教育王國

標題: 導師話：我敢寫包單你的仔第時一定變壞 [打印本頁]

作者: sunnymama2 時間: 14-2-10 11:08 標題: 導師話：我敢寫包單你的仔第時一定變壞

佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt:

作者: picture 時間: 14-2-10 11:40 標題: 引用：佢話佢敢寫包單話我的仔第時一定變壞，好唔

原帖由 sunnymama2 於 14-02-10 發表
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

What does she mean?

Don't.think a proper.teacher would say that! If she isn't a prooer teacher with education training or background, you should probably just ignore these unconstructive useless feedback.

作者: picture 時間: 14-2-10 11:46 標題: 回覆：導師話：我敢寫包單你的仔第時一定變壞

What kind of playgroup is that? Most of the time those instructors are ill-qualified

作者: LivedLee 時間: 14-2-10 12:03 標題: 回覆：導師話：我敢寫包單你的仔第時一定變壞

將來嘅野，神仙都講唔埋啦，佢憑乜咁揀。

作者: MrBeast 時間: 14-2-10 12:04

佢都好direct 下。

作者: Yasmin0601 時間: 14-2-10 13:10 標題: 回覆：導師話：我敢寫包單你的仔第時一定變壞

提示: 作者被禁止或刪除內容自動屏蔽

作者: Jane1983 時間: 14-2-10 13:12

點解會甘講？18個月大，睇到d也？專家話幼童3歲前表現，與日後智能發展系無關。她身為導師，甘樣講好不負責任。

作者: Jane1983 時間: 14-2-10 13:17

不過，如果系我，系吾開心之後，都話想吓自己小朋友有無做左d也野，令一個假设心理正常的成年人，講e甘既說話。

有則改過，無就move on，個playgroup ，就一定吾會再讀

作者: picture 時間: 14-2-10 13:19 標題: 回覆：導師話：我敢寫包單你的仔第時一定變壞

What happened exactly

作者: sunnymama2 時間: 14-2-10 13:49

其實嗰個唔係一般playgroup,學生係家長，導師係男人，主要教家長點樣control小孩，會講吓育兒理論，了解小孩每個階段的發展，上佢堂要遵守佢的規矩，唔係飲水時間就唔可以飲水，好嚴格

作者: sunnymama2 時間: 14-2-10 13:57

上堂阿仔唔收我控制，要食兩個奶咀，但導師只比食一個，咁我唯有聽佢話收起一個，但阿仔奶咀一個也能少，好似毒癮發作，拼死爬去我背囊揾奶咀，我又拉唔開，過程持續有幾個字，跟住佢放棄唔揾，要水水（喊到氣喘），咁我就緊係俾水佢飲，但比導師話我破壞規矩，但佢喊到要嘔喎，呢個時候規矩真係咁重要？

作者: picture 時間: 14-2-10 14:25 標題: 引用：其實嗰個唔係一般playgroup,學生係家長，導

原帖由 sunnymama2 於 14-02-10 發表
其實嗰個唔係一般playgroup,學生係家長，導師係男人，主要教家長點樣control小孩，會講吓育兒理論，了解小 ...

我之前都上過一個浸大搞的$900兒童心理學課程……老師叫什麼语記得。成日叫人add佢facebook group。

·我上了4堂，發覺個所謂導師不知所謂，成日自吹自擂多年在特殊教育工作的經驗「分享」。對上堂的家長語带侮辱，輕蔑。

實際教學幾乎零。成日聽佢上堂寸人，說話低俗，作威作福，超討厭。

這個所謂導師和這裹的家長比，簡直就可以用冇料來形容。

浪費我時間……

作者: lui 時間: 14-2-10 15:11 標題: 回覆：sunnymama2 的帖子

希望你不要太不開心，你有冇聽漏佢講如果你唔教就。。我估我地上同一個老師堂。我知道佢好直，但我認為佢夠直接。佢話我個女任性，絕對正確，依家唔教，第時無得教-同意！佢話小朋友一定壞，如果依家唔教就有聽過。愛和堅持吧

作者: bckobi 時間: 14-2-10 15:15 標題: 引用：上堂阿仔唔收我控制，要食兩個奶咀，但導師

提示: 作者被禁止或刪除內容自動屏蔽

作者: picture 時間: 14-2-10 20:44 標題: 回覆：導師話：我敢寫包單你的仔第時一定變壞

我只可以講規矩是要遵守，但小孩要守那些規矩是由父母，因应小孩的能力，理解力，生理需要等去訂製。

還有對小朋友的要求應循序漸進……佢一味軍訓式「管束」是不行的。

如果你也覺得你小孩不受控，那就花點心思幫他戒懷習慣。

坦白講嵗半巳經不是BB 了。一早應戒奶咀。

你希望他3嵗時是怎樣現在就開始潛言默化，從曰常生活開始，着手調教。

要預畤間的。到你考幼稚園時就是收成期

作者: picture 時間: 14-2-10 20:47 標題: 回覆：導師話：我敢寫包單你的仔第時一定變壞

18 個月試下比颜色筆比佢自娱

作者: MrBeast 時間: 14-2-11 09:10

sunnymama2 發表於 14-2-10 13:57
上堂阿仔唔收我控制，要食兩個奶咀，但導師只比食一個，咁我唯有聽佢話收起一個，但阿仔奶咀一個也能少， ...

