教育王國

標題: 点好? 暑假留係香港上升中預備班好 or 跟阿姨出國見識好.... [打印本頁]

作者: lu-ka 時間: 14-2-27 13:54 標題: 点好? 暑假留係香港上升中預備班好 or 跟阿姨出國見識好....

我想各位比d 意見....

阿仔今年升中, 學校已通知暑假有升人預備班, 要求每一位同學出席一, 為期一個星期. 但咁啱我妹要係暑假返男家果边(外國人), 佢地唔會年年返, 2年返去一次, 我仔上次跟佢地去係 8yrs, 去咗3個星期, 今年佢地又返去, 又叫埋阿仔去, 我地好想佢去, 要佢自己獨立下, 佢地會住係男家屋企, 可以見識到好多好多野.... 如平時我地一定會比佢去... 但今年升中... 点好呢, 老公話一定要比佢去, 呢d 机會唔係人人都會有, 但升中預備班學校又要佢出席..... 好煩呀!!!! 如果係你地, 你地會点好呢?????

作者: oscarmama 時間: 14-2-27 14:36

仲洗諗！跟阿姨去可以2年一次，升中預備班一世人得一次，況且而家好多中學都有海外交流或遊學之類嘅嘢，吾休無機會去。

作者: longlokma 時間: 14-2-27 14:48 標題: 引用：仲洗諗！跟阿姨去可以2年一次，升中預備班

原帖由 oscarmama 於 14-02-27 發表
仲洗諗！跟阿姨去可以2年一次，升中預備班一世人得一次，況且而家好多中學都有海外交流或遊學之類嘅嘢，吾 ...

agree

作者: YuYuMother 時間: 14-2-27 15:25 標題: 引用：仲洗諗！跟阿姨去可以2年一次，升中預備班

原帖由 oscarmama 於 14-02-27 發表
仲洗諗！跟阿姨去可以2年一次，升中預備班一世人得一次，況且而家好多中學都有海外交流或遊學之類嘅嘢，吾 ...

同意，而且預備班可認識下新同學，熟習環境同返學路線，到開學就無咁徬徨啦……

作者: 沙律媽 時間: 14-2-27 15:32

預備班只是一個星期, 返完可以自己過去, 叫阿姨係機場pick up

作者: goodboy1 時間: 14-2-27 19:18

提示: 作者被禁止或刪除內容自動屏蔽

作者: lu-ka 時間: 14-2-27 19:23 標題: 回覆：点好

問題係，佢地唔係年年都帶阿仔去，所以有機會，我地都會比佢去，唔知下次仲會唔會叫佢去……

作者: dubbies 時間: 14-2-27 21:33

但如果自己去見識完,學校規則同朋友都唔熟,咁開學交接會蝕. 另外你可以問下學校預備班課程會唔會開學要考番...係就冇得揀了

作者: simonkawah 時間: 14-2-28 00:23 標題: 回覆：点好

現在好多學校已經當外遊缺課係曠課，無事假計。你要sure預備班計吾計出勤。有學校預備班時要交暑期作業tim.仲有d學校考完PS1後加開拔尖補底班。你最好衡量同了解清楚。

作者: waiwai1224 時間: 14-3-1 23:49 標題: 回覆：点好

提示: 作者被禁止或刪除內容自動屏蔽

作者: lu-ka 時間: 14-3-2 07:50 標題: 引用：其實個預備班真係咁重要?個人認為識朋友可

原帖由 waiwai1224 於 14-03-01 發表
其實個預備班真係咁重要?個人認為識朋友可以有大把機會，最多開學頭一個月會無人地咁熟，但一做project 自 ...

你同我老公諗法一模一樣，相比之下，佢返而覺得去外國更仲要……

作者: smallfoothk 時間: 14-3-2 09:58

現在好多學校已經當外遊缺課係曠課，無事假計,咁都不一定,朋友是叩門生,7月尾通知收佢,但佢8月去旅遊,通知學校,不當曠課,有學校預備班時要交暑期作業tim.仲有d學校考完PS1後加開拔尖補底班。因佢是叩門生,中一入精英班+做班長,成績頭幾名,不過一定要在暑假去,外國有1月及4月遊學團選擇,海外交流或遊學之類嘅嘢，玩性質為主,對學習作用不大,但反英語會有進步...

