教育王國

標題: 上班族，你們怎麼安排小學生放學後的時間？ [打印本頁]

作者: rinarina 時間: 14-3-11 08:56 標題: 上班族，你們怎麼安排小學生放學後的時間？

放工返到屋企幾點？食完飯先check功課，溫默書考試，夠時間用嗎？

作者: HaYi 時間: 14-3-11 10:02

我個P2, 因有每星期有4天校隊, 回到家差不多6:00-6:30, 我叫佢自行做功課, 做得幾多都好, 跟住食飯沖涼, 每天我回家差不多9時, 我用5分鐘食飯, 跟手睇功課叫佢改正, 如第日要默書就溫下, 十時半前佢要ZZ, 第朝6:30起床返學, 好彩功課不太多, 一般都5-6樣, 每科一二左右, 其實都好趕.

作者: rinarina 時間: 14-3-11 10:16

回覆 HaYi 的帖子

你9點回家都好忙WOR......有無想轉工?覺得要陪小朋友多D應付小學課程? 另外, 你點樣train 小朋友咁自律, 回家後可以無補習老師幫手, 但又可以自己回家做功課溫習?

作者: rainbowcov 時間: 14-3-11 10:21

HaYi 發表於 14-3-11 10:02
我個P2, 因有每星期有4天校隊, 回到家差不多6:00-6:30, 我叫佢自行做功課, 做得幾多都好, 跟住食飯沖涼, 每 ...

好厲害啊, 小朋友很自律啊。

作者: kp_sin2001 時間: 14-3-11 10:29

本人回家七點左右, 阿仔P2, 每天自行完成功課及用錄音機自行默書, 一星期兩天額外練習, 七點前必需完成, 45分鐘晚飯時間, 八點開始檢查及温習加看圖書, 十點前要上床SLEEP, 早上6:40分起床, 由P1開始要訓練, 越遲訓練就會越辛苦, 每段訓練都需要時間學習, 中間都痛苦的..

作者: natnatbaby 時間: 14-3-11 13:34 標題: 回覆：kp_sin2001 的帖子

囡囡P4,有三天活後活動，一般七時前完成功課，我要她在晚餐前洗澡，但她總是有不會做的功，很懶去看细想。我回家吃完飯八時右。休息一會，八時半開始跟進不懂功課，温默等，早完成，我放她做網上功課或圖書，收拾書包等，我去洗澡。我ok後，大家一起看看四字詞，看圖書，十時半右去擦牙上床。但有時不順利，多野吾識，我就要十時半才可收工，小孩就早上七時十分起床，睡八小時多。

作者: Cathy.Leung 時間: 14-3-11 18:04 標題: 回覆：上班族，你們怎麼安排小學生放學後的時間？

亞仔小一，我回到家7：30檢查功課時要佢趁呢段時間做英文䋄上練習，完成後就叫佢功課改正有唔明即時教返，之後佢執書包我就食飯，然後溫下默書，9；30pm上床訓覺，第二朝6：00起床

作者: HaYi 時間: 14-3-12 10:30

rinarina 發表於 14-3-11 10:16
回覆 HaYi 的帖子

你9點回家都好忙WOR......有無想轉工?覺得要陪小朋友多D應付小學課程? 另外, 你點樣trai ...

向現實低頭中.
其實阿仔不是聽話自律形, P1都試過1個月功課班, 老師都有心, 但他抗拒日日不專心, 所以約法如他不想去, 就要自己做, 其間係好多爭執, 直到成年後的今天才好些, 以他的問題, 他有做, 不太錯, 等我回去埋尾, 我已OK, 當然如果他是自律形, 是可以不用對都可以. 但暫時都未得.

另一樣是因我個英文較佳, 在英小讀, 中文外是英文的, 功課量少, 對大部份功課較了解, 可以自行做. 但無論是中小或英小, 如小朋友的主要語言能力未達標, 好多科如數學(文字題) 或常識聖經等都會有解題的問題, 不易自己做, 做錯晒是否一定可以從老師批改的錯誤中學習, 我接觸的好多小朋友是不能的, 只是長久積弱或影響自信而已. 所以對家長是否對功課此一問題, 我自己覺得絕不能一概而論, 如只考慮培養自我能力而忽視了實際的需要, 而長期積弱, 高班之後會更難,

作者: little_yolky 時間: 14-3-12 12:23

本帖最後由 little_yolky 於 14-3-12 12:26 編輯

rinarina 發表於 14-3-11 08:56
放工返到屋企幾點？食完飯先check功課，溫默書考試，夠時間用嗎？

親子時間唔多夠用。

我約7:00回到家, 我自己吃飯到7:30。阿囡P1, 我回家前已完成所有功課(因為功課好少同一星期有三日功課堂), 溫習同執書包, 只留唔識的等我一邊食飯一邊教。我食飯途中如果唔駛教功課, 一般佢會同我學是非, 講下同學仔老師點點點。7:30左右爸爸同佢沖涼, 如果我唔攰就我同佢沖, 又可以傾偈。夏天佢就自己沖, 响門口同佢傾偈, 冬天驚佢手腳慢, 冷親。7:45刷牙, 8:00上床瞓。不過, 呢個time schedule係理想, 一般一星期只有一兩天做到, 因為叫佢沖涼刷牙好似叫佢唔知做乜咁拖拖拉拉, 真正上床時間係8:20-8:30。第二朝6:00起身。

至於默書測驗考試係係分別, 因為佢會小息/食完午飯/放學做完功課自己溫書, 對我7:00以後回家的schedule無影響。至於訓練小朋友自己做嘢既秘訣, 係佢唔做, 我會變哥斯拉。

大家好驚哥斯拉, 都會好合作。
但有時我要開OT, 8:00打後至返, 咁佢就見唔到我。第二晚會話：今日終於見到媽咪了。

我都好難過。

作者: chococutey 時間: 14-3-12 23:46

一至五食飯後天天都要 check 功課

作者: chanwendy 時間: 14-3-13 11:31

小二, 每晚六點半收工返到屋企, 係咁二睇吓佢的功課, 默書會之前的星期六日叫佢自己背默好晒, 默的前一日叫佢自己再默一次, 我唔會再跟. 測驗都係之前的星期六日要佢自己溫好晒, 測前一日做好功課後再溫多陣. 每晚返到屋企仲要做中英文網上練習, 又要練琴, 而家早極都要十點先可以瞓, 有時更加要十點半先瞓到. 不過有時佢早完成所有野, 如九點前搞掂, 我會比佢睇吓電視, 睇吓電腦.

