教育王國
標題: 請問做大B好還是細b好？ [打印本頁]
作者: Bolau199042 時間: 14-2-2 16:37 標題: 請問做大B好還是細b好？
請媽媽們指教，我個女2012年11月出世，宜家14個月，咁岩龍年怕難報學，見過我女既人都話個女比較跳皮，性格非常活潑好動識行識跑識周圍聊人玩，陌生人都能夠打招呼同抱，玩具食物肯同人分享，有時仲餵其他小朋友食，大至上識聽著鞋襪分水果做動作，但係唔識講野-_-# 請問適合做大b定細b? 如果細b 會唔會好難收？
作者: 藍藍媽 時間: 14-2-2 17:11 標題: 引用：請媽媽們指教，我個女2012年11月出世，宜家
原帖由 Bolau199042 於 14-02-02 發表
請媽媽們指教，我個女2012年11月出世，宜家14個月，咁岩龍年怕難報學，見過我女既人都話個女比較跳皮，性格 ...
作者: Bolau199042 時間: 14-2-3 00:51 標題: 回覆：藍藍媽 的帖子
K1 ^_^
作者: LittleButter 時間: 14-2-3 01:52
其實做大B定細B，有時候並不是你真的可以話事，如果你今年9月打算報K1，你絕對可以勇往直前，只不過有沒有KG收你囡囡。同埋有部分名幼/龍幼也不收11、12月細B的表格。當然如果你要求不高、事旦只要有一間KG收也冇所謂的話，其實試下也冇妨。不過不要抱太大的期望，因為始終也是學校自己揀人，報名的人中有2012年1月至12月B、更加有2011年的超大B，所以在大多的情況下，2012年的細B機會可能也是微D，不過也有例外的，因為smart的細B也大有人在。如果我係你，會同時報K1(做細B), 同時也報PN(做超大B), 有offer後再慢慢選擇。
作者: Bolau199042 時間: 14-2-4 01:16 標題: 回覆：LittleButter 的帖子
^_^謝謝你
作者: picture 時間: 14-2-4 13:08 標題: 回覆：請問做大B好還是細b好？
基本上如果能無問題我會話做細b，
但現在D学校偏好收大b或超大b所以根本不由家長choose
作者: letea 時間: 14-2-4 14:31
基於現今課程普遍過深，我會選擇做大
作者: yl88 時間: 14-2-4 14:54 標題: 引用：K1+^_^
+
原帖由 Bolau199042 於 14-02-03 發表
K1 ^_^
作者: yfchoy 時間: 14-2-5 10:30
其實樓主不用太煩惱大B定細B，由學校去選擇吧！
小女都係11月細B，性格跟妳女女差不多，再加上佢把口講唔停同絶對有足夠表達能力。但當年的結果係得一間有關係的幼兒園收佢(大家都好唔明，所有能力都有但唔收，唯一既解釋係佢既面試表現唔係太興奮就係縱橫四海)。正當已開學一星期(一年後)，突然知道有心儀學校有位可叩門面試，即刻再寄信求面試，當時的老師都很奇怪當初為何連waiting都冇(由於太多嘢講騷擾到我和老師傾談，當時另一老師帶佢去另一班房都完全冇問題，所有要求都做到。但我當然知點解)。最後收咗入讀(雖然多花了幾千元兩邊學費，但都抵)，之後就見到大B和細B既分別。由於小手肌發展和空間感較遲，所以寫字係會困難好多，樓主必須要明白，別給太大壓力。但隨着長大，大B細B的差別會拉近，現在小女K3，在班亦算中等，我已經覺得唔錯。
我的見解係，不要先為女兒選擇做大B還是細B，佢哋既能力係會俾妳睇到佢適唔適合。再者，真係做唔到細B要留一年做大B的都大有人在，不要給太多壓力俾自己和小朋友。
作者: miemie6 時間: 14-2-5 11:25
我12年12月，我地揀左做大b呀!
腦仔成熟d，學野好d，輕鬆d!!
如果本身資質好，可能會有更好效果~ (這只是我諗姐) 
作者: loo123 時間: 14-2-5 13:54 標題: 回覆：Bolau199042 的帖子
小女現讀K1超细b, 全班最细，但執筆畫線寫字就非常遜息！真係同大b差一大折，今年再重考K1名幼同龍校，派賽唔錯，因為這些學校一般只收大b, 上年完全無得報，所以我會遍向做大b!
