教育王國
標題: 請問有過度活躍偏向的小朋友適合哪一類幼稚園？ [打印本頁]
作者: fixedstar99 時間: 14-2-5 10:13 標題: 請問有過度活躍偏向的小朋友適合哪一類幼稚園？
小朋友如果有過度活躍偏向，但好聰明，請問適合讀有學卷的幼稚園，定系私立幼稚園？
Thanks！
作者: breadbb 時間: 14-2-5 10:17 標題: 回覆：fixedstar99 的帖子
我諗真係要好有愛心既happy school.. Otherwise 幾聰明都無用 老師唔得閒handle你!
作者: DollyCC 時間: 14-2-5 11:31 標題: 回覆：fixedstar99 的帖子
要師生比例低既學校，大把人爭個種名幼絕對唔適合
作者: lauwingtai 時間: 14-2-5 11:35
我都覺得有學卷、課程鬆的happy school好少少, 樓上說得好啱, 部份私幼課程太豐富, 老師要教班已忙到甩褲, 未必有餘睱應付過度活躍小孩, 幾聰明都唔會理你, 反正又唔係得你一個小孩聰明, 考得入知名私幼個個都有番咁上下。
反而, happy school會多d活動、遊戲、音樂、德育, 讓過度活躍小朋友有機會發洩精力之餘, 又可收心讓性。先令小朋友熱愛上學, 學術慢慢唔遲, 而且你都覺得小朋友聰明, 先處理過度活躍問題, 讀書都易上手好多。
若擔心學術唔夠競爭力, 可用學券省下的錢補補習(雖然我唔鼓勵幼稚園補習), 必事半功倍。
用個例子, 如有冒犯, 切勿見怪, 我舊時養隻積羅素小獵犬, 每日帶佢落街跑一個鐘, 消耗精力, 返到屋企都乖左好多、淡定好多, 教指令都學得好快。
作者: appledai 時間: 14-2-5 22:58
international sschool
作者: BERNICEJUNE 時間: 14-2-6 01:20
坐定定傳統名幼稚園未必太適合，對ADHD小朋友丶對學校及家長都不是件好事。有D學卷happy school都ok
作者: MrBeast 時間: 14-2-6 08:45
救世軍perhaps, check them out
作者: ancwy 時間: 14-2-6 11:19
我都覺得 lauwingtai 講得啱，我小朋友都係好活躍個種，我覺得happy school 對佢發展有幫助，學術上到K2K3唔得先補好過，我情原佢鐘意返學
作者: victoryu19 時間: 14-2-6 11:56
international school
作者: lauwingtai 時間: 14-2-6 12:34
international school的確是最好選擇, 但要考慮是否負擔到一直讀上去, 如只有K讀IS, 升上普通小學中學, 是很辛苦的。
若負擔得起, 過度活躍一路讀IS確實合適。
作者: fixedstar99 時間: 14-2-6 16:18
回覆 lauwingtai 的帖子
在沒約束的學校環境下 會讓她的活躍症越來越嚴重嗎？
作者: lauwingtai 時間: 14-2-6 16:55
本帖最後由 lauwingtai 於 14-2-6 16:59 編輯
fixedstar99 發表於 14-2-6 16:18 
回覆 lauwingtai 的帖子
在沒約束的學校環境下 會讓她的活躍症越來越嚴重嗎？ ...
「過度活躍症」是「症」嘛! 不是本性, 也不是性格。
過度活躍症可透過治療減輕徵狀, 很多人會隨著成長和治療, 徵狀有減退, 學校環境未必會令活躍症變嚴重。
一間多約束、管教嚴的學校, 可能會令「曳」的學生變乖, 但未必會令「過度活躍症」的學生變乖, 因患者自己都控制唔到, 仲可能有反效果。
所以, 我諗先分清楚子女是「比較活躍偏向」, 還是真的有「過度活躍症」, 兩者是截然不同的事。
作者: fixedstar99 時間: 14-2-6 17:48
回覆 lauwingtai 的帖子
多謝你的分析！
小女暫時有過度活躍症偏向，但未確診，等緊排期，但因過度活躍症要6歲先可以確診，小朋友仲細，就算見完醫生都未必即刻有答案，所以家長選擇幼稚園時比較煩惱。
小女目前就讀既幼稚園就系happy school，但學校教得太淺，老師教D野佢全部識曬，好似反而令佢冇興趣上堂。
小女雖然過度活躍，但其實幾好學。佢喜歡睇書，喜歡做左右腦練習題，可以連續2個鐘同我一起睇書做題目，雖然中間身體會不停郁動，甚至半跪在凳上、或者企住係凳度，但都算不離座位。
所以我惗緊會否重學術學校其實更適合佢？但又驚佢冇辦法坐定定會令老師對佢有偏見。
作者: fixedstar99 時間: 14-2-6 17:50
回覆 lauwingtai 的帖子
其實例如vitoria呢類學校係咪都比較適合過度活躍小朋友？
作者: lauwingtai 時間: 14-2-6 17:54
fixedstar99 發表於 14-2-6 17:50
回覆 lauwingtai 的帖子
其實例如vitoria呢類學校係咪都比較適合過度活躍小朋友？
作者: NICOLE123 時間: 14-2-6 19:17 標題: 回覆：請問有過度活躍偏向的小朋友適合哪一類幼稚園？
其實可能不是她有問題，是不是你要求太高，不想他悶就由老師教他，你平時同佢放電好了。
作者: Jane1983 時間: 14-2-6 19:56
回覆 fixedstar99 的帖子
維記係活動教學，3個老師分組教學，多實驗、活動，老師都算有耐心。同埋，佢地會就番個別小朋友的能力去比功課，小朋友吾會因為太淺或太深，而無心機 （好似我女串字，要串knowledgeable,information, 我都幾愕然）。
不過佢地都重視課堂的紀律，上堂都要坐定，但對吾夠乖的學生，都算包容。
作者: 小曳人 時間: 14-2-6 21:11
本帖最後由 小曳人 於 14-2-6 21:56 編輯
我大仔嗰年，有位確診嘅小朋友，由KM N班轉咗去KV K1
佢媽媽想佢坐定定
其實聰明嘅小朋友好多時因為個腦轉得太快，如果無d吸引到佢嘅嘢，就開始發癲！大人睇會覺得佢地停唔到落嚟，但其實係無嘢滿足到佢好奇/好學嘅心靈！
我大仔就係一個咁嘅人，唔了解嘅人會覺得佢發癲，上堂聽兩下就唔聽書 (明哂！)
所以，happy school唔係一定係萬靈解藥，太淺有機會仲癲！
作者: 小曳人 時間: 14-2-6 21:28 標題: 回覆：小曳人 的帖子
關於ADHD ，建議少食化學加工食品，以及糖果，汽水！
作者: MrBeast 時間: 14-2-6 22:00
fixedstar99 發表於 14-2-6 17:48
回覆 lauwingtai 的帖子
多謝你的分析！
In any case, 雖然我對adhd不熟，我想信會有一些行為治療方法幫到你小孩，google 一下or Check 下heEp hong 這類機構有冇合適的小組課程。
