教育王國

標題: 去廁所問題 [打印本頁]

作者: cleokiko 時間: 14-2-11 07:28 標題: 去廁所問題

我個仔之前被老師投訴，佢成日上課要去廁所，要我帶佢去看醫生！我當然無啦！因為我平日在家，根本唔覺得佢有問題！最近阿仔好可憐咁同我講，老師唔比佢去廁所，真係好急都唔比佢去，由其是星期二的午餐後的功課堂，12：00-12：40食飯時間，飯前可以去，飯後不可以去洗手間，便要上功課堂，要到14：05才可以有小息。
我是否應該打電話去問吓老師？因為阿仔特別指明是星期二的某位老師，而且他說佢有比其他同學仔去！淨係唔比佢去！喊哂咁，令我心煩了！但又怕找老師，令件事更糟！例如印象不好，令老師更針對小朋友。

作者: rei0510 時間: 14-2-11 08:45 標題: 回覆：cleokiko 的帖子

為自己兒子爭取去厠所權利，問一下老師並不存在會被標韱。問下接受的話，就由加媽媽囗中解釋給他知道，可能雙方會有改善！要問。

作者: Jane1983 時間: 14-2-11 10:08

如果飯前去左厠所，應該無甘快急。

你小朋友就讀的學校是傳统定開明，那位老師style 怎樣？吾系吾贊成為小朋友争取合理安排，但要小心d處理。

作者: YuYuMother 時間: 14-2-11 10:19 標題: 引用：如果飯前去左厠所，應該無甘快急。你小朋友

原帖由 Jane1983 於 14-02-11 發表
如果飯前去左厠所，應該無甘快急。

你小朋友就讀的學校是傳统定開明，那位老師style 怎樣？吾系吾贊成為小 ...

同意。

我唔會立即問老師，反而會提醒囝囝午飯之前先去一次洗手間，咁應該無咁快再要去多一次。

你有無問過囝囝係咪真係成日去洗手間？要明白小朋友係屋企同學校好多時唔一樣。如果問清楚唔係，而問題持續發生，咁先聯絡老師傾傾啦。

作者: happy_lavender 時間: 14-2-11 10:20

本帖最後由 happy_lavender 於 14-2-11 10:39 編輯

食物及心理因素也會影響如廁需要，本人經常上大陸，要坐45分鐘至個多小時的車程，大部分時間只要不喝水便沒有如廁需要。但總有些時間，可能因為心情稍稍緊張，就算上車前已如廁；也試過在不到30分鐘便又有需要，真的不知何解？

講真，一般人都是飯後才有如廁需要，無可能唔畀人飯後如廁！很無理！

如廁是基本人權，那老師的做法絕對有問題，尤其是針對性不允許某人如廁！投訴那老師也不為過！我是制服團隊導師，也遇過一些小朋友不善管理飲水如廁，在一般情況下都容許佢地去。只會在時間很不足的情況下才會不允隊員如廁飲水，但通常在30分鐘內便有小息，容許隊員處理！更絕不可能允許一個去，禁止另一個！我懷疑此舉違反平等機會/人權條例。

作者: happy_lavender 時間: 14-2-11 16:18

本帖最後由 happy_lavender 於 14-2-11 16:19 編輯

據香港法例第298A章第37條，"體罰"(corporal punishment) 一詞包括打、摑、搖，或蓄意施加任何形式的肉體痛楚作為懲罰。如果能證明忍尿的不適感覺是肉體痛楚或忍尿會引致肉體痛楚，那麼該老師就等同體罰，即犯法。

作者: Jane1983 時間: 14-2-11 17:38

以前系EK都有"比吾比小朋友上堂去厠所”，有過非常激烈的討論，最後反晒面收場。

上厠所，系生理需要，但可吾可以在生理和守規中嘗試找個平衡？和考師理論，見過有越講越over的case，就怕小朋友以后在學校，難做人。

作者: Yanamami 時間: 14-2-11 18:11

喺屋企靜靜雞time下阿仔幾耐去一次toilet（飲完水後）。可能掛住玩，午飯前無去到，上堂先黎急都唔定。

作者: babycancan 時間: 14-2-11 18:38

(真實個案)曾經有個同學仔都是經常去廁所,後來看醫生,醫生說是因為包皮過長,做完手術就無尼個問題(不喜勿插)

作者: hadwinboy 時間: 14-2-11 21:19 標題: 回覆：去廁所問題

我母親曾是小學教師，她有另類觀點。她說唔信個小朋友好急而唔比佢去，陣間賴左仲麻煩搵黎搞。她說小朋友要去多次米去飽佢囉，聽唔到書或聽漏書是小朋友自己蝕底。哈哈!

作者: little_yolky 時間: 14-2-12 13:55

hadwinboy 發表於 14-2-11 21:19
我母親曾是小學教師，她有另類觀點。她說唔信個小朋友好急而唔比佢去，陣間賴左仲麻煩搵黎搞。她說小朋友要 ...

但係咪好急只有小朋友自己知道, 有小朋友唔好彩肚仔唔舒服, 老師唔俾去廁所, 癩咗大大

唉, 咁就一世, 成世俾同學仔笑。所以, 我囡囡小一入學前我就同佢講, 要小息去廁所, 但如果上堂肚仔唔舒服, 真係好急, 老師唔俾去, 就唔好理佢, 自己衝去廁所, 老師如果要罰, 萬大事有阿媽同你出頭, 癩咗就真係醜死鬼。

作者: 魚兒小寶貝 時間: 14-2-12 20:03

我個仔之前被老師投訴，佢成日上課要去廁所，要我帶佢去看醫生！

投訴既老師淨係星期二某老師? 咁星期一、三、四、五你仔在校既如廁時間及頻率係點?

作者: ha8mo 時間: 14-2-13 15:02

提示: 作者被禁止或刪除內容自動屏蔽

作者: happy_lavender 時間: 14-2-13 16:46

回覆 hadwinboy 的帖子

醒目！

我小時很頑皮，試過被阿媽罰跪地主時內急，問阿媽又唔畀去，情急下就地解決(其實係刻意)，問你死未！！而家諗番都覺得自己衰，不過都會咁做。

作者: happy_lavender 時間: 14-2-13 16:55

回覆 babycancan 的帖子

我想應該因為包皮長，而小朋友又清潔得不好，引致藏菌，被感染致尿道炎，便要頻繁地如廁。

作者: cleokiko 時間: 14-2-21 00:20 標題: 回覆：去廁所問題

我已教了佢小息記住去廁所，小息完之前也去多次！每天也提他要在適當時間第一時間去廁所。
至於星期二問題，那天，午飯後，功課堂前，他的班主任讓他去了廁所。
不過講真，功課堂那位中文老師，我估她為人確實有問題！見她改功課就知道了！可以我個仔寫錯字也看不到，你們也知道現在的中文字和我們以前有出入啦！佢可以寫詞語時照Click,到默書時先話那些點橫直鈎有問題！個（害）字，真係…,我們以前也不是棟穿落去個口字，是嗎？
而且只是一班小一的小朋友也會對她議論紛紛。
英文老師就非常嚴格，字母寫得唔靚也要改，例如S W 這些，例如大階寫得細了些，細階寫得大小小，都圈錯。

歡迎光臨教育王國 (/)