教育王國

標題: 有方法令小朋友自己閱讀嗎 [打印本頁]

作者: asphileno 時間: 14-2-20 11:41 標題: 有方法令小朋友自己閱讀嗎

請問各位過來人有什麼好方法令K2小朋友自己閱讀論合程度的英文圖書呢? 很煩惱呀!

作者: Jane1983 時間: 14-2-20 13:17

由伴讀開始，揀他喜歡的題材，慢慢他就會自己看。

吾使煩wor，細路仔吾系呢樣，就果樣，一步一步來

作者: bonmom 時間: 14-2-25 16:21

同意樓上所講,最緊要培養小朋友閱讀興趣,而唔係一定要識幾多個生字。家長都要以身所則,伴讀和自己都要睇書。

作者: cindywy 時間: 14-2-26 14:43 標題: 回覆：有方法令小朋友自己閱讀嗎

推薦你睇汪培珽嘅《喂故事書長大的小孩》，講如何培養小朋友嘅閱讀興趣。我以前都一無所知，有媽咪推薦俾我。囝囝一歲兩個月我先開始俾佢讀書，依家過佐兩個月，囝囝已經對幼兒繪本有興趣

作者: jimmy0508 時間: 14-2-26 16:49 標題: 回覆：有方法令小朋友自己閱讀嗎

k2 小朋友已經懂得選擇圖書, 不妨帶孩子去圖書館或誠品等書局, 當中讓孩子自行揀書及欣賞他的專注,孩子便開始有閱讀習慣, 如果很討厭看書,可以諗啲獎勵鼓勵佢! 但基本家長有閱讀習慣孩子對書本都會熱愛!

作者: coco_lam725 時間: 14-2-26 19:39 標題: 回覆：有方法令小朋友自己閱讀嗎

提示: 作者被禁止或刪除內容自動屏蔽

作者: mk924 時間: 14-2-26 22:14 標題: 引用：推薦你睇汪培珽嘅《喂故事書長大的小孩》，

原帖由 cindywy 於 14-02-26 發表
推薦你睇汪培珽嘅《喂故事書長大的小孩》，講如何培養小朋友嘅閱讀興趣。我以前都一無所知，有媽咪推薦俾我 ...

我都係睇左佢既書再下多左決心俾小朋友睇書. 裡面的tips好有用

作者: 小曳人 時間: 14-2-28 21:21

如果書係無處不在，
如果爸媽都書不離手，屋企無人開電視睇
加埋每日總有最愛嘅講故事時間，應該都好難唔鍾意睇書~

作者: camomile00 時間: 14-3-2 23:31

Yes. 仲要好抵. 如果有多過一個小朋友. 大果個鐘意睇書, 細果個自然不費吹灰之力就跟大果個一樣鐘意書.

作者: h2013 時間: 14-3-3 09:32 標題: 引用：Yes.+仲要好抵.+如果有多過一個小朋友.+大

原帖由 camomile00 於 14-03-02 發表
Yes. 仲要好抵. 如果有多過一個小朋友. 大果個鐘意睇書, 細果個自然不費吹灰之力就跟大果個一樣鐘意書. :ha ...

Agree 生多個仲抵

作者: TinTinMame 時間: 14-3-3 09:37

我都有呢個煩惱.... 哥哥4.5歲! 不太喜歡睇書.... 妹妹2.5歲, 每天返家都要我同佢睇書! 無論咩書都要我同佢睇!　我冇點樣訓練妹妹睇書，好像佢天生就鐘意睇書！試過帶兩個人仔去圖書館！哥哥跟本只周圍走，惶論要佢選擇圖書！

還可以點樣鼓勵佢??

作者: elmostoney 時間: 14-3-3 12:23

本帖最後由 elmostoney 於 14-3-3 12:39 編輯

性格多少有關, 性別又有關.  不過k2, 都係4.5~5歲, 其實都好細個.  多d陪佢讀, 讀比佢聽.  除左去圖書館,屋企都有多d選擇, 咁佢先會自己睇.  我地屋企d書真係做到無處不在, 已爆左棚好耐, bb時期書都已送人.  而家因為咁, 要做過某d傢俱.我冇統計過, 不過我家由繪本到兒童章回小說, 有700 ~ 800 本一d都唔出奇, 因為我買親都係30 ~ 40本咁買, 玩具寧可買少d甚至唔多買.  小時候當然有, 不過近兩年就很少買玩具了, 只會遇然覺得很有意思先買.

我兩個小朋友, 大女5歲都唔識字, 但會自己翻圖畫書睇, 有時可以睇成兩個鐘.  佢份人瀾玩, 唔會淨係睇書.  到而家7歲, 快8歲, 好鍾意睇書, 除左故事書, 仲會睇世界歷史文化, 食譜 (佢鍾意食) 同一d日常知識, 而且好多會翻睇再翻睇.

我個細仔, 成日掛住玩車.  剛6歲2個月, 早兩日見佢攞住本captain underpants係到睇左半個鐘, 我就已經快感動到流眼淚咁滯.  我自己教佢phonics, 四歲半已可睇好多淺白有字嘅書 (當時以peter and jane教緊佢, 4.5歲已level 8 ~ 9), 我都盡力搵d佢鍾意嘅題材,但佢唔睇, 真係冇乎.

而我屋企已係唔睇電視個種.  就算佢地而家咁大, 我都有讀書, 琴日放假就讀左個半鐘.

作者: elmostoney 時間: 14-3-3 12:24

本帖最後由 elmostoney 於 14-3-3 12:31 編輯

不過我個仔去到圖書館, 會認真睇書. 係屋企就鍾意我地讀, 唔係都費事睇.

至於大小朋友未必一定可帶個細, 我個女好鍾意睇書, 我個仔好鍾意家姐, 但唔代表想跟埋家姐一齊睇書. 我敢講, 我個大女而家真係睇到識唔少野, 好多唔係一般知識, 而佢本身亦唔係一個叻人, 只係鍾意睇書.

我而家讀緊一本兒童世界歷史, 分4本, 琴晚讀到文藝復興時期, 佢會認真聽, 如果佢有d野識, 會自己補充. 早輪我地讀一章關於南美aztec, 佢知道得仲多個本書講 (不竟一個章節要講哂南美三大文化, 係唔夠篇幅嘅). 所以呢d都講興趣. 我個仔以前冇心機聽, 而家有時會主動提出叫我讀呢本書, 係因為佢想聽打杖.

作者: mary_ma 時間: 14-3-3 13:13

提示: 作者被禁止或刪除內容自動屏蔽

歡迎光臨教育王國 (/)