教育王國

標題: 你認為我的女兒有問題或是自閉嗎 [打印本頁]

作者: 七姑姑 時間: 14-2-17 16:03 標題: 你認為我的女兒有問題或是自閉嗎

我女兒現在二歲八個月,但自出世到現在我都覺得佢有很多跟別人不一樣的行為或反應,你說佢完會正常又唔係,完全唔正常有唔係,作為過來人的你可否幫我分析下嗎

1.自三個月開始帶她到酒樓或食店,佢都會表示出要離開,表現會有小哭,大哭或自懂走路以來,自己會走返出去,但近半年已有改善,一般都會坐在BB椅食飽就嚷著要離開(約20分鐘),所以每餐外的用膳都要不同人轉流帶她往外散步,但如一個人帶她情況又會好一些,一般茶餐廳佢都會讓你食完才走,但如那飯菜等得大耐都未嚟,佢分分鐘要走人

2.她很多東西都會驚,如風扇,尤其開著的時候會大哭,新來又會驚下雨,尤其在私家車上,又驚水撥,又驚打邊爐的火,又超驚佢舅公,見到佢好似見鬼咁,現在已發展到跟舅公有關的人佢見到都會大哭

3.她玩玩具無乜特別喜好,沒有玩車輪,很少在家自轉,沒有自毁的行為,沒有所謂玩眼,

4.她自少對聲音及影像很敏感,觀察及記憶力很強

5返N班頭一兩星期有哭,但老師對她的評價是很怕事,自己做自己嘢,有時會走來走到,不肯坐低,偶然遇到自己喜愛的課題會站在最前留心聽講,你師亦建議我們帶佢去評估,我問老師佢係咪自閉,佢又話佢有自閉特徵,如固執,我行我素等等,但老師又話自閉的BB唔係咁的,總之結論都係較含糊

6不喜愛別人捉住她的手畫嘢或做手工

7.情緒一般都穩定(但如她眼訓時情緒會好不穩,隨時會發很大的脾氣及很多無理的要求,但訓醒後又很似無事一樣)

8.同她行商場,她會控制你去那裏,如行開某商場帶過她一次去"筆"糖,她差不多每次都會拖住你的手同佢去"筆"糖,當你滿足了她後,佢就會讓你去下其它的方,入超是無問題的,但很多商舖她都唔會容許你入,她會大力且住你唔比你入去,就算強行入到去,好快又會走返出來

9.去遊樂場會玩,但如那遊樂場較陌生或人多,佢好快要走

10.跟其它小朋友關係如何,我唔係好知,但沒有攻擊別人的行為,最多只是各有各玩,但如叫同小朋友握握手是可以的

11.在公眾地方對陌生人一般都不會抗拒的,亦會在提示下叫人

12,極度抗拒看醫生或健康院姑娘或CAC的評姑姑娘, 會大哭

13帶她出街基本上她是不會亂跑的,她會比大人拖手的,亦唔會亂叫

14.眼神接觸亦有的

15,語言發展可以說出單字,簡單句子,但一問一答一般都未做到

16保姆揍會乖些,但我都太太揍她會每天都有很多要求

作者: HopeLJ 時間: 14-2-18 11:29 標題: 回覆：你認為我的女兒有問題或是自閉嗎

你女有理解，有言語，有溝通，唔似典型自閉。我睇完，個重點似係固執或行為問題。你去上下社交小組(上網search 下)，睇下呢個問題係引導下有冇改善。重申：真有懷疑請盡早安排評估，可考慮steps，協康及greenfield。

作者: sailobb 時間: 14-2-18 13:48

提示: 作者被禁止或刪除內容自動屏蔽

作者: Vichang 時間: 14-2-18 16:32 標題: 引用：我女兒現在二歲八個月,但自出世到現在我都

原帖由 七姑姑 於 14-02-17 發表
我女兒現在二歲八個月,但自出世到現在我都覺得佢有很多跟別人不一樣的行為或反應,你說佢完會正常又唔係,完 ...

可能有d似，但一定唔係嚴重果隻，不如去做下評估啦。

作者: 七姑姑 時間: 14-2-18 23:13

我都好想找些專門的人去評估她,奈何她去到CAC初次見姑娘已令我同太太吃不消了,她如我們預期一樣入到中心已不斷叫要走,她的觸覺好敏銳的,去到些陌生的地方如醫院,健康院,診所等地方,佢好快會意識將會有野發生,所以很多時都要兩個人捉住佢才可以入到去看醫生,更何況是在CAC那裏,我們已身心疲累,甚估評估根本都不能進行,所以我們才放慢來觀察,希望有改善,因為帶佢去見醫生又好,乜乜專家都好,都係得個吉,一係就佢哭都很勁,要媽媽陪她出返去,只得我都醫生或姑娘傾, 一係就直頭要返屋企,你地話我還有甚麼可以做?