作者: lovebb2 時間: 14-2-6 22:04 標題: 引用：+本帖最後由+小曳人+於+14-2-6+21:56+編輯+
原帖由 小曳人 於 14-02-06 發表
本帖最後由 小曳人 於 14-2-6 21:56 編輯
我大仔嗰年，有位確診嘅小朋友，由KM N班轉咗去KV K1
作者: fixedstar99 時間: 14-2-7 10:06
回覆 fixedstar99 的帖子
BERNICEJUNE 能夠兩個鐘同家長睇書做題目，好乖丶好有耐性丶好聰明呀。呢個年紀小朋友專注力維持十五分鐘已好好，佢可能係資優呀。在學校D嘢一學就識，冇耐性陪坐可以理解呀 發表於 昨天 23:00
小曳人 你個應該係資優，唔係ADHD呀，媽媽！ 發表於 昨天 22:16
-----------------
但我又唔覺得佢資優喔，佢記憶力OK，但對數字、文字冇果D資優生咁敏感，沒有過目不忘既本領呀！佢只系叻砌拼圖，宜家可以砌到88塊puzzle （但又要大人陪係隔離睇住佢玩）。我見過有媽媽話佢D 2歲半小朋友都砌到100塊，所以又唔覺得我個女特別出眾。
佢肯同我一齊睇書做題，可能都係因為每做完一題就有貼紙獎勵啩（書本自配貼紙）！ 佢一次做一大半本書既題目，所以一本書2次就做曬。但佢唔會一直坐定定喔，個身子幾時都要郁下郁下，所以我先懷疑佢過度活躍！
作者: fixedstar99 時間: 14-2-7 10:08
回覆 Jane1983 的帖子
聽落真系唔錯！可惜我舊年年尾冇報，宜家已經過佐考K1時間啦！
作者: fixedstar99 時間: 14-2-7 10:17
回覆 小曳人 的帖子
請問你個小朋友係咪資優？有咩特徵呢？幾歲確診到？
作者: Joannelinco 時間: 14-2-7 10:22 標題: 引用：回覆+lauwingtai+的帖子 多謝你的分析！小
原帖由 fixedstar99 於 14-02-06 發表
回覆 lauwingtai 的帖子
多謝你的分析！
作者: 小曳人 時間: 14-2-7 13:38
fixedstar99 發表於 14-2-7 10:17
回覆 小曳人 的帖子
請問你個小朋友係咪資優？有咩特徵呢？幾歲確診到？
我大仔係資優，6歲半做評估嘅
除咗記性好，理解能力高，認字比人快之外，鍾意睇書，鍾意自己玩教具(蒙特梭利)，鍾意大自然/科學/數學相關嘅嘢，好早就自己寫字
但bb時極活躍，到廿歲多先識瞓覺！之前係要捉住佢，喊住瞓.... 
感覺係除非做緊佢鍾意嘅嘢，否則就停唔到落嚟！
playgroup導師 (sam sir)話佢一定唔係ADHD，然後話我知班裡面邊種行為先係
N班時老師講嘢，未講都已經識哂，自由行，但佢無搞人，有時又問d好深嘅問題，班主任好有經驗，搞得佢掂！
注意：就算同樣資優，大家嘅所長唔同，特徵都會唔多一樣
作者: 小曳人 時間: 14-2-7 13:52
當然，我唔係話佢一定係，但在我，有d似
其實資優大約佔5%人 (100人當中有5個)，你覺得佢唔似，唔等於佢唔係，我覺得佢似，結果係>99.9% (一千人裡面都搵唔到一個)
重點唔係孩子係唔係資優，而係家長搵唔搵到合適嘅教育方法，幫助孩子成長，當初我去做評估只係因為情緒開始難搞，想搵專家幫手，但到我得到答案，了解佢多咗，大家嘅唔開心都少咗
作者: lauwingtai 時間: 14-2-7 14:01
小曳人 發表於 14-2-7 13:52
當然，我唔係話佢一定係，但在我，有d似
其實資優大約佔5%人 (100人當中有5個)，你覺得佢唔似，唔等於佢唔 ...
