教育王國

標題: cac好求其 [打印本頁]

作者: iamiris 時間: 14-2-24 13:59 標題: cac好求其

我仔上年８月去東九龍發展中心做評估（ＡＤＨＤ），當時表示太细，待觀察。今年2月仔滿三歲，中心姑娘打電話來想跟進個案，因仔近呢幾個月情緒較不穩，好衝動，又曳，我將佢的行為同姑娘講，姑娘就要我及ｎ班老師填問卷及交回。上星期交左，今日姑娘打比我，話老師份好正常冇乜野，但我份就分數高左Ｄ，然後話叫我去排油麻地兒童精神科！我話咁唔会再做評估？佢話唔会，咁我问咁我仔係咪adhd,佢話未知，咁我話未知咁又話要排精神科？佢話我擔心佢行為嘛，而且排精神科要年幾，到時有事可以去睇，冇事可以唔去。我話咁都得，咁唔係浪費資源咩？个姑娘好似趕收缐，叫我唔好激動，然後話叫專科同事再打比我解釋就收左缐。到依家我都唔知我仔咩事，精神科可以點幫我…不過好bad feel,覚得佢地好似唔想收Ｄ症就丟去精神科…等我慢慢等

作者: pollybell 時間: 14-2-24 14:30

你想要乜野？ADHD係轉介精神科，食藥或可能比個課程小朋友上，你可以等學校有投訴時再打去cac,到時再有問卷比老師，之後可能會比I.e.s. 位你選。

作者: chowqv 時間: 14-2-24 14:44

iamiris 發表於 14-2-24 13:59
我仔上年８月去東九龍發展中心做評估（ＡＤＨＤ），當時表示太细，待觀察。今年2月仔滿三歲，中心姑娘打電 ...

媽媽冷靜。
精神科都可以幫到你。精神科醫生都會評估小朋友有無ADHD；但家下咁細，應該就唔會開藥；不過會轉介你去服務，不過係醫院上。例如一d行為治療既小組。
情況再差d，會幫你排I/E/S位。

作者: iamiris 時間: 14-2-24 14:55 標題: 引用：你想要乜野？ADHD係轉介精神科，食藥或可能

原帖由 pollybell 於 14-02-24 發表
你想要乜野？ADHD係轉介精神科，食藥或可能比個課程小朋友上，你可以等學校有投訴時再打去cac,到時再有問卷 ...

我覺得佢地至少安排多次做評估，而唔係單靠問卷就轉介精神科。佢亦冇詳細解釋轉去精神科会點，只係猛我唔好激動，然後急住退場收缐。我只係问仔係咪adhd,而佢答我唔到…

作者: HaYi 時間: 14-2-24 15:25

轉介精神科即係跟進,

供你參考, 我大仔K2前( 3-4歲)時, 我覺不妥要求健康院轉介CAC, 排左成年, 又護士又見埋心理學家, 最後說他Marginal ADHD, (當時5歲) , 不過CAC冇得安排跟進, 冇得去排精神科, 只叫我自己有需要外出找私人睇, 小學再留意, 我一直在私人試不同的小組, 針灸, 行為小組, 游戲治療, 希望不需要服藥. 到小一去學童保健時, 佢地收我通知他的問題, 就開信叫我去排精神科, 但要成2年(會拖到小三)先有得睇, 因現P2開始影響學習, 同埋好多情緒的問題, 我唯有在P2睇私家先, 但半個月已用了5千元, 不過都冇後悔, 再不睇佢困難仲多.

所以你個姑娘雖然語氣不好, 都係為你做了個好好的安排, 我覺得你不必太介懷, 佢俾得你排精神科都已好好, 不要好似我個例子拖左了都係要再俾錢去私家.

作者: iamiris 時間: 14-2-24 15:46 標題: 引用：轉介精神科即係跟進,+供你參考,+我大仔K2前

原帖由 HaYi 於 14-02-24 發表
轉介精神科即係跟進,

供你參考, 我大仔K2前( 3-4歲)時, 我覺不妥要求健康院轉介CAC, 排左成年, 又護士又 ...

多謝你的意見，請問你去邊問私家睇？

作者: HaYi 時間: 14-2-24 16:26

我去TST 林X鍵醫生度睇.

作者: HaYi 時間: 14-2-24 16:47

同埋CAC的醫生的評估都是問家長, 問學校, 問小朋友等, (稱為臨床) 冇類似IQtest 做卷的, 我不知其它人如何, 我見我個時是如此的.

我睇私家都是醫生的觀察為主, 醫生有提議如需要心理學家出報靠做埋IQ測試, 同埋ADHD 的詳細測試, 就需付錢另做, 但因為醫生說佢臨床己肯定我個是ADHD, 可以試藥. 至於是否需其它更細的資料可以由家長選擇, 不過同治療就冇咩關係. 我自己覺得無論佢IQ高定是否資優, 都不是問題的源頭, 所以我都是試左ADHD藥先, 至於是否資優個D我估有時間有錢先去做啦.

作者: wan_sosin 時間: 14-2-24 16:51 標題: 回覆：iamiris 的帖子

都不知已經幾好，唔易叫到CAC寫信架!ADHD一般要6歲先確診!佢唔肯定你個小朋友係唔係都肯轉介係好啦!你想等6歲確診先去排呀?
姑娘講得啱架，你小朋友有行為問題，CAC係幫唔到你處理架!再去見醫生都係一樣!CAC唔會提供治療!問卷已反應小朋友仍有問題，你去見醫生，都係問返呢D日常情況!
而精神科會再評估架!

作者: iamiris 時間: 14-2-24 17:41 標題: 引用：都不知已經幾好，唔易叫到CAC寫信架!ADHD一

原帖由 wan_sosin 於 14-02-24 發表
都不知已經幾好，唔易叫到CAC寫信架!ADHD一般要6歲先確診!佢唔肯定你個小朋友係唔係都肯轉介係好啦!你想等6 ...

thx,我等佢打電話來再問下佢有乜程序，因佢好快收缐，我唔知點排期

作者: wan_sosin 時間: 14-2-24 18:23 標題: 回覆：iamiris 的帖子

到時你攞咗信，會有資料要你帶乜文件去，去到登記時要再填幾頁紙問卷!

作者: Ms.Mak 時間: 14-2-25 01:14

一年班前排到兒童精神科,係好事.到時去吾去,自己決定.

作者: iamiris 時間: 14-2-25 08:24 標題: 引用：一年班前排到兒童精神科,係好事.到時去吾去

原帖由 Ms.Mak 於 14-02-25 發表
一年班前排到兒童精神科,係好事.到時去吾去,自己決定.

thx 大家，老公最後決定帶仔去睇兒童心理ｅ生

作者: HaYi 時間: 14-2-25 09:53

睇下都好的, 取多個意見.

作者: iamiris 時間: 14-3-7 11:19 標題: 引用：睇下都好的,+取多個意見.+

原帖由 HaYi 於 14-02-25 發表
睇下都好的, 取多個意見.

已睇左，不是 adhd,放下心頭大石，亦不會排政府了！

歡迎光臨教育王國 (/)