作者: tam_bb 時間: 14-2-5 14:00 標題: 回覆：請問做大B好還是細b好？
同意樓上講法，做大B/細B，基本上唔到家長自己話事。我女兒是細B，去年考K1，有offer，但不是心儀的。但今年以超大B身份再戰K1，成績不俗，當中有龍校offer。
作者: Layki 時間: 14-2-5 18:12
回覆 Bolau199042 的帖子
一定是大B，我個囝係細B，搵N班讀時得一間肯派表，其他都話唔收或唔派表俾細B
作者: Ling2014 時間: 14-2-6 13:45
sharing - my child repeated K1 and just finish the P1 interview game... so far I got 6 offers (already release 5 , just hold 1 which is my dream school) and sit in many third or second round interviews. I have no regret to let my child repeat K1. my case only :)
作者: BERNICEJUNE 時間: 14-2-6 19:06
yfchoy 發表於 14-2-5 10:30 
其實樓主不用太煩惱大B定細B，由學校去選擇吧！
小女都係11月細B，性格跟妳女女差不多，再加上佢把口講唔停 ...
作者: PallasChu 時間: 14-2-6 22:31 標題: 回覆：Bolau199042 的帖子
做大b.
响幼稚園同小學學習能力高過細b
作者: jbread 時間: 14-2-7 09:13 標題: 回覆：請問做大B好還是細b好？
我仔係十月尾细b,今年有幾間心儀學校offer,會今年入k1.我想法係有人收一定俾佢讀俾佢試，小朋友既能力係冇人估計到。讀吾上下年再泥過囉。
作者: Doris_Ray 時間: 14-2-7 14:06
jbread 發表於 14-2-7 09:13
我仔係十月尾细b,今年有幾間心儀學校offer,會今年入k1.我想法係有人收一定俾佢讀俾佢試，小朋友既能力係冇 ...
我囡都係10月尾細囡，係LH讀緊K1，啱啱派咗第一期評估，so far 不差於大b，會繼續讀上去
作者: KTang 時間: 14-2-7 14:28 標題: 回覆：請問做大B好還是細b好？
做大B好,差好遠。特别在要求高的幼稚園讀書，大B跟小B的學習能力差一截。
作者: yourwing 時間: 14-2-7 22:41 標題: 回覆：請問做大B好還是細b好？
做大B, 開開心心玩多一年先上小學！
作者: mamaishere 時間: 14-2-8 08:47 標題: 引用：sharing+-+my+child+repeated+K1+and+just+
原帖由 Ling2014 於 14-02-06 發表
sharing - my child repeated K1 and just finish the P1 interview game... so far I got 6 offers (alrea ...
作者: Ling2014 時間: 14-2-10 09:04
回覆 mamaishere 的帖子
my child went to other school and studied K1 again. it is ok so far and it is easier for her and myself too. Actually the teacher from previous school said she was ok but we think her muscle is still not good enough to write... so we let her do K1 again. It really depends on children's development... some small B can also do very good with proper training. I know it's a difficult decision.. But once you make up your mind, don't look back ..
作者: momo;);) 時間: 14-2-10 16:27 標題: 回覆：請問做大B好還是細b好？
我仔係2011年10月尾細b,想佢做大b但咁岩又要同龍b爭，到底做吾做大b好？
作者: yukowong819 時間: 14-2-12 19:06
提示: 作者被禁止或刪除 內容自動屏蔽
作者: joannec05 時間: 14-2-12 19:57 標題: 回覆：請問做大B好還是細b好？
咁都要問？ 你去培正揮手區睇睇。。。。。。有答案啦。。。。
作者: nky228 時間: 14-2-14 03:07 標題: 回覆：miemie6 的帖子
我覺得無所謂啦！視乎你給什么小孩子去學習，細B用心都能做到。如考幼稚園是細B，今年吾得，未出年囉！在接在來，始終小孩子年青嗎？
作者: MrBeast 時間: 14-2-14 07:51
回覆 yukowong819 的帖子
如真有需要repeat, 會批多年，不過這方面學卷組唔會特別helpful.
如你覺得有需要而kg 冇得repeat 咪轉校law.
作者: Happi_Mum 時間: 14-2-18 14:29
LittleButter 發表於 14-2-3 01:52
其實做大B定細B，有時候並不是你真的可以話事，如果你今年9月打算報K1，你絕對可以勇往直前，只不過有沒有K ...
good idea! 我冇唸過tim
我女10月頭, 如果做大b , 係咪太大呢?
作者: Happi_Mum 時間: 14-2-18 14:34
tam_bb 發表於 14-2-5 14:00
同意樓上講法，做大B/細B，基本上唔到家長自己話事。我女兒是細B，去年考K1，有offer，但不是心儀的。但今 ...
請問你b幾多月出世? 我女10月頭, 如果做大b, 會不會太大?
作者: Happi_Mum 時間: 14-2-18 14:36
Ling2014 發表於 14-2-6 13:45
sharing - my child repeated K1 and just finish the P1 interview game... so far I got 6 offers (alrea ...
thanks for your sharing! which month is your child's birthday?
