教育王國

標題: deleted [打印本頁]

作者: vivianho35 時間: 14-2-24 09:50 標題: deleted

本帖最後由 vivianho35 於 22-8-25 01:17 編輯

deleted

作者: emilykyho 時間: 14-2-24 10:28

no worry so much. better to see a specialist in pediatric, they can give you some suggesiton

作者: vivianho35 時間: 14-2-24 10:37

Thanks Emilykyho! 打去健康院排定點好呢?

作者: Catonmama 時間: 14-2-24 12:39

回覆 vivianho35 的帖子

我仔仔(兩歲半)同你女女都有D似, 又係唔會同小朋友玩, 返學唔係好肯講野, O係屋企就好多野講, 不過返學老師叫佢做的都肯做, 又係好好記性, 我地講過一兩次的就已經記得。仲有我仔又係超慢熱, 要好長時間先可以同人BUILD UP到關係。我仔O係歲半時因為唔識講野, 又情緒差, 怕去陌生地方, 去左大口環做評估, 當時醫生話太細, 只可以話有自閉的特徵 (因為佢認知高過同齡, 但係言語當時係差唔多冇單字, 所以係DELAY得好嚴重, 仲有就係社交差), 呢一年阿仔O係言語進步左好多, 已經追返同齡, 不過社交仍然差, 冇安全感, 未去過去地方/未聽過的聲音會驚...依家阿仔有上社交班, 亦有上D小組, 只可以希望慢慢大個會好D~

作者: vivianho35 時間: 14-2-24 14:22

Catonmama, 你仔仔係邊到上社交班? 我都成日講希望佢大個會好d, 但似乎好似未有進步, 小朋友掂佢, 佢係會縮開的.

作者: chowqv 時間: 14-2-24 14:35

vivianho35 發表於 14-2-24 09:50
我睇呢個版面都有一段時間, 其實一路都覺得我囡係社交方面係有問題的. (眼神各樣ok)
我囡而家29個月大, 佢 ...

阿妹既狀況，同我阿仔好似。又係細細個好老積。
可能係感統問題，特別係唔掂得。
要去cac評估的話，最快係睇家庭醫生，出轉介信去排。第一次見姑娘應該好快，跟住佢地會俾一封表你拎去學校，要老師填。至於見醫生，就要視乎小朋友既情況。
當年阿仔排左半年就見到醫生。不過排服務，真係等足一年，今年k3先至有E位。

作者: vivianho35 時間: 14-2-24 15:02

chowqv, 我聽好多i位, s位, e位, 但想問下e位即是? 我想做ftm去take care佢, 唔知有冇幫助

作者: Littleman_hk 時間: 14-2-24 16:00

回覆 vivianho35 的帖子

i位係兼收位, 即普通主流幼稚園, 但有一定比例的學位留俾特殊需要的小朋友, 而學校內亦會有比較專業的老師去教呢D小朋友

e位係早期教育訓練中心, 主要俾未排到S位的小朋友去做住訓練先, 不過我個社工話, 由於太多人排, 宜家排E位條龍, 眾長過S位

s位係特殊幼兒中心, 主要係俾四類小朋友, 包括(中度或嚴重弱能, 中度或嚴重肢體傷殘, 失聰或嚴重聽覺受損, 失明或嚴重聽覺受損), 但同時會為自閉症徵狀兒童提供特別服務

如果你真係擔心小朋友, 可以去做評估, 我就政府同私人都有做, 個人感覺私人果個真係專業好多. 政府果個就好求其, 不過都可以理解, 私人果個收你幾千銀, 可以用幾個鐘慢慢做慢慢解釋, 政府一日做咁多case, 趕時間都好正常

作者: emilykyho 時間: 14-2-24 17:19

唔好客氣, 健康院排CAC最少半年, 如果真係擔心就搵醫生啦,

作者: Vichang 時間: 14-2-24 18:30 標題: 引用：我睇呢個版面都有一段時間,+其實一路都覺得

原帖由 vivianho35 於 14-02-24 發表
我睇呢個版面都有一段時間, 其實一路都覺得我囡係社交方面係有問題的. (眼神各樣ok)
我囡而家29個月大, 佢 ...

