教育王國

標題: 他的小朋友的進步真的令人羨慕 [打印本頁]

作者: hollyho2014 時間: 14-2-11 10:17 標題: 他的小朋友的進步真的令人羨慕

我係新手，用遊客身份上黎一年多。從來唔嘴，因為要好多時間。

去年有家長及老師推薦努XX家居課程。但要日日在家裏訓練，自己工作又很忙…。眼見他的小朋友的進步….真的令人羨慕，想報名時被一個帖子困擾令我掙扎了很多個星期…. 。好彩有人分析提點、睇過課程書，好似好有說服力…. 無論係點，唔想再浪費一年，花兩千幾蚊，自已學套方法教仔都幾好。

希望淨係上咗努XX堂的家長給些意見。(我的朋友教仔太忙，不再上網。)

作者: chowqv 時間: 14-2-11 21:12

只能答你，教A仔係無捷徑，人地既方法未必100%岩你。
教A仔係要時間，耐性同愛心。

作者: Kyle 時間: 14-2-11 23:38 標題: 回覆：hollyho2014 的帖子

點解關於呢間野，通常都係啲新 account 走出來。

任何人家教授的技巧或課程都不是仙丹，最最關鍵是家長有無持之而恆日日在家中幫阿仔做家居訓練。

學習技巧方面，參考可以好廣泛，可以看書，上網摷，上治療堂時向治療師偷師也何，如果你不介意這間機構的某些作風，你可去上課，最緊要過到自己關啫，二千幾走得甩既話唔會要咗人條命掛。

技巧其實來來去去是那些，大把人無上課都可以自製教材教仔，亦有人上好多課都無郁手教過仔。自己最知仔程度，當然最能夠找到合適方法嚟教仔。如期望上過什麼課程不用花時間阿仔就會脫胎換骨，有點不切實際。要下苦功，浸出來的。

如要宣傳的話，我幫你一把，二月十七日開始有課程喎！

作者: bauhiniakan2000 時間: 14-2-12 00:00

回覆 Kyle 的帖子

真係,如果自己唔付出心機時間,為小朋友度身訂做,上什麽課程,燒幾多銀紙都無用.

作者: hollyho2014 時間: 14-2-14 08:19

多謝大家寶貴意見。基本既野我都知道，我報了名才出這個message，不需要為人宣傳。你們的辯論我一直都有看，所以有晒心理預算。其實我想聽下上左堂又要返工既家長，點樣安排時間。我所羨慕既家長可以放棄份工，但我唔可以。Anyway, 都係上左堂至算。

作者: chowqv 時間: 14-2-14 11:04

hollyho2014 發表於 14-2-14 08:19
多謝大家寶貴意見。基本既野我都知道，我報了名才出這個message，不需要為人宣傳。你們的辯論我一直都有看 ...

莫講話A仔，就算普通小朋友，做阿媽都要俾時間，心機去教。

我都無放棄工作，只係有所取捨。
阿仔都係要上E位，一樣要陪上堂。
技巧點學都唔重要，到底放左幾多“愛”俾佢，呢個先至最重要。
與其諗你點唔得，不如諗下你可以做既野。
有時候，咩訓練，都唔及得上你俾佢一個“擁抱”。

作者: Anan3388 時間: 14-2-14 11:15

Hollyho 如果妳報咗名，咁就不如把疑問留在上課時問下，睇下到時佢哋有無解答。始終面對面都詳細些講到你嘅情況同限制，聽多些再綜合啱自己的。

而有時孩子進步未必一定同我哋訓練幾多完全有關，都好睇佢自己嘅成長。我識些唔駛做乜但突飛猛進，亦有唔返工出哂力都無乜進展。所以盡咗力就好，別人的例子參考下就好，自己做到幾多盡咗力就接受吧！有心就好好！

希望你嘅學習有得著。未開班期間，都可繼續借d書睇下，和小孩玩下了解佢多些啦！

條路唔易行！唔係個個有條件去做哂所有嘢，其實亦無可能做哂所有嘅嘢。盡力而為啦！

孩子嘅進步有快有慢，同自己比較，有少少進步已好好，進步不大時耐心等待，繼續做啱嘅事，慢慢會有成果，加油！

作者: Kyle 時間: 14-2-14 11:31 標題: 回覆：Kyle 的帖子

本帖最後由 Kyle 於 14-2-14 19:05 編輯

我也要返工，知自己無耐性教仔，全是我老公晚上去訓練仔的，我安排教材，我老公根本什麼都無上過，無睇過，只用佢自己對學習的見解和對仔的認識嚟教，我可以咁講比起協康和Aba 老師，阿仔最受佢老豆教。

因材施教啦！上堂都是一些導師（你可以話其實是一班師奶）出來share，大家都是師奶，點解人得你會唔得？教教下師奶就變專家㗎啦！都未付諸行動開始教仔，就不要想收穫吧! Go go go! Action 啦！