之前母嬰健康院有個3p課程比父母上的，小孩兩歲便可報名，有時間find out 下，正所謂三歳定80， behaviour 和價值觀e加唔搞好佢，大個d會好煩。

作者: sunnymama2 時間: 14-2-11 18:47

多謝大家的意見，我會好好檢討自己係唔係太縱，其實我老公比我還要縱個仔

，好多教法都唔一致，爺爺嫲嫲又錫到燇，所以我都唔知點！

作者: Potato001 時間: 14-2-11 18:48 標題: 回覆：sunnymama2 的帖子

歲半的小朋友，開始能說話和用身體語言表達意思，但始終仲細，自制能力有限，而且小朋友的專注力很差，只能集中精神一段短時間（5-10分鐘），上堂佢可能唔鍾意個老師，覺得悶等，就會食奶咀/啜手指，來安撫自己的情緒。佢未戒奶咀，你唔俾佢食，一定會喊爆，戒奶咀係返屋企做，唔係上堂做嘅事。

作者: Jane1983 時間: 14-2-11 19:04

回覆 sunnymama2 的帖子

你有呢個awareness，都係得著，好事！

作者: MrBeast 時間: 14-2-11 20:28

回覆 sunnymama2 的帖子

Ic, 家家有本難諗的經。
Re 奶嘴，朋友的做法是擦上一些難吃的東西，試試，又唔使傷感情。

作者: picture 時間: 14-2-11 20:47 標題: 引用：歲半的小朋友，開始能說話和用身體語言表達

原帖由 Potato001 於 14-02-11 發表
歲半的小朋友，開始能說話和用身體語言表達意思，但始終仲細，自制能力有限，而且小朋友的專注力很差，只能 ...

Yes yes
在家努力

出外檢視成効
回家再改正

如事者慢慢慢教，日子有功

作者: cloudwingwing 時間: 14-2-16 00:38 標題: 回覆：導師話：我敢寫包單你的仔第時一定變壞

我唸導師係留意到你平時點樣同小朋友相處，可能知你地太縱容個仔，他一喊你地就心軟，好似tbb之前有個節目x志文個仔，咁確實他長大左一定變壞

作者: meowymeowy 時間: 14-2-16 01:34 標題: 引用：佢話佢敢寫包單話我的仔第時一定變壞，好唔

原帖由 sunnymama2 於 14-02-10 發表
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

個導師咁講都好有問題，邊個敢寫包單呢？佢未聽過「小時了了，大未必佳」嗎？

作者: pokey 時間: 14-2-17 07:40 標題: 回覆：導師話：我敢寫包單你的仔第時一定變壞

似乎導師唔係話緊你個仔，係話緊你地！佢意思應該係如你地仲係咁縱

作者: 964000 時間: 14-2-17 15:43

本帖最後由 964000 於 14-2-17 15:51 編輯

sunnymama2 發表於 14-2-10 11:08
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

佢係話如果你太縱佢，佢有機會變壞，你要學下say no，有時喊下都吾好即刻就晒佢

作者: Jane1983 時間: 14-2-18 12:17

本帖最後由 Jane1983 於 14-2-18 14:34 編輯

最近撞到個朋友，她訴說個仔由食飯、返學、做功課到，以至玩玩具，都完全吾聽話，要按自己想法去做。今年考小一，全軍覆没不特止，有幾次去面試，根本就吾肯去，要父母求他。朋友而家希望大抽獎去到名小，我反而吾敢想像她以後如何和個仔，在功課、默書、考試中角力。

我都算系放養型亞媽，吾會太要求小朋友好乖，但母女之間會有一個默契，系重要的事，她要聽我話。

建議樓主都嘗試和小朋友建立這個關系，將來亦教得無甘辛苦。

作者: Vijoyce 時間: 14-2-18 16:28

回覆 sunnymama2 的帖子

我估你係上緊太子果間PG.. 我個女9個月大開始上.. 依家阿女3歲幾.. 我個女初初上堂時都喊到癲.. 但我比較狠心.. 聽導師話去做.. 上到第3期, 阿女就已經受控.. 依家大左都好聽道理.. 不會亂發脾氣.. 。

眼見好多同期既家長都一齊上左3年.. 當中有一個CASE同你仔一樣.. 初初都喊到嘔.. 一堂嘔3次.. 個MAMA好心痛.. 唔肯坐就夾到佢坐.. 有D環節一路喊一路做.. 慢慢個小朋友接受左呢個模式.. 再無喊無嘔.. 但當中有大半年時間受罪的~

當然亦見過家長與導師意見不合, 或不守上堂導師既規舉吵鬧起來.. 不歡而散...

但當你比D耐性.. 一定睇到成果, 最明顯既係.. 上第二D PG.. 淨係要小朋友坐定定聽導師Briefing已做唔到.. 蹝左大半堂時間..

