教育王國

標題: 究竟係唔係我個仔有問題?? [打印本頁]

作者: ckinghin 時間: 14-3-4 20:21 標題: 究竟係唔係我個仔有問題??

見左十間學校，得兩間waiting,咁即係無書讀

雖然係細仔，但都唔係一間都無

慘了

作者: jane__411 時間: 14-3-4 20:46

in PN定K1？PN咁少位唔緊要啦，下年K1仲有機會，唔係又可以做大B！！同埋報學校要有策略，唔可以報十間，十間都咁勁，都要有d村校同比較易入的國際幼稚園做下back up！！

作者: dabi34 時間: 14-3-4 20:59 標題: 回覆：究竟係唔係我個仔有問題??

不要灰心，退一步想，你小朋友可以下年再戦的。加油

作者: ckinghin 時間: 14-3-4 21:07

回覆 jane__411 的帖子

係K1已經係有六間係馬鞍山普通學校，無晒心機

作者: 小曳人 時間: 14-3-4 21:10

本帖最後由小曳人於 14-3-4 21:11 編輯

ckinghin 發表於 14-3-4 21:07
回覆 jane__411 的帖子

係K1已經係有六間係馬鞍山普通學校，無晒心機

咁就簡單，你有無寫信俾學校表誠意？遲d要俾錢做校服交書簿費，d人就會放位，到時就輪到你架喇！
其實位一定有，我有朋友細仔有嚟緊N班offer添！

作者: LivedLee 時間: 14-3-4 21:29 標題: 回覆：究竟係唔係我個仔有問題

五月分再逐間叩門啦！

作者: i_love_pampers 時間: 14-3-4 21:32 標題: 回覆：究竟係唔係我個仔有問題

樓主加油啊!我女都係12月尾超細B，但都有k1 offer ! 你寫下信啦!

作者: jane__411 時間: 14-3-4 21:39

唔好緊張，事情總有解決的辦法，但係都唔可以坐以待斃。你有無諗住下年做大仔先？定你一定要今年入K1？可以做大仔就今年好好裝備，明年去考過，有經濟能力就幫小朋友報下playgroup同面試班，你可以pm我，我囡囡上過一間幾好。如果唔想做大B，你就要寄求位信同打電話問幾時call waiting，當然你無報過既學校都要打電話去問下有無位，可唔可以安排interview，例如boxhill都唔錯，我知佢地都收細b。以上係我自己的經驗，希望其他家長有其他方法都可以同你share，加油！！

作者: Vlone778 時間: 14-3-4 21:47 標題: 回覆：究竟係唔係我個仔有問題

放鬆啲我一月大仔 in8間得1間非心儀 offer 要灰都應該我先啦

作者: angelatjiu 時間: 14-3-4 22:18 標題: 回覆：ckinghin 的帖子

試下英藝

作者: jolidora 時間: 14-3-4 22:19

見到咁多vs~即是仍有收生的空間⋯寫信!

作者: EVBB 時間: 14-3-4 23:26 標題: 回覆：究竟係唔係我個仔有問題??

完全身同感受！舊年以細B作戰，得兩間offer, 今年已大B作戰，得一間offer,一龍校waiting, 兩龍校reject !!!! 簡直傷心！
答哂又唔收，唔答又唔收！唔通我個仔有問題？

作者: Vlone778 時間: 14-3-5 07:44 標題: 回覆：究竟係唔係我個仔有問題

係係有問題

因為學校唔會收太好的

作者: sweethoho 時間: 14-3-5 09:31 標題: 回覆：究竟係唔係我個仔有問題

只是運氣吧
絕不是有問題

作者: LivedLee 時間: 14-3-5 09:43 標題: 回覆：null

人多位少。有好多人重霸住幾個位唔放。不少學校希望面試表現好的學生，不過呢班一般都有唔少offer，揀唔揀佢間學校又係另一個問題。人揀你你揀人係正常，一般唔會無書讀，只係苦了頻撲的家長……

作者: 冬菇 時間: 14-3-5 09:49

首先係自己唔可以覺得小朋友有問題啊...
好多人一報報幾間, 之後一定好多位放番出黎,
呢個MOMENT要努力寫信, 努力爭取...
細B係慘D, 相對比較難, 我大女就係咁(12月B)...
開頭PN係無學校收佢架, 但我不斷幫佢搵,最後都有學校收左呀 (唔止一間)
所以真係好睇你心態呀, 要對自己小朋友有信心先得架...唔好放棄!!

