教育王國
標題: 英文及普通話拼音問題 [打印本頁]
作者: 魚兒小寶貝 時間: 14-3-5 11:42 標題: 英文及普通話拼音問題
大家好，小兒今年九月會入讀優才，我最近考慮緊幫唔幫佢補普通話。
囝囝讀普通幼稚園，每個或隔個星期我會同佢溫一溫學校所教既野，佢本身吸收能力及學習態度都幾好，亦有閱讀習慣，對於中、數、常黎講，我相信囝囝ok冇問題，。。。
我睇GT的週年報告，知道GT學生既英語程度良好，為免佢同人地相差太遠，希望加強d囝既英文聽講，剛報左eye level英文班（屋企樓下純粹近）。。。我冇諗過要催谷佢，亦都好想睇下佢既能力去到邊，諗住一切上到小學睇情況再作打算。。。但有d家長話，小學課程快而緊張，佢唔掂才補的話已太遲。。。
好多家長話小一前要學好英文及普通話拼音，我明白，但幼稚園會教英文拼音（雖然教唔晒），小一亦會教英、普拼音，咁小一前已學會的話，真正小一上堂又要再學，小朋友會否好悶? GT小一既課程會否快而緊張呢? 學校用幾多堂教英文及普通話拼音呢?
謝謝各位解答!
作者: siufafa 時間: 14-3-7 03:19
本帖最後由 siufafa 於 14-3-7 03:30 編輯
回覆 魚兒小寶貝 的帖子
小一英文不算太深也不太快，教Phonics 是用學校自己編製的書GT Phonics，因為是NET教，所以不會悶。反而普通話小一已教完小一及小二的教科書，小三教完小五及小六的教科書，教得很快，對一個入學前没有接觸過普通話的學生會追得較辛苦。一個星期三堂English (本地老師教)，四堂GTEnglish (GT Phonics and GT Writing)，三堂普通話。
作者: 魚兒小寶貝 時間: 14-3-7 10:08
回覆 siufafa 的帖子
多謝你的回覆!
我囝幼稚園一星期有兩堂普通話，但冇教拼音，老師話某d普教中既學校，只是用3個月時間學拼音，故小朋友可能會跟唔到。。。尋日睇GT網頁，知道小一教漢語拼音，小二才開始普教中，那麼我可以說他們有一年時間學拼音嗎?
如果小一中文科是用廣東話教，就算教得快亦唔係問題，因兒子本身係每日睇好幾本書果種人，唔計寫字慢或唔識寫d字，佢做小一中文練習是ok的。再者佢在普通話聆聽方面也算ok的，在長隆參觀動物園，車上導遊講既野佢都明六、七成，。。。因為我唔太想依靠補習（真的有需要當然另計），如果GT用半年或以上的時間教拼音（？），那我現在就不幫他找補習了。
作者: AgapePa 時間: 14-3-7 10:21
請問GT Phonics係來自什麼門派?
阿女幼稚園係用Jolly Phonics, 巳經學了42個Sounds
作者: 魚兒小寶貝 時間: 14-3-7 10:29
siufafa 發表於 14-3-7 03:19 
回覆 魚兒小寶貝 的帖子
小一英文不算太深也不太快，教Phonics 是用學校自己編製的書GT Phonics，因為是NE ...
請問普通話科是否如幼稚園英文科，phonics一本書，故事書又一本書，phonics及故事隔住教呢種形式呀? 因我從沒上過普通話課，唔知道係點@@! 謝!
作者: AgapePa 時間: 14-3-7 10:48
魚兒小寶貝 發表於 14-3-7 10:29
嘻! 唔好意思!＂普通話小一已教完小一及小二的教科書，小三教完小五及小六的教科書＂既意思! 係咪即是：小 ...
GT普通話係用 "來説普通話"書.
G1 讀一至二年級書, 共4册,
G2 讀三至四年級書,
G3 讀五至六年級書,
阿女幼稚園都係用這個系列, 很淺的.
作者: rogerlam123 時間: 14-3-9 16:49 標題: 回覆：英文及普通話拼音問題
唔駛咁擔心，小朋友跟住學校進度，一般都能應付。咁多年都OK，應該可放心。
作者: AFSL2007 時間: 14-3-10 13:10 標題: 回覆：魚兒小寶貝 的帖子
小兒今年剛上G7,對G1的情況已經不太了解，只可以分享下以前的情況。據校方所說，由於G5考小普試成績理想，所以改了由G4應考，相對課程也要提前完成。小兒入GT前，對普通話只是在幼稚園學了簡單拼音，會話不甚靈光, 上了GT才正式學普通話，中文課還是用廣東話上課，G1觀課後,發現小兒的普通話比起其他同學有點距離，所以G1暑假開始每星期一次普通話課，以應付G2中文課變成普通話上堂。不過其實以當時了解，不是太多同學有另外補普通話。以你的小朋友情況，可等上了G1後才決定有否需要。
| 歡迎光臨 教育王國 (/) |
Powered by Discuz! X1.5 |