至於佢話你個仔.. 其實應該係話緊你既管教模式.. 如果你唔覺得你既管教模式有問題.. 仍"縱容"仔仔去做.. 咁就"寫包單你的仔第時一定變壞"..

作者: cammyjun 時間: 14-2-22 03:45 標題: 回覆：Vijoyce 的帖子

我想問下太子果間叫咩名，我都想比我仔仔返下呢煩型pg

作者: wan_sosin 時間: 14-2-22 10:51 標題: 引用：其實嗰個唔係一般playgroup,學生係家長，導

本帖最後由 wan_sosin 於 14-2-22 23:18 編輯

原帖由 sunnymama2 於 14-02-10 發表
其實嗰個唔係一般playgroup,學生係家長，導師係男人，主要教家長點樣control小孩，會講吓育兒理論，了解小 ...

所以句說話係沖著父母講，唔係真係話個小朋友!相信樓主知道導師意思!只係導師又真係講得盡咗D!

作者: 馬到功成 時間: 14-2-22 16:15 標題: 引用：佢話佢敢寫包單話我的仔第時一定變壞，好唔

原帖由 sunnymama2 於 14-02-10 發表
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

唔好睇小細佬仔

我敢保證好既父母仔女都唔會差得去邊

作者: dabi34 時間: 14-2-22 18:56 標題: 回覆：導師話：我敢寫包單你的仔第時一定變壞

How could anyone be 100% sure ?! Forget it ...... No way to believe

作者: wan_sosin 時間: 14-2-22 23:28

本帖最後由 wan_sosin 於 14-2-25 22:57 編輯

sunnymama2 發表於 14-2-10 13:57
上堂阿仔唔收我控制，要食兩個奶咀，但導師只比食一個，咁我唯有聽佢話收起一個，但阿仔奶咀一個也能少， ...

一歲後就要戒奶咀啦!
而且,盡可能唔好比小朋友有"一定要"點點點....呢類嘢!否則將來極難教!

將來如果佢一定要買玩具,一定要食糖,一定唔肯溫書,一定唔肯做功課,一定唔肯坐定定等等......你就頭痛啦!

而呢類行為,背後亦代表由小朋友話事,而唔係大人!

作者: webpaupau 時間: 14-2-25 11:15 標題: 引用：Quote:sunnymama2+發表於+14-2-10+13:57+上

原帖由 wan_sosin 於 14-02-22 發表
一歲後就要戒奶咀啦!
而且,盡可能唔好比小朋友有"一定要"點點點....呢類嘢!否則將來極難教!

totally agree

作者: 魚兒小寶貝 時間: 14-2-25 11:19

wan_sosin 發表於 14-2-22 10:51
所以句說話係沖著父母講，唔係真係話個小朋友!相信樓主知道導師意思!只係導師又真係講得盡咗D!

上堂阿仔唔收我控制，要食兩個奶咀，但導師只比食一個，咁我唯有聽佢話收起一個，但阿仔奶咀一個也能少，好似毒癮發作。。。

****************
我都覺得係沖著父母講!

導師唔係唔比食奶咀，但。。。食兩個奶咀喎！！！我都真係唔係好明，佢點食兩個?
And你點會開始比佢食兩個奶咀!

作者: wan_sosin 時間: 14-2-25 23:01

魚兒小寶貝發表於 14-2-25 11:19
導師唔係唔比食奶咀，但。。。食兩個奶咀喎！！！我都真係唔係好明，佢點食兩個?
And你點會開始比佢食兩個奶咀!

我都有同樣諗法,一個口,點食兩個咀?可能導師都會覺得,咁唔合情理,你都比你個仔做,咁第日你會點樣教仔?

作者: Yeahly_ly 時間: 14-3-2 23:04 標題: 回覆：導師話：我敢寫包單你的仔第時一定變壞

個老師講野用詞係過份左～但令你會再想深一層也唔係壞事

奶嘴真係要一歲戒啦！會依賴左奶嘴架～我個女6m自己戒～

我都覺上堂唔好比佢想點就點～要佢專心先～之前我個囡上playgroup係都要玩後面舊大型玩具～我諗諗下都係唔應該比佢咁做～下次就堅持要佢上晒堂先玩～用其他野分散佢注意力！

作者: abby0624 時間: 14-3-3 09:38

小朋友真係唔就得，佢地好識睇你地反應，唔好以為佢細個就唔知。我個仔對住我同對住我老公可以兩個樣，因為我老公就慣佢，呢啲就係大人做成既後果。

作者: Bbpa 時間: 14-3-3 11:16 標題: 引用：回覆+sunnymama2+的帖子我估你係上緊太子

原帖由 Vijoyce 於 14-02-18 發表
回覆 sunnymama2 的帖子

我估你係上緊太子果間PG.. 我個女9個月大開始上.. 依家阿女3歲幾.. 我個女初初上 ...