作者: tam_bb 時間: 14-2-18 14:38 標題: 引用：Quote:tam_bb+發表於+14-2-5+14:00+同意樓
原帖由 Happi_Mum 於 14-02-18 發表
請問你b幾多月出世? 我女10月頭, 如果做大b, 會不會太大?
作者: tam_bb 時間: 14-2-18 14:41 標題: 引用：Quote:tam_bb+發表於+14-2-5+14:00+同意樓
原帖由 Happi_Mum 於 14-02-18 發表
請問你b幾多月出世? 我女10月頭, 如果做大b, 會不會太大?
作者: Happi_Mum 時間: 14-2-18 14:42
本帖最後由 Happi_Mum 於 14-2-18 14:46 編輯
你b幾大? 我女12年10月頭, 我都係到唸緊呢個問題, 各有各好:
大仔:
1. 易報校好多, 我之前報pn真的不易, 仲未有著落
2. 避開唔駛同龍b 爭
3. 估佢會自信d
細女:
1. 我女之前上pg, 試過做全班最大, 佢好悶, 反而佢一同大些的小朋友玩, 明顯學到嘢
2. 怕10月頭做大b會太大
結論: 好似以上媽媽所言, 交比個女和學校決定啦, 我照報pn, 等佢去interview 當見識吓。
最好收佢, 就可以早d 同其他小朋友玩
作者: siufung 時間: 14-2-18 16:19 標題: 回覆：請問做大B好還是細b好？
其實呢個年頭，“發現自己年份大同學1年“的“超齡“不安和自卑已不存在，因為到佢地上小學，可能著緊1/4同學都係超大仔女。
作者: fion_yinyin 時間: 14-2-18 17:29
其實如果因為大b而學野快過人，自信心高過心有幾「馨香」呢？你大人一年，叻過其他細bb唔係一件咩值得驕傲既事。相反若細b可以追得上大佢一年既同學，咁樣反而可以提高個小朋友既自信心及學習動機。
我兒子係細仔，佢怡家讀緊小學，班入面考頭幾名。
作者: iloveliushing 時間: 14-2-19 17:26
大b
作者: day_bo 時間: 14-2-19 18:26 標題: 回覆：fion_yinyin 的帖子
我仔係12月細B，讀緊K1，除了寫字，其他也跟到進度。今年只考了3間龍校，2間rejected,1間waiting, 所以被迫也要繼續升K2做細B。想問你有冇特別加倍谷你囝囝先保持成績?做細B有咩特別要注意?請賜教。
作者: yamin 時間: 14-2-20 08:53 標題: 引用：請媽媽們指教，我個女2012年11月出世，宜家
原帖由 Bolau199042 於 14-02-02 發表
請媽媽們指教，我個女2012年11月出世，宜家14個月，咁岩龍年怕難報學，見過我女既人都話個女比較跳皮，性格 ...
作者: yamin 時間: 14-2-20 08:58 標題: 引用：其實呢個年頭，“發現自己年份大同學1年“
原帖由 siufung 於 14-02-18 發表
其實呢個年頭，“發現自己年份大同學1年“的“超齡“不安和自卑已不存在，因為到佢地上小學，可能著緊1/4同 ...
作者: littlebeany 時間: 14-2-20 08:58 標題: 引用：其實如果因為大b而學野快過人，自信心高過
原帖由 fion_yinyin 於 14-02-18 發表
其實如果因為大b而學野快過人，自信心高過心有幾「馨香」呢？你大人一年，叻過其他細bb唔係一件咩值得驕傲 ...
作者: littlebeany 時間: 14-2-20 08:59 標題: 引用：我仔係12月細B，讀緊K1，除了寫字，其他也
原帖由 day_bo 於 14-02-19 發表
我仔係12月細B，讀緊K1，除了寫字，其他也跟到進度。今年只考了3間龍校，2間rejected,1間waiting, 所以被迫 ...
作者: MrBeast 時間: 14-2-20 10:40
yamin 發表於 14-2-20 08:58
我反而唔明，點解咁多家長會覺得小朋友大過同班同學會自卑？真的有如此經歷的家長可分享一下嗎？
...
作者: fion_yinyin 時間: 14-2-20 18:00
其實大b細b既concept全部都係大人自己過份擔心同夾硬灌輸俾d小朋友的。
我地個年代邊有細b同大b既concept?? 我地咪一樣咁讀﹙我自己都係十一月出世，咪又係大學畢到業﹚？
我真係無點樣谷自己個仔讀書，只係由佢一出世就全英語咁對答，所以so far 佢對自己英文﹙連帶其他科都﹚好有信心。
作者: ajfamily 時間: 14-2-20 22:01
我仔是中仔（6、7月出世），我冇得選擇repeat, 但我覺得差異在K2開始已收窄，仔今年九月入小一，去年底已有dream school 收咗，因此相差幾個月影響會隨年紀長大而減少。我只覺得香港很畸形，孩子竟然要為入幼稚園和小學而要repeat, 白白浪費了一年，一年在人生中看似微不足道，但一年足以夠孩子將來完成一個碩士課程（某些科目）。
作者: mspaint 時間: 14-2-20 22:37 標題: 回覆：請問做大B好還是細b好？
其實可以做細B報下先， 等學校揀。我個女係10月細B, 都有港島區龍校收， 不過有啲同學仔大足佢一年。到時再睇下成績點啦， 不過我自己prefer做細多過做大
作者: siufung 時間: 14-2-21 03:09 標題: 回覆：請問做大B好還是細b好？
其實大B細B不重要，細B跟到做細冇問題....最大問題是細B想考入競爭大的學校機會大大削弱，搞到大部分細B家長一窩蜂走去做超大....
都係睇番小朋友能力和考取心儀與否作決定啦！
作者: MrBeast 時間: 14-2-21 07:02
fion_yinyin 發表於 14-2-20 18:00
其實大b細b既concept全部都係大人自己過份擔心同夾硬灌輸俾d小朋友的。
我地個年代邊有細b同大b既concept?? ...
其實我又唔係好明，以前屋企冇＄又生得多就話早d出來幫補下，現時環境富裕，average 家庭生一個起兩個止，真是咁等＄洗要早一年出來做野嗎？不如担心培訓時要否洗廁所仲好la (joke, joke).
作者: 天悅 時間: 14-2-21 08:32 標題: 引用：Quote:fion_yinyin+發表於+14-2-20+18:00+
原帖由 MrBeast 於 14-02-21 發表
現時9-12月出生的細B在我的年代是一定要做大B，ebd 某年前微調小一入學適齡range 才有現今的細B出現。我身 ...
作者: tam_bb 時間: 14-2-21 09:22 標題: 回覆：MrBeast 的帖子
Agree with MrBeast。其實以前，小朋友一定要在9月開課時足齡3歳，所以9、10、11、12月小朋友一定是大B。我媽仲話：「9月出世最好啦，大仔」我跟住話：「依家唔係啦！」
作者: tam_bb 時間: 14-2-21 09:25 標題: 回覆：請問做大B好還是細b好？
其實現今香港幼稚園、小學的課程偏深，起碼教深半年或1年，所以細B要考慮埋呢點。不過，都係嗰句，個個小朋友發展唔同，父母最了解自己小朋友性格、能力，自己決定做大/做細較適合吧。
作者: jaycee_mami 時間: 14-2-21 10:02
天悅 發表於 14-2-21 08:32
9-12月一定要做大b?真的想知是幾時的事，我讀書時9成同學是同一年出世，只有3，4位是上一年出世的
...
作者: fion_yinyin 時間: 14-2-21 14:26
回覆 MrBeast 的帖子
怡家呢一代d父母係怕輸在起跑線，好多父母都怕遲一年入學會比同齡小朋友學少左野，但一方面又好想自己個仔女﹙因為大人一年而﹚叻過人。所以我識一個朋友個bb 十一月出世，讀左一年pn做細仔，第二年再報pn做大仔，讀幼稚園足足讀左五年。我只可以講：痴線﹗
我仔仔就只讀左三年幼稚園，年年幼稚園班主任都話佢追到其他大b。
作者: conniewktang 時間: 14-2-21 21:29 標題: 回覆：fion_yinyin 的帖子
Totally agree
作者: DonaldTsang 時間: 14-2-21 22:09 標題: 回覆：請問做大B好還是細b好？
其實細B變大B都不一定可行：因為
1）有D學校有年齡限制
2）有D學校吾比Repeat
所以我都吾係太明細B點樣變大B？
作者: conniewktang 時間: 14-2-22 07:49 標題: 引用：回覆+MrBeast+的帖子
怡家呢一代d父母係怕
原帖由 fion_yinyin 於 14-02-21 發表
回覆 MrBeast 的帖子
怡家呢一代d父母係怕輸在起跑線，好多父母都怕遲一年入學會比同齡小朋友學少左野，但 ...
作者: 怪獸父母 時間: 14-2-22 11:31 標題: 回覆：Ling2014 的帖子
👍👏👏
作者: fion_yinyin 時間: 14-2-22 21:03
回覆 DonaldTsang 的帖子
原因好簡單：
去一d收細b既學校做細b讀pn，然後去一d收大b既學校再讀多年pn
作者: chiyin8 時間: 14-2-23 00:03
回覆 fion_yinyin 的帖子
yeah your son is smart, but every kid's development is different...
