教育王國
標題: Del [打印本頁]
作者: fixedstar99 時間: 14-1-27 11:31 標題: Del
本帖最後由 fixedstar99 於 18-7-19 19:08 編輯
deleted
作者: fixedstar99 時間: 14-1-27 11:45
回覆 fixedstar99 的帖子
由於小女係聖誕假期之後行為變得更加異常，老師有詢問是否屋企有特殊變故。我唸佐好耐。佢聖誕期間感冒，到宜家一直都未好得返，一直有流鼻水同咳，所以佢自從聖誕假期到宜家，幾乎每日都食藥，但佢特別抗拒食藥，大部分時間都好似打戰咁要強硬灌佢食，唔知同呢個因素有冇關係呢？？
另外，因為小女幼稚園係返下午班，佢慣佐早睡早起，中午訓覺，但自從返幼稚園之後，唯有將佢午睡時間調早到11點左右，但佢好難咁早入睡，經常係床上躺了一個鐘都未訓著，有好多次佢中午岩岩入睡十幾分鐘，就夠鐘起身返學。搞到宜家佢連午睡都抗拒，好似驚訓唔到一陣又要被我地叫醒好辛苦咁！但如果完全唔比佢訓覺，佢係幼稚園又好闔眼訓，鬧情緒，對小朋友發育都唔好，我都唔知點算好…………
作者: lillymarie 時間: 14-1-27 12:16
唔夠瞓，小朋友的表現會好似ADHD咁架。
你囡囡仲好細個，而且情況突然發生，又病緊。想像你若日日唔夠瞓又病緊，可能心理狀況都差不多，不過大人可以忍住啫。
作者: lillymarie 時間: 14-1-27 12:22
試下無午睡，晚上再早點睡。
睡那十多分鐘，確是很辛苦的。讓囡囡慢慢適應沒午睡可能會好些。
作者: fixedstar99 時間: 14-1-27 14:12
回覆 lillymarie 的帖子
原來唔夠訓都會好似ADHD咁？？
其實我個女又唔知算唔算係突然變成咁
佢自幼都係坐唔定果類，不過以前有時講道理畀佢聽，佢都會接受同埋會照做一排
但宜家係講道理果陣佢就話好，話明白，但一轉身即刻好似完全唔記得佐咁
例如玩完玩具要tidy up，以前有時提下佢，佢會去拾返
宜家冇論講幾多次，佢都好似聽唔到咁
而且佢好似完全get唔到大人生氣個心情，有時候，我真系好鬧好鬧咁望著佢，佢都完全冇反應，仲要同我笑或者過來攔住我——呢D好似都係ADHD或者自閉症既表現？
作者: Queeniebaby 時間: 14-1-27 16:47
"佢仲有一D好特殊既行為，例如中意吸住下嘴唇同摸住被邊訓覺，唔單用手指摸，仲要用腳趾摸，有時帶佢去出邊買衫，佢都會呆佐係度係咁摸住某一D毛粒料既衫。"
我個女都係,hahaha....
我覺得你小朋友係因為大個左,性格開始浮現出來吧
作者: lillymarie 時間: 14-1-27 17:23
你唔好咁快就担心囡囡有事啦，好多小朋友都會有類似的表現架。或者到健康院約見醫生，讓醫生看看囡囡的發展是否符合年齡和有沒有自閉症的問題啦。在網上好難講得清，要見到小朋友才看得準嘛
作者: fixedstar99 時間: 14-1-27 22:10
回覆 lillymarie 的帖子
我當然唔希望女女有事
之前屋企表現異常，我仲以為可能只系係屋企活躍，點知連老師都話佢情緒行為失控，建議做評估，我先認識到個問題唔可以忽視。我會儘快找專業機構評估，只不過覺得可能就算有評估都未必有確切結論，而佢目前的而且確係存在好多行為情緒問題，所以如何更好的面對和改善小朋友的行為是我更為關心的，亦多謝有經驗的媽媽可以分享下。
作者: fixedstar99 時間: 14-1-27 22:11
回覆 Queeniebaby 的帖子
咁請問你個小朋友有冇ADHD呀?
作者: wan_sosin 時間: 14-1-27 23:05
如果病好了,唔洗再食藥之後,睇下情況有無好轉,藥物有時可能真係會有影響!加上你話病了之後行為問題明顯!
ADHD要係一個長時間出現嘅行為先算係!評估會問,是否過去半年都有同樣行為!或由幾時開始,如果只係一個短時間,未係有力証明小朋友真的有事!
加上小朋友一路長大,行為上會有不同的轉變!未必一定時時咁穩定!
作者: chowqv 時間: 14-1-28 02:38 標題: 回覆：連老師都懷疑我個女係ADHD，即係好大機會？
最快係睇家庭醫生，出信直接去CAC。第一次見姑娘，可以好快，同埋會出信俾學校填。跟住排期見醫生，（如果情況嚴重既，會好快就call你返下睇）。
作者: fixedstar99 時間: 14-1-28 08:20
回覆 chowqv 的帖子
請問係咪普通兒科醫生就可以？CAC係咩機構？大概幾時可以見姑娘？
謝謝！
作者: chowqv 時間: 14-1-29 23:49 標題: 引用：回覆+chowqv+的帖子
請問係咪普通兒科醫生
原帖由 fixedstar99 於 14-01-28 發表
回覆 chowqv 的帖子
請問係咪普通兒科醫生就可以？CAC係咩機構？大概幾時可以見姑娘？
cac係政府既兒童xxx唔記得全名。你上網search 下你住既地區係去邊間睇，跟住打電話去約，係新症，姑娘就會俾個日期你。第一次係佢地專科姑娘見同做初步評估。
作者: fixedstar99 時間: 14-2-4 18:29
回覆 chowqv 的帖子
chowqv, 好多謝你!
