教育王國
標題: 教養自閉兒的獨特見解 [打印本頁]
作者: chloe_pak 時間: 14-1-30 11:19 標題: 教養自閉兒的獨特見解
囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。
其實自閉不是新事，近來多左我覺得同多左人做評估有關，我地細個總遇過同學唔鍾意講野，小息自己坐埋一邊，讀書又唔係咁叻的同學，我認識一些成年人宜家三四十歲，有自閉特色，當年當然無做任何評估，一個舊同事三歲才開口說話，佢阿媽以為佢弱智，但宜家做左醫生，又識一個五歲才說話，現為銀行高層，例子仲有，不能盡錄
但佢地多數都能自力更生點解？因為同上一代管教有關！
上一代父母管教很嚴，所謂錯就要認，打就要企定，上一代鬼知咩叫自閉，只知道佢唔鍾意講野，唔多社交，但都係咁教，兄弟姐妹眾多，成班人一齊玩，你發脾氣話唔食飯，轉頭所有野食比兄弟食晒，無人會咁就你，仲要比兄弟話你抵死，在學校老師鬼知咁多，犯規就罰，飲食方面，講咩介口，有得你食都偷笑！久而久之，自閉兒也學到生存之道，只不過比人慢D!
對於我自己女女，3歲8時CAC講到佢好嚴重，想佢讀S位，我拒絕，我只想要E位，平時當佢正常細路，比佢參加正常活動，正常課外活動，當然會比人設訴下，但我會照去，女女也讀正常幼稚園，老師也知佢係A, 老師也很幫忙讓她和其他小朋友玩，飲食方面無介口，除了EETC, 沒有做其他如針灸，排水銀等其他治療，除了功課外，佢最常做的就是玩玩玩，佢好開心，成日都笑！
女女宜家剛六歲，語言表達仍差D，但語言理解超越實際年齡近半年，宜家識得駁咀駁舌，大小肌肉達標，係社交差D，但老師話佢係學校也有一兩個要好的朋友仔，中文認字好叻，簡單故事書已可朗讀，喜歡表演，學校表演常有奬攞，老師話佢好有自信！簡單加減數也計到，雖然唔係好叻，但一般外人已完全看不出她是A了！九月會升讀主流小學。
作者: 王王爸爸 時間: 14-1-30 13:12 標題: 回覆：chloe_pak 的帖子
美國最新研究1in 88, 真係好common
作者: Capricorn2521 時間: 14-1-30 16:33
回覆 chloe_pak 的帖子
你同我嘅見解都好相似。如果你有留意我以前Dpost，你就知我一向都好正面。我都係認識細個時吾多出聲，吾多理人的人，長大後有一點成就，也有做老闆的。
我仔以前讀過S位同I位，宜家讀緊小一。在S位/I位時，特教老師們都知道我仔英數好好，但特教老師們覺得佢英數好係因為佢有自閉特徵，其實我覺得幾難理解，自閉特徵=學習英數能力強? 我一直都吾太同意呢個解釋，但的確我仔仲有行為問題，所以我都同意要先著力改善問題。
到了小一開學時，當然我有同老師講亞仔嘅問題。因為小一已經係普教中，首先要學好全部普通話拼音。出乎意料之外，我仔係全班之中學得最好果個。中文科老師會用比賽形式教，我仔取得1,000多分，係全班最高分，其他同事都遠遠落後。所以，主科老師們都覺得佢學術方面都好強，有可能係資優生，叫我去評估。
當我同以前亞仔K1的特教老師傾呢個問題時，佢仍然用3年前亞仔的情況說“因為佢有自閉特徵，所以有呢D特點”。我覺得……3年了，難道不可以有進步? 以前K1的小伴子愛鸚鵡學舌，現在就多多理論，喜愛便駁。以前愛發脾氣，現在就喜歡逗人開心，常說爛GAG，跟他說話真在太開心了。
雖然我依家都未去評估，因為我沒有評估的理由。但在老師們的眼中，他已經係資優生。在我們家人眼中，他更是掌上明珠，什麼標籤都冇所謂。
作者: chloe_pak 時間: 14-1-30 17:04 標題: 回覆：Capricorn2521 的帖子
Hi Capricorn,
很高興知道你仔仔進展咁好！他讀小學愉快嗎？我囡囡也會於今年九月讀小學，我選了一所有支援特殊需要的津貼小學，希望佢好似你仔仔咁讀得咁叻！
其實我覺得，最緊要當自閉的小朋友如一般小朋友地看待，唔好因為自閉而太遷就，唔好對佢地有特別看待，要佢地有規矩，做父母的不用太悲觀，其實好多自閉兒都好叻，只不過佢地起步可能慢D, 但後競絕對唔差！
作者: lulumelody 時間: 14-1-30 18:24 標題: 回覆：chloe_pak 的帖子
其实係，當你小朋友已label 為自閉，你同導師講任何嘢，佢地都話““係自閉的特徵”！
作者: hcily 時間: 14-1-30 20:18
我倒覺得英數好因為是自閉特徵又如何，總之小朋友有過人之處，可以發揮，有自信便成，才不用管特教老師說甚麼。
作者: LeeCC 時間: 14-1-30 23:40
我弟弟三歲才說話，小時候不睬人，其他親戚問是否自閉，但一歲未夠可認到一百個中文字，全是媽媽講，小朋友找字卡出來，