請問係邊間？我有興趣上，等亞女聽話d，可以比d資料我嗎？

作者: Annbaat 時間: 14-3-5 02:15 標題: 回覆：導師話：我敢寫包單你的仔第時一定變壞

呢一代小朋友真係被寵慣，唉!能否提供playgroup資料，我也希望有人教我如何應付家中果位任性小姐。唉~！

作者: lui 時間: 14-3-5 15:28 標題: 引用：我想問下太子果間叫咩名，我都想比我仔仔返

原帖由 cammyjun 於 14-02-22 發表
我想問下太子果間叫咩名，我都想比我仔仔返下呢煩型pg

係旺角，我個人認為這個play group 好好，教大人怎教。有d家長唔受，不歡而散。上呢個playgroup,要自己整教材，我樂此不彼！要資料的pm我。我上了三期了

作者: vvik 時間: 14-3-6 16:05

本帖最後由 vvik 於 14-3-6 16:06 編輯

Vijoyce 發表於 14-2-18 16:28
回覆 sunnymama2 的帖子

我估你係上緊太子果間PG.. 我個女9個月大開始上.. 依家阿女3歲幾.. 我個女初初上 ...

請問係太子邊間PG? 可以分享資料嗎? 想試上唔多類型的PG睇下適唔適合. Thanks!

作者: zone699 時間: 14-3-8 12:19

提示: 作者被禁止或刪除內容自動屏蔽

作者: chococutey 時間: 14-3-8 14:29

作者: sunnymama2 時間: 14-3-8 18:26

囝囝終於上完一期的課程，我亦幫囝囝報左下一期課程。其實之前導師對囝囝嚴格，係因為佢唔知囝囝病緊，我亦冇同導師講。自從嗰次後，囝囝連續兩堂冇上，因為囝囝真係病左成個月。剛病好的時我就帶囝囝上堂，導師知囝囝剛病好，對佢寬鬆左，佢話小孩病左時係唔駛進行正常教育，係好番後8日先教，佢話以後如果病左要同佢講。咁其實我之前都係怪錯佢。
教得好唔好，如樓上媽媽講見人見智，我老公唔受佢嗰套，但我就覺得佢講野有參考價值。最每期的最後一期會有評估，佢講很啱，我好縱個囝，（其實係囝囝真係好有自已主見），將來好難教。

作者: picture 時間: 14-3-10 18:53 標題: 引用：囝囝終於上完一期的課程，我亦幫囝囝報左下

原帖由 sunnymama2 於 14-03-08 發表
囝囝終於上完一期的課程，我亦幫囝囝報左下一期課程。其實之前導師對囝囝嚴格，係因為佢唔知囝囝病緊，我亦 ...

Never heard of any 8 day rule.

Gives me an even worse impression of this instructor. Btw what sort of qualifications has he got?

作者: Obiepapa 時間: 14-3-11 19:45 標題: 回覆：導師話：我敢寫包單你的仔第時一定變壞

信她一成，雙目失明

作者: monkeydiary 時間: 14-3-11 23:30

sunnymama2 發表於 14-2-況都0 13:57
上堂阿仔唔收我控制，要食兩個奶咀，但導師只比食一個，咁我唯有聽佢話收起一個，但阿仔奶咀一個也能少， ...

個導師根本連一個18個月大的bb的實際情況都未了解清楚，仲學人開talk講育兒理論？真係信一成都死

作者: wan_sosin 時間: 14-3-12 11:31

sunnymama2 發表於 14-3-8 18:26
囝囝終於上完一期的課程，我亦幫囝囝報左下一期課程。其實之前導師對囝囝嚴格，係因為佢唔知囝囝病緊，我亦 ...

樓主你會放下心情,接受自己湊小朋友有改善空間係好事!
唔好太認定個小朋友太有主見,所以你哋好無可奈何!佢仲細,佢完全係你手上!歲幾攪唔掂,到十幾歲,怕你真的要放棄!
我唔係空口咁講,我個仔快6歲,由一歲已很反叛!四歲醫生評估佢活躍同反叛!無人怕,無有怕,連老師都唔怕!
我從佢bb時已同佢角力,同佢鬥過你C我活!佢兩三歲人已識偷嘢,收埋我D嘢,整爛我D嘢!成日講反話!
讚佢乖,佢話唔洗,讚佢曳得啦!

但苦戰幾年,最近又再去跟進評估,心理學家已無提佢反叛問題!只係傾佢活躍,我亦覺得佢無以前咁極端!亦開始希望同我合作!佢對自己做錯而令我唔開心!已有醒覺,唔會再無所謂!

佢開始似返一般小朋友,希望自己做得好有別人欣賞!

所以,樓主而家開始努力,無話唔得!最緊要堅持,最緊要你相信教到你個小朋友!加油!

作者: sunnymama2 時間: 14-3-12 16:14

wan_sosin 發表於 14-3-12 11:31
樓主你會放下心情,接受自己湊小朋友有改善空間係好事!
唔好太認定個小朋友太有主見,所以你哋好無可奈何!佢 ...