作者: fabsum 時間: 14-2-23 00:40
本帖最後由 fabsum 於 14-2-23 00:43 編輯
fion_yinyin 發表於 14-2-18 17:29
其實如果因為大b而學野快過人，自信心高過心有幾「馨香」呢？你大人一年，叻過其他細bb唔係一件咩值得驕傲 ...
有幾「馨香」呢? 講得好難聽.....希望吾好灌輸小朋友都有呢D諗法，改變他們純真的心。
作者: Waiseung 時間: 14-2-23 10:45 標題: 回覆：請問做大B好還是細b好？
我的囡都是201211月
困惑中
作者: fion_yinyin 時間: 14-2-23 16:55
本帖最後由 fion_yinyin 於 14-2-23 17:35 編輯
回覆 fabsum 的帖子
我從來無灌輸大細B呢種concept俾小朋友，眼見現時既風氣係刻意俾bb做b大，然後就去in 低一級既幼稚園，為的就是要提升"人造"﹙一定要加"人造"，以免引起誤會﹚大b入讀既機會。就算就係入到心儀幼稚園，係時間多一年既後果定係真係小朋友既資質好呢？真係有個感覺係入到唔「馨香」
作者: fion_yinyin 時間: 14-2-23 17:14
本帖最後由 fion_yinyin 於 14-2-23 17:19 編輯
回覆 fion_yinyin 的帖子
我咁講可能得罪左好多大b既父母，但好多時想bb做"人造"﹙一定要加"人造"，以免引起誤會﹚大b不外乎都係想bb有較大機會入讀心儀幼稚園，希望"人造"大b不落後甚至叻過人吧。但「大人一年叻過人」這個情況是否一定會發生的呢？若真的發生，真是覺得是bb資質特別高嗎？若大人一年只跟其他細b進度一樣又代表甚麼？最後我想提出父母要對自己子女有信心，細b能力不定較差，而且到小學時的差距已經是微不足道的了。
作者: charbabies 時間: 14-2-23 20:10
本帖最後由 charbabies 於 18-7-15 16:02 編輯
作者: tam_bb 時間: 14-2-23 20:28 標題: 引用：+本帖最後由+fabsum+於+14-2-23+00:43+編輯
原帖由 fabsum 於 14-02-23 發表
本帖最後由 fabsum 於 14-2-23 00:43 編輯
作者: fion_yinyin 時間: 14-2-23 20:43
請留意"人造"二字。一定唔會間間幼稚園都有一致既收生年齡限制 law，有d cut 到八月尾，有d cut到9月尾收表，有d接受某一年一月至十二月既小朋友。有陣時做大b or 做細b除左講到咁為世所迫外，父母都可以係入紙時選擇只做大b or 細b吧。
至於某些幼稚園，如果係超大b同細一年甚至兩年爭至入到就更加唔馨香啦。
作者: fion_yinyin 時間: 14-2-23 20:47
再者，有好幾間較多人報既幼稚園都會收表至十二月既小朋友，而每年班中總有十一月或十二月出世既小朋友。所以呢個世界總有自主權的，只在乎父母如何選擇or是否只是抱著某一幼稚園非入不可的心態。
作者: siufung 時間: 14-2-23 21:29 標題: 回覆：請問做大B好還是細b好？
我相信大部份家長安排小朋友做大B，並非一心想做大贏家，只是怕細B能力不及，距離影響他們自信心和學習興趣....當然，有部分細B發展成熟，跟得上有餘，什至以細B身份亦輕易考入心儀名幼...這當然很令家長自豪...但小朋友發展和潛能無人可估計，今日精靈的早熟細B，未必以後也keep到，同樣地，即使是超大B，今天如領先，日後亦未必。我們著眼不應在比賽大細B的表現，而該以孩子福祉作出發點。
作者: ChanSiuTung 時間: 14-2-23 23:02 標題: 回覆：請問做大B好還是細b好？
我個女都係11見出世 亦打算做大B 做大B吾係想𧅥香D 而係佢咁細就要競爭 吾好講個細 做父母都好大壓力 你估家陣讀書真係只關小朋友既事咩 做家長都要有負責任去幫助佢地 遲一年先讀 起碼小朋友有好既心理狀態先去競爭
作者: fabsum 時間: 14-2-24 11:02
本帖最後由 fabsum 於 14-2-24 11:59 編輯
fion_yinyin 發表於 14-2-23 16:55
回覆 fabsum 的帖子
我從來無灌輸大細B呢種concept俾小朋友，眼見現時既風氣係刻意俾bb做b大，然後就去in ...
