教育王國

標題: 言語治療上單對單定小組訓練好呢 [打印本頁]

作者: zchu 時間: 14-2-18 20:07 標題: 言語治療上單對單定小組訓練好呢

小朋友兩歲三個月，唸緊上邊種訓練好d, 單對單好貴要$700-一堂，請大家比d意見，我老公叫我唔使禁急住報名，話小朋友仲細，唔使禁擔心wor

作者: sailobb 時間: 14-2-19 14:56

提示: 作者被禁止或刪除內容自動屏蔽

作者: zchu 時間: 14-2-19 19:07 標題: 回覆：sailobb 的帖子

有治療師嘅意見話，末夠三歳嘅小朋友要佢上45分鐘單對單嘅堂會幾辛苦，你同仔仔你邊到上堂呀，大約上幾多堂先見到有改善呀？

作者: alexcmlam 時間: 14-2-20 00:18

zchu 發表於 14-2-19 19:07
有治療師嘅意見話，末夠三歳嘅小朋友要佢上45分鐘單對單嘅堂會幾辛苦，你同仔仔你邊到上堂呀，大約上幾多堂 ...

要視乎小朋友嘅言語邊方面嘅問題. 如果係發音問題, 大多數只係30分鐘一堂, 因為治療時間主力集中發音問題, 用不同技巧/工具去鼓勵或刺激小朋友發正音. 但如果係語言遲緩, 坊間言語治療中心普遍治療時間(甚至港大及中大嘅私家言語治療服務都係差不多), 多數都係45至60分鐘一堂(當然60分鐘比45分鐘貴一點), 因為小朋友嘅學習能力及紀律, 未必一坐低就一板一眼跟足治療師所訓練嘅方法, 需要治療師用不同嘅技巧刺激或鼓勵, 這45至60分鐘當中會有治療師用5至10分鐘教家長返屋企訓練小朋友. 當然呢啲普遍治療時間, 個別有小朋友如真的有特別情況未能上足45分鐘治療都唔出奇, 畢竟每個小朋友都唔同.

語言小組訓練有其好處, 但要視乎小朋友邊方面言語問題, 如果多是社交溝通問題或少言語表達, 小組的確可以考慮. 但語言小組都有缺點, 要視乎小組內其他果幾位小朋友嘅互動, 如果組內小朋友嘅情況有好大差異(特別有自閉傾向, 專注力弱嘅小朋友), 可能未必達至治療自己小朋友嘅最好效果, 但錢就俾咗, 最終返番去做個別治療, 所以未必慳到錢.

如果能力可以, 提議不如先搵富經驗嘅言語治療師個別訓練兩三堂, 兩三堂後知道自己小朋友嘅情況後, 再問治療師搵邊啲小組組合嘅小朋友才最合適自己嘅小朋友加入.

作者: zchu 時間: 14-2-20 09:40 標題: 回覆：alexcmlam 的帖子

多謝你嘅回覆呀，清楚哂啦

作者: SmallRiceBB 時間: 14-2-20 23:55 標題: 回覆：言語治療上單對單定小組訓練好呢

我仔仔23個月就開始單對單，每堂45分鐘，佢又坐得定，因治療師會用佢地方法引佢。一對一又可習中治療。

作者: Y123 時間: 14-2-25 17:16

咁細先上小組得架啦

歡迎光臨教育王國 (/)