好多謝你的分享，我唔知囝囝而家係唔係反叛，總之佢有時會同你作對，見你嬲個樣佢就開心ke ke笑，上playgroup好多家長都會捉住小朋友的手做動作，但囝囝4個月已經唔比你捉住佢拍手做動作，到而家都係。佢好識睇人哈，最喜歡哈我同爸爸。正如你講，屋企佢最大，成日點人做野，我其實每晚都會同老公講囝囝要教，如果唔係將來唔知點算！

作者: wan_sosin 時間: 14-3-13 00:33

本帖最後由 wan_sosin 於 14-3-13 23:13 編輯

sunnymama2 發表於 14-3-12 16:14
好多謝你的分享，我唔知囝囝而家係唔係反叛，總之佢有時會同你作對，見你嬲個樣佢就開心ke ke笑，上playgro ...

當佢keke笑時,一定唔好放過佢,一定要用任何方法比佢知道件事爸爸媽媽是認真的,要佢收到佢有錯!要見到佢由笑變成驚好,怕好,唔鍾意都好!

幾個月大至上學前,其實如果唔係曳,都可以比佢發展,唔跟住動作唔係好大問題,如果佢亂攪唔應該掂嘅嘢就有問題啦!要stop!

到返學n班都唔多緊要,K就要真的要學跟指令!但而家你囝囝還少,還有時間教!

佢係反叛還是因你們有縱佢而唔聽話!要等你落多D功夫才會知道,當你認為你已用盡方法你小朋友都係咁,甚至比別人去教都係咁,才可以推算是否小孩真的天生個性比較強橫!

縱容一個小朋友,佢嘅行為隨時等於或甚至犀利過一個過度活躍嘅小朋友!呢個情況我親眼見過!

所以把握機會呀,唔好錯過教小朋友嘅黃金時間!

作者: webpaupau 時間: 14-3-13 08:01 標題: 引用：Quote:sunnymama2+發表於+14-3-12+16:14+好

原帖由 wan_sosin 於 14-03-13 發表
見住當佢keke笑時,一家唔好放過佢,一定要用任何方法比佢知道件事爸爸媽媽是認真的,要佢收到佢有錯!要見到佢 ...

agree, 可以找—些有關兒童學習的機構去做測驗和訓综

作者: sunnymama2 時間: 14-3-13 10:53

webpaupau 發表於 14-3-13 08:01
agree, 可以找—些有關兒童學習的機構去做測驗和訓综

請問有邊間，而家囝囝剛20個月。真係俾佢激死，佢18個月有一日突然自已唸ABCDEF,咁我地大人緊係叫佢唸多次A至F，佢一係搖搖頭，一係就咁讀AF當完，見到我地嬲的樣就哈哈笑。我地同佢講如果唸到就讚叻叻，佢都係搖搖頭ke ke 笑！如是者過左個幾月，佢一係唔唸，一係唸錯，咁我地以為佢唔記得都冇話要迫佢，但佢佢爸爸有晚放工買玩具俾佢，要佢唸A至F先係俾佢玩，佢竟然用一秒之內快而準唸ABCDEF，點解佢咁ga?咁係唔係叫反叛？
仲有個例子係面試，永遠老師叫佢指眼耳口鼻佢都係零反應，但唔係唔識，佢1歲已經識啦，但面試就係眼定定望老師。好啦，我同老公講可能陌生環境加陌生人冇反應都正常，從來都冇話佢，仲叫老公唔好係佢面前講佢壞話，驚佢唔開心。但係最近一次面試老公同囝囝面試，結果出奇地肯做動作，仲好似好主動，叫做group裡最有反應的一個，我好開心，因為囝囝終於係面試比反應啦。點知老公話係因為佢係囝囝耳邊講只要佢肯做動作就俾架大車車佢，我聽到後真係好又好笑又嬲不，佢得20個月點解咁功利，將來會點？

平時係屋企都唔太聽話，睇電視太近
，叫佢行後點，佢就行前，仲要擰轉頭笑住睇你有乜反應，大家小朋友係唔係咁ga?

導師的評論係話好心痛，因為佢話囝囝好聰明，智商高，佢話唔識教好可惜。講真我又唔覺佢聰明，但肯定唔蠢，最叻撒嬌，癡我癡得好犀利，可能我的樣生得林善，完全唔驚我，點教呀？

作者: wan_sosin 時間: 14-3-13 23:59

本帖最後由 wan_sosin 於 14-3-14 00:01 編輯

sunnymama2 發表於 14-3-13 10:53
請問有邊間，而家囝囝剛20個月。真係俾佢激死，佢18個月有一日突然自已唸ABCDEF,咁我地大人緊係叫佢唸多次A ...

你囝囝嘅情況唔算特別,可以講係trouble two嗟!為no而no!你囝講嘢未?好多呢個年紀小朋友乜都話唔好,唔要.....你可以搵多D關於trouble two嘅嘢睇下!
你個小朋友係聰明,不過而家大部份小朋友都聰明!所以都難教!
其實父母企硬就得架啦!
例如你比蘋果佢時,佢話要橙,到你比橙佢,佢話要蘋果!
我嘅方法係最後兩樣都無!佢肯讓步的話,就是單比一樣佢!唔可以再揀,再扭連一樣都無!由佢扭到拆天都唔好再理佢!
咁細個小朋友無話功利嘅,基本上因為佢哋還未有道德觀念!
所以教小朋友,有時係要用獎勵同後果去教佢哋!