上小學，對老師十問九吾應，老師同阿媽說，呢個仔系弱智，媽媽惱得轉校
轉校後，成績突飛猛進 ，一直讀上去，現在是教授，但是獨行
我個仔除了早講野同意自言自語外，同我弟弟小時候好似
，他音樂天份高，評估是asd
作者: chloe_pak 時間: 14-1-30 23:59 標題: 回覆：LeeCC 的帖子
Hi LeeCC,
你弟弟呢個又係一個好例子！之前有理論話，A仔有七成係智障，得三成智力正常，呢D簡直係不知所謂，D人成日話A仔係智障，係因為佢地唔識教，但好似你媽媽，呢個上一代的媽媽，已經有能力把他教好，所謂專家講的話不要盡信，我地最緊要信自己，因為只有我地自己，才最了解我地自己個小朋友！我反而覺得，A仔A女好多係天才！
作者: misshk12 時間: 14-1-31 00:03
回覆 LeeCC 的帖子
冒昧問句你弟弟係那科或那專業的教授呢？
作者: chloe_pak 時間: 14-1-31 00:54 標題: 回覆：misshk12 的帖子
似唔似湯川教授呀！
作者: LeeCC 時間: 14-1-31 07:02
其實湯村教授都有自閉特質
好多電視劇的怪人都似，例如神探阿蒙，mr bean
作者: wan_sosin 時間: 14-1-31 23:33
本帖最後由 wan_sosin 於 14-1-31 23:38 編輯
你哋講嘅幾得意!我就係你哋所講
"唔鍾意講野，小息自己坐埋一邊，讀書又唔係咁叻的同學"
你哋細個見過我架?
我比人懷疑係"弱智"!但真係了解我嘅人覺得我好聰明(第一個係大我10年嘅家姐)
但我屋企人無幫過我,亦唔會教我任何嘢!以前家窮,我係自生自滅地長大!父母學識少,又要做嘢!
佢哋都認為我無前途,放棄我架啦!
但慢慢大個,開始知道要生存,要靠自己!
到中學d字都仲係差到比老師話,於是決心想辦法,用另一張單行紙放在下一頁,不過打直放,於是前面變成格仔,慢慢一個個字去寫!一年後d字非常靚!
這樣自己搵方法改善的情況很多,生活很多事都無慢慢學過來,改過來,當中比人笑,比人話我怪人的時間很多!到而家仍有人覺得我奇特架!不過唔緊要,我已搵到我的生活,我亦有不少朋友支持我,欣賞我,最少我老公都覺得我好有智慧!
所以自閉係有希望的,我亦好想能講出我的例子鼓勵下別人!
我條路非常非常難行!就算喊都無人理我!因為唔明我難d乜!唔明我就算想開口,但把口就係開唔到!唔明我其實覺得開心,但就係唔會笑出來!
而家你們的小朋友很幸福,有你們愛他們,教他們,你們的小朋友一定可以快樂,健康成長的!
作者: chloe_pak 時間: 14-1-31 23:52 標題: 回覆：wan_sosin 的帖子
Hi! 好高興係呢道又遇到你！對！你就是我想說的例子，不用太多的幫忙，不用太多的遷就，慢慢就學會生存之道，我唔係想話人地扼錢，但自閉症好多治療係超貴，又唔一定有效，見有些家長花盡金錢，小朋友又辛苦，但結果不顯注，反而，試下放手，比佢係現實世界中闖下，等佢撞下板,自然會學到！我女女前年暑期在會所上一小組班，因行為怪異被投訴，我當然教佢咁係唔啱，到左上年暑假，厚著面皮又去上同一個小組，佢成個唔同晒，乖晒, 無再被投訴！
作者: wan_sosin 時間: 14-2-1 00:16
回覆 chloe_pak 的帖子
我以前走得過,但慘在真係活係自己世界,無人認同!所以好自卑,所以更加唔會同人做朋友!心理上唔多唔少傷上加傷!加上細個父母關係好差,家無寧日嗰隻!我成日諗,而家我可以正正常常,要好grateful!
但相信而家父母就算放手自己小朋友成長,都會支持,認同和鼓勵佢哋,相對小朋友嘅自信心一定建立到!
所以愛佢哋,接納佢哋都好重要!我都好想愛呢D小朋友!
我仔其實都有行為問題!3月見精神科!不過應該無自閉!雖然佢都間中好似有D自閉行為!但整體真係唔似,希望到時再作詳細評估!佢係聰明仔,所以就咁睇唔多見佢有唔妥!但我接觸過唔少小朋友!自己亦時常考查相關知識!我仔幾個月大時,我已覺得佢非平常人!所以當佢歲半,我就做咗FTM,希望教到佢好D!
作者: chloe_pak 時間: 14-2-1 10:52 標題: 回覆：wan_sosin 的帖子
Wan_sosin:
你米好囉！我都好想做FTM, 但無咁嘅福份，我要返工，又要湊細路, 仲要無工人，遲D我地細路做左同學，我諗我好多野都要請教你！我個女唔係醒，老師講咩實聽唔晒！
作者: wan_sosin 時間: 14-2-1 12:58
回覆 chloe_pak 的帖子
我做FTM都係好勉強架!要好慳!過年無錢去旅行!但自己湊嘅成果真係見到!我仔聰明但極唔聽話,已經叫做最聽我話,佢連老師都唔怕架!
