教育王國
標題: 屋企真係負擔唔起, 只可以一樣平的, 學乜好? [打印本頁]
作者: doneoneoneone 時間: 14-2-7 16:52 標題: 屋企真係負擔唔起, 只可以一樣平的, 學乜好?
只怪我地兩公婆搵唔到錢, 交租俾家用之後, 真係唔多錢剩, 想俾阿仔學多少少野, 數學同音樂, 呢34個月已經好辛苦.
我地計過數, 每個月最多只係得幾百蚊俾個仔學野, 如果係咁, 大家會俾佢學乜野好? 英文, 數學定音樂?
作者: LeeCC 時間: 14-2-7 17:07
小童群益會的課程有好多，比坊間的平好多
作者: mb2 時間: 14-2-7 17:54 標題: 回覆：屋企真係負擔唔起, 只可以一樣平的, 學乜好
請問你小朋友幾大 ?
如只計數學或音樂， 個人覺得太細的小朋友不用出去學數 ， 自己都教到。 買些練習比佢做都得
反而如音樂有興趣的話而父母又唔識，就要出去搵人教 。
作者: MrBeast 時間: 14-2-7 18:19
Choir, 唔洗買樂器
作者: 一人之下 時間: 14-2-7 18:24 標題: 回覆：屋企真係負擔唔起, 只可以一樣平的, 學乜好
小朋友幾歲?我小朋友三歲幾，只學游水。我覺得身體好最緊要。英文就睇乎你有無能力教，如果自己吾得就要揾人教，我仔就自己教。音樂都好，要睇小朋友有無興趣，如果無，勉強無幸福。
作者: Radiomama 時間: 14-2-7 18:35 標題: 回覆：doneoneoneone 的帖子
如果只係小學生，可以什麼也不做。有時間就鼓勵上圖書館借書，大量閱讀。
作者: yukimum 時間: 14-2-7 22:11
如果選音樂，去音統署網頁留意的課程招生日期，可比坊間外面便宜些
作者: camomile00 時間: 14-2-8 00:05 標題: 回覆：屋企真係負擔唔起, 只可以一樣平的, 學乜好
英文，o係圖書館借書大量閱讀，淘英文卡通片比佢睇，可訓練英文聆聽同學生字。
音樂，如果有信教的話，教會有junior choir同樂理班果D，學費好平。
數學，小學生數學應該唔難，可以買教材自己教同練習比佢做？
其實小朋友學野，唔一定好貴。識揀的話，都可以好平。
作者: Freelance_Piano 時間: 14-2-8 01:26
提示: 作者被禁止或刪除 內容自動屏蔽
作者: zhuzhu 時間: 14-2-8 10:12
康文署D課程都Ok架.
作者: ha8mo 時間: 14-2-8 11:10
提示: 作者被禁止或刪除 內容自動屏蔽
作者: neverstop 時間: 14-2-8 11:18
咁細個唔洗學住，多D同佢玩，
得閒帶佢去多D地方見識，
儲備資源比佢小學開始上自己有興趣既真正興趣班
作者: hagupit 時間: 14-2-8 11:19
回覆 doneoneoneone 的帖子
工聯會都好平, 仲有好多非牟利機構都有好多小朋友既課程, 社區中心, 康文署等等, 去搵搵.
作者: Jane1983 時間: 14-2-8 11:44
小朋友幾歲？邊區方便？教育小朋友系心機野，吾系只講錢。
細細個，自己系屋企教，看看書，大d再就他的興趣培養。九龍何文田路德會、保護兒童會等都有幾好的課程，你上網看看啦！
作者: LeeCC 時間: 14-2-8 12:53
這個年紀每天去公園玩，有草地的更好，去圖書館讀書給他聽，圖書館每星期有故事時間，帶他參加
放假帶他去科學館，文化中心看免費節目
動植物公園，九龍公園，香港公園有動植物看，免費
有好多野可做
作者: MrBeast 時間: 14-2-8 13:46
LeeCC 發表於 14-2-8 12:53 
這個年紀每天去公園玩，有草地的更好，去圖書館讀書給他聽，圖書館每星期有故事時間，帶他參加
放假帶他去 ...
作者: Jane1983 時間: 14-2-8 14:00
回覆 LeeCC 的帖子
對，逢星期三科學館個歷史博物館等免費。
都可以去香港公園玩吓沙、觀吓鳥、研究不同植物！
作者: teambuilder 時間: 14-2-8 15:38
童子軍，恒生乒乓球，音統處; 另外芭蕾舞都係七八十蚊一堂，仲有空手道果d都唔會太貴。
作者: wpmama 時間: 14-2-8 15:59
學音樂不要去工聯，有人說工聯的老師grade 5未有. 試過音統的班，老師有保證，學費不貴.