作者: webpaupau 時間: 14-3-14 11:23 標題: 引用：Quote:webpaupau+發表於+14-3-13+08:01+agr

原帖由 sunnymama2 於 14-03-13 發表
請問有邊間，而家囝囝剛20個月。真係俾佢激死，佢18個月有一日突然自已唸ABCDEF,咁我地大人緊係叫佢唸多次A ...

其實Ａ－Ｚ對１８至２歳小孩—Ｄ都不難。現今小孩都聰明，但沒有纪律或情绪不受控的小孩們，都精於扭計和唱反調。所以要做心訓練他們去控制情绪和憧得有同理心，他們是能學習這些的。

作者: wan_sosin 時間: 14-3-14 11:39

webpaupau 發表於 14-3-14 11:23
其實Ａ－Ｚ對１８至２歳小孩—Ｄ都不難。現今小孩都聰明，但沒有纪律或情绪不受控的小孩們，都精於扭計和唱 ...

agree!
而家好多父母,用8成力教BB學嘢認字!餘下才教品德性格!讀A-Z比BB聽可以讀10次,叫BB唔好曳就只叫一兩次!
所以有咁多高分低EQ!

而家有d小學生可以考試前3名,但打架都係前3名!

咁講唔係話樓主,只係想提醒下用多d心機教小朋友行為!
PG導師咁講都係用心良苦!

作者: webpaupau 時間: 14-3-15 12:57 標題: 引用：Quote:webpaupau+發表於+14-3-14+11:23+其

原帖由 wan_sosin 於 14-03-14 發表
agree!
而家好多父母,用8成力教BB學嘢認字!餘下才教品德性格!讀A-Z比BB聽可以讀10次,叫BB唔好曳就只叫一兩 ...

你的意見十分有見地，十分同意

作者: catcatma 時間: 14-3-19 00:37 標題: 引用：佢話佢敢寫包單話我的仔第時一定變壞，好唔

原帖由 sunnymama2 於 14-02-10 發表
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

點解個導師講嘢咁負面，作為一個幼兒教育工作者不是要有正面的思想、愛心和耐性嗎?去鼓勵及教導幼兒做正確的行為嗎?這才是幼兒教育的真正理念（正面、鼓勵、愉快學習），視每位幼兒也是獨立的個體，啟發他們無限的潛能。他竟然有這樣的說話，究竟他是否了解嬰幼兒發展階段的行為特徵，18個月是充滿好奇心、喜歡探索模仿學習，吸收力很強、卻又未懂表達，因此未能好好控制自己的情緒，因為咁細個生理的需要係好緊要的，如眼訓要訓、餓要吃、渴要飲，到2歲後小朋友理解和語言能力加強後自然可聽指令（當然要教導），其實BB未能聽指令係因為他們不明白大人的說話和意思，而不是他們不乖，所以要教，教應做的事和行為，常規行為要用時間去建立，每天做成為習慣，如禮貌、食飯禮儀等，一個2歲的小朋友上pn班都要比3至6個月時間學習常規，循循善誘先有效，何況一歳的BB，而且比BB或2歲的幼兒的指令要簡單直接，如唔想佢跑，就同佢講：「停，慢慢行」，話比佢知應做的事情，他才懂做，如我們只說唔好跑，他不能把唔好跑理解為停和慢慢行，他只知「跑」字，所以越叫越跑。這些都是從教育學院學習以至從事幼教十多年的個人見解。我只是想帶出：正面、鼓勵、愉快，也能教出守規又愉快的好孩子，為何要選讓BB喊到嘔的路！守了規卻不快樂。

作者: halflower 時間: 14-4-4 18:31

提示: 作者被禁止或刪除內容自動屏蔽

作者: sunnymama2 時間: 14-4-4 22:41

halflower 發表於 14-4-4 18:31
回覆 sunnymama2 的帖子

佢傻架？咁武斷？

其實囝囝係特別哈我，但好聽導師話，佢意思話如果我繼續咁縱佢，將來會變壞。

作者: brng 時間: 14-4-6 17:17

我也上過這導師的課，若細心觀察，不難發現他最愛用的技倆是恐嚇+吹水。
他最愛要求小朋友做一些超乎年齡的動作，如要兩歲小朋友單腳站立，若做不到，便會狠批小朋友，但又從不會告訴你有效的方法令小朋友做到。同組有十個小朋友，總有小朋友做到，他又會有意無意的比較，加上批評，最後便會總結一句：＂你仔要急起直追，否則影響日後發展＂
他又愛斷章取義一些教育理論，然後加上自己的見解，最後當然只令你繼續報讀他的課程。如他最愛將孩子分為甚麼＂右腦人＂和＂左腦人＂，更論斷＂右腦人＂日後前途似錦，＂左腦人＂則庸碌半生。根據他的偉論，右腦的發展在六歲便會終止，所以要多加訓練，言下之意－繼續報讀他的課程吧。其實，根據科學家的研究，要完成一件工作，需要左右腦同時協調，根本不存在甚麼左腦人或右腦人。
10個家長上堂，10個家長也會被他批評縱容孩子，無一倖免。當然，若他認同你的育兒方法，你又怎會繼續幫趁他呢？
當日我上課的時候，共有三個孩子，導師嫌浪費資源，硬說我們三個孩子不達標，要留班，他的目的是將另一班年齡較小的學生合併為一班。（其後，我有朋友不繼續報讀，他又繼續施展其一貫方法：你孩子不達標，要繼續訓練，否則.......)