做大B或細B就好似半杯水問題，睇你點睇，我會樂觀正面方向睇，是細B的恩賜，有多條路你揀，家長最後都是按小朋友的際遇及能力而選擇，那又絕對的錯與對?
你可以覺得大B係大人一年，你亦可睇成同一月小朋友差一二個月而已，provide that 小朋友係適齡學生，學校的收生年歲又符合，合情合法，又咩問題呢?不要以2011 同2012 呢8個數字局限你，2011 年12月同2012年l月出生小朋友比只相差一個月，不可說成小朋友讀早一年就對，讀遲一年就係怪獸，等於局限自已30歲前要結婚生仔，要點要點，set.左個框框比自已，係..大部份人條路係這樣行，但不可講成吾跟框框既係錯，做了幾十年人後你會發覺讀遲一年是件微不足道的事情。
我有個朋友係協恩做，女兒入硬協恩小學(不是讀協幼)，她女兒11月出世，最後佢決定俾她女兒讀多年k3, 你會話入硬都repeat ? 係law ..人人case.吾同，家人最清楚，最終都係以小朋友福祉為先。
覺得你講吾「 馨香」難聽令人難憾，你就偏在不同回覆下再講多兩次，我都冇咩野好講了，做大B及細B吾係最重要，小朋友品德培養，做人有「品」先係最重要!
作者: fion_yinyin 時間: 14-2-24 11:32
本帖最後由 fion_yinyin 於 14-2-24 13:02 編輯
選擇做細b就係set 框框俾自己？咁難道做大b就唔係set 框框俾自己？
好多父母係未開始讀幼稚園前就已經要個仔女做大b，其實有無諗過俾d更專業既人，例如幼稚園老師去做決定？如果做左細b後，老師話唔ok至再做大b吧。好多時呢個年代d父母過份緊張，驚個仔女呢樣唔得，0個樣唔得，樣樣都未俾仔女試就做哂所有決定。香港法定適齡入k1係2歲8個月，但怡家往往2歲8個月走黎入讀pn。唔係講緊差一、兩個月既問題，而係講緊個小朋友用多左一年時間讀低一個年級。諷刺的是，perfer 個仔女做大b既父母可能係屋企已經﹙沾沾自喜咁﹚教哂A-Z同1-10，個小朋友入到學校一係學返同一樣野，佢可能會覺得悶，你又知唔知？
大b既然好似有好多優勢，咁係咪in 親幼稚園都收？我眼見就唔係law。相反我覺得大其他BB一年唔收至應該係預料之外。
作者: siufung 時間: 14-2-24 14:13 標題: 回覆：請問做大B好還是細b好？
不要著眼年齡與能力的比例，1/1出世應份有100分，12/31出世有100分就是神童....早一年的9-12月超大唔考第一就冇鬼用....根本咁細個，發展未定，除了天資，性格亦好大影響。超大B考不到心儀大有人在，但又是否說明他們差勁呢？可能是發展未到位，又可能是性格慢熱怕醜在面試中未能發揮。譬如博士畢業生事業成就不及中五生，可以說該中五生叻、際遇好，但未至於說博士生唔“馨香“。小女是大B(2月)，考K1成績都很遜色，我從沒懷疑過她能力，這個戰塲內實在有太多不可預計的變數，總之家長都是選最好的路給孩子。
作者: fion_yinyin 時間: 14-2-24 16:16
本帖最後由 fion_yinyin 於 14-2-24 17:01 編輯
個post係回應緊樓主既選擇，其他天然大b無謂自動的對號入座。樓主你個女年尾出世，女兒性格活潑好動，又肯周圍聊人玩，用不著做"人造"大b。出年應該可以fight低好多大b，入到有心儀k1。
作者: siufung 時間: 14-2-24 16:28 標題: 回覆：請問做大B好還是細b好？
其實只是討論一下，集思廣益，每個人也有不同意見或論點，不是“對“也不一定是“錯“。而且“甲之熊掌、乙之砒霜“，在選擇自由的地方，參考了別人意見，盡量下無悔的決定則可。
作者: chiyin8 時間: 14-2-24 21:54
回覆 fion_yinyin 的帖子
我女九月頭出世, 但佢係早產佐3.5mth, 發展等於12月中-尾, 想佢做超大B, 是無奈, 不是我們家長的選擇, pn老師開到聲要我們慎重考慮留班, 不是每個小朋友發展都好似你們的咁快咁正常, 請大家多d體諒
作者: chiyin8 時間: 14-2-24 22:05
回覆 charbabies 的帖子
我女早產3.5mth, 可能要被逼做超大b, 是無奈, 邊個唔想做又聰明學野又快的細b...