作者: lilbee 時間: 14-2-15 12:17

導師有無心，小朋友同家長都feel到。有無料就真系要看專業背景啦，如果個個都自學成才，睇幾本書教下仔就可以話自己系專家唧，要學歷要教授做咩啊？

作者: Kyle 時間: 14-2-15 12:20 標題: 回覆：lilbee 的帖子

要父母又做咩喎？專家用嚟呃無知的人。

作者: Kyle 時間: 14-2-15 12:31 標題: 回覆：lilbee 的帖子

本帖最後由 Kyle 於 14-2-16 20:58 編輯

專家也是讀書考試時死温爛温，但考完個資格，都唔會再鑽研。
還有唔知可以點靠專家，over $700 per hour. 靠得佢地幾多個鐘？一向個模式係所謂專家教你幾招自己返屋企練習咋！你唔同小朋友練，賴邊個？xx試果間啲導師更加無專業資格, 頂盡有專業資格當師奶。

有無聽過久病成醫？往往是患者或其家人才會花時間日鋤夜鋤去揾治病的方案，專家沉醉在自己的comfort zone 賺錢，他們會花幾多時間落一個症呢？還有專家既招數好多時都重重覆覆的，死跟而自己不去加些額外操練，進步也不會理想。xx試黃太也是從長期訓練自己個仔將心得攞出來教下其他人咋，你估黃太讀過什麼專業？今天佢個仔依然嚴重。如父母日日操練都攪唔掂，係米專家就可以變法術扭轉乾坤？有操未必有收穫，無操肯定無，操練和成效一向都不成比例，付出100 往往回報得10或更小。這是自閉兒家長深明的道理。

可能你個仔情況輕微，只遇過一兩個專家，未被人耍夠。

作者: Kyle 時間: 14-2-15 12:37 標題: 回覆：Kyle 的帖子

本人就是專家

，昆人無數的專家。

作者: hollyho2014 時間: 14-3-2 10:21

多謝大家的意見和提點, 剛完成了8天的課程。每課三小時都很充實, 每日都有功課要做, 要完成都幾辛苦, 整個授課團隊除黃太和導師外也有專業治療師參與。每課都有家長回來分享和鼓勵, 每個仔程度都唔同, 愈差就愈要多時間, 最令我佩服的是有個整体遲緩仔既家長用左五年時間教個仔學扣鈕成功, 如果係我一定會放棄, 依家佢個仔可以全自理和游水唱歌…很勵志。小組學習時已告訴導師我的情況, 他們都認為我現時不需要辭工, 因我個仔不太差, 但希望可commit每天不少於30分鐘以上的家居訓練。又希望每星期最少一次同老公去撐枱腳, 我同老公講時他說真的要安排一下喎。這課程以家長角度和實用為主, 家長實戰經驗最寶貴, 同意家長也可以變專家。很適合我這些新丁去上, 祝大家一齊努力。

作者: kashin 時間: 14-3-4 01:15

本帖最後由 kashin 於 14-3-4 01:18 編輯

我之前都想上但時間問題上吾到...後來上去中心買左2本書睇....再後來有朋友上左....我本人認為如果抱住比二千幾蚊就可以有解藥....不如話比入會費有贈品送(教仔天經)...之後加入一個在香港黎講算係一個大既群體去不斷認識新會員...因為A仔年年評估有新個案....互相支持關心....不時搞下party....話晒自己人大家好明白做 A仔父母吾易..一個平台互送心靈雞湯....話到底針吾吉到肉吾知痛....需然在這裡都有不同既聲音...有人讚好有人不認同....但多一個平台好過少一個....我都有個8歲A仔....當中辛酸而家不時好回味....當中真係實際幫到我既係老公...BK...都有....還有很多時候無助時打開電腦吾難找到精神支持...因為當今社會A仔已經吾係咩大難題..只係照顧者要有愛心一點...學多一點...反而升呢左....比一般家長對教仔教女更多知識....大家團樂就時力量....

作者: Anan3388 時間: 14-3-4 18:00

樓主加油！

作者: 王王爸爸 時間: 14-3-8 00:19 標題: 回覆：Anan3388 的帖子

請問上課有冇討論BK此事？

多人上嗎？

作者: Jessiewoo 時間: 14-3-9 18:03

回覆 Anan3388 的帖子

好同意樓上講到 "有時孩子進步好睇佢自己嘅成長。有些唔駛做乜但突飛猛進，亦有唔返工出哂力都無乜進展。盡咗力就好" 的觀點！家庭教育和訓練固之然最緊要，但不要給孩子和家人太大壓力～～

作者: hollyho2014 時間: 14-3-10 08:14

回覆 Anan3388 的帖子

多謝你的鼓勵，我一定會加油努力的。你實戰的分享，對我很有幫助。

作者: hollyho2014 時間: 14-3-10 08:22

回覆 Jessiewoo 的帖子

同意！上堂時學會一樣野就是除了推動自己外，就是一定要開心。謝謝。

作者: hollyho2014 時間: 14-3-10 08:26

回覆王王爸爸的帖子

沒有提及BK的事。大概有五十人參加，其中有十多個是前線專業。大部份都是家長介紹去上堂的。也有幾個是從網上知道去上的，我是一半一半，好彩我都無錯過。

要趕返工了，bye。

作者: 王王爸爸 時間: 14-3-14 19:24

回覆 hollyho2014 的帖子

http://hk.apple.nextmedia.com/news/art/20140314/18655895

歡迎光臨教育王國 (/)