教育王國

標題: 今日收到壞消息 [打印本頁]

作者: 芒果米池 時間: 14-2-13 18:13 標題: 今日收到壞消息

讀左半年n班，今日同我講，今年9月只能提供N班俾我仔，即係要repeat多1年。

其實由開學至今，呀仔進步好大，已經可以定定坐係位度，但學校依然話佢仲未能同其他同學體齊，所以不能提供K班。

我即見議不如比佢試下讀K，假若真係唔得，先插反落N，但學校主任都係講反轉頭，要打好根基。

因為自閉症呢個名真係咁大影響？

作者: pandafood 時間: 14-2-13 18:33 標題: 回覆：今日收到壞消息

我呢幾日都諗緊呢個問題。點衡量升班定重讀⋯

作者: 芒果米池 時間: 14-2-13 18:39 標題: 引用：我呢幾日都諗緊呢個問題。點衡量升班定重讀

原帖由 pandafood 於 14-02-13 發表
我呢幾日都諗緊呢個問題。點衡量升班定重讀⋯

而家就係無得我揀，班主任都話佢乖左好多，情緒問題都好左。但學校就覺得佢對答同自理方面唔得，連試升機會都唔比。唔通就因為一張有自閉徽狀嘅報告影響

作者: pandafood 時間: 14-2-13 19:10 標題: 回覆：今日收到壞消息

有冇話佢語言程度去到幾多歲？我仔遲左好多，宜家先跟講單字。我怕佢咁樣應對唔到，比佢升會唔會都係浪費了。

作者: 芒果米池 時間: 14-2-13 20:21 標題: 引用：有冇話佢語言程度去到幾多歲？+我仔遲左好

原帖由 pandafood 於 14-02-13 發表
有冇話佢語言程度去到幾多歲？我仔遲左好多，宜家先跟講單字。我怕佢咁樣應對唔到，比佢升會唔會都係浪費 ...

未知呀，下星期五先去明愛做言語評估，不過佢就真係言語表達麻麻地，學校就係話，因為表達唔得，上到K班，有好多野都影響到，所以先叫佢留班

作者: angels'mom 時間: 14-2-13 21:20

本帖最後由 angels'mom 於 14-2-13 21:20 編輯

回覆芒果米池的帖子

留班唔一定係壞事，我仔K1讀了一年半，到今年K3一共讀了三間幼稚園，我一直覺得當年做的決定是正確的。

希望重讀對你的小朋友有幫助，加油!

作者: bauhiniakan2000 時間: 14-2-13 23:15

回覆芒果米池的帖子

如果唔想留斑,試搵其他學校,仲有成半年,若可以讀到就讀k1,讀唔到就唯有留番係度讀n

作者: bauhiniakan2000 時間: 14-2-13 23:25

回覆芒果米池的帖子

無辦法今年學校大把K1小朋友比佢揀,我個仔星期六見家長,唔知重有無得讀,9月我仔K1開學,同學校講話一路讀一路去 EETC,學校話唔得,有S位就要走,1月中 CAC 再評估,話不適合 S 位,我現在仍未找到學校收阿仔讀 K2,唔知點算.

作者: Vichang 時間: 14-2-14 00:21 標題: 回覆：bauhiniakan2000 的帖子

你小朋友有進步係開心事，希望你搵到一間好嘅幼稚園啦。

作者: lulumelody 時間: 14-2-14 00:36 標題: 回覆：芒果米池的帖子

不如試不找另—間，找下午班讀K1，寧願K1重讀，因為N根本不是必须，試下讀K1，如果唔得，才讀多—年K1！

作者: emilykyho 時間: 14-2-14 10:29

我一向排E位, 但因考唔到K1, 所以CAC醫生叫我轉I位. 其實都係個幾好的意見

作者: chaimum 時間: 14-2-14 11:38

bauhiniakan2000

你試下循道下午班，我仔讀緊k1下午，應仲有位

作者: Anan3388 時間: 14-2-14 11:49

Bauhiniakan, 試下同e位強烈要求sat上，我見有家長安排大部份training在sat

作者: 芒果米池 時間: 14-2-14 12:34 標題: 引用：我一向排E位,+但因考唔到K1,+所以CAC醫生叫

原帖由 emilykyho 於 14-02-14 發表
我一向排E位, 但因考唔到K1, 所以CAC醫生叫我轉I位. 其實都係個幾好的意見

即係E位未排到，同時考唔到K1？是否這個意思？

作者: Vichang 時間: 14-2-15 00:34 標題: 引用：我一向排E位,+但因考唔到K1,+所以CAC醫生叫

原帖由 emilykyho 於 14-02-14 發表
我一向排E位, 但因考唔到K1, 所以CAC醫生叫我轉I位. 其實都係個幾好的意見

Same here. 我個仔k1 都冇學校收，唯有希望今年排到s位啦。

作者: Vichang 時間: 14-2-15 00:36 標題: 回覆：芒果米池的帖子

好似搵間讀k1 好過repeat n 班，起碼k1 有學券嘛。n班貴。

作者: chowqv 時間: 14-2-15 17:09

bauhiniakan2000 發表於 14-2-13 23:25
回覆芒果米池的帖子

無辦法今年學校大把K1小朋友比佢揀,我個仔星期六見家長,唔知重有無得讀,9月我仔K1開 ...

都無得排S位，點解學校要小朋友退學？
咁政府只係俾E位，唔通要家長講私人S位？
學校咁樣講唔通。

作者: bauhiniakan2000 時間: 14-2-16 00:27

去年呢個時候曾想讀呢度 I 位,佢地話唔適合,7月佢地話囝囝可以係度讀 i 位,但要等到今年9月,但係囝囝體能和社交最弱,我覺得唔適合,8月派到 EETC,9月時佢地話下午仍有課程上,會影響學習,但我覺得囝囝全部學到,衹不善於表達.囝囝係度放左學會同同學仔在公園玩,所以真係好想讀落去,同囝囝講去第二度讀,佢話要係度讀,同埋帶囝囝去面試,佢就話打人,攪到人地以為佢好麻煩.
今日見左老師,亦將CAC報告比左佢,老師話囝囝學習問題不大,間中有情緒,衹願自己做野,唔同人合作做,選擇性同人講野,唔係人人都啋,體能較差,同食量少,(話佢自理能力較差及倚賴,我不認同,囝囝在家可擦牙洗臉換衣服,沖涼洗頭要我少少協助,衹是動作較慢和我提點一下),問可否升 K2,佢話唔係佢決定,要請示完通知我.

作者: 芒果米池 時間: 14-2-16 20:09 標題: 引用：有冇話佢語言程度去到幾多歲？+我仔遲左好

原帖由 pandafood 於 14-02-13 發表
有冇話佢語言程度去到幾多歲？我仔遲左好多，宜家先跟講單字。我怕佢咁樣應對唔到，比佢升會唔會都係浪費 ...

無呀，現在我仔2歲半，但只係識20個叠字左右，但佢就認得數字同A-Z。但同其他人嘅溝通真係比較弱，表達同理解比較同年齡的，都係唔太好。

作者: 芒果米池 時間: 14-2-16 20:10 標題: 引用：有冇話佢語言程度去到幾多歲？+我仔遲左好

原帖由 pandafood 於 14-02-13 發表
有冇話佢語言程度去到幾多歲？我仔遲左好多，宜家先跟講單字。我怕佢咁樣應對唔到，比佢升會唔會都係浪費 ...

所以我諗重讀多1年，可能對佢係有幫助。

作者: 芒果米池 時間: 14-2-16 20:15 標題: 引用：回覆+芒果米池+的帖子無辦法今年學校大把

原帖由 bauhiniakan2000 於 14-02-13 發表
回覆芒果米池的帖子

無辦法今年學校大把K1小朋友比佢揀,我個仔星期六見家長,唔知重有無得讀,9月我仔K1開 ...

同我學校做法都係1樣。

作者: 芒果米池 時間: 14-2-16 20:17 標題: 引用：回覆+芒果米池+的帖子無辦法今年學校大把

原帖由 bauhiniakan2000 於 14-02-13 發表
回覆芒果米池的帖子

無辦法今年學校大把K1小朋友比佢揀,我個仔星期六見家長,唔知重有無得讀,9月我仔K1開 ...

但係有無排i位呀？如果搵唔到K2，搵下社工幫手，睇下可以點做。

作者: 芒果米池 時間: 14-2-16 20:17 標題: 引用：你小朋友有進步係開心事，希望你搵到一間好

原帖由 Vichang 於 14-02-14 發表
你小朋友有進步係開心事，希望你搵到一間好嘅幼稚園啦。

謝謝你！

作者: 芒果米池 時間: 14-2-16 20:18 標題: 引用：我一向排E位,+但因考唔到K1,+所以CAC醫生叫

原帖由 emilykyho 於 14-02-14 發表
我一向排E位, 但因考唔到K1, 所以CAC醫生叫我轉I位. 其實都係個幾好的意見

可是條隊勁長，排都要1、2年！

作者: 芒果米池 時間: 14-2-16 20:24 標題: 引用：去年呢個時候曾想讀呢度+I+位,佢地話唔適合

原帖由 bauhiniakan2000 於 14-02-16 發表
去年呢個時候曾想讀呢度 I 位,佢地話唔適合,7月佢地話囝囝可以係度讀 i 位,但要等到今年9月,但係囝囝體能和 ...

