教育王國
標題: 港同是否有點變質? [打印本頁]
作者: jo10 時間: 14-3-5 15:06 標題: 港同是否有點變質?
港同一直是我的心水,因為鐘意它活動教學,不太多抄寫功課等....
但這一年聽到很多朋友家長及評論,說港同已非以前的港同了,很多功課,漸趨傳統教學,老師流動很大.....
所以想正就讀港同小學/中學的家長,可否評論一下,比d意見! 
作者: ANChan59 時間: 14-3-5 15:31 標題: 回覆：港同是否有點變質?
去小學專區問真正用家好些，或者PM版主。
作者: AGJ 時間: 14-3-5 15:37
上年3rd in 時見校長時(即2012年尾), 校長已表示會偏向"谷"一些, 算是調整路線.
作者: sze0203 時間: 14-3-5 15:45
朋友喺港同中學教, 話港同小學成績追唔上進度, 所以叫我唔好報港同小學; 不過港大中學唔錯。可能因為咁學校要改革變催谷
作者: feiji 時間: 14-3-5 16:01 標題: 引用：朋友喺港同中學教,+話港同小學成績追唔上進
原帖由 sze0203 於 14-03-05 發表
朋友喺港同中學教, 話港同小學成績追唔上進度, 所以叫我唔好報港同小學; 不過港大中學唔錯。可能因為咁學校 ...
作者: Charlotte_mom 時間: 14-3-5 16:03
係咪多左功課, 係, 但一定比好多學校少
測驗係比以前structured左, 以前唔會講, 而家會先同家長講, expect家長要溫習, 咁係好事定唔好事, 家長自己衡量
係咪傳統左.......呢樣野我自己覺得relative speaking, 比起以前, 係傳統左, 比起其他學校, 活動有餘
抄寫無多到丫, 我仔都小4, 中文依然係每課詞語3次連拼音, 很多嗎? 英文有copy book小4寫cursive, 而家都3月啦都未寫完一本, 咁你話有幾多
默書"密度"同以前差唔多(比起4年前我個女讀嘅時候), 不過範圍多左, 多左unseen
做project都係差唔多
用嘅教材都係差唔多
職員離職問題應該比幾年前好左好多, 不過因為一黎net 有幾個, net 揀工我相信都唔係秘密, 港同要留net 亦有難度(benefit又及唔上國際學校), 二黎學校老師多(full time+part time+ta共71人, 部分係contract, 在無位轉perm情況下, 老師亦會選擇更好offer), 三黎, 的確近年好嘅普教中老師挖角情況嚴重, 所以以上幾類老師就好似轉得好快(舊年好似9個? 連埋完約老師)
至於書院, 我肯定話你知: 係好多功課project, 應接不遐! 年頭忙到年尾
希望解答到你問題
作者: Charlotte_mom 時間: 14-3-5 16:06
sze0203 發表於 14-3-5 15:45
朋友喺港同中學教, 話港同小學成績追唔上進度, 所以叫我唔好報港同小學; 不過港大中學唔錯。可能因為咁學校 ...
咁我又無聽講過, 我只知港小學生申請東區某band one直資, 咁多年都係必入
作者: Charlotte_mom 時間: 14-3-5 16:21
點評kwansara {某band one直資} ? 邊間 ? 比D hint ? 發表於 6 分鐘前 刪除
4間東區直資得一間band one咋wor(應該).....自己估
作者: sze0203 時間: 14-3-5 16:22
因為我朋友係成績好優異的老師, 港大英文碩士生, 中學讀神校，可能佢的要求等如傳統催谷學校為之好，所以形容港同小學升上中學部比較難適應。。。這只是佢個人觀點，並不代表港同小學唔好。既然學校依家改革即證明與時並進！
其實我有兩個朋友教港同中學; 另一個朋友的自己仔女讀啓思小學申請入港同中學，呢個朋友無話港同小學唔好只係因佢住將軍澳比較遠，等小朋友大一點才轉讀港同中學。
作者: feiji 時間: 14-3-5 16:25 標題: 引用：係咪多左功課,+係,+但一定比好多學校少測驗
原帖由 Charlotte_mom 於 14-03-05 發表
係咪多左功課, 係, 但一定比好多學校少
測驗係比以前structured左, 以前唔會講, 而家會先同家長講, expect ...
至於書院方面，所謂忙，是比較起其他一般中學更加多 projects, tests, and homework，還是差不多？
作者: feiji 時間: 14-3-5 16:25 標題: 引用：係咪多左功課,+係,+但一定比好多學校少測驗
原帖由 Charlotte_mom 於 14-03-05 發表
係咪多左功課, 係, 但一定比好多學校少
測驗係比以前structured左, 以前唔會講, 而家會先同家長講, expect ...
至於書院方面，所謂忙，是比較起其他一般中學更加多 projects, tests, and homework，還是差不多？
作者: feiji 時間: 14-3-5 16:34 標題: 引用：因為我朋友係成績好優異的老師,+港大英文碩
原帖由 sze0203 於 14-03-05 發表
因為我朋友係成績好優異的老師, 港大英文碩士生, 中學讀神校，可能佢的要求等如傳統催谷學校為之好，所以形 ...
作者: Charlotte_mom 時間: 14-3-5 16:50
sze0203 發表於 14-3-5 16:22
因為我朋友係成績好優異的老師, 港大英文碩士生, 中學讀神校，可能佢的要求等如傳統催谷學校為之好，所以形 ...
多謝資料
其實算係咁啦, 中小上英中, 要時間適應係肯定的, 由於高小都唔駛操成績準備呈分, 底子可能有人好, 有人真係差d
不過起碼中小學教法同課程相近似, d師兄師姐同班都識好多, 已經算好易適應, 相比之下, 外來傳統學校學生至難呢, 真係有傳說中"唔知點入手做功課晚晚做到一點"
, 亦有外來家長同我講, 唔慣, 以前小學中英數常續科排名次, 而家test又唔講, 又唔排名次, 佢都唔知自己個仔學習成點
家長小朋友都要時間呢
作者: Charlotte_mom 時間: 14-3-5 17:03
本帖最後由 Charlotte_mom 於 14-3-5 18:01 編輯
我仔小4, 岩岩英文堂, 學劇本同故事分別, (書係故事, 用校本課程教寫劇本), 學生要將個故事轉做劇本, 跟住續寫結局, 我估應該唔算傳統掛?
grammar exercise學校有用longman (英文有幾本書, 一本LISTENING, 一本教科書, 一本類似COPY BOOK, 一本COMPREHENSION, 2本本地LONGMAN GRAMMAR, 再加校本, 仲有reader而家讀緊roald dahl 嘅the twits), 每本用D, 有D唔係本地書會買淺一年又唔定, 所以買書都唔平mouth:" />(離題了)
小組討論同presentation一定有, 岩岩常識教完七大洲, 至有group project 叫佢地準備d國家嘅名勝古跡風土人情, 然後出去present同交project
所以你問, 我都係答: 比以前傳統左, 比好多學校活動有餘
作者: Charlotte_mom 時間: 14-3-5 18:01
改返喇, 哈哈哈, 証明你有睇
作者: joanthony 時間: 14-3-5 18:27 標題: 引用：點評kwansara++{某band+one直資}+?+邊間+?+
提示: 作者被禁止或刪除 內容自動屏蔽
作者: Charlotte_mom 時間: 14-3-5 18:58 標題: 引用：Quote:原帖由+Charlotte_mom+於+14-03-05+
原帖由 joanthony 於 14-03-05 發表
CCS????
作者: sasiuman 時間: 14-3-5 19:01 標題: 回覆：港同是否有點變質?
東區直資有這4間
[attach]20407[/attach]
作者: ANChan59 時間: 14-3-5 19:08 標題: 回覆：Charlotte_mom 的帖子
不過有些直資學校，係唔係都當自己Band 1A。
所以我都想知清楚？
作者: nalli 時間: 14-3-5 20:59 標題: 回覆：港同是否有點變質
我仔今年3年級，個人感覺：
1. 港同不嬲較少抄寫功課，功課量亦偏少，1-2年級一般1個鐘內可完成。3年級感覺係多咗功課同測驗，但比起一般津小應該未算多。而上星期有位2年級家話佢囝囝功課好少，所以學校功課唔多嘅方針應該無太大改變
2. 自己有時作為家長都好矛盾，既想功課少又想學到野，但so far 呢一點學校做得算唔錯。
3. 坦白講如果淨計試卷上嘅分數，港同學生整體黎講及唔上神校。我覺得答題技巧同鬥心（無論學生／家長）都未及上出面。當然每一級都有好叻嘅學生。
4. 功課唔多加上學校鼓勵，我見好多學生喺學術以外（如藝術／運動等）有好好成績。
5. 我所見學生都好開心好鍾意返學，無愁眉苦面。
個人意見，不喜勿插。
作者: noplanner 時間: 14-3-6 03:34
回覆 ANChan59 的帖子
ANChan兄:
如果我無跟錯之前啲 post，細胞又仲未死晒嘅話，係上面四間之中個名零舍唔同嗰間。
作者: noplanner 時間: 14-3-6 03:43
回覆 jo10 的帖子
塘邊鶴喺校內外听聞係回應部份家長嘅「要求」。唉，大勢所趨！
作者: evaken 時間: 14-3-6 11:00
sasiuman 發表於 14-3-5 19:01
東區直資有這4間
小西灣的英中吧
作者: evaken 時間: 14-3-6 11:08
本帖最後由 evaken 於 14-3-6 11:10 編輯
大女而家港同3年級, 功課平均5-6樣, 比小一/二要花時間去做, 要上網search information做功課。我放工6:30pm返去已完成8/9成,仲有時間睇下書/畫下畫
細仔津校1年級, 日日8-9樣功課, 佢係有惰性的,晚晚做到10點mouth:" />
作者: jaycee_mami 時間: 14-3-6 11:09
charlotte_mom, 想請問港同中學部收得多唔多街外人? 街外人和港小學生比例大約幾多?
作者: Charlotte_mom 時間: 14-3-6 14:28
港小P6約120-125人, 每年約十幾個唔直升, 即105-110人會升書院
書院有5班, 一級約160人, 咁即係約45-50個位收外來生
作者: Mrs.Luckycat 時間: 14-3-6 15:53
Hello, may I know usually which type of students 港小 would prefer ? My boy is still very small - he will attend K1 this year.
港小 is one of my target.
Thanks.
作者: Charlotte_mom 時間: 14-3-6 16:06
幾年前: 唔怕羞, 外向, 合群, 善於表現自己, 敢於嘗試
而家: 唔怕羞, 外向, 合群, 善於表現自己, 敢於嘗試, 中英文講得又睇得, 收放自如, 又玩又識專注, 家長認同學校理念 (暈!
)
作者: Mrs.Luckycat 時間: 14-3-6 17:30
回覆 Charlotte_mom 的帖子
Thanks, Charlotte_mom
I would also like to know....are there any kindergartens that are most welcome by 港同 ?
作者: Charlotte_mom 時間: 14-3-6 23:23 標題: 引用：回覆+Charlotte_mom+的帖子 Thanks,+Charl
原帖由 Mrs.Luckycat 於 14-03-06 發表
回覆 Charlotte_mom 的帖子
Thanks, Charlotte_mom
作者: feiji 時間: 14-3-7 00:08 標題: 引用：Quote:原帖由+Mrs.Luckycat+於+14-03-06+發
原帖由 Charlotte_mom 於 14-03-06 發表
我見收蘇淅維記多。近年多左九龍塘果d。唔知係家長留意學校多左，定學校揀果d小朋友多左
...
作者: Mrs.Luckycat 時間: 14-3-7 00:36 標題: 回覆：Charlotte_mom 的帖子
thanks....
作者: doggy2013 時間: 14-3-10 23:52
jo10 發表於 14-3-5 15:06 
港同一直是我的心水,因為鐘意它活動教學,不太多抄寫功課等....
但這一年聽到很多朋友家長及評論,說港同已非 ...
作者: qwe2132007 時間: 14-3-11 09:17 標題: 回覆：doggy2013 的帖子
有孩子入讀港同的家長，很多都是不會把学術成績放第一位的吧。
作者: sze0203 時間: 14-3-11 10:01
人各有志: 學術叻, 谷得勁, 抄得多, 默得好唔代表一定有競爭力；我都唔係好明點解Ｄ家長成日以將自己果套放喺別人身上，又以為人地只係想不勞而獲！
作者: poonseelai 時間: 14-3-11 10:17
doggy2013 發表於 14-3-10 23:52
我好唔明點解D家長做咗咁耐人都唔知世上係冇不勞而獲既野，又要讀得輕鬆，又要有競爭力...
作者: sfly97 時間: 14-3-11 10:32 標題: 回覆：feiji 的帖子
真係收好多維記的！我小朋友班最少知有5人有 offer. 有大半班我無問！
作者: Charlotte_mom 時間: 14-3-11 11:56
qwe2132007 發表於 14-3-11 09:17
有孩子入讀港同的家長，很多都是不會把学術成績放第一位的吧。
唔會放第一, 人生本來就應該有唔同體驗同學習, 但亦不能太hea, 我唔打算養佢過世佢有自己條路要行
即係咁, 我女一直讀港同, 都中二, 係咩料我都心中有數, 佢讀書唔係最叻(咁多年學科獎一個都無份), 醫生律師睇黎都無咩望 (除非突然發功或者考試突然符碌, 反正佢志不在此), 不過佢一樣有自己理想, 佢鐘意中文, 想讀中文, 想教中文, ok丫, 幾好呀, 最近書院請左白先勇先生黎講寫作心得, 學校在中2同學中揀左幾篇作品, 選最優秀果篇俾白先勇過目, 我女有幸係其中一個, 佢開心+緊張到不得了, 你話學校hea咩? 又唔係丫, 你話超勁咩? 又唔係呀, 不過學校的確提供左個好環境俾學生發展, 好似我女, 從來都唔係咩模範生品學兼優生, 但老師見到佢做得好一樣會俾機會都讚賞, 佢又知自己條路想點行, 知道要點去achieve, 咁就夠啦
作者: Piiglam 時間: 14-3-11 12:34 標題: 引用：Quote:qwe2132007+發表於+14-3-11+09:17+有
原帖由 Charlotte_mom 於 14-03-11 發表
唔會放第一, 人生本來就應該有唔同體驗同學習, 但亦不能太hea, 我唔打算養佢過世佢有自己條路要行
即係咁 ...
作者: evaken 時間: 14-3-11 13:55
Charlotte_mom 發表於 14-3-11 11:56
唔會放第一, 人生本來就應該有唔同體驗同學習, 但亦不能太hea, 我唔打算養佢過世佢有自己條路要行
即係咁 ...
咁多年學科獎一個都無份<--- same here
最緊要返學開心
作者: 甘恩 時間: 14-3-11 16:32
本帖最後由 甘恩 於 14-3-13 14:46 編輯
不要介意我提出一觀點，家長對小朋友學術沒有太多要求，不等於小朋友會返學返得開心。其實兩者無必然關係。明白部份家長希望小朋友返學開心，多啲活動，少啲抄寫。但其實當小朋友愈來愈大，身邊多了其他不同引誘，而家長如果沒有培養小朋友學習興趣，即使學校少抄寫，多活動，小朋友亦有可能失去學習興趣，而不喜歡返學。最重要還看家庭教育及如何培養小朋友的學習興趣。
作者: Charlotte_mom 時間: 14-3-11 17:44
當然, 返學始終係為左學習, 學術又好, 做人處世又好, 咩體咩藝又好, 語文底子又好, 點都要認真做
我無傻到自己呃自己, 高呼童年要快樂, 又或者話要讀書邊間都一樣, 我好清楚明白小朋友O係咩環境長大, 受咩薰陶教育, 就會變成咩人, 揀港同又好, 唔揀港同又好, 無所謂, 最緊要家長知道自己想要D咩, 充分了解衝量過, 確認點去追求目標, 唔好不切實際, 又或者倒轉, 揀條難行嘅路又嫌辛苦, 何必姐
作者: pipip929 時間: 14-3-13 09:17
講得好好
作者: tkwc9 時間: 14-3-13 14:18
提示: 作者被禁止或刪除 內容自動屏蔽
作者: 小花媽咪 時間: 14-3-13 15:30 標題: 回覆：tkwc9 的帖子
多謝分享！
我囡剛已後備生註冊了，
放棄一間中學派位好好的小學。
這幾天忐忑不斷，
聽到你講，我放心了許多！
作者: 芝士BB 時間: 14-3-13 20:31 標題: 回覆：港同是否有點變質?