要返工又要跟學校進度係辛苦,上小學互相支援啦!不過我可能到時都會搵下part time!但full time做嘢就唔會啦!
作者: chowqv 時間: 14-2-4 00:47 標題: 引用：回覆+chloe_pak+的帖子
我以前走得過,但慘
原帖由 wan_sosin 於 14-02-01 發表
回覆 chloe_pak 的帖子
我以前走得過,但慘在真係活係自己世界,無人認同!所以好自卑,所以更加唔會同人做朋 ...
不過我比你好彩，細個有一個愛我，對我無要求既父母。（讀 書總之唔使見家長就得；讀到就讀，讀唔到就出黎做野）。
我們都是這樣長大的。
作者: Capricorn2521 時間: 14-2-4 12:16
本帖最後由 Capricorn2521 於 14-2-4 14:25 編輯
回覆 chloe_pak 的帖子
多謝你們的鼓勵。因為在特教老師的教導下，我仔有持續的進步，她們給我很多寶貴的意見，所以我對她們都很信任。可能.....專業有專業的眼光，我還是用媽媽的角度去對待我兒的個案。
我兒漸漸融入校園生活。老師說他的學業成績不太擔心，反而是守規舉弱，會多加留意及須要改善。社交方面也漸漸有進步。他外表討好，可愛又愛笑，常說爛GAG逗人開心，班中同學都很喜歡他，尤其女同學們常常圍著他 （這些都是同學媽媽告訴我的，她們不知道我仔係SEN）。我想現在小一還小，同學們都很單純，所以覺得我仔好好玩。但我也不敢躲懶，會一直在日常生活中訓練兒子。每星期給他運動班及繪畫班，又是興趣，又是訓練，希望給他多些自信心。
作者: chloe_pak 時間: 14-2-4 12:22 標題: 回覆：Capricorn2521 的帖子
Capricorn,
我女女同你仔仔都似，又係樣子討人喜愛，咁細個都有男同學暗戀明戀，真搞笑！又係守規矩差D, 但都進步緊！
有人話A仔A女特別多靚仔靚女，唔知係米真！
作者: LeeCC 時間: 14-2-4 13:50
我個仔又系靓仔，社工說好多這類小孩個樣靓，討人喜愛，另一姑娘教我，話阿仔笑得靓，教他笑多些，一般人對靓樣的小朋友包容些，原來這也是強項
作者: LeeCC 時間: 14-2-4 13:53
我帶仔去訓練，同班個個都靓仔靓女，上天其實對這班孩子不薄
作者: Capricorn2521 時間: 14-2-4 14:34
由細到大，自己都有留意身邊的人，多數較靚果D，不論男女，真係吾係好鐘意social，比較自我，多數只有一/兩個比較要好的朋友，但別人又會對佢地好好，樣靚真係好著數。
作者: chloe_pak 時間: 14-2-4 15:06 標題: 回覆：Capricorn2521 的帖子
係呀！上天對我地小孩不薄，樣子討好真係好重要！我女女K1-K3 d老師都勁錫，希望上到小學都一樣啦！
作者: chloe_pak 時間: 14-2-4 15:08 標題: 回覆：chloe_pak 的帖子
LeeCC,
請問你弟弟是否靚仔教授？好似湯川？ 教物理學？我估佢多數對科學或數學或電腦有興趣？
作者: Capricorn2521 時間: 14-2-4 16:20
作者: bauhiniakan2000 時間: 14-2-4 18:10
我仔好得意,唔算靚仔,但 eetc 同佢上堂兩個真係靚女,連我家姐在院舍照顧大朋友a仔a女都係靚仔靚女.
作者: Peach1 時間: 14-2-4 19:26
對呀！我個女都係好靚，入主流小學前特教老師都話佢已經著數好多，佢而家小二，都有同學仔好喜歡佢，只係佢不太懂互動溝通。
作者: wan_sosin 時間: 14-2-4 20:52
chowqv 發表於 14-2-4 00:47 
原來，都有家長同我係同類。
不過我比你好彩，細個有一個愛我，對我無要求既父母。（讀 書總之唔使見家長就 ...
作者: chowqv 時間: 14-2-4 21:15
wan_sosin 發表於 14-2-4 20:52
我哋真係同路人!一起加油!
作者: chowqv 時間: 14-2-4 21:19
chloe_pak 發表於 14-2-4 15:06
係呀！上天對我地小孩不薄，樣子討好真係好重要！我女女K1-K3 d老師都勁錫，希望上到小學都一樣啦！
...
我阿仔又係生到成個女仔樣，皮膚又白（經常俾人叫姐姐/妹妹）。肯笑唔發脾4既時候，真係好得。呃盡樓下街市唔少既檔口。
作者: wan_sosin 時間: 14-2-4 21:30
本帖最後由 wan_sosin 於 14-2-4 21:31 編輯
chowqv 發表於 14-2-4 21:15
係囉。我地既仔仲係一齊9月讀p1！
好呀!將來仲有好多嘢可以傾!