作者: 2010YL 時間: 14-4-7 09:05

回覆 sunnymama2 的帖子

點解病緊都要返?? 病左一個月但只係無返兩堂?? 咁即係未好返都俾小朋友返???

作者: 每日媽媽 時間: 14-4-9 18:55 標題: 引用：佢話佢敢寫包單話我的仔第時一定變壞，好唔

原帖由 sunnymama2 於 14-02-10 發表
佢話佢敢寫包單話我的仔第時一定變壞，好唔開心，佢係唔聽話，但得18個月咋:naughty，點解要咁講，好hurt: ...

作為導師講呢種說話足以證明佢冇方法去教就唯有否定個小朋友，18個月呢個階段唔服從係好正常!

作者: sunnymama2 時間: 14-4-10 09:38

其實上堂初初係想令個囝坐定定，唔好走來走去，而家上咗幾個月，覺得導師講野有參考價值，但唔可以完全套係囝囝身上，每個小孩都係獨一無異，我亦好欣賞囝囝的“頑皮”行為，真心覺得佢可愛，唔覺得佢唔聽話會變壞，我覺得同佢保持朋友關係囝囝也可以成材的。

囝囝由4個月開始我已覺得佢比較特別，唔會聽人話，好有自已主見，但我想強調係佢唔係曳，只係有自己諗法。而家囝囝21個月，我用唔到導師個套方法去教，但總括而言囝囝都係乖的，只要佢健健康康就足夠了。

作者: wan_sosin 時間: 14-4-12 00:46

sunnymama2 發表於 14-4-10 09:38
其實上堂初初係想令個囝坐定定，唔好走來走去，而家上咗幾個月，覺得導師講野有參考價值，但唔可以完全套係 ...

做媽媽欣賞自己個小朋友非常之好!
不過請注意一件事,小朋友長大,慢慢走入校園,接觸出面人嘅機會越來越多!你做媽媽可以完全接受佢,但其他人不一定!將來最少要面對老師,老師唔一定接受到有個性嘅學生!所以慢慢要諗下可以點樣順利入學!
你懂得用適合你小朋友嘅方法對佢,別人唔會懂!也不能到時同人講,我個仔需要怎樣的對待!一般老師都唔會接受!幼稚園還好,小學就難啦!

作者: lui 時間: 14-4-12 08:57 標題: 引用：囝囝終於上完一期的課程，我亦幫囝囝報左下

原帖由 sunnymama2 於 14-03-08 發表
囝囝終於上完一期的課程，我亦幫囝囝報左下一期課程。其實之前導師對囝囝嚴格，係因為佢唔知囝囝病緊，我亦 ...

好開心見到你明白導師用意。佢對我女的評價是中肯的。說他聰明，但耐性不夠，女仔做野不可fei fei 流，太喱啡，我自己都在意用心改。我不同意有人話佢要小朋友做超年齡的事，反而非常合適。我最愛他教整平衡木，我日日在家同個女玩！

作者: MrBeast 時間: 14-4-12 12:26

brng 發表於 14-4-6 17:17
我也上過這導師的課，若細心觀察，不難發現他最愛用的技倆是恐嚇+吹水。
他最愛要求小朋友做一些超乎年齡的 ...

不評論commercial motives, 這導C提到的腦部發展info 不是沒有科學根據的，有冇借題發揮我就不知la.

作者: brng 時間: 14-4-12 20:44

在聽到左右腦之言，我半信半疑，所以也曾搜集相關資料。結果是人類對腦部發展所知有限，一些早前確立的理論，稍後又會被發現有不足之處。以下是一篇有關左右腦的報導。當然，這位導師可能較美國科學家更有真知卓見，這點我可沒有足夠認知作評論。
http://m.nownews.com/n/2013/09/20/974750
其實，除智力外，小朋友的能力(如協作、解難、溝通能力）和態度同樣重要，這麼早便論斷他們根本沒有意義。
在育兒路上，我也很容易堕入「陷阱」，便是以成人的角度看小孩。我曾讀到一本台灣的幼兒書籍，它提及二歲半至三歲是很「難攪」的年齡：愛跟成年人作對，你說東，他說要西，愛扭計、發脾氣。在成人眼中，當然是小孩不聽話，但原來這是他們生理發展的必然過程，他們自己也控制不了。當踏入三歲後，他們好像霎時長大了，變得明白事理、懂事。上述情況在我孩子和朋友的孩子身上也確是這樣。
書中提及小孩發脾氣其中原因是表達能力不佳，當時我也不相信，心想：我孩子已懂很多詞彙，又會說句子，怎會因表達問題而發脾氣。可是，由懂說話到懂得用說話表達自己的感受還有一段路程。像我孩子，他不愛填顏色，過往會以發脾氣表達他的不喜歡，但再大一點，他會說：我不想塗顏色，做其他可以嗎？甚至為自己想出解「悶」方法：我可以以水彩取代蠟筆來塗顏色嗎？
有一位遊戲治療師曾說：小孩做出成人不喜歡的行為，我們會不悅，但換另一個角度，這也是為成人提供一個機會引導和教導他們。我想父母和幼兒工作者確實要擁有這種正面的態度。
一個導師、課程好與不好其實很主觀的。我只是想鼓勵樓主不以因導師的「戲言」而沮喪。生命影響生命，父母的價值觀正確，小孩的路也不會偏離太遠，這遠較上堂來得重要。我時常提醒自己，我需有足夠的時間陪伴孩子，細心觀察他們，這樣才能了解他們行為背後的原因；亦只有了解，才能對症下藥，引導他們走當行的道。