作者: 雪晴25 時間: 14-2-7 14:02 標題: 回覆：小曳人 的帖子
想問下你小朋友幼稚園時係讀邊間架？
作者: fixedstar99 時間: 14-2-7 14:22
回覆 小曳人 的帖子
好多謝你的分享！
你個仔仔認字快，寫字快，喜歡科學、自然、數學呢D，係幾時開始表現出來既呢？佢2歲半至3歲之間最大特點係咩野？
我宜家就系因為被老師投訴，話佢雖然聰明，有主見，動作快，但坐唔定，性情急，太固執，有時仲騷擾其他小朋友，建議做評估，所以先變得咁緊張，我都想揾出究竟女女係咩回事，以便更好地培養佢。
而且目前面臨幫小朋友選擇K1 幼稚園的問題，所以好煩惱。之前報考幼稚園時未意識到呢個問題，選擇幼稚園冇考慮到學校是否包容活躍小朋友，只系就近报佐幾間，宜家手頭得2個offer間，都唔知如何選擇。
作者: fixedstar99 時間: 14-2-7 14:25
回覆 lauwingtai 的帖子
但好似資優要至少5-6歲先check到，而且要去私立機構評估
唔知我了解有冇錯？
作者: fixedstar99 時間: 14-2-7 14:29
回覆 小曳人 的帖子
我個女女又係唔肯訓覺，由細到大都訓得比人少
上佐N班之後更加冇午睡
作者: 小曳人 時間: 14-2-7 14:30
fixedstar99 發表於 14-2-7 14:22
回覆 小曳人 的帖子
好多謝你的分享！
其實佢歲半左右已經好"學術"，trouble two比人早
N班時....又好似無乜麻煩嘢，係鍾意上堂自由行囉
作者: Jane1983 時間: 14-2-7 14:30
回覆 小曳人 的帖子
想問吓資優和聰明有什麼分別？
作者: 雪晴25 時間: 14-2-7 14:52 標題: 回覆：fixedstar99 的帖子
我小朋友都係咁被老師投訴，而家都煩緊唔知應該㨂咩幼稚園適合
作者: fixedstar99 時間: 14-2-7 15:16
回覆 雪晴25 的帖子
請問你小朋友幾大啦？
如果去做評估，第一次見CAC 姑娘可以好快
我前2日去兒科醫生開左個轉介信，打電話去CAC，即刻已經book佐 10號見姑娘
作者: 雪晴25 時間: 14-2-7 15:19 標題: 回覆：fixedstar99 的帖子
我小朋友二歳半，上年11月已去CAC見佐姑娘，而家等緊見醫生，但要排6-9個月
作者: fixedstar99 時間: 14-2-7 15:23
回覆 雪晴25 的帖子
哇，真系好耐！係咪姑娘覺得似係ADHD先安排見醫生？
作者: fixedstar99 時間: 14-2-7 15:26
回覆 小曳人 的帖子
其實有冇機會又係HD又係資優？或者又係自閉又係資優？
我見到有D自閉小朋友其實好叻，既然某一方面咁叻，點解又唔話佢資優，而淨係話佢自閉呢？
作者: mothercare100 時間: 14-2-7 15:39
建議搵屋邨學校,而且讀下午班,因為個d學校下午班學生會少d學生,老師就可以有更多時間去照顧有特別需要既小朋友.......
作者: rosebb 時間: 14-2-7 16:10 標題: 回覆：fixedstar99 的帖子
自閉，資優的特性會同時發生，自閉通常是高智商，與任何人都會無交流，但同ADHA 拉唔上關係
另一個症叫亞氏保加，可以同資優加ADHA 一齊發生，但佢只會同同齢小朋友有社交問題，大人無事，同自封一樣固執
仲有一個叫感統失調，與ADHA 相似。
其實以上証狀，有先天，有好多時係因為屋企教法
作者: picture 時間: 14-2-7 17:04
小曳人 發表於 14-2-6 21:28
關於ADHD ，建議少食化學加工食品，以及糖果，汽水！
作者: lovebb2 時間: 14-2-7 17:05 標題: 引用：自閉，資優的特性會同時發生，自閉通常是高
原帖由 rosebb 於 14-02-07 發表
自閉，資優的特性會同時發生，自閉通常是高智商，與任何人都會無交流，但同ADHA 拉唔上關係
另一個症叫亞 ...