我仔其實都係靚仔,好多女仔唔夠佢白滑!K1時張學生相已經比學校攞咗去做power point,係家長日介紹學校!
所以有時我都覺得上天都係公平嘅!比返d有利條件呢類有需要嘅小朋友!
作者: chowqv 時間: 14-2-4 21:33
wan_sosin 發表於 14-2-4 21:30
好呀!將來仲有好多嘢可以傾!
我仔其實都係靚仔,好多女仔唔夠佢白滑!K1時張學生相已經比學校攞咗去做power p ...
我地既仔都仲有好多優點。
作者: wan_sosin 時間: 14-2-4 21:46
chowqv 發表於 14-2-4 21:33
係，就係佢生得靚仔，所以“呃”晒。有時把口甜到呢。真係俾佢呃到…。
我地既仔都仲有好多優點。
把口甜都真係好好架!比到人好印象!
我仔把口就唔識氹人!比佢激到笑就有份!不過佢講嘢無句正經都好好笑!過年成日講"落葉進步"!
作者: chowqv 時間: 14-2-4 21:49
wan_sosin 發表於 14-2-4 21:46
係啦!講下小朋友優點!會開心D!
把口甜都真係好好架!比到人好印象!
最窩心係佢會日日起身，臨訓都會講：媽媽我愛你，最愛係你。
作者: wan_sosin 時間: 14-2-4 21:54
chowqv 發表於 14-2-4 21:49
講阿仔既優點，幾日講唔完。
最窩心係佢會日日起身，臨訓都會講：媽媽我愛你，最愛係你。
咁你真係好愛佢,佢先會咁講嘅!
作者: chloe_pak 時間: 14-2-4 22:12 標題: 回覆：wan_sosin 的帖子
Wan_sosin,
請問你仔仔是否在青衣讀幼稚園？其實佢地宜家係米同學？
我女女優點係可愛得意，人仔好嬌嗲，D大人比佢嗲到暈晒，係講野唔叻，同小朋友溝通一般，同大人就嗲功了得！
我女女都會話好掛住媽咪，想媽咪唔做野陪佢咁啦！
作者: chowqv 時間: 14-2-4 22:47
wan_sosin 發表於 14-2-4 21:54
咁你真係好愛佢,佢先會咁講嘅!
因為佢既出現，令我有“愛”同“被愛”既機會。
我愛佢係我應該做既事。
作者: chowqv 時間: 14-2-4 22:49
chloe_pak 發表於 14-2-4 22:12
Wan_sosin,
請問你仔仔是否在青衣讀幼稚園？其實佢地宜家係米同學？
作者: chloe_pak 時間: 14-2-4 22:52 標題: 回覆：chowqv 的帖子
我當然知，所以有些擔心佢上小學之後，怕佢同小朋友相處不來
作者: chloe_pak 時間: 14-2-4 23:05 標題: 回覆：chloe_pak 的帖子
chowqv,
你仔仔都是九月p1? 有學校收左未？使唔使大抽獎？
作者: wan_sosin 時間: 14-2-4 23:19
chloe_pak 發表於 14-2-4 22:12
Wan_sosin,
請問你仔仔是否在青衣讀幼稚園？其實佢地宜家係米同學？
你哋d小朋友好可愛!
我個仔都會同我講好愛我!但係其餘大多數時候都唔會講好說話!
由BB開始我已經講笑咁講,佢有天使嘅面孔,但魔鬼嘅行為!
作者: chloe_pak 時間: 14-2-4 23:32 標題: 回覆：wan_sosin 的帖子
今日收到CAC電話，約左下星期做小一前評估，請問有無小朋友做左？會問咩？有D擔心佢會話我B女智力低
作者: Capricorn2521 時間: 14-2-5 11:12
本帖最後由 Capricorn2521 於 14-2-5 11:14 編輯
回覆 chloe_pak 的帖子
我地上年做咗。首先家長入去同心理學家傾計，主要問小朋友現況，問家長有咩擔心，而小朋友會在大堂玩玩具。我傾咗一個鐘。之後就小朋友自己跟心理學家入去做測驗，答問題，做咗45分鐘。再一會，一起再入房睇報告，完成。
作者: chloe_pak 時間: 14-2-5 11:16 標題: 回覆：Capricorn2521 的帖子
Capricorn:
請問問小朋友的問題難嗎？你小朋友有無講問D咩？
作者: Capricorn2521 時間: 14-2-5 11:35
回覆 chloe_pak 的帖子
我冇問呀！反正結果都出咗，當時心理學家同我講，做到後期亞仔好吾專心。成45分鐘，佢有咁好專注力我就吾洗見你啦！
作者: chloe_pak 時間: 14-2-5 11:36 標題: 回覆：Capricorn2521 的帖子
請問係米IQ test? 會否知道佢IQ幾多分？
作者: chowqv 時間: 14-2-5 11:55 標題: 引用：今日收到CAC電話，約左下星期做小一前評估
原帖由 chloe_pak 於 14-02-04 發表
今日收到CAC電話，約左下星期做小一前評估，請問有無小朋友做左？會問咩？有D擔心佢會話我B女智力低
...