聽你講法，其實小朋友本身數太差，只要學校放多d心機同佢溝通，應該ok喎。

作者: pandafood 時間: 14-2-16 20:54 標題: RE: 今日收到壞消息

回覆芒果米池的帖子

其實我都好爭扎，究竟重讀定K1.

我岩岩既星期六治療師比左意見我，可以INTERVIEW時問下老師或校長意見。如果有其他學校收你個小朋友時，可以問下佢地意見。我本來都有點怕比佢地知道會唔會認定我仔唔得，但又發現，未必間間都咁抗拒的。有一間仲安慰我，仲有半年時間，可能會追得番呢~ 個刻我幾想喊呀~

佢地語言發展，我地只可以陪佢，同佢練多D，但佢增進幾多都唔係我地可以計算到的。家長，互勉之！太累就休息一下再加油吧！ (呢排唔知係唔係新年忙得濟，天氣又凍，覺得個人好累呢… )

作者: Letter_lalaland 時間: 14-2-17 01:12

回覆芒果米池的帖子

好多情況下體能比較表達能力易追，
如果你住TKO 區，可以去寶琳MTR附近嘅寶康公園，好多嘢啱玩！

N班的課程，主要學習常規、自理、基本的社交同群體生活。
K1的課程對於體能同表達能力的要求更高，
所以若然老師肯主動要求小朋友多留一年，
多數係老師出於對小朋友的認識、關心同了解而作出的建議。
打穩基礎先升上去，會令小朋友的學習過程更加暢順、自然、有成就感。

我見過有發展遲緩的K3的學生，體能同其他各方面都只有K1的能力，
之前家長唔想咁早留班，老師、主任、校長力勸無效，勉強升級，大家見證小朋友有努力但實在係力有不逮，無論寫字、讀書、認字、基本的坐好、跑、跳、踢、拋擲都大幅落後於其他同學。

其實越低班老師可以多花時間比小朋友透過遊戲訓練基本技巧。而且課程要求只會越高班就越高同多、基礎打得唔穩嘅小朋友就更加冇時間去追，好辛苦，而老師亦都愛莫能助。

多用一年時間好好建立學習基礎、去公園練練體能、同家人多相處溝通表達不失為一個好選擇。

作者: emilykyho 時間: 14-2-17 16:11

回覆 pandafood 的帖子

同意, interview得多, 真是會down

作者: 芒果米池 時間: 14-2-19 17:22 標題: 引用：回覆+芒果米池+的帖子其實我都好爭扎，究

原帖由 pandafood 於 14-02-16 發表
回覆芒果米池的帖子

其實我都好爭扎，究竟重讀定K1.

係呀，最近小朋友又病左，佢地食左藥好累好炆陣，所以對住佢地都特別爐氣呀。

無呀聽左咁多人嘅意見，都決定重讀1年打好根基先。

最慘係排個i位都要等成1年幾，有時好想搵人傾下，舒發下心情，好在有你地，大家1齊努力呀！

作者: 芒果米池 時間: 14-2-19 17:28 標題: 引用：回覆+芒果米池+的帖子好多情況下體能比較

原帖由 Letter_lalaland 於 14-02-17 發表
回覆芒果米池的帖子

好多情況下體能比較表達能力易追，

你意見分析得好好！我仔仔係差在言語表達，情緒，學校常規，反而大小肌都可以。

所以，就算第二間學校肯收，問題始終都一樣，因為去到K班會比現在嚴格，環境又唔同哂，所以最後決定重讀。

回想起自己小時候讀幼稚園，真係無現在的多規則同問題，有時個心真你好累

作者: Letter_lalaland 時間: 14-2-19 22:17

回覆芒果米池的帖子

大部分 e 位嘅服務比較 i 位密集及全面，可以的話排 e 位啦。

作者: 芒果米池 時間: 14-2-20 00:05 標題: 引用：回覆+芒果米池+的帖子大部分+e+位嘅服務+

原帖由 Letter_lalaland 於 14-02-19 發表
回覆芒果米池的帖子

大部分 e 位嘅服務比較 i 位密集及全面，可以的話排 e 位啦。 ...

9月先見兒童精神科醫生，係咪可以要求佢比我排埋e位呢？
請問e位排隊時間是否都一樣咁耐？
是否大概一星期會有幾堂訓練要上呢，因為我對e位概念不大清楚？
謝謝。

作者: Letter_lalaland 時間: 14-2-20 05:43

回覆芒果米池的帖子

去睇私人醫生，ASAP 排隊啦，7 個月時間可以做到好多嘢

作者: Letter_lalaland 時間: 14-2-20 05:52

訓練堂數應該跟據

排完隊、中心有位嘅時候：
中心嘅資源分配、小朋友嘅需求、家長其他嘅考慮(如其他家庭成員的日程安排）。

歡迎光臨教育王國 (/)