作者: organicfans 時間: 14-3-2 12:18 標題: 引用：我想各位比d+意見....阿仔今年升中,+學校已

原帖由 lu-ka 於 14-02-27 發表
我想各位比d 意見....

阿仔今年升中, 學校已通知暑假有升人預備班, 要求每一位同學出席一, 為期一個星期. ...

其實，你有無問過你仔？有d小朋友係勁抗拒人人返學，包括呢d額外嘅班，而唯獨佢唔返，佢會覺得好另類。而好多學校暑期班係當返學，唔返要有合理理由，多數唔包外遊。至於識人學習等問題，見人見智，始終全新環境，要適應架。如果係我，我會盡量諗辦法上完暑期班，再去阿姨到。

作者: chocolatebear 時間: 14-3-2 16:24

提示: 作者被禁止或刪除內容自動屏蔽

作者: lu-ka 時間: 14-3-2 16:50 標題: 引用：Quote:原帖由+lu-ka+於+14-02-27+發表我想

原帖由 organicfans 於 14-03-02 發表
其實，你有無問過你仔？有d小朋友係勁抗拒人人返學，包括呢d額外嘅班，而唯獨佢唔返，佢會覺得好另類。而好 ...

阿仔極度想去，佢都知道有升中班，亦知道升中班重要性。但佢真係好想去，上次去過認識咗啲朋友，今次再去可以探佢地，果邊啲人對阿仔好好到依家都仲有係fb contact.

作者: lu-ka 時間: 14-3-2 17:12 標題: 引用：我地當年都冇去+BRIDGING+COURSE,+唔上冇損

原帖由 chocolatebear 於 14-03-02 發表
我地當年都冇去 BRIDGING COURSE, 唔上冇損失, 小朋友同同學都一樣建立到友誼, 上同唔上冇影響, 亦唔覺教咗 ...

這是我同老公所想的，佢地住係我妹男家屋企，全部人都係講英文，係呢啲環境下，佢一定學到好多野，我記得有一次佢跟好几個小朋友去食pizza, 係要每個人自己整1個，咁簡單既活動，佢學咗要用咩材料，咁啱返嚟香港小學又係講食物材料，佢真係郎郎上口，英文發音仲好正確，令佢好有自信，老師都讚佢，呢啲野真係係書本上或係香港好難學到。佢又影相返嚟比我地睇，每日佢都要倒垃圾，個垃圾桶大到可以放3-4個佢都得，佢好開心拖個咁大個桶幫佢uncle 倒垃圾……呢啲經驗又難得。而依家我仔對英文好有自信，連老師都問佢既英文係邊度學返嚟，完全唔同香港小朋友口音，都係多得有呢啲机會比佢……所以一有机會可以比佢去，我地一定讚成。

作者: organicfans 時間: 14-3-2 17:59

lu-ka 發表於 14-3-2 17:12
這是我同老公所想的，佢地住係我妹男家屋企，全部人都係講英文，係呢啲環境下，佢一定學到好多野，我記得有 ...

其實, 你自己已經有哂答案, 如果你地都一致贊成, 咪去阿姨到囉 ! 我明白你所講嘅英語環境, 確實係好難得經驗, (因我自己都有一段時間係住係美國親人屋企, 佢地又係唔講中文, 因為去咗幾十年, 已經全家都係用英文對話).......而家剩下嘅問題係, 點樣同中學請假, 同埋最好同一兩個升同一中學嘅同學打下底, 有D乜要暑期班可能發生嘅野, 話聲比你仔聽, 例如可能會有好多通告, 乜學會報名, 影學生相, 報校隊事宜等等; 學校可能要出信解釋架, 你問定睇下要做D乜喇 !