作者: Capricorn2521 時間: 14-2-5 14:14
回覆 chloe_pak 的帖子
應該係，佢吾會話比你知分數，只會話比你知孩子智商屬：有限/中下/中等/中上/優異.....等詞語。再問你同吾同意將報告交給獲派小學。
作者: chloe_pak 時間: 14-2-5 16:25 標題: 回覆：Capricorn2521 的帖子
Thanks a lot! 有D担心做出來的結果！
作者: chowqv 時間: 14-2-5 17:22
chloe_pak 發表於 14-2-5 16:25
Thanks a lot! 有D担心做出來的結果！
8月果陣阿仔要做，要見職業治療師，物理治療師，言語治療師，醫生。真係搞足一日。
拎住份報告，會剔可以報咩小學。個心定好多。
派到再交俾學校。
作者: Capricorn2521 時間: 14-2-10 15:55
回覆 chloe_pak 的帖子
順其自然啦，自己個小朋友有幾多斤兩，父母或多或少心中有數。呢個評估只做一個鐘，就好似考試咁....一試定生死。之前都聽過呢度D媽媽話個結果吾理想，所以我都冇期望。我個仔評估果日臨時有D吾舒服，我索性改期，費事吾舒服仲要比人煩成個鐘。我只當呢個評估係例行工事咁做。申報：我仔評估話佢智能中等。
作者: chloe_pak 時間: 14-2-10 16:02 標題: 回覆：Capricorn2521 的帖子
中等都好好啦！我希望我女女有中等啦！
作者: wan_sosin 時間: 14-2-10 22:24
chloe_pak 發表於 14-2-10 16:02
中等都好好啦！我希望我女女有中等啦！
有時小朋友係咁嘅評估,唔容易表現如常!
我仔係CAC做一般智能評估時,人哋比幾幅圖叫佢排次序,佢根本睇都廢事睇!其求放,放完要講返出黎,佢就亂作故仔!所以我知佢係正常範圍就算!
希望你囡囡嘅評估一切順利啦!
作者: Capricorn2521 時間: 14-2-11 11:54
回覆 wan_sosin 的帖子
冇錯啦，我仔小學老師就係話佢識做而吾做或亂做，所以仔嘅分數應該可以再高D。但特教老師就話識做而吾做或亂做，本身已經係行為問題，會影響成績/結果。我當然知道呢D係行為問題，也知道會影響成績/結果。但行為問題同智商係2件事，要分開看待及處理。評估員見一/兩個鐘吾知我仔嘅情況吾出奇，但特教老師對咗我仔成年，冇可能吾知，仲要用反3年前的數據同我講，真係吾知係專業定吾專業。身在商業社會，有時我會想..... 如果不特顯自己的專業，很快這個專業就會被人遺忘，淘汰。有時我也會想.....可能專業都總有一些固執，相信我仔大咗都會係”專業人仕”。
作者: catmervin 時間: 14-2-11 15:03
回覆 chloe_pak 的帖子
我阿仔做左啦。
因為語言發展仍是比人慢,所以語言組得有限知能;而操作組係中上知能,OVERALL係中等智能
教育心理學家給我的意見是,一定要持續追語言,才可以發揮出他本來的知能。
其實,我覺得阿仔似爸爸,爸爸係O個D,落手落腳做一次,就一理通百理明,手作仔可以做得好好,父系O個邊,個個都係做定私/木工/釘板/建築的,讀書反而俾語文阻住,我老公算係最高學歷啦,有個學位。
唔使擔心個結果,好多時都唔準架。
我做中學教師,有學生自閉症的,6歲時評佢有限智能,12歲已經唔同左,同埋佢只係有社交及行為問題,講野、作文有條理,只係佢唔願講你迫佢唔到囉。也有語障女孩,真係好靜,性格好被動,入學時的報告,評為輕度弱智,當時教佢中史,唔計D有得背的題目,在歷史資料分析題中,佢取得近似滿分,如果佢輕度弱智,有何能做到嗎?現在她已經中六,成績當然不是最好的,但同一般學生無異,只係唔講野。
仲有讀寫困難O個D,只要個學生唔願寫,就中晒架啦。
作者: chloe_pak 時間: 14-2-11 16:00 標題: 回覆：catmervin 的帖子
多謝你們的分享，明天會去做了，希望佢合作啦
作者: wan_sosin 時間: 14-2-11 22:12
回覆 Capricorn2521 的帖子
"一般"專業人士係唔會比人挑戰佢哋嘅睇法！咁先代表佢哋識多過我哋!加上佢哋有一套工作指引,只會照做!
我仔當初同時見咗三個醫生,其中一個比較高級的女醫生，我隱約聽到佢話我仔唔知邊樣唔係好得!好在另一個男醫生話，4歲大差唔多啦!如果唔係，可能唔知再寫我仔邊道有問題!或是佢智能唔達標!無可否認，佢當時無心機做個評估!幾歲人仲要唔係一般小朋友，邊有耐性呀!
但見得多我個仔嘅朋友，都覺得佢係醒目仔，學校評語仲清清楚楚寫佢聰明!我都聽過一個本來正常嘅小朋友，評完之後IQ得80.