作者: DCMaMe 時間: 14-2-7 18:14
自閉唔一定高智商，反而亞氏保加通常都係資優。其實自閉証範疇好廣，真係要專業醫生去評估先得，唔好估估下。
樓主小孩能定定睇兩小時書，又唔多似ADHD，至於資優，參數太多，樓主可留意多D女女平日的喜好、脾性，夠唔夠flexibile, 對人的態度、眼神等。女女仲細，實在有太多變數和可能性會在呢幾年發生。不過有一樣可以肯定的，就是父母親的愛護、耐性同幫助，絕對可以改善一些行為和性格上的不足，樓主加油！
作者: bingbingo 時間: 14-2-7 18:26 標題: 引用：自閉，資優的特性會同時發生，自閉通常是高
原帖由 rosebb 於 14-02-07 發表
自閉，資優的特性會同時發生，自閉通常是高智商，與任何人都會無交流，但同ADHA 拉唔上關係
另一個症叫亞 ...
作者: 小曳人 時間: 14-2-7 20:41
fixedstar99 發表於 14-2-7 15:26
回覆 小曳人 的帖子
其實有冇機會又係HD又係資優？或者又係自閉又係資優？
但可以分享，以前叫亞氏保加嗰d(依然歸返入ADHD)，唔會有眼神交流，我大仔都算漫熱，佢做評估前半係全無眼神交流嘅！教育心理學家同我地講：都曾經諗過佢會唔會係呢？
好在最後佢肯望人！所以唔係A仔
作者: rosebb 時間: 14-2-7 23:48 標題: 回覆：小曳人 的帖子
但我認識兩個亞氏保加的小朋友都係有眼神交流，反而自閉就無。但亞氏保加同其他人社交無異，只是同齢小朋友唔太易相處，但係亞氏保加的小朋友是很固執的及跟sequence.
有個媽媽說得對，ADHA同自閉可以一齊，但應該有其中一種症先引發另一種!
作者: ANNYwwc 時間: 14-2-8 08:38 標題: 回覆：fixedstar99 的帖子
如果有傾向但末証實，可以考慮報幼兒學校，即有融合教育有兼收組的學校，因為校內老師對處理有特殊需要的小朋友有效多經驗，校內的兼收老師也可以給予協助，但不能期望太多，因為他始終不是正式兼收组小朋友，除非小朋友証實真的有需要，由社署轉介排隊入學校的兼收小組，那就會有多些支缓同協助。
作者: 天悅 時間: 14-2-9 00:28 標題: 引用：自閉，資優的特性會同時發生，自閉通常是高
原帖由 rosebb 於 14-02-07 發表
自閉，資優的特性會同時發生，自閉通常是高智商，與任何人都會無交流，但同ADHA 拉唔上關係
另一個症叫亞 ...
我係智障學校任職，全校有一半人是自閉症呀
作者: cherrieshum 時間: 14-2-9 00:46 標題: 引用：回覆+lauwingtai+的帖子
多謝你的分析！小
原帖由 fixedstar99 於 14-02-06 發表
回覆 lauwingtai 的帖子
多謝你的分析！
作者: cherrieshum 時間: 14-2-9 00:52 標題: 回覆：請問有過度活躍偏向的小朋友適合哪一類幼稚園？
請問可在哪裡做測試？幾多歲可以做？我阿仔實在太頑皮，太搗蛋，難道他真的有過度活躍症？
作者: CKCKmom 時間: 14-2-9 01:52 標題: 回覆：rosebb 的帖子
Rosebb, I am sorry to say but what u said seems a bit misleading ...one point i would like to clarify is that, as far as i know, autism and ADHD 係先天的, 家教或appropriate training would help, on the other hand, improper 的管教或會令這類小孩情緒冇咁stable.