作者: mable0901 時間: 14-3-5 10:06

我囡囡10月尾B 心儀的都冇一間收
不過我只係覺得她差咁D運氣
好像我考試學校都冇咩運
我都等待緊CALL WAITING
唔好灰心唔好懷疑自己小朋友
小朋友都有唔同發展
健康開心咪夠
你真係怕會冇書讀一定唔會啦

作者: hkpapa852 時間: 14-3-5 10:25

放鬆D啦, K1面試已經叫好, 最多等2,3個月有結果, 過2年到考小一, 玩足你一年呀!
幼稚園同小一面試唔似公開考試, 無標準; 不要怪責或埋怨自己和小朋友
讀書只係成長一個階段, 唔係人生既全部; 為咗一間學校影響到全家人的生活, 值得嗎?

作者: noplanner 時間: 14-3-5 11:36

本帖最後由 noplanner 於 14-3-5 11:42 編輯

我唔好得你幾多。用下面來共勉之！加油哦！不要洩氣！

把不可能變可能
2014年03月04日

正值多事之秋，本不打算寫學界田徑賽，但上星期的決賽日，親眼見證一件奇妙的事情，或可為我們這些老餅帶來一點啟示。

賽事近尾聲時，只要乙組的4X400米接力不是包尾，我方便能以甲、乙、丙三組都勝出的大滿貫姿態奪標。槍聲響起後，很快跑到最後一棒，我們守著第三，落後領先的差不多40米，和第二的跑手也相差十多個身位。金牌希望渺茫，但平平穩穩拿面銅牌，已足夠完成霸業。況且跑第四棒那小子，也不及前面兩位跑手健壯。

不過這小子不甘心，最後數十米還落後十多個身位，看似沒有可能勝出也沒放軟手腳。這個時候，奇事發生了。領先的跑手因為左顧右盼有沒有被追上，加上筋疲力盡，突然失平衡跌倒；跑第二的進佔了第一，但他卻以為金牌已到手而在終點前收步；我們那小子卻在最後十米，在數個身位後，盡最後一道力向前壓線，竟以幾厘米之差，首先衝過終點(圖)。一瞬之間，銅變成了金！

沒錯，不是跑第一的出現失誤、不是跑第二的臨尾鬆懈，我們沒有可能奪金。但如果那小子一開始已滿足於銅牌、如果他眼見落後四十米已早早洩氣，就算對手失誤和鬆懈，他也絕對沒有機會。很多事情也一樣，看似不可能達成的目標，或表面看來沒有可能做到的事，只要盡了最後一分力，打拼到最後，奇妙的事情，往往會在終點前出現。但沒有盡過力，或只是在找藉口，就夢想有奇蹟發生，就注定只停留在發夢的階段。

摘自:

男主播日與夜 - 李臻

作者: kokochow 時間: 14-3-5 12:26 標題: 回覆：hkpapa852 的帖子

各位，我囡9月，報左20間，囡囡由1歲左右開始返面試班，1星期2次，
得1間村校，同另1間傳統學校收（唔係最出名果幾間），咪仲慘...我1直都祈望奇蹟降臨，結果，證明奇蹟係無咁易發生既..足足搞左1年幾.真係好想喊傢，但事實係咁喊都無謂囉，
唯有諗下年仲可以搏囉...

作者: ckinghin 時間: 14-3-5 13:09

好感激大家的鼓勵,我都只係呻一下,

不過諗唔明係制度問題,定我策略有問題,

其實過年前我都已經打輸數,急急地搵多兩間N班報,不過競爭都好大,無信心...
我都會寫信加打電話,希望最後有書讀下啦...
本來都想生多一個,經過呢次之後要再考慮一下,因為我發現原來我身處既世界已經痴左線,好多事情都扭曲晒原來意思...
sorry,講左好遠,希望大家都努力,有美好結果

作者: xoshan1025 時間: 14-3-5 13:19

ckinghin 發表於 14-3-5 13:09
好感激大家的鼓勵,我都只係呻一下,
不過諗唔明係制度問題,定我策略有問題,
其實過年前我 ...