作者: Capricorn2521 時間: 14-2-12 10:45
回覆 wan_sosin 的帖子
同意！
希望其他家長睇完我哋嘅意見，吾好將個評估睇得太重。
作者: LeeCC 時間: 14-2-12 11:25
醫生說阿仔記憶力強，觀察力強，表達能力強，但中左社交同固執兩樣，都系屬于自閉，醫生臨尾說好好發揮他強項，以長補短
大家努力!
作者: chloe_pak 時間: 14-2-12 13:08 標題: 回覆：LeeCC 的帖子
做完啦，結果強差人意，但仍建議讀主流小學，唉！失望！
作者: wan_sosin 時間: 14-2-12 16:28 標題: 引用：做完啦，結果強差人意，但仍建議讀主流小學
原帖由 chloe_pak 於 14-02-12 發表
做完啦，結果強差人意，但仍建議讀主流小學，唉！失望！
如果報告send去學校，到開學前應該學校會搵你傾!
作者: chloe_pak 時間: 14-2-12 16:33 標題: 回覆：wan_sosin 的帖子
我地宜家諗緊比唔比學校知，仲未簽字，怕比人歧視，升主流壓力唔太大，女女背野ok, 填鴨式應該ok, IQ test比其中一part低分拉低晒整體分數
作者: wan_sosin 時間: 14-2-12 17:02 標題: 回覆：chloe_pak 的帖子
學習無問題真係放心好多!返學想學到嘢嗟!行為又無對人有大影響!唔知份報告交學校有無幫助!
問下D有經驗媽咪，睇下有乜意見!
作者: wan_sosin 時間: 14-2-12 17:46 標題: 引用：我地宜家諗緊比唔比學校知，仲未簽字，怕比
原帖由 chloe_pak 於 14-02-12 發表
我地宜家諗緊比唔比學校知，仲未簽字，怕比人歧視，升主流壓力唔太大，女女背野ok, 填鴨式應該ok, IQ test ...
我識有個男性朋友讀到博士，但一出街就迷路!總要搵人求救，你話佢智能高定低?我哋有時笑佢IQ博士!
唔緊要，你囡囡有你相信佢就已經好好啦!
作者: rd21gn54 時間: 14-2-12 18:15
看見這個post, 真的給我們兩歲幾的小朋友家長很大鼓舞。
因為有時資訊有限，會諗埋一邊，真的很無助，特別是聽完一D講座，講者話自閉症醫不好。特徵終身不退。
有一次我聽過一個講座，分析自閉種種問題之餘，又話外國自閉就業rate只有2至3個percent.
然後有自閉症成人的parent分享，他們的兒子雖仍找不到工作，但在國際繪畫competition中拿奬，可以自己去超市等。
聽完心都實，不如吾去聽好過。
望有多些大些的小朋友家長，分享他們小孩的成長過程，
作者: chloe_pak 時間: 14-2-12 22:54 標題: 回覆：rd21gn54 的帖子
我自己都知女女唔係醒，但又未至於個IQ test咁差，上星期家長會班主任老師先話完佢進步神速，仲話女女無咩野，叫我地可放心，點知做出來咁差，有D意外
作者: rd21gn54 時間: 14-2-13 12:02
回覆 chloe_pak 的帖子
Sorry, 原來我睇少好多版。
Anyway, 第一版你的見解很好，天生有時天自養。專業有時太理論公式化。沒有理論專業人士如何有飯吃？
如佢地話吾識feed公仔的小朋友多是自閉。咁如果我知評估要feed公仔，之前狂drill，咁又話佢情況吾serious?
事實上，小朋友的智能又怎能用一個評估來judge.
小朋友大了， 知道適者生存，或者慢慢會表現自已去求生。上一個generation的人都是如此過。
作者: chloe_pak 時間: 14-2-13 12:38 標題: 回覆：rd21gn54 的帖子
對！一個test怎可定人生死？雖然個test做得差，但都唔會放棄，盡我能力教佢，唔求佢好出色，但求佢可自力更生，過得快樂就可以了！
外國太多理論，太多支援，未必係好，兒時玩伴讀書唔上，讀到中一被跟出來，後來在百貨公司做sale, 好過D人做大食懶拿綜援吧
作者: rd21gn54 時間: 14-2-13 12:45
本帖最後由 rd21gn54 於 14-2-13 12:49 編輯
回覆 chloe_pak 的帖子
我表弟也是自閉。我舅母也沒有多訓練他，也不願在人前認個仔有問題。
到他二十多歲，還未有工作，我看得出他很想有人認同，常告訢人他在自學什麼。。。
現在他是一個librarian.
當然說話不多，但也可有問有答。算是自力更新。
現在回想起來，他的路一定不易走，後悔無好好關心他。
我們一起努力吧。
作者: bauhiniakan2000 時間: 14-2-13 23:52
本帖最後由 bauhiniakan2000 於 14-2-13 23:53 編輯
回覆 rd21gn54 的帖子
現在我在聯合醫院上緊課程,佢話讀到書,有工作,有乜問题,正常人都有D無心機讀書,遊手好閒,不務正業,一日到黑打機啦,有人交遊廣闊,相識滿天下,有人祇得三五知己,只是每個人有獨特之處吧.