作者: sunnymama2 時間: 14-4-21 17:02

wan_sosin 發表於 14-4-12 00:46
做媽媽欣賞自己個小朋友非常之好!
不過請注意一件事,小朋友長大,慢慢走入校園,接觸出面人嘅機會越來越多!你 ...

你講得好啱，令我驚醒囝囝都要面對其他人，我接受佢並唔表示其他人接受佢，我一定會好好教導佢，令佢變成一個有教養合群的小孩子，好多謝你留意的post，令我有唔少的得着。

作者: sunnymama2 時間: 14-4-21 17:20

本帖最後由 sunnymama2 於 14-4-21 17:21 編輯

lui 發表於 14-4-12 08:57
好開心見到你明白導師用意。佢對我女的評價是中肯的。說他聰明，但耐性不夠，女仔做野不可fei fei 流，太喱 ...

你好，你個女幾大，我囝囝係1B組，你講得冇錯，有些人會好buy導師的教法，有些就相反（例如我老公）。我覺得導師有時講野都好中，例如佢早幾個月話我意志力弱，囝囝固執，會“計算”，非常正確！不過有樣野我覺得唔同意導師講話囝囝係超級左腦人，話係佢見個咁多小朋友中少有的聰明，右腦元素好少。但我自己就覺囝囝真係唔算聰明，係真心話，相反右腦能力比導師講的多，始終父母係最明白小孩子的人。
總括而言，佢的playgroup我還是樂意上的，因為你可以知道自已小朋友呢個階段應該識咩（唔係學術），又可自已在家中整材料訓練佢地。

作者: sunnymama2 時間: 14-4-21 17:42

2010YL 發表於 14-4-7 09:05
回覆 sunnymama2 的帖子

點解病緊都要返?? 病左一個月但只係無返兩堂?? 咁即係未好返都心心俾小朋友返???:scar ...

因為我見囝囝都好精神，所以帶佢番，好過係屋企。不過我好後悔，囝囝由新年到而家都仲病緊，氣管炎好耐都唔好，醫生話囝囝好番前係唔可以出街。都怪自已望子成龍心切，諗住比多點playgroup比囝囝玩（囝囝好喜歡去）），希望可以“賜”激囝囝的思維（我冇比囝囝上過面試班，不太怪獸吧？），但囝囝一直病，吃藥多過食奶，個人瘦到好恐怖。經過呢次後，我明白到我係一個好唔掂的媽媽。PN之戰剛結束，一開始會好緊張結果，到最後幾間已無感覺，只係希望囝囝快些康復，讀咩學校跟本唔重要。
我講咁多野係想講我係一個好差的媽媽，唔怪得你好scared.

作者: lui 時間: 14-4-21 18:06 標題: 引用：+本帖最後由+sunnymama2+於+14-4-21+17:21+

原帖由 sunnymama2 於 14-04-21 發表
本帖最後由 sunnymama2 於 14-4-21 17:21 編輯

我地1c班！

作者: wan_sosin 時間: 14-4-21 23:12

sunnymama2 發表於 14-4-21 17:02
你講得好啱，令我驚醒囝囝都要面對其他人，我接受佢並唔表示其他人接受佢，我一定會好好教導佢，令佢變成一 ...

好欣賞你真是一位好願意學習的好媽媽!
我都是一路行一路學,我個小朋友剛6歲!行咗好多難行嘅路!我仔一由4歲起一路跟進是否有ADHD,但同時佢好聰明!佢班主任叫我帶佢去做資優評估!(但我覺得無必要!)佢真係好難教!亦有極強主見!為求目的,命都唔要!所以今日同你分享的,是經過教養上的很多磨練才講到!

慢慢再發掘你小朋友的強項!將來或會還有很多意想不到的地方!幼兒期小朋友的發展會有很多變化!

作者: yip_ching 時間: 14-4-25 16:04

不知所謂，我都敢寫包單佢好快冇得撈

唔駛唔開心，而家好多廢柴出嚟呃飯食

歡迎光臨教育王國 (/)