作者: IloveJJ 時間: 14-2-8 22:45 標題: 引用：只怪我地兩公婆搵唔到錢,+交租俾家用之後,+
提示: 作者被禁止或刪除 內容自動屏蔽
作者: violinviola 時間: 14-2-9 09:11 標題: 回覆：屋企真係負擔唔起, 只可以一樣平的, 學乜好?
提示: 作者被禁止或刪除 內容自動屏蔽
作者: Manfred2226 時間: 14-2-9 20:07 標題: 回覆：doneoneoneone 的帖子
首先吾好怪責自己揾得多與小啦，試揾下就近嘅社區中心或小童群益會，裏面都有好好野學呶！
作者: doneoneoneone 時間: 14-2-10 14:04
謝謝咁多位的意見, 小朋友3歲幾, 其實我俾佢學數學, 因為覺得佢有天份, 好細個已經識數數目, 同埋知道3係幾多, 4 係幾多等等. 英文就靠姐姐加我地自己同佢講...
我諗我會俾佢學音樂, 其他野暫時買D書俾佢做.
作者: himching 時間: 14-2-10 15:20
咁細個, 最好學畫畫. 可以練揸筆, 對顏色的感覺, 以及創造能力, 最重要係從圖畫了解仔女心理狀況.
作者: Radiomama 時間: 14-2-11 11:53
回覆 doneoneoneone 的帖子
原來只有三歲，老老實實，真係唔駛洗錢出去上咩堂乜堂。
學樂器，不如聽音樂和欣賞音樂會; 上小學才學樂器也不算遲。
家長不如多花心機與小孩培育愛心、關懷和自理能力; 多傾談、多觀察和分享，才真正幫到孩子，甚至能考上好的小學。我認識一對小朋友，家長極重視閱讀(上圖書館閱讀大量中英文圖書)和傾計，在幼稚園階段完全沒有上興趣班和參加比賽，最後小孩以超成熟談吐和閱讀喜好，而在考小學時順利被神校取錄。
作者: coll 時間: 14-2-11 12:12
明愛中心課程都平o既！
作者: Stillgood2 時間: 14-2-11 12:19
回覆 doneoneoneone 的帖子
唔使太緊張.
我大囝超過二歲先識野, 所以三歲係學發音. 之後, 都有去參加童軍.
當然, 幸運地入了屋企附近一家很好的小學.
細囝, 更加無野學, 只有玩同食. 因為, 一定可以入哥哥就讀的小學.
幼稚園是一所什麼都學不到的幼稚園, 隨後關門了.
到了小四, 細囝才加入小學的奧數班, 直至現在中二了.
入了中學, 校內有各種運動和音樂興趣班.
當然, 現今社會, 競爭激烈. 小朋友要有多技之長.
有需要, 可視乎小朋友興趣, 參加興趣班.
以我細囝, 從未花過一分錢去學數學.
如果, 專心和有天份, 已經可以了.
相反, 我個人反而不喜歡強迫性學習.
作者: 芝士BB 時間: 14-2-12 00:18 標題: 回覆：屋企真係負擔唔起, 只可以一樣平的, 學乜好?
學英文。三歲起打好英文基礎，學好phonic, 培養好閱讀習慣，將來就算touch wood 其他科唔掂，有好的英文底子，搵食都唔難。
作者: kimmyau 時間: 14-2-14 03:06
妳住邊區？
作者: doneoneoneone 時間: 14-2-20 22:00
真係多謝咁多位的意見, 我地住北角.
我其實真係好驚個仔唔夠其他人爭. 我地兩公婆又唔係叻, 又唔識教, 唔想佢第日怨我地無俾到足夠既野佢.
不過, 而家聽完你地的意見, 覺得又真係俾左太大壓力我自己. 真的謝謝!!
作者: Jane1983 時間: 14-2-20 23:40
回覆 doneoneoneone 的帖子
講多一句，而家網上資源咁豐富，又好又免費。有心的，好多嘢都可以學到。
天下最珍貴的是父母的關懷和愛護，你比到佢的，可以係世界上最矜貴的東西，吾係錢吾錢可以衡量。
作者: MrBeast 時間: 14-2-21 08:18
回覆 doneoneoneone 的帖子
Echo radiomama 所說。
另外，re 音樂，或者你ffind out 清楚學乜，因為有些朋友kg 學樂器，幾個月便drop 左，小肌又未得，又要學睇譜，hea 著學又覺得哂＄，你住北角應not too far away from香兒，check out個iec 課程。
作者: angel.ling 時間: 14-2-26 01:22
其實好多時學校同社區中心都有好多班可以報，又吾會太貴
作者: feipow 時間: 14-3-18 03:07 標題: 回覆：屋企真係負擔唔起, 只可以一樣平的, 學乜好?
提示: 作者被禁止或刪除 內容自動屏蔽
作者: talent2000 時間: 14-3-18 05:03
提示: 作者被禁止或刪除 內容自動屏蔽
作者: fanhl0416 時間: 14-3-18 12:54
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |