教育王國

標題: 聯繫中學？ [打印本頁]

作者: yukai 時間: 14-2-27 13:19 標題: 聯繫中學？

請問有d小學話有聯繫中學即係點解？Thanks.

作者: yankaka 時間: 14-2-27 14:53

yukai 發表於 14-2-27 13:19
請問有d小學話有聯繫中學即係點解？Thanks.

如小學A話有同中學A聯繫, 即係中學A和收小學A的25%的學生!
即係好多官小同官中有聯繫!

作者: anntx3 時間: 14-2-27 14:59

我想問清楚，例如中學A有100位，要留25位給小學A。
還是小學A，有200人，有50人必上中學A？

作者: hkpapa852 時間: 14-2-27 15:14

本帖最後由 hkpapa852 於 14-2-27 17:26 編輯

yankaka 發表於 14-2-27 14:53
如小學A話有同中學A聯繫, 即係中學A和收小學A的25%的學生!
即係好多官小同官中有聯繫!

呢個解法其實係錯, 正確解法係:

有聯繫小學的中學, 會將統一派位乙部的25%學位留給聯繫小學, 舉個例:

QC中一約144人, 聯繫小學可以分到既學位:

自行學位: 43 (最多30%)
留班位: ~8 (~5%)
統一派位甲部學位: 7 (~5%)
統一派位乙部學位: 86

聯緊學位: 86 x 25% = 21.5 (當21個啦!)

其實QC每年只係得大約21個聯繫位分俾3間聯繫小學, 平均每間分得7個位
每間聯繫小學小六都有>120人, 當佢4成係女仔, 都有84人以上係男仔, 平均12個爭1個位 (當然, 屬Band 1既男生數應少於84, 但都應有至少40人)

只可以話, 有聯繫位, 機會係大咗, 但唔代表一定得

作者: 5tgb 時間: 14-2-27 18:50

其實QC聯系小學除了軒上、下外，還有筲官小。但據知大部份收生集中在軒上、下。軒下去年129人畢業，有26人入QC，除開女生，大約4男生收1人。收生率高除了聯系外，學生附合聯系中學的口味亦是重要因素。

作者: sunnygirl 時間: 14-2-27 19:05 標題: 引用：+本帖最後由+hkpapa852+於+14-2-27+17:26+

原帖由 hkpapa852 於 14-02-27 發表
本帖最後由 hkpapa852 於 14-2-27 17:26 編輯

即係得21個聯繫位俾四間有聯繫的小學分，每間得五個聯繫位咁大把

作者: 5tgb 時間: 14-2-27 20:20

其實聯系位唔係必然架！聯系小學個年如果成績欠佳，聯中一樣收小D。聯系優勢在於能了解中學的要求，較易考到而已。

作者: sunnygirl 時間: 14-2-27 21:17 標題: 引用：其實聯系位唔係必然架！聯系小學個年如果成

原帖由 5tgb 於 14-02-27 發表
其實聯系位唔係必然架！聯系小學個年如果成績欠佳，聯中一樣收小D。聯系優勢在於能了解中學的要求，較易考 ...

原來唔係必然架

即係有可能有些小學聯繫位多d有d小學會少d, 真係唔講唔知添。

作者: haihaimom 時間: 14-2-28 08:45 標題: 回覆：聯繫中學？

應該噤講，聯繫中學既保留學額都要跟統一派位辦法，即係聯繫小學屬band1,2既學生要以聯繫中學做第一選擇，然後按隨機號碼派。當然band1學生都唔夠派，band2學生都冇嘜機會。跟統一派位，學校冇得自己决定收唔收既。

作者: hkpapa852 時間: 14-2-28 09:45

haihaimom 發表於 14-2-28 08:45
應該噤講，聯繫中學既保留學額都要跟統一派位辦法，即係聯繫小學屬band1,2既學生要以聯繫中學做第一選擇， ...

無錯, 聯繫中學係無決定權收唔收D學生, 只要申學生符合要求 (將中學放在乙一), 佢地就可以抽.
抽既方法係統一派位一樣, Band 1先, 然後Band 2 (如果仲有位剩).

不過聽講每年聯繫中學會考核一下收的聯繫中一生成績, 以決定下年每間聯繫小學學額分配比例 (例如今年可能7-7-7, 下年會變8-7-6)

軒小會多D人升上QC, 其實主要係因為QC係同一校網, 軒小選QC做乙一變相可以抽2次 (第一次跟聯繫學校學生爭, 第二次係跟同網學生爭); 相反, 愛官因為係外區, 得幾個位, 如要想經聯繫入就一定要放QC做乙一, 變相放棄了選其它學位較多的同區Band 1學校機會

係灣仔區, Band 1 小學生, 除了軒小, St James, 男的主要來自 St Joseph, 華仁, 高主教, 但佢地都係直屬中學, 會係統一派位揀QC既學生應該唔會多; 變相大多數以QC為乙一選擇都係個3間小學既學生(寶血同李賜豪都會有, 但一定無軒小同St James咁多), 咁派到人數自然又多咗, 等大家誤以為"聯繫"學校既威力真係咁勁.

想知道聯繫學位真正力量, 睇下愛宫每年有幾多人入QC, 或者軒小有幾多人入BPS啦!

作者: 5tgb 時間: 14-2-28 11:41

簡單來說，聯系收生取决於 1)小學brand 1 學生數量， 2)師兄考試成績，例如軒小學兄就能夠為學弟打下鐵桶江山，造福後來者。

歡迎光臨教育王國 (/)