教育王國

標題: K3停珠心算後，可學什麼呢? [打印本頁]

作者: 魚兒小寶貝 時間: 14-1-29 00:12 標題: K3停珠心算後，可學什麼呢?

我囝囝數感好，未識講野，已經自己成日數物件。讀N班時自己識單數加減。讀K1時，老師已經讚佢數學邏輯思維好好，立一眼就知。K2時主任叫我唔好㗰左佢，比佢番d興趣班。因囝囝性格係貪玩、不能受壓、兼手腳唔停，所以我選擇珠心算，有d珠比佢撥下冇咁悶。

現在K3，番了珠心算大半年，老師話佢唔熟口訣，叫我同佢背下。。。我好少睇佢做功課，咁我平時見佢做得咁快諗唔明點解唔熟。。。原來佢近呢幾個月已冇用算盤做，咁我問佢有冇諗住個算盤黎做，佢話冇

，我話咁學黎做乜? 唔得架，雖然你依家單位數及雙位數加減ok（普通零頭千位百位加減都ok），但百位以上心算就做唔到架喇。。。

其實我認為學生應該要懂簡單幾位數既心算，而且測驗考試夠時間做，已ok，所以參加珠心算班。。。但佢番左大半年，除左做數快左之外，響佢身上見唔到有乜進步。我現在猷疑緊仲應唔應該繼續番。。。我諗，其實到佢小學時，係咪自動會識得心算幾位數加減? 如果係，依家背埋d口訣，夾硬要佢用算盤係咪有d多餘?（再講多次，我目的係要佢識心算及計數快少少，我絶對明白珠心算係無助於理解文字題）我本身計劃佢學到乘數前會停，咁依家停唔停好?

我囝囝本身好活躍亦好好學，佢日日夜夜都問住有乜野玩，有乜野做，佢好鍾意睇書及學野（學唔學術都好），佢要求安排多d活動比佢，依家有上珠心算、畫畫、學校音樂班、eye level英文班，如果唔學珠心算，數學科可學乜呢?

作者: Jessica_chung 時間: 14-1-29 01:24 標題: 回覆：魚兒小寶貝的帖子

奧數, train logical mind and general math

作者: tantanmama 時間: 14-1-29 12:19

學開eye level 英文, 點解唔讀埋eye level maths呢? 除計數外, 有埋critical thinking.

作者: MASAYA 時間: 14-1-29 14:09

我同你諗法差唔多，珠算學一年就停，然後睇下數感好唔好，好就學奧數，唔好就學圍棋，而家學緊圍棋

作者: 魚兒小寶貝 時間: 14-1-29 14:51

回覆 MASAYA 的帖子

Thank you! 依家都幾興學圍棋喎! 我未接觸過，唔知悶唔悶呢。。。你囝囝有乜comment呀? 為左慳時間，佢學所有野都係響屋企樓下，睇下樓下有冇先。

作者: erniewellie 時間: 14-1-29 19:59 標題: 回覆：K3停珠心算後，可學什麼呢

我也覺得奧數是一個好的訓練

歡迎光臨教育王國 (/)