不是自閉啊，我覺得有點似資優。另外，佢唔肯社交，會唔會係焦慮症呢？因為我朋友個朋友個女係有焦慮，喺屋企好正常。

作者: asap2122 時間: 14-2-24 23:57

不要太擔心，小朋友六歲之前，都不能判定是否自閉症，是精神科醫生的意見，我囝情況跟你囡囡有點相似，他已入讀主流小學，如果有時間，帶她接觸多一些小朋友，最好和比她年齡小一點的小朋友，因為同齡小朋友，一眼就看出面前的小朋友和自己不一樣，然後加以排擠，出現這狀況會令到你囡囡對交朋友有挫折感，希望幫到你。

作者: zhfl729 時間: 14-2-25 00:39 標題: 回覆：vivianho35 的帖子

似系感统闭问题。如果经济允许就去见下儿科医生。一就去健康院约期见姑娘。不需太担心妈咪！！

作者: Jolly 時間: 14-2-25 09:18

唔駛對號入坐，搵個child psycho / psychi睇下。咁講暫時只睇到佢唔合群，同資優特質。佢獨女嗎？同大人玩有冇要走開？叫佢畫自己出來，同叫佢講下覺得自己係點嘅？佢講野叻，你應該聽到多點佢對自己觀感係點。

作者: vivianho35 時間: 14-2-25 09:34

多謝你地呀! 我都唔知同邊個傾好. 其實作為媽媽, 我只想佢健康開心, 係唔係資優唔重要. 其實我自己都覺得佢唔係自閉, 因為佢好多野都ok, 同大人玩, 冇問題, 但要warm up一段時間先.
如果熟果d, 佢一黎就可以同人玩, 食飯仲肯叫人, 但唯獨同朋輩建立唔到關係, 我諗起佢係學校3個鐘都唔講野, 見住所有野都勁觀察, 返到屋企就係咁同我講返晒今日學校發生咩事, 自已一個人玩, 我覺得好唔開心, 我企係我囡o既角度睇, 好似好無助咁.

我覺得佢係有社交問題, 上次去協康,佢就話唔洗follow. 係咪真係同佢出多d去同小朋友玩會好d?

我同老公d 朋友個個都冇小朋友, 而家有一個6個月o既bb, 我地已成日見面, 我囡都會走去摸下佢隻腳仔. 同小朋友玩o既機會可以話係0, 你地有冇係ftm自己take care小朋友架?

作者: Jolly 時間: 14-2-25 10:00

我全職湊兩隻摩怪一隻狗。
認識朋友，交際都係social skills. 係skils就可以train可以learn. 你就去provide chance. 去聚會，去公園吹波波引小朋友來同佢一起追，去沙灘玩沙同人一齊叠堡壘，乜都試下囉。

作者: vivianho35 時間: 14-2-25 11:03

係wor, 我係公園吹波波引人黎都好wor, 因為次次都係人地吹, 佢都會睇下, 有時捉下, 但就唔會追.....

係呀, Jolly, 佢成日都drawing架, 佢有時會畫自己, 真係畫到成個圓形, 有eyes, nose, month, 佢仲話自己係長頭髮, 都幾靚女呀

作者: debc 時間: 14-2-26 10:44 標題: 回覆：vivianho35 的帖子

你住邊區？區內多唔多小朋友？

作者: Catonmama 時間: 14-2-26 10:47

回覆 vivianho35 的帖子

vivianho, 我仔O係心僑到上, 你可以上網SEARCH下資料~ 不過新一期過左報名了, 應該到5月先會可以報下一期。

作者: chowqv 時間: 14-2-26 12:05

vivianho35 發表於 14-2-24 15:02
chowqv, 我聽好多i位, s位, e位, 但想問下e位即是? 我想做ftm去take care佢, 唔知有冇幫助 ...

S位係特殊學校
I位係兼收位，即係主流學校之餘，有職業治療師，物理治療師去學校做訓練，不過一間學校既位唔多。
E位，係小朋友可以一邊讀主流，一邊去中心上堂。至於要上咩堂，幾多堂就視乎小朋友需要而定。

刻下唔係諗咩位，係盡快去確定，小朋友邊到出問題。
可以做ftm，對有無問題既小朋友照顧都係一件好事。但經濟上，你ok嘛？
就算用到政府既位，好多事，真係濕濕碎碎既錢，都係一條數。

不過最重要，你自己調節下心情，唔好太過傷感。有事無事，佢地都係我地既寶貝，都係要我地費心神錢去養，去教育。

作者: siufung 時間: 14-2-26 15:12 標題: 回覆：我好唔開心, 可唔可以幫下我 (有點長)

