動有影響嗎？

有, 一定有影響。
利申：我小朋友係大埔跨出九龍城。

1. 因為交通時間多咗, 一定要小朋友早上床。唔好相信小朋友好易適應這句迷思, 呃人的。小朋友精神唔夠, 會影響情緒同集中力。
2. 因為要跟校車, 所以所有課前課後的課外活動都唔可以參加, 除非你有人backup接送佢。
3. 因為跨區實在太遠(除非跨隔離區), 所以星期六的課外活動又無參加。
4. 因為跨區太遠, 家長好少到校, 見老師校長的機會少咗, 溝通少咗, 同班家長的接觸也少咗, 只可以靠whatsapp。
5. 小朋友一定要快速自動波。因為跨區放學返到屋企都有啲晏, 如果再磨下磨下, 咁唔知做功課做到何年何月, 咪講溫書。等你哋放工番去, 會做到天光。

不過, 我小朋友暫時無任何問題, 日日笑住返學。噚日仲笑住同我講被老師罰抄好唔公平, 我問佢乜事, 佢話全班唔記得背金句, 我話咁就抵死了。佢就哈哈笑繼續抄。

總結, 跨到一間合適既小學就乜都值得。

作者: HaYi 時間: 14-3-12 10:42

我都是, 平時車程其實30-40分鐘, 不太久不是大影響, 因幼稚園至今都如此, 7:00左右上車. 但課外活動時間我覺得一定有影響, 好似我仔間學校好多活動同校隊, 是俾機會人人參與, 我個仔都考入左幾種佢好想去的體育活動校隊, 但因為學校安排星六操, 而星六冇校車, 交通不便而不能參加. 就算另一些可以在平日的校隊操練, 因放的時間稍晚, 要坐特別校車, 要另加錢之餘校車亦不到家, 要再駁, 回家時間會更晚, 對初小生的課後時間安排都有影響, 尤其是不自動波類的學生拖拖拉拉的.

但有時自己覺得好的學校是要有付出, 都沒辦法, 有能力的家庭我見都有數個在P1尾已搬近學校.

作者: yamyau 時間: 14-3-13 12:25

相信現今好多小朋友都係, 唔再係我們年代落樓下返學, 課外活動有無影響要睇學校同保母車點協商, 囡囡學校有兩輪車方便課外活動及功課輔導班的同學, 至於比賽和賽前練習就要自己去啦, 不過一年都係得幾次啫

作者: Obiepapa 時間: 14-3-13 15:50 標題: 引用：如誇區上小學，對學業課外活動有影響嗎？

原帖由 Pertra 於 14-03-11 發表
如誇區上小學，對學業課外活動有影響嗎？

主要是交通時間太長，小學就近讀應更好。

作者: little_yolky 時間: 14-3-13 16:15

Obiepapa 發表於 14-3-13 15:50
主要是交通時間太長，小學就近讀應更好。

小學唔同幼稚園, 唔一定有啱你的一間响附近。

更加上如住新界區, 個區網鬼咁大, 同區返學都要7:00-7:15上校車(因為保姆車生意難做, 要接兩輪做埋幼稚園, 所以小學要好早上校車), 咁我跨出九龍如果都係6:5-6:55上車, 咁都好合理。所以, 真係要睇間學校鐘唔鐘意啱唔啱。又好車程又接受到, 咪去囉, 犠牲一下課外活動, 都好值得。

作者: organicfans 時間: 14-3-13 16:19 標題: 引用：Quote:Obiepapa+發表於+14-3-13+15:50+主要

原帖由 little_yolky 於 14-03-13 發表
小學唔同幼稚園, 唔一定有啱你的一間响附近。

更加上如住新界區, 個區網鬼咁大, 同區返學都要7:00-7:15上 ...

同意。權衡輕重，如果以小學同課外活動比，我都會揀小學先。講真，有時個區無岩就係無岩.....

作者: Obiepapa 時間: 14-3-13 16:24 標題: 引用：Quote:Obiepapa+發表於+14-3-13+15:50+主要

原帖由 little_yolky 於 14-03-13 發表
小學唔同幼稚園, 唔一定有啱你的一間响附近。

更加上如住新界區, 個區網鬼咁大, 同區返學都要7:00-7:15上 ...

如此情況只能權衡輕重，放棄一些課外活動也是選擇之一。

作者: 11B 時間: 14-3-15 22:13 標題: 回覆：誇區上小學

我有朋友住青衣，入大埔某國際小學讀。過完隧道再過吐露港公路。

歡迎光臨教育王國 (/)