作者: ycmcns 時間: 14-2-25 00:55
我係2011年細b,以細b身份in到一間pn,舊年再以大b身份in。結果in到以細b身份入k1有兩間，其實我都有再用大b身份in心儀的pn但唔得，有老師話其實超大b因同其他相距太遠，所以有得揀都唔會係首選，所以我建議你大細都報
作者: MrBeast 時間: 14-2-25 02:07
chiyin8 發表於 14-2-24 21:54
回覆 fion_yinyin 的帖子
我女九月頭出世, 但佢係早產佐3.5mth, 發展等於12月中-尾, 想佢做超大B, 是無奈, ...
作者: 藍藍媽 時間: 14-2-25 19:24 標題: 回覆：MrBeast 的帖子
成日都見到d做大B定細B的 post... 見到好多人話做細B令小朋友從小無台信，影響一生…… 作為中細B的我(8月出世)，從未經歷過大家所講的無自信，由k1 開始已名列前茅…… 所以看到有些家長堅持做細B不好時覺得好誇張…… 另外，我想share 下我細個學跳舞時被迫做大B的感受…… 當時超唔開心，点解我唔可以上高一班…… 亦的確有網友所講的"就算做得比人好都唔馨香"的感覺…… 後來被細B追上後更毅然放棄再學了…… 所以，細女的家長們，如小朋友能力不是特別差，不要强迫她們做大B…… 看能力決定做大定細啦！
作者: chiyin8 時間: 14-2-26 21:42
回覆 藍藍媽 的帖子
你放心, 我相信唔多家長會逼自己小朋友做大B, 每個小朋友發展唔同, 你未必完全明白
作者: charbabies 時間: 14-2-26 22:59
本帖最後由 charbabies 於 18-7-15 16:02 編輯
作者: loo123 時間: 14-2-27 01:23 標題: 回覆：siufung 的帖子
講得好！
作者: MrBeast 時間: 14-2-27 10:54
小一那邊有較深入的討論：
http://www.edu-kingdom.com/forum ... p;extra=&page=1
作者: fabsum 時間: 14-2-27 17:23
本帖最後由 fabsum 於 14-2-27 17:24 編輯
多謝分享。還有看過你的日誌亦有很多得著，謝謝!
作者: Bolau199042 時間: 14-2-27 19:19 標題: 回覆：請問做大B好還是細b好？
媽媽們 多謝你地寶貴既意見 希望你地唔好為大b細b問題而罵交 本人只是問女兒是細b龍年性格太活潑 會否比較難有學校收 本人無意要女兒刻意做大b 亦無意比較其他大b細b學習能力聰明與否
我地應該結束這個題目了 因為和本人當初問的問題 答案已經離題 不想大家爭吵 多謝每位媽媽給予寶貴的意見
作者: catiou627 時間: 14-3-4 23:09 標題: 回覆：請問做大B好還是細b好？
我12月囡做大B，之前都好似你咁猶疑做大定細，老公問左我一句，做細B除左早一年出黎搵錢，有咩其他好處。這句說話對我真是當頭捧。
作者: 2Happy 時間: 14-3-5 09:02
如考到名幼或有龍的幼稚園, 做大B沒有問題, 因B大了可以解釋給他為什麼要做大B, 只因父母想B的學業及事業更上一層樓. 但如果是普通幼稚園, 是否值得做大B呢, 因B大了會不明白點解他好像REPEAT了, 我現在也有朋友都不喜歡她父母當時的決定. 細B大了其實已追到大B的能力.
作者: sweethoho 時間: 14-3-5 09:27 標題: 回覆：請問做大B好還是細b好？
唔好理, 照考, 有學校收就返啦!
大D, 就冇咩大細B差異! 我見女D同學係細B都好醒
作者: chywong 時間: 14-3-6 10:46
我個女10月, 我地決定出年做大b. 其實而家間學校好好, 佢語言同認知都學得唔錯, 老師話唔使repeat, 只係手肌差少少.
眼見身邊親戚朋友細b, 不論仔女, 上到K3 or 小一好辛苦, 所以想佢 生理&心理都發展好d先面對.
而且幼稚園咁好玩, 讀多一年, 遲少少先進入殘酷既世界啦!
作者: 思思baby 時間: 14-3-6 13:12
回覆 fion_yinyin 的帖子
我都覺得如果細B跟得上, 但夾硬要佢REPEAT 一年N/ K1 係浪費左佢時間同能力.
樓上有人話小朋友唔會因為係超大仔而覺得唔開心....我自己係年頭出世, 成個求學階段都有人笑我老D, 幸好自己成績OK, 如差的話會被人話"又老又蠢" (sorry 太直接).
我大仔係11月BB, 我比佢做細仔, 由K1-K3 學習都唔錯, 唯獨是性格上比其他同學BB (好聽就天真, 直接D講幼稚), 同埋大小肌肉差D, 相信到小學3/4年級個差異就會拉近.