作者: 魚王 時間: 14-3-13 12:42 標題: 回覆：上班族，你們怎麼安排小學生放學後的時間？

4:45 home, then bath and ? Eat something (Cause i amnot at home)
5:30 homework (should be)
6:30 dinner (no matter homework finish or not) watch tv with dinner then play
7:30 do homework if not finish and do some revision if tests or dictation. Also kumon chinese. Must stop before 9, if do homework fast or no revision, usually can play at 830 . Sleep at 10pm

作者: Obiepapa 時間: 14-3-13 15:41 標題: 引用：放工返到屋企幾點？食完飯先check功課，溫

原帖由 rinarina 於 14-03-11 發表
放工返到屋企幾點？食完飯先check功課，溫默書考試，夠時間用嗎？

一定要養成自學的態度，父母應盡快教識小孩自學的能力，提供自學的工具，如果有條件，應該提供良好的自學環境和氣氛。

作者: Isaacmommy 時間: 14-3-13 16:52 標題: 回覆：Obiepapa 的帖子

唉，講就易！有啲小朋友真係乜都唔理，叫佢讀一次課文再寫一寫唔識的字，点知十秒唔夠就話攪掂，但一問就唔識，都唔知点攪！

作者: little_yolky 時間: 14-3-14 13:47

Isaacmommy 發表於 14-3-13 16:52
唉，講就易！有啲小朋友真係乜都唔理，叫佢讀一次課文再寫一寫唔識的字，点知十秒唔夠就話攪掂，但一問就唔 ...

係, 我細女都係咁, 彈琴彈錯講佢聽, 佢就好惡咁話自己知道, 但再彈十次都係相同地方錯。練一次就話識, 又話手指好攰, 鬧佢就唔停顧住抹眼淚, 總之會用一切方法唔練琴。

作者: Jessy 時間: 14-3-15 12:51

little_yolky 發表於 14-3-14 13:47
係, 我細女都係咁, 彈琴彈錯講佢聽, 佢就好惡咁話自己知道, 但再彈十次都係相同地方錯。練一次就話識, 又話 ...

係咪佢興趣黎? 學得咁辛苦既.

作者: hong_yau 時間: 14-3-15 18:01 標題: 回覆：上班族，你們怎麼安排小學生放學後的時間？

我通常 9 點後回到家，不睇功課了，只簽手冊及通告。2個小朋友都冇補習，老人家幫手睇住一陣，功課他們自己攪掂，最多有些功課唔識就等我返來問，so far 成績都 ok 可接受。

作者: little_yolky 時間: 14-3-17 17:44

Jessy 發表於 14-3-15 12:51
係咪佢興趣黎? 學得咁辛苦既.

佢話鐘意學琴, 但唔鐘意練琴。

作者: Jessy 時間: 14-3-18 00:56

little_yolky 發表於 14-3-17 17:44
佢話鐘意學琴, 但唔鐘意練琴。

我囝都話想學色士風，我都擔心佢好似你囡咁

作者: akwchan 時間: 14-3-18 09:00

自學態度真係要放手俾佢，即佢自己承受結果，而家和仔每天在磨練緊，又要放手，見佢做不到我要求碰釘，我又要擺出事不関父母態度刺激佢，其實個心好著急。希望快啲磨練成啦。

作者: little_yolky 時間: 14-3-18 17:09

Jessy 發表於 14-3-18 00:56
我囝都話想學色士風，我都擔心佢好似你囡咁

係, 近排佢睇完個奶粉廣告, 又話想學小提琴。

作者: Jessy 時間: 14-3-18 17:40

little_yolky 發表於 14-3-18 17:09
係, 近排佢睇完個奶粉廣告, 又話想學小提琴。

作者: lovelyfrog 時間: 14-3-19 10:54

我囝囝小一, 4:15左右番到婆婆屋企之後就自由活動, 做少少中文練習, 等到到我6:30番嚟接佢番屋企, 7:00先開始練琴同做功課, 功課唔多, 但我個囝, 成日鍾意做下, 又行下又同我講下野, 8:00左右會完成之後食飯, 食飯又係好慢, 食到8:45跟住沖涼, 之後係佢reading time. 9:30 上床訓覺。有時真係覺得D時間好趕好唔夠用, 想有時間傾下計, 但轉頭又夠鐘訓覺

作者: kksushi 時間: 14-3-19 11:05

我女P1, 留校功課班, 6點半返到屋企, 我會要佢做左網上功課先跟住沖涼, 我就用呢個時間煮飯, 7:30食飯, 食到8點倒, 休息到8:30檢查功課+琴, 如要默書就檢查完再溫下, 通常都會用星期六/日時間去溫定. 9點半一定要梳洗好因為要講故事, 10點唔使5分鍾就暈左.

好在我唔係好早起身, 第二日7點起身, 見到有d要6點起身真係好痛苦.

歡迎光臨教育王國 (/)