作者: chocolatebear 時間: 14-3-2 18:46

提示: 作者被禁止或刪除內容自動屏蔽

作者: goodboy1 時間: 14-3-3 12:50

提示: 作者被禁止或刪除內容自動屏蔽

作者: lu-ka 時間: 14-3-3 14:33 標題: 引用：Quote:lu-ka+發表於+14-3-2+17:12+這是我同

原帖由 goodboy1 於 14-03-03 發表
心在外，點解唔直接送阿仔去外國升學？相信亦只係遲早問題。

吓! 太貴了，1個月要40K , 真的得難應付到……

作者: anixon 時間: 14-3-4 08:35

跟阿姨去，看看不一樣的天空，擴闊他的思想空間!

香港的教育...來來去去一個 TONE, 去少一星期沒有損失！

作者: chun媽 時間: 14-3-4 13:19

升中的預備班作用不是太大,如果學校肯放人,我都贊成到外地走走,機會難得嘛

作者: Obiepapa 時間: 14-3-11 00:54 標題: 回覆：点好? 暑假留係香港上升中預備班好 or 跟阿姨出國見識好....

出國玩去！

作者: pris626 時間: 14-3-11 10:46 標題: 回覆：点好

我會鼓勵囝囡參加學校舉辦嘅bridging course，這是對學校的一種尊重,我唔會計較個course學到啲乜，下下計住令人勞累。人生學習路漫長，出國學習英文机會多的是，只要有心學，那怕沒有學習的机會。

作者: lu-ka 時間: 14-3-11 13:02

其實我都知 bridging course 係好重要..... 但阿仔同老公一致決定去美國...... 我現只希望到時返學佢快啲適應到.....

作者: overview 時間: 14-3-11 13:37

本帖最後由 overview 於 14-3-11 13:42 編輯

我年年都出國放summer, 但升中果年因要上bridging course都專登留港. 試問個個學生都話要出門去見識, 唔通學校要取消bridging course ? 其實我地學校冇得唔上, 係compulsory.

我都明知bridging course又要比錢, 又冇嘜嘢學, 同學仔亦都9成識晒, 但學校既規矩都要respect. 陣間學校blacklist佐亞仔就得不償失.

作者: lu-ka 時間: 14-3-12 13:25

其實我同老公想法不一致, 佢要個仔去係因為呢D 机會唔會成日有, 佢都唔會比佢去什麼學遊, 又貴成效又唔大...冇必要... 但依家有机會又唔貴, 又可以出國見識, 佢必定要佢去, 佢say no 都冇用... 佢只係諗唔返 bridging course 冇損失, 遲早都會適應到.... 但同我嚟講, bridging course 係要返, 因為小學上中學有好多野唔同哂... 佢要預早適應, 到時真係返學時都冇咁辛苦... 但阿仔又想去.. 無奈地 1 敵不過 2........

作者: Momiumo 時間: 14-3-14 14:44

其實人生好多決定都有得有失，無絕對啱或錯。做父母最好只幫子女分析利與弊，由子女本人自己決定。無論佢選擇什麼，最終都係佢自己面對結果，如果強把自己意願加係佢身上，佢聽你話做都未必做得好。如果照佢意思做，但佢返學後真係唔適應，你到時可以再同佢講叫佢下次再要做大決定時要想得周全些。藉此機會教佢要為自己做嘅每個決定負責。

作者: Jennie 時間: 14-3-14 23:53 標題: 引用：其實我同老公想法不一致,+佢要個仔去係因為

原帖由 lu-ka 於 14-03-12 發表
其實我同老公想法不一致, 佢要個仔去係因為呢D 机會唔會成日有, 佢都唔會比佢去什麼學遊, 又貴成效又唔大.. ...

係咪一定要去晒整個暑假? 航空公司有child care 服務，只要阿仔肯有1程機係自己去或返，會5會有2全其美方案?不如打聽吓bridging course邊個星期上。另外，有好多學校bridging course 時都會比功課+幾個book report，一開學要交，有d 仲9月一開學就默書。

不過亦有學校無辦bridging course. 問清楚先為妙。

歡迎光臨教育王國 (/)