所以，如父母不懂管教，正常的小孩可能appear to be 比較頑皮，但不會令他們有ADHD or in the autism spectrum 呢。
因家中有SEN 小孩的媽媽或會想自己有什麼做得不好，所以想說說這點。請不要介意。有錯請指正!
作者: fixedstar99 時間: 14-2-9 22:31
回覆 cherrieshum 的帖子
佢睇紧书做緊題都可以係凳度企上跳落，左搖右擺，張凳成日都唔知畀佢踢佐去邊，根本唔系乖乖坐係凳度呀！
作者: cherrieshum 時間: 14-2-9 23:22 標題: 引用：回覆+cherrieshum+的帖子
佢睇紧书做緊題
原帖由 fixedstar99 於 14-02-09 發表
回覆 cherrieshum 的帖子
佢睇紧书做緊題都可以係凳度企上跳落，左搖右擺，張凳成日都唔知畀佢踢佐去邊， ...
作者: HaYi 時間: 14-2-10 14:51
我大仔同你個小朋友類似, 佢亦是好喜歡探索, 佢是SC 畢業的, SC 較活動, 程度不算淺, 可能你會OK. 我覺得不需要一定選屋村冇人讀的, 但不要選太傳統如KV 的.
我大仔現 P2 啦. marginal ADHD 的問題一直在跟進, 不是一日兩日可以靠自我控制可以醫好的. 行為治療可能有效可能冇, 試下無礙.
作者: cherrieshum 時間: 14-2-10 15:37 標題: 引用：我大仔同你個小朋友類似,+佢亦是好喜歡探索
原帖由 HaYi 於 14-02-10 發表
我大仔同你個小朋友類似, 佢亦是好喜歡探索, 佢是SC 畢業的, SC 較活動, 程度不算淺, 可能你會OK. 我覺得不 ...
作者: fixedstar99 時間: 14-2-10 16:22
本帖最後由 fixedstar99 於 14-2-10 16:23 編輯
回覆 HaYi 的帖子
請問你當時係政府還是私家睇？我今日見完CAC姑娘，對方都覺得好似唔特別明顯，可能marginal case
作者: CKCKmom 時間: 14-2-10 16:50 標題: 引用：Quote:原帖由+HaYi+於+14-02-10+發表我大仔
原帖由 cherrieshum 於 14-02-10 發表
請問在哪裡可作測試?
作者: rosebb 時間: 14-2-10 17:41
對不起，可能我寫了比較SENSITIVE的字句，亦不是想含沙射影，事實上，我不是專家，亦不想充專家，但我是教書的，雖不是教特殊學校，只是看見很多家長不停擔心自己子女有什麼症，但很多時那些都是小朋友的性格與家長教法引起，當然，小朋友真的好有問題，要對證下藥、做評估，但事實上，有時只要父母可以行多一步去了解小朋友，情況好好多，而且很多時評估，都是有什麼偏向ADHA, 自閉，有些家長無啦啦攪到個小朋友要食藥就無謂啦。
作者: luckyveronique 時間: 14-2-10 23:40
fixedstar99 發表於 14-2-9 22:31
回覆 cherrieshum 的帖子
佢睇紧书做緊題都可以係凳度企上跳落，左搖右擺，張凳成日都唔知畀佢踢佐去邊， ...
作者: HaYi 時間: 14-2-11 13:45
我是長期做兒童工作的, 亦學習過教育心理學. 故此睇過不少兒童的情況, 如果我自己的小朋友不是有相同的問題, 我都好易說是家長管教的問題, 或是小朋友不受教等... 只是當自己的小朋友出現了問題, 做家長的會先感覺到, 亦不要只說家長過份敏感, 始終專家的評估只是一陣, 他們好多數據是要靠家長/學校等填表的才知道的, 其中有冇偏差或某些取向, 我自己覺得實有. 家長知不知? 我個人覺得, 如果家長有問題, 不妨讀多項有關的課程, 或是多看資料, 幫人亦幫自己明白多些. 另外特殊教育有很多有心家長的分享. 值得一睇.