作者: 媽媽虎虎 時間: 14-3-6 13:18 標題: 回覆：請問做大B好還是細b好？
我個囡係2010年11月b, 可以分享下
舊年又報K又報N, K 基本上冇乜好offer, 最後去左LH 讀 N
今年再用大B身份報K, 主要同佢考龍校, 今年完全脫胎換骨, 中左五條龍任我揀
所以對我個case 黎講做大B係有SO既
希望幫到你
作者: conniewktang 時間: 14-3-6 13:27 標題: 回覆：catiou627 的帖子
做超大B有so，這是當然，但大B都有叻同唔叻，如果touch wood，第時有需要留班，就比人大差不多2年，女仔會唔開心，男仔或者感覺好啲。這不是早或遲一年搵錢的問題，是小朋友唔開心的心結！見到初中學生都有笑人哋年紀比自己大一、兩年的同學！
作者: catiou627 時間: 14-3-6 21:50 標題: 引用：做超大B有so，這是當然，但大B都有叻同唔叻
原帖由 conniewktang 於 14-03-06 發表
做超大B有so，這是當然，但大B都有叻同唔叻，如果touch wood，第時有需要留班，就比人大差不多2年，女仔會 ...
作者: catiou627 時間: 14-3-6 21:56 標題: 回覆：catiou627 的帖子
其實做大B細B呢個問題真的沒有一個有確實結論，只是父母隨自己感覺而行。
我覺得我女兒現在讀書很好，很輕鬆，班主任私底跟我，讚同我囡做大B，我知我當初的選擇是對的了。
作者: conniewktang 時間: 14-3-6 22:17 標題: 回覆：catiou627 的帖子
讀唔讀到書，細路要到中三、四先知，同做大細B冇關。開初，做大B會有so,但以後就不一定。所以留班是指中學，如DSE的階段。
作者: conniewktang 時間: 14-3-6 22:18 標題: 回覆：conniewktang 的帖子
所以無需要就不要做超大，除非追不上。
作者: lui 時間: 14-3-6 22:39 標題: 引用：讀唔讀到書，細路要到中三、四先知，同做大
原帖由 conniewktang 於 14-03-06 發表
讀唔讀到書，細路要到中三、四先知，同做大細B冇關。開初，做大B會有so,但以後就不一定。所以留班是指中學 ...
作者: mybabycullen 時間: 14-3-6 22:40 標題: 引用：其實做大B細B呢個問題真的沒有一個有確實結
原帖由 catiou627 於 14-03-06 發表
其實做大B細B呢個問題真的沒有一個有確實結論，只是父母隨自己感覺而行。
我覺得我女兒現在讀書很好，很輕 ...
作者: amannal 時間: 14-3-7 01:17 標題: 回覆：請問做大B好還是細b好？
提示: 作者被禁止或刪除 內容自動屏蔽
作者: conniewktang 時間: 14-3-7 07:35 標題: 回覆：amannal 的帖子
小兒十二月超細B，仲早產了成個月，現四歲多啲，正讀K2,唔覺有乜問題，認中文字，他比班中大仔大女叻，英文識的vocab也比別人多，數學也比別人好。很外向和健談，又多問題問。朗誦比賽，普通話或英文朗誦，學校都選他，而且，他似乎有無數的機會，更是校長和老師的寵兒。他全班最細，但反過來，他會教返大B學術上的東西。讀的不是私校，是PLK學券kg,但K1巳學寫字，初期有奌辛苦 ，但現在寫好難的中文字都冇問題，還會拿3個印加1貼紙。其實，也曾掙扎過好唔好比佢做超大，先生反對，而且，眼見不少超細B，都讀得好好，最後決定比佢繼續做超細B。不会盡信書本理論，會看實況，只信家長的栽培不會白費和自己的孩子有能力做好。絶不信個個年頭出世都會成功，年尾就包尾。咁個個做超大B都會成功，個個比仔女repeat1年，就冇人讀唔到書啦？！
作者: yuene 時間: 14-3-7 10:29
本帖最後由 yuene 於 14-3-7 10:31 編輯
我細女10月尾, 上年細B 考10 間幼稚園, 全部REJECT, 最後得HK靈糧堂收, 讀了一年K1, 再冇所謂地試大B 報了香港真光, 德望, ST PAUL,
結果全部收, 最後諗了很久, 比她讀ST PAUL, 一條龍冇頭痕嘛, 所以其實到最後, 係睇你自己想佢讀什麼學校, 大B 入龍校一定機會大D , 如你諗住大抽獎, 就細B 都冇謂,
| 歡迎光臨 教育王國 (/) |
Powered by Discuz! X1.5 |