教育王國

標題: 小兒K1致K3都攞到品學獎唔知道對叩門有無幫助 [打印本頁]

作者: yuenedmund 時間: 14-2-19 00:17 標題: 小兒K1致K3都攞到品學獎唔知道對叩門有無幫助

小兒K1致K3都攞到品學獎(今年老師話如果保持都會比佢攞)，有獎杯，唔知道對叩門有無幫助？小兒讀的都是區內的邨校幼稚園(東華三院),唔算私稚，名稚之類，學校有派出參加校外普通話朗誦比賽，攞到B的成績。有參加校內小童軍和參加義工。
請大家比D意見，謝謝。

作者: Charlotte_mom 時間: 14-2-19 08:25 標題: 引用：小兒K1致K3都攞到品學獎(今年老師話如果保

原帖由 yuenedmund 於 14-02-19 發表
小兒K1致K3都攞到品學獎(今年老師話如果保持都會比佢攞)，有獎杯，唔知道對叩門有無幫助？小兒讀的都是區內 ...

一定有幫助

呢d唔係俾錢買返黎嘅活動証書，亦唔係人人有份的豬肉獎。父母擺左幾多心機學校點會唔知？good luck

作者: 柔情爸爸 時間: 14-2-19 09:42

回覆 yuenedmund 的帖子

The all-round training should have developed your child to perform well in the interview, so the chance of getting admission to good PS is very high.

作者: SAGO 時間: 14-2-19 10:26

作者: sugarnana 時間: 14-2-19 10:46 標題: 回覆：小兒K1致K3都攞到品學獎唔知道對叩門有無幫助

當然有用

作者: yuenedmund 時間: 14-2-19 11:16

謝謝各位保貴意見

作者: lingan 時間: 14-2-19 11:22

好叻仔

作者: Rattie 時間: 14-2-19 12:34 標題: 回覆：小兒K1致K3都攞到品學獎唔知道對叩門有無幫助

當年阿女k3唯一嘅一張進步獎我都當宝咁攞去叩門，你仔嘅學業獎一定有睇頭好多啦，仲要k1到k3添。
我女幼稚園攞呢d獎嘅同學去叩門都好ok吓，不過希望你仔唔使叩啦。

作者: BSCYL 時間: 14-2-19 13:36

小朋友申請那一區小學?
小學是否超熱門?
自行及統一甲一及乙一是否都選該校?

其餘請看PM短訊

作者: yuenedmund 時間: 14-2-19 15:18

小兒現就讀沙田的幼稚園，品學奬今年鐵定攞到，傑出獎老師已經推薦給校長，如無意外下學期都會得到。由於上年年中我們一家已經搬家到深水埗區40校網，所以自行和大抽獎都報了40校網，我們自行，甲一，乙一，都選擇了同一間，聖方濟愛德小學，都算本區熱門。現在怕大抽獎抽唔中心水要去叩門。

作者: Jane1983 時間: 14-2-19 15:26

你咁好準備，小朋友又有實力，天助自助者，有機！

作者: cccbaby 時間: 14-2-19 17:39

有總好過冇，但如得個乖字，面試時表現唔到自己，就幫唔到啦！

作者: reneemama0118 時間: 14-2-19 18:31 標題: 引用：小兒現就讀沙田的幼稚園，品學奬今年鐵定攞

原帖由 yuenedmund 於 14-02-19 發表
小兒現就讀沙田的幼稚園，品學奬今年鐵定攞到，傑出獎老師已經推薦給校長，如無意外下學期都會得到。由於上 ...

請問現讀沙田邊間幼稚園呀出名嗎

作者: yuenedmund 時間: 14-2-19 19:03

reneemama0118 發表於 14-2-19 18:31
請問現讀沙田邊間幼稚園呀出名嗎

一般的東華三院幼稚園，唔算出名。

作者: 556699 時間: 14-2-19 19:21 標題: 回覆：小兒K1致K3都攞到品學獎唔知道對叩門有無幫助

有冇幫助唔係呢度網友決定, 答你咩都冇用, 最重要係學校睇唔睇。

作者: karen55407 時間: 14-2-19 19:40 標題: 回覆：Rattie 的帖子

我仔舊年都係揸住張操行獎，叩六間全部有得見

作者: BBMUM88 時間: 14-2-19 21:15 標題: 回覆：小兒K1致K3都攞到品學獎唔知道對叩門有無幫助

但我囡K1致K2上下學期都攞整體表現憂異獎，但考三間直資都要waiting,真係擔心扣門吾得，其實我學得佢地會睇是否讀名幼稚園

作者: BSCYL 時間: 14-2-19 21:29

傑出學生由每班老師提名, 可能有幾位參與競逐
每間幼稚園只有一位能夠成功突圍, 最後由現屆東華三院主席或副主席或總理頒發. 並有一張由現屆主席簽發的獎狀, 有一定的認受性, 但對聖方濟愛德小學是否有效, 很難作定論
1+1+1 已充分表現誠意
有參加過朗誦比賽, 小朋友已有面對疏生環境經驗, 對面試都有幫助.
當然最好是抽中, 祝好運!

作者: sissysze 時間: 14-2-19 22:49 標題: 回覆：小兒K1致K3都攞到品學獎唔知道對叩門有無幫助

而家啲學校邊睇你係咪1-1-1, 叩門學術唔掂講乜都無用，人地名幼有考試，有成績表，你得叠評估報告，自己唸下校長有得揀會見邊個

作者: yuenedmund 時間: 14-2-19 22:54

BSCYL 發表於 14-2-19 21:29
傑出學生由每班老師提名, 可能有幾位參與競逐
每間幼稚園只有一位能夠成功突圍, 最後由現屆東華三院主席或 ...

很感激你的詳細意見，希望最好能抽中。

作者: little_yolky 時間: 14-2-20 12:01

BBMUM88 發表於 14-2-19 21:15
但我囡K1致K2上下學期都攞整體表現憂異獎，但考三間直資都要waiting,真係擔心扣門吾得，其實我學得佢地會睇 ...

考直資/私校同叩官津可能唔一樣。
我囡囡校內奬狀好多, 包括禮貌奬、閱讀金奬(豬肉奬)、書法奬、美術創作奬、全年進步奬(一級只有一人)、品格奬，仲有植樹證書、參加畫展等等，當時只考私校, 都係waiting多，只有一間offer，有offer的則是唯一不需交profolio的。所以我覺得學校一定睇，官津叩門咁多人，未必人人有得in，所以個CV靚，起碼有入場券，但最後都要靠面試表現。

作者: Jessy 時間: 14-2-20 12:44

我覺得d小學全部都係選"神童", 一定係睇學術先, 其次才是乜獎物獎, 不過有總好過無啦.

歡迎光臨教育王國 (/)