作者: chloe_pak 時間: 14-2-14 08:24 標題: 回覆：bauhiniakan2000 的帖子
講得啱！我女女都只係講野無咁叻，同埋學野慢D啫！努力吧！
作者: rd21gn54 時間: 14-2-14 10:31
回覆 Capricorn2521 的帖子
想請問Capricorn2521你的仔仔可以說什麼gag?
不是說我們的小朋友多吾明笑話嗎？你仔仔重識講笑， 巧勁！
是不是屋企有人成人搞笑影響到佢？
作者: wan_sosin 時間: 14-2-14 10:39
chloe_pak 發表於 14-2-14 08:24
講得啱！我女女都只係講野無咁叻，同埋學野慢D啫！努力吧！
相信講嘢好咗,學嘢就會快D架啦!
小朋友還小,發展嘅空間還有很多!天生我才!一定得!
作者: wan_sosin 時間: 14-2-14 10:52
本帖最後由 wan_sosin 於 14-2-14 12:21 編輯
rd21gn54 發表於 14-2-13 12:02
回覆 chloe_pak 的帖子
Sorry, 原來我睇少好多版。
你講得啱!小朋友不停練習,點都會表現好d,有D家長想個小朋友IQ test高分甚至資優,不停操小朋友,出來結果的確會高分d!但咁樣無意思!
我帶我仔去評估,會盡量比佢開心去,唔會事前叫佢要點要點!教晒佢!咁會睇到個小朋友多D!就算佢真係唔多合作,咁呢個就正正係佢行為問題!唔好話個醫生見到,我都需要見到我仔真正嗰面!
當然有時見到真相唔易接受,但做父母就係要第一個去接受自己小朋友嘅人!不斷操小朋友,想強行扭轉情況,只係反映父母想見到"另一個子女"出現,大家都無好處!
孩子成長要很長時間!慢慢佢哋亦自己會行!
作者: chloe_pak 時間: 14-2-14 11:05 標題: 回覆：wan_sosin 的帖子
我老公事後鬧我，話我無谷過個女就去做test, 以致低分，我唔想比咁大壓力個女，又唔想自己扼自己，我老公仲話想谷過佢再去做喎！
作者: wan_sosin 時間: 14-2-14 12:32
回覆 chloe_pak 的帖子
你老公嘅諗法亦可以理解!個個父母都想小朋友叻D,要接受小朋友有特殊需要,父母都要花d時間!要經歷一下反覆嘅心情!
其實到個小朋友讀書,如果真係學到嘢嘅,功課成績會慢慢見到,老師都係睇呢D嘢!評估結果唔會令所有人永遠咁睇個小朋友!正如有D小朋友有資優嘅報告比學校,但成績唔好,行為有問題,老師一樣唔會理佢IQ有幾高!實在個小朋友表現係咁就係咁!
比D時間你老公,佢都係錫個女!只係一下有d心情過唔到!關心下佢是否很擔心個女!是否擔心佢讀書,佢將來?
有特殊需要的小朋友父母,父母間要互相支持啊!
作者: Capricorn2521 時間: 14-2-14 13:04 標題: 回覆：wan_sosin 的帖子
哈哈……我好同意你嘅講法。但最諷刺嘅係以前讀s位時，老師就係就住個評估嚟操D仔，希望佢地評估合格。
作者: Capricorn2521 時間: 14-2-14 13:23 標題: 回覆：rd21gn54 的帖子
冇錯，係有屋企人影響佢去學講爛gag, 果個就係佢爸爸。佢見爸爸講完D野，我就卡卡笑，佢想我開心，便慢慢學習爸爸講野。以前爸爸会指住天花板同亞仔講: 明仔喺果道呀！佢知道比爸爸整古後，两父子相視而笑。之後亞仔用同樣方法，改另一個名，想整古返爸爸……這便是2人如何開始大鬥法啦。仲有好多好多無聊野，我笑完就算。
我相信呢樣都是天教天養的一部分。
作者: wan_sosin 時間: 14-2-14 14:23 標題: 引用：哈哈……我好同意你嘅講法。但最諷刺嘅係以
原帖由 Capricorn2521 於 14-02-14 發表
哈哈……我好同意你嘅講法。但最諷刺嘅係以前讀s位時，老師就係就住個評估嚟操D仔，希望佢地評估合格。:hap ...
不過主流學校反而有時唔會理個學生特殊情況，始終主流學校普通小朋友係大多數!
作者: rd21gn54 時間: 14-2-14 15:35
回覆 Capricorn2521 的帖子
你仔仔和爸爸好夾。
我都返去同仔仔講多D笑先。
作者: Capricorn2521 時間: 14-2-18 12:29
回覆 rd21gn54 的帖子
係呀，一家人在一起，有時都吾需要太在意他有特殊需要，只要記著他是自己的孩子去照顧、去交流就最自然。
以前朋友同我講，男孩子0-6歲喜歡模仿媽媽，6-12歲就喜歡模仿爸爸，12歲後就是朋友。現在6歲的兒子確實很喜歡模仿爸爸，挑戰爸爸，和他亦師亦友，太可愛了。
作者: chowqv 時間: 14-2-18 13:29 標題: 引用：Quote:原帖由+Capricorn2521+於+14-02-14+
原帖由 wan_sosin 於 14-02-14 發表
特殊學校專業人士係咁架啦!佢哋會將小朋友分等級!輕中重，我識幾個朋友教特殊學校，校長都識一個!