作者: 七姑姑 時間: 14-2-18 23:16

有時想帶她去參加PLAYGROUP,但她一入到去又要出返來,根本乜都做唔到,我都唔知點算,好在現在的幼兒園肯收她直上K1,來年上到K1我諗會更多問題,有時都覺得對老師唔好意思,要幼時花咁多時間去接受我的女兒

作者: 七姑姑 時間: 14-2-18 23:19

有次她眼"接"毛倒生入眼,去見醫生攪到成個醫務所震哂才把那條毛扙出來,幾個人捉住佢才成功,你話死未,唉

作者: Vichang 時間: 14-2-19 11:05 標題: 回覆：七姑姑的帖子

好似我個a仔啊，佢每去新地方就要走，去in K1 一入到課室又要走，走唔到會喊。

作者: Vichang 時間: 14-2-19 11:10 標題: 回覆：七姑姑的帖子

你小朋友可能感統有問題，可去自悠天地或協康做評估。另外，協康有個叫my first step play group 幾好架，for 2-3 歲小朋友，導師好好，小朋友可接觸多些不同物料，下次4月份快招生，去報名玩下吧。

作者: 七姑姑 時間: 14-2-19 12:49

總之帶住佢出街可以說是舉步難行,一切比佢的情緒牽住走,你話佢好人問題又唔係,但總之跟別的孩子有些唔同,我想問vichang你的孩子是如何的,你可否告訴我多些嗎,謝謝你

作者: 七姑姑 時間: 14-2-19 12:51

她是個很主觀的細路,新事物接受就接受,唔接受就即時有反應

作者: chowqv 時間: 14-2-19 14:44 標題: 回覆：你認為我的女兒有問題或是自閉嗎

你有無同佢做預演？例如早一日同佢講有咩安排，行程，路線等等？有時叫做問左佢意向（其實無得佢揀）。咁既情況要俾多d時間佢做心理準備。

作者: 琪寶 時間: 14-2-19 14:58 標題: 回覆：你認為我的女兒有問題或是自閉嗎

你說的很像我女兒兩歲多時的情況，但滿三歲後自己有改善。我在她三歲三個月時带她評估，結果是有自閉傾向。現在她上了三個月言語治療和社交訓練，已有很大改善。

作者: Vichang 時間: 14-2-19 15:27 標題: 引用：總之帶住佢出街可以說是舉步難行,一切比佢

原帖由 七姑姑 於 14-02-19 發表
總之帶住佢出街可以說是舉步難行,一切比佢的情緒牽住走,你話佢好人問題又唔係,但總之跟別的孩子有些唔同,我 ...

我個仔帶佢出街係佢帶住我行，所以我哋會用bb 車縛住佢。另外，去飲茶坐唔定，成日想走，一走佢又好醒喎，好快搵到門口！

作者: Vichang 時間: 14-2-19 15:29 標題: 回覆：七姑姑的帖子

阿囝去遊樂場唔願玩，結果走左去玩坑渠蓋！

作者: 七姑姑 時間: 14-2-19 15:29

好多人都叫我試下幫佢做預演,但由於在雙向溝通方面都未係好得,我感覺上好似我有我講咁,所以我都無試過做預演,但我會參考下你地意見

作者: Vichang 時間: 14-2-19 15:30 標題: 回覆：七姑姑的帖子

你個女對聲音敏感係感統問題，一定要跟進。

作者: 七姑姑 時間: 14-2-19 15:33

vichang咁你個BB同我地果個在這方面真是很似,總之每次帶她出街都唔得夠按我地大人的意願辦哂所有事,真係好痛苦,有時明明有些商舖想入,一去到門口佢又好大力捉住你唔比你入去,經常在角力真係好累,想食些自己喜歡食的東西又要考慮佢肯唔肯入去,等等因素,其實你地知唔知其它細路會唔會咁架

作者: 七姑姑 時間: 14-2-19 15:35

回覆 Vichang 的帖子

咁我想問下你仔最終主要因為乜而被評為A仔呢,你介意說我知嗎,謝謝你

作者: 芒果米池 時間: 14-2-19 18:07 標題: 引用：我女兒現在二歲八個月,但自出世到現在我都

原帖由 七姑姑 於 14-02-17 發表
我女兒現在二歲八個月,但自出世到現在我都覺得佢有很多跟別人不一樣的行為或反應,你說佢完會正常又唔係,完 ...