支持你！做FTM緊係會有正面影響啦！你囡囡而家PN仲細，不用太擔心！我囡2.5yr時番pn都有類似問題，不投入不主動，在學校人地食野佢睇人食，差不多人地食完佢先起筷，好似d太監試完菜皇帝先入口咁！番來冇歌仔唱，真係唔太知佢在學校做過d乜。平時去會所又係自己玩，仲特別中意匿入隱閉地方攬住佢心愛們玩具。人地拎走佢不會搶，但會死等....除了同好熟的小朋友有偈傾，其他小朋友她不會理會。但其他認知發展正常，記憶力也很好，見過嘅野會印象深刻。身體接觸尚算ok，玩得癲時可以同小朋友攬頭攬頸，但叫她脫光腳仔踩草地或行沙灘就好抗拒。見陌生人不會打招呼，提示她也不肯，再提她就會發脾氣打我地(父母)。pn時老師表示她慢拍子，不主動，脾性有資優特質，但太細check不到。當時覺得她社交有問題，就常安排多d與小朋友接觸的機會，讓她習慣下。Pn下學期(巳足3嵗)老師稱有很大進步和改善，回家會唱歌、會提同組小朋友的名字，食野與其他同學同步。仲識講同學是非。而家K1轉了校，去了一間嚴格要求紀律和合群的幼稚園，她上學也很開心，也meet到老師要求.....當然我仍會觀察住她，有需要便要專業跟進。

作者: vivianho35 時間: 14-2-26 16:22

siufung, 多謝你分享!
我囡而家放學返黎會講學校d野我知, 又會唱歌, 其實佢係學校唔出聲但會記得晒d野, 我有叫佢不如同同學一起跳舞啦, 佢知我想佢跳, 我放工返黎佢會話 ''我今日有跳呀媽媽, 你開心啦, 你笑啦''
其實佢好生性, 我都驚我比左太大pressure佢, 所以而家唔會成日問佢有冇同小朋友玩.....

玩得癲時可以同小朋友攬頭攬頸 <---係我好想見到o既事, 希望好快會出現

作者: vivianho35 時間: 14-2-26 16:27

回覆 debc 的帖子

我住TKO架, 都算多小朋友, 都會同佢去下會所果D, 但都係自己玩

作者: vivianho35 時間: 14-2-26 16:28

回覆 asap2122 的帖子

多謝你O既鼓勵呀, 我上次去協康個醫生問我最想見到女女點樣, 我話我想見到佢同同學手拖手放學

作者: vivianho35 時間: 14-2-26 16:29

回覆 Catonmama 的帖子

多謝你o既資料呀~ 你仔仔上左有冇改善?

作者: vivianho35 時間: 14-2-26 16:31

回覆 chowqv 的帖子

無錯, 點樣佢都係我o既寶貝, 我會盡量去幫佢, 我都覺得我自己太緊張, 但問題已出現一段時間, 我唔想成日搵藉口話佢都係怕羞, 慢熱, 我想睇下係咪仲要其他野影響佢law.....我會努力架~

作者: siufung 時間: 14-2-26 21:55 標題: 引用：回覆+chowqv+的帖子無錯,+點樣佢都係我o

原帖由 vivianho35 於 14-02-26 發表
回覆 chowqv 的帖子

無錯, 點樣佢都係我o既寶貝, 我會盡量去幫佢, 我都覺得我自己太緊張, 但問題已出現一 ...

你態度積極正面，你囡囡有你這媽媽好幸福！我識有人，小朋友有自傾，卻駝鳥地自我安慰說:“孩子慢熱、怕醜、有性格“，另一d小朋友有過動，又推說是“活潑、愛玩“，往往咁錯過了治療的黃金時間...面對現實才是上策...但欣慰的是，你囡囡真是好生性，看到她爲了想媽媽開心，努力嘗試去做到一些未必是自己很熱衷的事。真心祝你小朋友快快克服障礙...

作者: vivianho35 時間: 14-2-27 10:34

回覆 siufung 的帖子

多謝你! 其實亞囡o既事, 我都冇咩同人分亨, 都係得我自己老公, 媽媽同一個朋友知.
可以係到同大家傾下, 已經好d, 因為自己一個人真係諗唔到太多野, 只係想幫佢, 但又唔知係邊到入手.
希望大家o既小朋友都健健康康, 做個快樂的小朋友

作者: Catonmama 時間: 14-2-28 18:23

回覆 vivianho35 的帖子

好明顯改善又唔會即刻見到, 畢竟都係一星期一個鍾, 但係小朋友都玩得開心, 又唔算貴, 所以我覺得OK~

作者: vivianho35 時間: 14-3-4 11:29

我呢兩日好開心呀, 星期日出去食飯, 食完之後有2個姐姐係到走黎走去, 我囡走埋去摸左姐姐隻手一下, 個姐姐走開左, 佢又追左一地一陣....
今朝返學又主動同平台ee say byebye..........

歡迎光臨教育王國 (/)