你報O個D係咪好多人爭嫁???靈糧堂之類....

作者: noplanner 時間: 14-3-5 15:46

本帖最後由 noplanner 於 14-3-5 15:47 編輯

回覆 kokochow 的帖子

八吓，你希望發生的奇蹟是什麼？

作者: kuma_mama 時間: 14-3-5 16:01 標題: 引用：係++係有問題因為學校唔會收太好的 +

原帖由 Vlone778 於 14-03-05 發表
係係有問題因為學校唔會收太好的

我都係唯有咁諗

作者: heidya 時間: 14-3-5 16:03

kokochow 發表於 14-3-5 12:26
各位，我囡9月，報左20間，囡囡由1歲左右開始返面試班，1星期2次，
得1間村校，同另1間傳統學校收（唔係最 ...

不要太高要求, BB要按部就班發展

作者: Christinaay 時間: 14-3-5 16:45

如果你唔介意做大b, 又接受到bb 出九龍塘返學，可以考慮吓去方方樂趣幼稚園，我個女係嗰度讀緊N班，佢地保證可直升K 1, 最重要係佢地收好多細b , 所以囡囡都讀得好開，因為大家差不多年紀，學習上唔驚同大b有偏差而被忽略。而且我個女好怕醜，i n t e r v i e w 時唔係好講嘢佢地都收，雖然係咁但依間學校比我感覺一d都唔差，老師、校長都好好，N班已教英文、普通話，有a-z ,1-10 及中文單字，好多嘢學好多嘢玩，我都係7月至打去問，佢地都有位。你可以打去問吓仲有冇N或K1 申請，最壞打算今年讀到N 班，明天一定有K1讀，到時再考其他心儀學校，考到就轉，考唔到就直升。

作者: Ballack2012 時間: 14-3-5 17:01 標題: 回覆：ckinghin 的帖子

提示: 作者被禁止或刪除內容自動屏蔽

作者: jane__411 時間: 14-3-5 17:41

Christinaay 發表於 14-3-5 16:45
如果你唔介意做大b, 又接受到bb 出九龍塘返學，可以考慮吓去方方樂趣幼稚園，我個女係嗰度讀緊N班，佢地保 ...

但係我記得方方好似都幾貴？

作者: wawa423 時間: 14-3-5 21:57 標題: 回覆：究竟係唔係我個仔有問題??

我女6月，全部後備，好彩村校有交留位費升k1

作者: jeannebasil 時間: 14-3-5 23:56

kokochow 發表於 14-3-5 12:26
各位，我囡9月，報左20間，囡囡由1歲左右開始返面試班，1星期2次，
得1間村校，同另1間傳統學校收（唔係最 ...

好廿四孝的家長、
大家努力，不要灰心！

作者: cincillia 時間: 14-3-6 00:38

其實我都有懷疑過係咪自己個仔有問題，報過十幾間K1，唔係waiting就reject...諗住做大仔，報St Cat N班，一樣唔收，喊過失望過，灰到爆…但响最後一間派彩嘅時候，就等到K1offer...所以，唔好失望同氣餒，加油！希望在明天！

作者: siufung 時間: 14-3-6 02:25 標題: 回覆：究竟係唔係我個仔有問題

細B全軍覆沒還可來年再戰，考得不好也可歸咎學校偏選大B。我2月B算大了吧！舊年in10間，只有1間聖三一曾肇添上午offer和九龍塘迦南原校offer，好彩最後wait到心儀之一....所以未到8，9月仍未知幸與不幸！個個小朋友也冇問題，最多都係timing問題啫！大家靜心期待，寶物尋歸底、好戲在後頭！

作者: noplanner 時間: 14-3-6 03:57

回覆 Ballack2012 的帖子

如果生，兩個B最好唔好隔3年，否則會同一年考P1/K1，到時

作者: lamlamhoi 時間: 14-3-6 10:35 標題: 回覆：ckinghin 的帖子

吾使灰心，上年我in n班5間全部吾收，今年in k110間有8間收，同埋吾讀n都得啦，我都冇讀，比佢返pg都得，我仔都係，今年成績都幾好！差一年差好遠，吾好比小朋友感覺到壓力牙，加油！

作者: yubaba 時間: 14-3-6 11:00

其實細B可明年再戰已經好好, 總算仲有希望。好多年中B(4,5,6,7,8月), 要同超大B爭, 又唔可以明年再戰, 仲慘!