我講我個case比你作參考丫
現在2歲半，2歲時評估得有自閉特徵

1.完全一模一樣，感到頭痛！但去到接近2歲就慢慢可以安定係餐廳食飯，但當然唔可以長時間，中段都會企起坐位上，有時用啲筷子攪下後面卡位，好怕佢整倒人地！
2.反而佢好鐘意睇風扇，轉動東西，MTR都好興奮，但現在已經無左以前揮手揮腳那種興奮狀態。
3.小時有玩車輪，但有撞頭，沒有玩眼。
4.一樣
5.學校不守規則，愛離位，坐唔定。學期開始時，自閉行為明顯，老師都睇得出，現在已有改善。
6.一樣
7.情緒非常不穩定，扭眼瞓同醒來都一樣勁扭。唔鍾意人話佢，同向佢say no，一話佢（唔惡的）都會撞頭來發洩情緒。
8.差唔多，但多人少人都唔肯自己行，要抱！唔抱就死扭，又撞頭，可以扭成2個鐘，頭都撞到流哂血！（心痛）不過上2個月已改善，可以肯自己行。
9.很愛去遊樂場，但很少同其他小朋友交流，通常自己玩，但見陌生人都唔會要走，反而上playgroup，地方細，要圍圈，佢就會發癲，勁扭要走，但如果各家長小朋友各自玩，非要圍圈，佢就無野，有時都會望下其他人笑下咁。
10.一樣
11.心情好時，會自發叫人，但我要求佢叫人，就多數唔鐘意，還表現一幅不洩樣子。
12.細時一樣，現在都不會很抗拒，只係醫生要聽肚子、耳仔時，有點扭計。
13.細時情況好惡劣，現時一樣。
14.眼神接觸都多
15.叠字，有時加動詞，未有句子。
16.因為沒人幫手湊，所以都幾扭我，以前一步不可離開他，會扭死！現在還算肯跟爸爸

作者: 芒果米池 時間: 14-2-19 18:08 標題: 回覆：你認為我的女兒有問題或是自閉嗎

Sorry手機打字，所以隔唔到行

作者: Vichang 時間: 14-2-19 20:06 標題: 引用：回覆+Vichang+的帖子咁我想問下你仔最終

原帖由 七姑姑 於 14-02-19 發表
回覆 Vichang 的帖子

咁我想問下你仔最終主要因為乜而被評為A仔呢,你介意說我知嗎,謝謝你

因為佢未識聽指令、叫佢唔應、沒有言語、活在自己世界。但係而家好好多、識講話, 不過仲有固執行為。不過去到新地方都係想離開。

作者: Vichang 時間: 14-2-19 20:09 標題: 引用：vichang咁你個BB同我地果個在這方面真是很

原帖由 七姑姑 於 14-02-19 發表
vichang咁你個BB同我地果個在這方面真是很似,總之每次帶她出街都唔得夠按我地大人的意願辦哂所有事,真係好 ...

Exactly, 以前同佢入舖頭佢就喊，而家好d, 會留一陣，有時候仲會好奇望下。

作者: 七姑姑 時間: 14-2-19 23:42

咁多位網友感激你們花咁多時間去了解我女兒的狀況及咁用心去回應我的題問,謝謝你們

作者: meow3636 時間: 14-2-21 17:41

我女兒現在三歲,情況都同樓主女兒差不多, 我的還會用腳尖走路, REPEAT人地講野, 說一些與當時環境不相乎的說話, 分不清你同我...

作者: vivianho35 時間: 14-2-24 10:09

想問下係邊到有得上社交訓練呢?

作者: chole寶寶 時間: 14-2-25 09:16

我提議你可以試下音樂治療,因為如果佢咁怕去醫院,健康院,診所等地方,一入到去又要出返來,乜都做唔到既話. 我知有間音樂治療中心,佢入面裝修環境係好舒服既感覺,有專for小朋友既area,完全唔會有診所治療所唔舒服既感覺,而且用音樂approach 應該易接受, 玩緊既同時佢完全唔知俾人治療緊,應該唔會抗佢,個間既治療師好好,又係外國D兒童醫院做過,好識同小朋友接觸,我個女好鍾意佢,宜家每個禮拜都主動話要去

作者: 七姑姑 時間: 14-2-25 09:31

你可否告訴我那些資料嗎

作者: feipow 時間: 14-3-8 18:52 標題: 回覆：你認為我的女兒有問題或是自閉嗎

提示: 作者被禁止或刪除內容自動屏蔽

作者: wingxsunny 時間: 14-3-8 21:10 標題: 回覆：你認為我的女兒有問題或是自閉嗎

我小朋友22個月都一樣，去弓邊都覺得佢同其他小朋友不同，總會製造麻煩！
同埋佢完全不懂睇人眉頭眼額，一吾合心意只懂大叫大喊，我都好苦惱

作者: TKO媽咪 時間: 14-3-12 00:02

提示: 作者被禁止或刪除內容自動屏蔽

作者: sky_chan88 時間: 14-3-14 00:52 標題: 引用：我女兒現在二歲八個月,但自出世到現在我都

原帖由 七姑姑 於 14-02-17 發表
我女兒現在二歲八個月,但自出世到現在我都覺得佢有很多跟別人不一樣的行為或反應,你說佢完會正常又唔係,完 ...

Exactly like my son!! Same age also! I checked in Step, result was development delay and weak in social skills. Then I sent him ABS training for 2 months. Went to CAC, result有自閉傾向，但又似資優。但問答仲係唔得。但完全可express自己。依家每個月燒$!!!但進步好多好多！加油！

作者: sky_chan88 時間: 14-3-14 01:09 標題: 回覆：Vichang 的帖子

I want to join!! Will you join? Is it for weekend?

歡迎光臨教育王國 (/)