教育王國

標題: 針灸 + 訓練 [打印本頁]

作者: Jessiewoo 時間: 14-3-9 19:00 標題: 針灸 + 訓練

識好多家長都會做針灸，都會想試，但有ｄ話有用有ｄ又話冇用，同埋心理關口都幾大，都會痛架嘛～不過我都覺得都係要清楚自己個仔的特徵同不足，搵返最適合佢的教育方式同訓練，兩樣野加埋一齊先會有效果～～有冇家長有同感？

作者: babecat1 時間: 14-3-9 21:08 標題: 引用：識好多家長都會做針灸，都會想試，但有ｄ話

原帖由 Jessiewoo 於 14-03-09 發表
識好多家長都會做針灸，都會想試，但有ｄ話有用有ｄ又話冇用，同埋心理關口都幾大，都會痛架嘛～不過我都覺 ...

絕對認同
針灸=打通任督二脈
訓練=輸入資料
打通任督二脈再輸入資料，自然事半功陪

作者: rocket 時間: 14-3-11 22:31 標題: 回覆：針灸 + 訓練

我也是在針與不針之間掙扎當中。雖然透過訓練也得見進步，但總希望孩子能有更大、更快的進步。眼見不少針灸成功例子，實在令人羨慕。雖也知道家長及小朋友也有難熬之時，但若最後能嘗甘，箇中之苦總算有價值。同時，作為家長，盡力為小朋友爭取治療的黃金時間，免將來後悔。只想分享一下我的想法。

在BK見家長提及去浸會針輪侯時間長，是哪間浸會診所呢？有其他可信的診所嗎？請pm 我。是否每一療程都要30多次呢？

作者: chengemily 時間: 14-3-12 11:18

rocket 發表於 14-3-11 22:31
我也是在針與不針之間掙扎當中。雖然透過訓練也得見進步，但總希望孩子能有更大、更快的進步。眼見不少針灸 ...

我囝囝都剛開始了針灸, 第一次係浸會, 但因為唔近屋企, 而且貴, 所以而家去左仁愛堂針.
都知道針灸唔係一朝一夕的事, 不過樣樣都試下啦. 因為我自己都試過去針灸(由頭針到腳), 針頭算係最唔痛的部份, 所以都比阿囝試下, 佢針過兩次都唔太抗拒 (而家28個月), 只係落針時突然比D醫生姑娘圍住時喊左一陣.

我又唔覺要排好耐(浸會/仁愛堂), 我都係一個星期前打電話預約都有位, 當然係我就佢地的時間啦.

作者: Y123 時間: 14-3-14 20:29 標題: 回覆：針灸 + 訓練

一定要試，了左心事，根據經驗，針幾個月就停

作者: YingYin 時間: 14-3-15 12:27

試試無妨，我的針了2個月開始講野，12個月就好像開竅了，醫師話越細針越好，我女兒2歲在廣華醫院針，3歲停了，其間上密集+言語治療，雖然不知是否真的關針灸事，以我認為要試

作者: chynnamama 時間: 14-3-16 01:00

我仔在東華東院針, 唔洗輪, $150@ 基本上我每次 walk in 去都ok. 會痛會 cry, 不過為佢好, 慢慢習慣就ok... 針完真係行為, 言語, 眼神多方面有改善....

作者: shchan 時間: 14-3-18 22:57

我仔之前都o係東華針, 不過醫師走左, 聽 d 家長講恩慈都幾好就轉左去, 唔駛等好耐, 一兩日後就有位, 同埋都唔算落好多針..... 針灸確實對阿仔有幫助, 不過當然我覺得搵到啱既訓練俾佢, 同識得平時點教佢先會事半功倍.....

作者: Jessiewoo 時間: 14-5-8 16:43

終於鼓起勇氣試左, 事前做左好多資料搜集, 最後決定去試恩慈. 因為覺得佢地配套好 d, 同埋得佢哋有針灸+訓練結合服務, 會有幼兒導師在留針期間教佢野, 個導師都好好人~~ 第一次針時阿仔都有 d抗拒, 不過唔多針, 之後入房上堂已經平伏左~~ 我覺得針緊果時學野點都好過坐起度同玩電話~~ 同埋原來仲有音樂訓練同伴讀訓練, 而且價錢唔貴~~

作者: zhfl729 時間: 14-5-8 16:47 標題: 回覆：Jessiewoo 的帖子

无咩用我仔做过

作者: cottonn 時間: 14-5-19 14:31

本帖最後由 cottonn 於 14-5-19 14:38 編輯

我小朋友都針咗兩年，已由2歲開始針，個人覺得成效不大. 到而家仲未識講嘢！

作者: fongbau 時間: 14-5-30 18:00 標題: 回覆：針灸 + 訓練

聽人講6歲前同未開口嘅去針會有效D。。。。。咁我個仔9歳又講倒野，係咪針都冇乜用呀？

作者: Jessiewoo 時間: 14-8-12 17:06

回覆 zhfl729 的帖子

你仔仔做過? 係邊度做?

作者: Jessiewoo 時間: 14-8-12 17:10

回覆 cottonn 的帖子

你小朋友有無一直做其他密集訓練? ST OT 個別果 d?

作者: Jessiewoo 時間: 14-8-12 17:19

回覆 fongbau 的帖子

你小朋友係 ASD? 如果咁大同講到野, 可能都係講野同行為古板 d, 社交弱 d, 咁搵 d 個別同小組社交訓練會好 d wor~~

作者: Alam123 時間: 14-8-22 23:39 標題: 回覆：Jessiewoo 的帖子

我都想試，但我仔連剪頭髮都唔得，要插針落頭一定勁反抗，點搞？

作者: Jessiewoo 時間: 14-8-28 20:01

其實預左佢會驚同反抗架喇，所以都唔會揀針好多針既地方，我覺得環境太恐怖真係會搞到佢有陰影，影響到佢社交同心理發展仲衰

作者: michk 時間: 14-8-30 01:35 標題: 回覆：針灸 + 訓練

我個仔5歲先針，針左90次，足足一年。的確有點改善，但無法知道到底是不是針灸的功效還是只是因為他年齡長大了或做訓練的結果。但我還是建議去針，因為有黃金期，如果錯過，可能家長會後悔。始終作為這類小朋友的家長有一種心結，覺得係唔係自己做得唔好，唔夠，才會令個仔情況無乜進步。尤其當你面對政府醫院果啲乜乜治療師，有些的態度真係好無耐性，唔係好明白父母的難處，成日好似怪你無做野，無幫個仔。
總之....

所以要握機會，唔一定會有好大作用，但唔試過真係怕會一世遺憾。
再講多句。但又不要期望過高，會將個小朋友變番完全正常。始終要接受現實，有啲自閉症特質，真係會跟佢一世。

作者: bjbabybaby 時間: 14-12-20 17:14

請問有咩地方做針灸? 私家定政府醫院? THANKS

歡迎光臨教育王國 (/)