教育王國

標題: 獨自返放學或去課外活動/興趣班 [打印本頁]

作者: camomile00 時間: 14-2-12 14:07 標題: 獨自返放學或去課外活動/興趣班

一般小朋友幾歲左右可以獨自返放學或去課外活動/興趣班之類?

作者: idy926 時間: 14-2-12 14:14

睇情況啦，我女9歲，返學路程短，撘幾個站馬鐵，返學多數會撞到同學一齊，馬路得一條；課外活動就只係一個站，仲要無馬路要過，我先放心佢自已去，否則我諗要中學先放佢自由行

作者: kitbebe 時間: 14-2-12 17:15

我女十歲自己放學, 中一才自己返學放學.

作者: hotingmum 時間: 14-2-13 15:11 標題: 回覆：獨自返放學或去課外活動/興趣班

我仔八歲，呢個學期要求佢放學自己搭巴士番屋企。

作者: yamyau 時間: 14-2-14 09:12

我女十歲自己放學

作者: edith208 時間: 14-2-15 00:44 標題: 回覆：camomile00 的帖子

我女小四，自己搭兩個地鐵站到ballet sch或泳池，晚上9点前放學，同其他同學一起行經商場去地鐵站搭地鐵回家。不用過馬路，帶同手机方便联络。爸爸未放工，我留家睇住小一女做功課。

作者: mollyfit13 時間: 14-2-15 09:23

hotingmum 發表於 14-2-13 15:11
我仔八歲，呢個學期要求佢放學自己搭巴士番屋企。

學校比佢自己放?

作者: birdbird 時間: 14-2-15 10:42

本帖最後由 birdbird 於 14-2-15 10:44 編輯

除了年紀之外, 還要視乎交通工具, 路線是否要過馬路, 地區/大廈的人流與保安情況等因素.

處於地鐵站上蓋或有天橋連接的屋苑/學校/商場/centre, 應該適合高小以上的小朋友自己出入.

我仔於小四時已獨自從學校乘地鐵到課外活動的所在地鐵站與工人姐姐(帶備樂器) 會合. 有時亦會叫他自己乘地鐵到嫲嫲家在的地鐵站, 嫲嫲在閘口等佢, 然後帶佢上樓.

我仔帶著一部只能打出打入的舊款手機與我們保持聯絡. 小朋友要獨自乘車, 就不要給他 smart phone, 一來小朋友或會掛住打機而忘記下車, 二來免得小朋友成為壞人的目標.

自從小朋友學曉自己坐車之後, d時間好用得多. e.g.年30晚, 我返工可以放早, 就約個仔在某個地鐵站與我會合, 然後一同去逛年宵市場. 小朋友自己都覺得多了一點自由, 因為只有他在乘地鐵之時, 才是完全自控, 沒人看管.

作者: selina1109 時間: 14-2-15 11:24 標題: 引用：一般小朋友幾歲左右可以獨自返放學或去課外

原帖由 camomile00 於 14-02-12 發表
一般小朋友幾歲左右可以獨自返放學或去課外活動/興趣班之類?

小三下学期，搭小巴返学。頭站上尾站落。小四全部自己攪掂。包括行路去中心學野，搭地鉄。佢觉得自己好叻，自信心大好多。当然，我认同跟環境，小朋友能力而自行决定。

作者: fatty126 時間: 14-2-20 17:19 標題: 回覆：獨自返放學或去課外活動/興趣班

阿仔小三暑假回校上課外活動時開始訓練，小四正式自己坐港鐵上學，但間中突擊跟蹤和計算所需時間，到現在小五一v刀okay 呀！

歡迎光臨教育王國 (/)