教育王國

標題: 發音唔正問題 [打印本頁]

作者: monchhichii 時間: 14-2-26 08:13 標題: 發音唔正問題

本帖最後由 monchhichii 於 14-2-26 08:18 編輯

我個仔2歳10個月，說話方便唔算太差，反左學之後都講左好多野，但發音唔正，好多音都講唔倒
例：歌-多，花-爸，乖-bye,涼-樣，水-咀，褲-Bo ,多到不能盡錄
現在需唔需要做訓練糾正？去唔去恊康好，健康院就話要到4歳先會跟進，咁我係咪真係要等到4歲，會唔會太遲

作者: alexcmlam 時間: 14-2-26 12:41

monchhichii 發表於 14-2-26 08:13
我個仔2歳10個月，說話方便唔算太差，反左學之後都講左好多野，但發音唔正，好多音都講唔倒
例：歌-多，花- ...

囝囝係唔係只係發音問題? 如果只係發音問題, 可以搵協康, 或者其他機構, 不過, 佢哋呢方面嘅言語治療服務收費都係自負盈虧(青蔥計劃), 與坊間嘅私人機構收費差唔多, 最重要搵過富經驗合適囝囝嘅言語治療師, 糾正發音, 因為佢就快上K1, 等到4歲可能會比較遲. 通常發音問題唔會治療太長期, 加埋係屋企跟足言語治療師教嘅練習, 掌握發音技巧可以好快糾正.

作者: feifei_baby 時間: 14-2-26 20:20 標題: 回覆：發音唔正問題

係間唔中錯定全錯？

作者: monchhichii 時間: 14-2-27 21:30

回覆 feifei_baby 的帖子

全錯，好像大陸人講廣東話咁

作者: siufung 時間: 14-2-27 23:09 標題: 回覆：發音唔正問題

問下醫生，d發音似“痴脷根“，可能細個舌根短·

作者: B-LOVE-B 時間: 14-3-1 12:23

monchhichii

我女女而家4歲2個月, 好早已識講野, 好復習既句子都冇問題, 但有幾個音發唔到, 例如佢會咁: 快=拜, 水=舉, 通=沖, 星=京, 叉=加
3歲番健康院, 姑娘話呢個歲數及音唔正都唔算有問題, 4歲都仲係咁就要睇醫生, 叫我4歲番黎驗眼時, 再見姑娘跟進.
未夠4歲時, 睇BK有個POST JM問關於言語治療, 話旺角領C幾好. 當時見亞女都就黎4歲, 發音都冇改善, 所以就約時間做一次評估.
評估時, 姐姐會MARK低小朋友邊幾個音發唔倒, 好似我女, 發唔倒F音, S音, T音...... 姐姐亦會CHECK下, 係口肌/牙仔定邊度, 引至發音有問題. 結論我個女係唔識放條脷仔.
最後, 我女用左8堂, 所有音都改好左喇.

如您想知道多D, 可PM我呀.

作者: monchhichii 時間: 14-3-1 21:05

回覆 B-LOVE-B 的帖子

用左幾錢？

作者: B-LOVE-B 時間: 14-3-10 10:09

$900/堂/45mins

作者: 貓山公主 時間: 14-3-10 12:29

其實如果只係發音問題，在家也可多作訓練的...
我囝睇緊言語治療，基本上先要一個音一個音咁練...
最易上口好似B, M呢D..
K / S / Z / F呢D都會較難..(以我囝情況為例...)

治療師會用口肌訓練來幫我囝...

例如用電動牙刷刷口腔內部...用條棒按舌頭要佢讀K音....仲有咬肉乾來增加肌肉能力....同埋會用手按摩口腔外面的肌肉...會吹笛子 / 吹紙巾/ 吹風車/ 吹泡泡等..

跟住係發音的方法...
當然呢D治療師會熟好多點去做啦...
用文字我都唔識寫你知點做....
好似S音咁...
我地只要將上下牙齒對齊..張開咀俾小朋友見到...教佢一齊咁做...一齊發出類似蛇叫聲咁.....
SI SI SI...
咁你發出SI音時，講埋個生字...
E.G. ""SI SI...廁所""....""SI SI 石頭"""..."""芝SI SI 士"""....
如果未排到做訓練，就盡量在家教住先...

加油~~~

作者: wongvivian86 時間: 14-5-9 21:09 標題: 回覆：monchhichii 的帖子

提示: 作者被禁止或刪除內容自動屏蔽

作者: wongvivian86 時間: 14-5-9 21:11 標題: 回覆：發音唔正問題

提示: 作者被禁止或刪除內容自動屏蔽

歡迎光臨教育王國 (/)