教育王國

標題: 迦南vs保護兒童會維景灣幼稚園 [打印本頁]

作者: Slc4 時間: 14-1-28 15:51 標題: 迦南vs保護兒童會維景灣幼稚園

點揀？有冇意見？thx

作者: lauwingtai 時間: 14-1-28 16:16

Both good. 你住邊頭?

作者: Slc4 時間: 14-1-28 16:21 標題: 回覆：lauwingtai 的帖子

Tko

作者: lauwingtai 時間: 14-1-28 18:23

小女讀緊麗港城迦南N班, 課程是充實又多野學的, 但每班人數其實頗多, 感覺上每個小朋友的focus較少。

我自己覺得若子女是很「標準」的小孩, 標準聽話, 標準活潑, 標準合群, 標準好學, 迦南是好啱讀的, 因它的課程標準得來又充實。

但若子女需特別照顧, 如較資優, 或較好動, 或較慢熱, 或較曳, 迦南未必是好選擇, 反而以我所知, 維景灣收生一向貴精不貴多, 可能會較專注個人發展, 但當然維景灣的一切我都只是"聽返黎", 實際情況可能要用家意見作準。

BTW, 小女K1都冇揀直升迦南, 她比較慢熱, 我情願她得到多些照顧。

作者: Slc4 時間: 14-1-28 21:55 標題: 回覆：lauwingtai 的帖子

我小朋友而家都係讀緊迦南PN

作者: smcs1795 時間: 14-1-29 17:08

回覆 lauwingtai 的帖子

我囝囝都係讀麗港城迦南pn am, k1都唔升班lu, 其實迦南都好好

作者: DollyCC 時間: 14-1-31 19:47 標題: 回覆：lauwingtai 的帖子

好喜歡你話: 小孩, 標準聽話, 標準活潑, 標準合群, 標準好學, 迦南是好啱讀的, 因它的課程標準得來又充實。迦南我是又愛又恨，愛係課程充實，唔太深，又學到野。恨係我小朋友太有個性唔啱讀。

作者: lauwingtai 時間: 14-1-31 22:25

本帖最後由 lauwingtai 於 14-1-31 23:42 編輯

DollyCC 發表於 14-1-31 19:47
好喜歡你話: 小孩, 標準聽話, 標準活潑, 標準合群, 標準好學, 迦南是好啱讀的, 因它的課程標準得來又充實。 ...

對，一樣情況，要走都唔捨得，但實在要走。

迦南的幼兒教育就像一個均衡的營養餐，有魚有肉有飯有菜有湯有甜品，適合七成小朋友食，但若你的子女是不喜歡吃的三成人，迦南就會：「下？冇理由會唔鍾意食架！大部份人都鍾意食，不如我地睇下點幫個小朋友。」

作者: sweetsugarapple 時間: 14-2-1 13:02 標題: 回覆：lauwingtai 的帖子

same here..無限感慨，佢地好有規範做野，課程活動老師各樣都standardize左，就係咁，無咩彈性。雖然我交左留位費，但我唔會升班。佢地覺得個課程唔岩你，係你既問題，但佢地做左幼稚園咁耐，都好似唔明小朋友有時發展有d差異係正常，總之你唔係標準果type，就係有問題啦

作者: Potato001 時間: 14-2-1 13:11 標題: 回覆：Slc4 的帖子

保護兒童會是幼兒學校，所有班都是全日班，所以對小朋友照顧較好，不會像一般幼稚園，上午班和全日班上午一起上課。它對小孩的自理要求較高，朋友的小孩在育嬰園，讀"大班”，即未上n班，已經要求自己食到一餐飯（一碗），又要懂得除鞋（不過其實唔難）。由於有育嬰園，所以大部份n班位都留給育嬰園的小孩，k1位又大部份留俾n班，所以除非本身讀緊，否則非常難入，學校有offer 是很難得。另外，由於保護兒童會可以讓小朋友放學後再留一段時間，而一般非學券幼稚園都沒有這服務，如果家長工作時間不固定，保護兒童會較合適。

作者: Slc4 時間: 14-2-2 18:03 標題: 回覆：Potato001 的帖子

唔通我唔係好媽媽.我唔知道我個小朋友係唔係標準.

作者: Slc4 時間: 14-2-2 18:15 標題: 回覆：Slc4 的帖子

或者我仍然停留喺我自己嘅年代.唔理適唔適合.入左去讀就一定要你適應.

作者: lauwingtai 時間: 14-2-3 10:07

Slc4 發表於 14-2-2 18:15
或者我仍然停留喺我自己嘅年代.唔理適唔適合.入左去讀就一定要你適應.

...

其實，我覺得不是適應與否的問題，而是迦南要你適應的準則很奇怪，正如以上sweetsugarapple所說，迦南standardize了一些準則，冇咩彈性。

以我自己的女兒為例，第一次家長日，老師就對我說：「你的女兒學校表現很好呀！只有兩點要注意和改善一下，第一，就是她上堂不喜歡舉手答問題，第二，就是她不喜歡雙腳跳，我們校方會盡力協助她。」

那時，我心裡想，「不喜歡舉手」和「不喜歡雙腳跳」是缺憾嗎？為甚麼要協助和改善？「不喜歡舉手」的原因可以有很多呀！可能是問題太深，不懂答，可能是問題太淺，不屑答，也可能是小女怕醜，不敢答。「不喜歡雙腳跳」又算問題嗎？人人體格都不同呀，發展總有先後吧！

隔了兩個星期，我有日早收工，親自接女兒放學，老師一見我即說：「你女兒這兩星期改善了很多呢！我們調教過她，她現在已掌握雙腳跳，跳得很好，另外，現在她很勇踴舉手呢，可是，她每次站出來答問題，都沒有回答。」

我心裡暗想，迦南覺得我女兒「不喜歡舉手」有問題，就train她舉手，而家我個女次次都有舉手，但佢都唔知舉手舉黎做乜？佢係唔識答定唔敢答呢？校方又唔知，淨係識教佢舉手，有點本末倒置；而雙腳跳問題，我當然知道解決了，而家佢日又跳夜又跳，係床又跳、沙發又跳、樓梯又跳、抹手電梯又跳，原來就係學校日日教佢跳，等佢追返進度﹒﹒﹒

總知，迦南給我的感覺就是這樣，查實我覺得要子女「適應」校園生活，是很應該的，絕對要做，但迦南的方法卻讓我覺得治標不治本，確實欠了些彈性。

歡迎光臨教育王國 (/)