ADHD 的小朋友其實同其它小朋友的分別好明顯是有些過多的動作是控制不來的, 即是明明坐下都周身動, 對某些事太敏感, 某些事又敏感不足. 此不會影響他的智力, 只是他們學習效率會拖累, 很可惜的事 . 到想靠官方, 官方往往忽視一些marginal case, 所以家長的知識往往成為最大的助力.
我想棲主說小朋友可以坐很長的時間但周身動也許反映了一些情況, 有ADHD 的小朋友分分鍾睇電視/ 打機都可以坐幾小時不動, 但在評估中此些是不算的,
作者: rosebb 時間: 14-2-11 13:58
回覆 HaYi 的帖子
贊同的。前一兩個月我都有懷疑過女兒有ADHA傾向，坐唔定常攪野，無事停，又不受控，但跟丈夫檢討以後，發現其實那個月工作比較忙，有時回來吃了飯，便回房做野，其實是陪伴好的時間短了，她想我們關注才做另一種行為。
作者: fixedstar99 時間: 14-2-12 09:29
回覆 luckyveronique 的帖子
其實我屋企係好open既，小女亦自幼表現出比同齡人更有主見(例如未夠一歲已堅持要自己揀衫著），所以我們極少強逼小朋友做佢唔喜歡的事情（除了生病吃藥），包括睇書。小女連續1-2個鍾睇書或玩puzzle, 好多時反而係我們見佢不斷郁似乎冇咩心機而主動建議佢唔好再睇，係佢堅持要睇， 但又不停郁緊，甚至邊玩puzzle邊跳舞唱仔，所以先令人擔心。
天氣好時佢都會出去室外公園玩一個鍾左右，不過佢玩完有時返屋企仲興奮！唔知係咪因為精力未得到完全釋放。我會再觀察下。因為佢返下午校，如果早上玩太顛又沒時間午睡，佢返幼稚園一眼訓，情緒行為又會失控，所以都幾難搞！
作者: kyleebc 時間: 14-2-12 15:28
回覆 fixedstar99 的帖子
"肯瞓覺"的不似ADHD, 就算真係（我希望唔係）都可以有藥物幫到佢，我曾遇到有一位女孩，當時就讀一間名女校小一，上堂郁來郁去，考尾二，校方勸佢轉校，當時個媽媽咪捉個女睇精神科，確診為ADHD, 要食藥，後來因此不需轉校，學校仲好幫佢，佢食藥後與普通小朋友如常坐低聽書。（註：嗰位媽媽錯過咗健康院的4歳兒童的視力普查，所謂視力普查其實當中有部分係測試有冇ADHD 病徴）
作者: fixedstar99 時間: 14-2-12 22:18
本帖最後由 fixedstar99 於 14-2-12 22:21 編輯
回覆 kyleebc 的帖子
我個女其實係由細到大都比同齡小朋友訓得少既，自從返佐N班之後，已有一大半時間係日頭完全冇訓覺，每日就得夜晚訓果9-10個鐘左右，1歲左右每日訓覺都已不超過12個鐘
而且我發現如果佢果日日頭冇訓覺，情緒行為就為更加失控、過激或固執！但又逼唔到佢訓覺，都唔知點算
食藥聽講可能會有副作用，我估可能好嚴重先會食藥。我今日買佐高EPA含量既魚油丸比小朋友，希望可以有助改善佢的情緒行為。
作者: kyleebc 時間: 14-2-13 15:41
本帖最後由 kyleebc 於 14-2-13 19:15 編輯
側聞食DHA有助記憶力發展。至於需要食唔食藥由醫生定斷，好多人便是因食藥怕有副作用而中途放棄不吃，其實現在的藥物已比前進步好多。
| 歡迎光臨 教育王國 (/) |
Powered by Discuz! X1.5 |