作者: 藍藍媽 時間: 14-3-6 11:01 標題: 引用：回覆+Ballack2012+的帖子如果生，兩個B最

原帖由 noplanner 於 14-03-06 發表
回覆 Ballack2012 的帖子

如果生，兩個B最好唔好隔3年，否則會同一年考P1/K1，到時 ...

我原本都係咁諗，但隔 1/2 年，兩個都細…… 超辛苦！陀住個細時，個大又未獨立，成日要抱…… 個細出世時，個大又未明發生咩事，解釋佢聽佢又未明，好易扭計同爭寵，如果响佢情緒未平伏就去in K1, 就仲輸得多……(身邊朋友就係咁……仲未有k1 offer ....

) 但隔4年以上又好似隔好多咁... 所以我最後都選擇左隔3年…… 希望個細揾到好的n班，到 k1 時，有得直上或升家姐果間，分多d時間幫家姐考小一，好彩的話，個細又有得跟……

作者: Fun.mom 時間: 14-3-6 11:18 標題: 回覆：ckinghin 的帖子

唔好咁諗lar, 輕鬆d, 我最初都好失望，但其實個個小朋友都唔同，要相信自己個小朋友

作者: Winnie3q 時間: 14-3-6 13:28 標題: 引用：完全身同感受！舊年以細B作戰，得兩間offer

原帖由 EVBB 於 14-03-04 發表
完全身同感受！舊年以細B作戰，得兩間offer, 今年已大B作戰，得一間offer,一龍校waiting, 兩龍校reject !!! ...

我心聲呀。-> 答哂又唔收，唔答又唔收！唔通我個仔有問題？

作者: ckinghin 時間: 14-3-6 13:57 標題: 其實有時我會諗可能係自己兩公婆有問題,學歷低,工作又基層

本帖最後由 ckinghin 於 14-3-6 13:58 編輯

其實有時我會諗可能你自己兩公婆有問題,學歷低,工作又基層...

作者: noplanner 時間: 14-3-6 15:35

本帖最後由 noplanner 於 14-3-6 15:36 編輯

回覆 Winnie3q 的帖子

如果他眼見落後四十米已早早洩氣 ...

作者: Chanseesee 時間: 14-3-6 15:48

提示: 作者被禁止或刪除內容自動屏蔽

作者: Patpatmom 時間: 14-3-6 16:10

過來人經驗，PN / K1 既滑鐵爐其實無乜大不了，對日後考小一 (直資/私校) 影響唔大。大仔當年考 PN 都係得一間收，當年亦覺得好徬徨，好惆悵；再考 K1 試多次都係唔得，但考 K2 時就有幾間收。

所以現時對細仔係邊間幼稚園讀亦無太强求。

作者: Chanseesee 時間: 14-3-6 17:09

提示: 作者被禁止或刪除內容自動屏蔽

作者: WinnieCatCat 時間: 14-3-6 18:27 標題: 引用：其實細B可明年再戰已經好好,+總算仲有希望

原帖由 yubaba 於 14-03-06 發表
其實細B可明年再戰已經好好, 總算仲有希望。好多年中B(4,5,6,7,8月), 要同超大B爭, 又唔可以明年再戰, 仲慘 ...

非常同意！我女就係唔大唔細既5月中B，但性格怕羞，考K1，9間得1間收。大家都話好多人hold住啲位耐心等，但我係收reject，所謂waiting既係唔會出reject既學校

細B就話學校唔想收細B，可以明年再戰。我個中B唔可以等下年，又無借口話學校年齡歧視，唉，即係自己個小朋友唔得

雖然我唔認同，但遊戲確係咁玩

歡迎光臨教育王國 (/)