不過主流 ...
作者: DENNIS201 時間: 15-1-25 21:50
chloe_pak
3歲8個月先知道係A ? 點解咁遲既
個女幾歲開口講野 ?
作者: NadiaR 時間: 15-1-26 10:54
回覆 chloe_pak 的帖子
同意啊，我个A仔都系好靓仔
作者: chloe_pak 時間: 15-1-27 14:35 標題: 回覆：DENNIS201 的帖子
Dennis, 我B女兩歲開始講單字，兩歲八細女讀K1, 有動詞名詞組合詞語但唔算多，K1老師建議評估，排得CAC diagnosis都成年了，所以咁遲
作者: LeeCC 時間: 15-1-27 14:35
DENNIS201 發表於 15-1-25 21:50
chloe_pak
3歲8個月先知道係A ? 點解咁遲既
個女幾歲開口講野 ?
作者: DENNIS201 時間: 15-1-27 20:28
本帖最後由 DENNIS201 於 15-1-27 23:07 編輯
回覆 chloe_pak 的帖子
即係兩歲肯開口出聲
作者: DENNIS201 時間: 15-2-1 22:27 標題: 回覆：chloe_pak 的帖子
咁歲半左右果時係講外星話？
作者: annie40 時間: 15-2-2 08:39
回覆 chloe_pak 的帖子
Chole,
妳說的跟我朋友的真實分享有共通處。
朋友的孩子是自閉兒，媽媽獨力撫養，堅持入讀正常學校，自少不能溝通而被投訴是家常便飯，媽媽教極佢都唔明白，直至一天朋友幾乎崩潰，用上最難聽最傷害的話駡他，孩子竟然切切實實的收到了。自此朋友找到這條打得通的電話線，要求孩子要學到的，是嚴厲非常的駡。其實自閉兒很善良，從來不會因媽媽的惡言而怨懟。醫護處的定期訓練治療，在十四五歲時，成為完成個案，不用再去了。
今天男孩十六歲，中，英，很好，數理是傑出。午飯時分還幫我女兒溫習chemistry. 中文老師說男孩有點喜歡女女，男孩喜歡女孩當然是好事。雖然唔識氹女仔，但勝在老實可愛。
希望妳們也找對方法跟自己的孩子溝通吧！
作者: lulumelody 時間: 15-2-2 11:05 標題: 回覆：教養自閉兒的獨特見解
有時真係要嚴厲地駡，出面的老師只會用standardized方法教，做就做，唔做就由得你，有D要駡，佢地唔會即時有反應，但下一次再做，見到有進步!
作者: catmervin 時間: 15-3-2 09:22
我的想法跟你們相近。一早知道6歲的IQ TEST,對A仔好不利,因為傾重語言理解,有不少不愛表達的A仔,最後被評為弱智。我自己做教中學,有見過中一女生FILE來,係輕度弱智和語障,我當時教佢中史,怎知測驗考試都名列前茅,史料分析都有紋有路,輕度會咁架咩??於是,我就明白,因為佢語障,所以IQ TEST時不說話,又唔想做,所以有此結果,後來,佢都克服到語障,小組討論時都有參與,只係其他人咁叻囉。
另外,有些讀寫障礙的學生,就係因為佢唔想寫,所以寫得慢,於是就成了讀寫障礎了。
當然,專家的意見要聽,但也不可以取代自己對小朋友的了解,有問題要面對,尋求協助,但不要被問題蒙上眼睛,看不見小朋友潛藏的能力。
作者: chloe_pak 時間: 15-4-4 09:12 標題: 回覆：annie40 的帖子
本帖最後由 chloe_pak 於 15-4-4 09:24 編輯
annie40: 我同我老公一同佢溫書就成日鬧，無辦法，講極唔明就火起，不過鬧完好似好少少，而你說的對，A女很單純，鬥完佢又唔會嬲！
作者: wan_sosin 時間: 15-4-4 11:23 標題: 引用：+本帖最後由+chloe_pak+於+15-4-4+09:24+編
原帖由 chloe_pak 於 15-04-04 發表
本帖最後由 chloe_pak 於 15-4-4 09:24 編輯
annie40: 我同我老公一同佢溫書就成日鬧，無辦法，講極唔明 ...
作者: dearmm 時間: 15-4-6 00:27 標題: 引用：回覆+chloe_pak+的帖子 你同我嘅見解都好
原帖由 Capricorn2521 於 14-01-30 發表
回覆 chloe_pak 的帖子
你同我嘅見解都好相似。如果你有留意我以前Dpost，你就知我一向都好正面。我都係認 ...
小二喇，還是冇乜朋友！
作者: fatjaimama 時間: 15-4-6 01:17
小朋友經常被打鬧會失去自尊和自信, 更無勇氣去面對社會及結交朋友.
要多鼓勵及多教佢地講感受.
不打不鬧的教養方法有好多, 可多參考 "理盧幼慈" 的教養CD/DVD, 亦可去聽聽 "余德淳"的講座.
A 仔或ADHD小朋友不是自己選擇有 "A" 的特質, 父母應教他如何面對.
| 歡迎光臨 教育王國 (/) |
Powered by Discuz! X1.5 |