教育王國

標題: 什麼年紀適合去英國讀書? [打印本頁]

作者: scso 時間: 14-3-5 23:45 標題: 什麼年紀適合去英國讀書?

兒子現十三歳無乜心機讀書心散,小學成績幾好,但上到中學成績大退步,今年仲要重讀(本應今年中二),又時常欠交功課,所以想送他去英國讀,但我己留意緊學校又問過Agent,由於是小康之家,學費最平一個term都要6000幾英磅加什費真的非常吃力,有Agent提議九月入學讀G9咁就無浪費現在重讀的一年時間,成績麻麻真的的可試interview九月讀G9?佢咁情況今年九月去讀還是等到在港完成埋中三先過去讀好D呢?但己重讀一年,年紀大人地一歳到時去讀容易收佢嗎因為快將考公開試會難收生嗎?我真係唔知點決定,因為佢呀姨話佢現在太細未定性貪玩唔好太早去讀會浪費金錢,但我老公話我們唔識教佢早D過去讀比人教,我怕佢去浪費金錢讀到要留班就死了......唉!應該點做?

作者: spiderlily 時間: 14-3-6 08:13

英國學校一般按年紀入學, 私校紀律嚴格, 而且每天有既定的作息温習時間表, 而且課外活動多, 無論在學習和社交上或可有得着。

根据BK其他家長意見, Year 9 (即13歲) 是理想起步點, 有一年適應期 (包括追上英文), 跟着全面應付GCSE

作者: scso 時間: 14-3-6 13:01

GCSE是G10(14歲)考嗎？

作者: demio 時間: 14-3-6 15:58

回覆 scso 的帖子

英國 11歲讀 Year 7 (即中一)
      12 歲 Year 8 (即中二)
      13 歲 Year 9 (即中三)

      14 歲 Year 10 (即中四) GCSE
      15 歲 Year 11 (即中五) GCSE

英制係5歲讀小一, 11歲讀中一, 比香港 local school 早一年入學.

作者: scso 時間: 14-3-6 16:55

我仔到9月就14歲過去會唔會學校收生較嚴格,因要考GCSE

作者: demio 時間: 14-3-6 17:17

本帖最後由 demio 於 14-3-6 17:17 編輯

scso 發表於 14-3-6 16:55
我仔到9月就14歲過去會唔會學校收生較嚴格,因要考GCSE

英國學校以9月1日為分界, 如小朋友在9月1日未足14歲, 即仍然13歲, 咁可以報讀 year 9, 有些學校會收一些已足14歲的學生讀 year 9, 所以你要先選定學校, 再問清楚收生條件.

另如直入 year 10, 因為已要計 gcse 分數, 怕小朋友英文跟唔上而影響成績. 學校收生嚴格否, 在乎學校本身公開試成績排位, 成績好當然收生嚴格.

另如想今年9月入讀, 我估你要快點選校, 一些排名高的學校已收足夠學生或不再收生. 詳細情況可向agent查詢或直接向心儀學校聯絡. 就綜合其他家長意見, agent 唔好只搵一間, 多搵幾間會好d.

作者: needaplan 時間: 14-3-6 17:48 標題: 回覆：scso 的帖子

你個仔是否2000年出世現在港讀中一，如今年九月過去讀中四咪跳二級，我相信阿仔要好努力先追得上GCSE課程。

作者: peter_pan 時間: 14-3-6 18:12

九月才十四歲可讀 Year 9, 因分水嶺是九月一號.

作者: scso 時間: 14-3-6 22:51

可能我表達唔好,不是九月才十四歲,而是他六月出生,九月都是十四歲,咁正確他應報G9 還是G10呢?如報G10咪跳兩班?我仔成績都麻麻地,我怕追唔上?

作者: demio 時間: 14-3-6 23:39

回覆 scso 的帖子

如果跟足英國本土制度，仔仔應該入Year 10．但有學校都願意收14歳讀Year 9，最重要係學校同意．

唔係所有香港學生去英國讀書都跳班，仔仔都可以申請讀Yr 9，搵咗學校先。

作者: RT 時間: 14-3-7 13:37

唔好介意我唔係好認同你先生講法, 好老實小朋友到反叛年齡,加上佢係香港已經冇心機讀書, 何況依家重要過去英國咁遠冇人監管到既地方讀書? 除非佢遇到好好既老師或者同學, 否則好難可以比心機讀書,更什者在沒有父母既環境低下容易學壞.

不如先了解一下小朋友為何對讀書冇興趣, 是否學習環境影響定對其他方面有興趣再去發展, 等將來大家覺得真係有需要時先到海外留學, 總好過在不了解的情況下把小朋友送到另一個未知既學習環境

作者: caa 時間: 14-3-7 14:27

RT 發表於 14-3-7 13:37
唔好介意我唔係好認同你先生講法, 好老實小朋友到反叛年齡,加上佢係香港已經冇心機讀書, 何況依家重要過去 ...

Agree

歡迎光臨教育王國 (/)