如果一間學校太happy, 各位港爸港媽又會擔心小朋友的學術進度⋯⋯我相信港同在呢幾年的轉變，正好在開心上學及學術程度上爭取到平衡，因為我相信小朋友喜歡上學，主動學習，成績不會差得去邊。
作者: sfly97 時間: 14-3-14 13:28 標題: 回覆：港同是否有點變質?
本帖最後由 sfly97 於 14-3-14 14:49 編輯
我想問德育方面，港同做得怎樣？
作者: ltang7 時間: 14-3-14 14:26
小花媽咪 發表於 14-3-13 15:30
多謝分享！
我囡剛已後備生註冊了，
放棄一間中學派位好好的小學。
作者: sfly97 時間: 14-3-14 14:51
回覆 sfly97 的帖子
TYPO.... 已改! 
我其實係怕學校太Free, 小朋友會不會不受控, 自理能力低, 不尊重長輩等等!
作者: Charlotte_mom 時間: 14-3-14 15:16
sfly97 發表於 14-3-14 13:28
我想問德育方面，港童做得怎樣？
港中港小一樣, 都唔係靠惡靠管去教學生
學校講生命教育, 點去愛人, 點去愛自己, 咩叫應做咩叫唔應做, 係靠老師靠大人一路潛移默化去"化", 如果做錯左, 當然有consequence, 但唔會係記過罰抄, 例如小息周圍跑(指定範圍係跑步徑), 會罰去靜思區坐, 無得玩, 有次我仔聽過高年班講, 做埋d唔應該做嘅野就有媽咪麵食, 結果事件暴光, 兩個一齊罰, 其中一個懲罰係哥哥要負責買包媽咪麵因為佢應承左
因為唔係高壓, 所以港小學生同大人關係都會close, 港同從來都教學生自己身在福中, 點解同點樣去幫人, PTA亦一樣合作, 攪活動買件小禮物都會考慮社企, 再向學生介紹返背後意義, 年中都會攪BOX OF HOPE, 步行籌款俾慈善機構等, 我地唔會培養d"對眼生o係頭殼頂"嘅下一代
去到中學, 唔交功課, 咪唔好交, 無分果個係你自己, 老師唔會迫你, 又唔係幼稚園生, 計分制好似大學咁, 每一份assignment都會計落final grade, 遲交就扣分
港同教學生方式就係咁, 有商有量, 每年開學第1,2週係適應週, 小一就由老師帶住創作下班歌班徽認識下, 去到高小, 連班規都係大家傾出黎, 唔係老師迫你做, 老師係希望學生明白同同意點解要做
作者: Piiglam 時間: 14-3-14 19:51 標題: 引用：Quote:sfly97+發表於+14-3-14+13:28+我想問
原帖由 Charlotte_mom 於 14-03-14 發表
港中港小一樣, 都唔係靠惡靠管去教學生
學校講生命教育, 點去愛人, 點去愛自己, 咩叫應做咩叫唔應做, 係 ...
作者: tkwc9 時間: 14-3-14 22:17
提示: 作者被禁止或刪除 內容自動屏蔽
作者: Charlotte_mom 時間: 14-3-14 22:38 標題: 引用：Quote:原帖由+Charlotte_mom+於+14-03-14+
原帖由 Piiglam 於 14-03-14 發表
次次睇完Charlotte_Mom的回覆，都覺得仔仔好慶幸可以考到港同。期待今年9月的小學生活到來。
...
。好似我o係度分享完，到我搵家長做義工家長幫手，家長都樂意出力，呢份雙贏我係好珍惜的。希望將來你都會鐘意學校
作者: superccc 時間: 14-3-15 11:19 標題: 回覆：港同是否有點變質?
選擇一間合適自己小朋友學校才重要
| 歡迎光臨 教育王國 (/) |
Powered by Discuz! X1.5 |