我今日已經去同私家醫生拿佐轉介信，醫生開佐2封，一封俾CAC，一封俾油麻地兒童精神科中心。我已經打佐電話比CAC book佐佐下星期見姑娘。但我唔知是否要同時去約兩個機構做評估呢？定係一個一個來？
Thanks！
作者: chowqv 時間: 14-2-4 20:20 標題: 引用：回覆+chowqv+的帖子
chowqv,+好多謝你!+我
原帖由 fixedstar99 於 14-02-04 發表
回覆 chowqv 的帖子
chowqv, 好多謝你!
cac見姑娘都出到一個初步評估同意見俾你。
油麻地就真係要慢慢等。不過精神科真係只會開藥（如有需要）同做轉介做訓練。
作者: wan_sosin 時間: 14-2-4 22:06
chowqv 發表於 14-2-4 20:20 
照排，照見先啦。
cac見姑娘都出到一個初步評估同意見俾你。
油麻地就真係要慢慢等。不過精神科真係只會開 ...
不過當初我見完姑娘,個姑娘一d都無講覺得我個仔情況如何!只係比幾份出面嘅服務資料比我,叫我可以試下搵!
我講比姑娘聽,我個仔有時諗嘢好古怪,個姑娘問反我轉頭,問我知唔知點解佢咁諗!我心諗,我就係唔太明我仔做乜先提出,如果我明都唔洗講啦!不過姑娘唔係醫生,佢未必分析到個問題呢個係事實!
作者: chowqv 時間: 14-2-4 22:12
本帖最後由 chowqv 於 14-2-4 22:14 編輯
wan_sosin 發表於 14-2-4 22:06
無錯!排咗先啦!點都係CAC會快D,到時CAC評估咗,佢內部會將file轉去精神科!
不過當初我見完姑娘,個姑娘一d都 ...
我答你：姑娘已經key左果重點。你唔知點解阿仔咁諗，點解唔直接問阿仔呢？溝通係需要練習。多d問返阿仔，佢會答你。一次唔明佢講咩，試多幾次就會明既啦。
學問“學問”，我地要學識問。
作者: wan_sosin 時間: 14-2-4 23:08
chowqv 發表於 14-2-4 22:12
我答你：姑娘已經key左果重點。你唔知點解阿仔咁諗，點解唔直接問阿仔呢？溝通係需要練習。多d問返阿仔， ...
問題係當年我仔仲細!四歲未夠,佢真係講唔出!問極佢都只係講返佢個奇怪想法!
其實當年嗰個問題,到而家我都已經有8,9成掌握到佢諗乜!
我知個姑娘有mark低,之後真正見醫生評估時,都好似有提起!也可能加上這個point,醫生寫我仔"反叛"
我只係奇怪個姑娘咁樣問我!因為就算我當時估到我仔嘅諗法!我都唔敢肯定,我仔答我唔到係定唔係!
作者: chowqv 時間: 14-2-4 23:18
wan_sosin 發表於 14-2-4 23:08
多謝你的意見!
問題係當年我仔仲細!四歲未夠,佢真係講唔出!問極佢都只係講返佢個奇怪想法!
阿仔話：我地係拍拖中。。。
作者: wan_sosin 時間: 14-2-4 23:34
本帖最後由 wan_sosin 於 14-2-4 23:37 編輯
chowqv 發表於 14-2-4 23:18
呵呵。始終我地同阿仔們都唔係認識好耐，要多多了解溝通囉。
阿仔話：我地係拍拖中。。。
哈哈!好笑!多D拍拖啦!
我個仔好難明佢諗乜,加上佢好多時唔願講!佢唔係多口鍾意講嘢嘅人!
佢唔開心會自己走開,叫我唔好理佢,佢話佢等一下就會返過來!到返過來,我問佢唔開心乜嘢!佢就答,已經無嘢啦!
當然我唔會放過佢,我會試下再問,亦會比電話C6,叫佢返屋企都試下同佢傾,因為有時第二個人問,又可能會唔同!
有時要攪成日先攪清楚佢到底做乜嘢!
其實當年CAC姑娘有叫我搵遊戲治療,但我問過,社工話我仔又唔係發脾氣,又唔係大吵大鬧,話個服務對象唔係呢類!
最後CAC姑娘話我仔嘅case比較特殊!可能搵心理學家先知!
不過無論點我都覺得,要了解個小朋友,始終都係由父母做起,無人清楚得過我自己,不過真係要比d時間,等小朋友一路長大一路去探索!
作者: fixedstar99 時間: 14-2-5 10:26
回覆 chowqv 的帖子
多謝你！
我10號見佐CAC姑娘先，同日再去精神科排期！
作者: fixedstar99 時間: 14-2-5 10:27
回覆 wan_sosin 的帖子
請問你地小朋友當年都係讀咩幼稚園呢？
作者: wan_sosin 時間: 14-2-5 10:51
fixedstar99 發表於 14-2-5 10:27
回覆 wan_sosin 的帖子
請問你地小朋友當年都係讀咩幼稚園呢？
作者: chowqv 時間: 14-2-5 11:53 標題: 引用：回覆+wan_sosin+的帖子
請問你地小朋友當
原帖由 fixedstar99 於 14-02-05 發表
回覆 wan_sosin 的帖子
請問你地小朋友當年都係讀咩幼稚園呢？
作者: Charlotte_mom 時間: 14-2-5 13:26
fixedstar99 發表於 14-1-27 11:31
我個女宜家2歲9個月，舊年8月上N1。 佢細細個就好好動，但不至於任何時刻都郁緊。
通常ADHD係6歲至會安排check, 現階段, 死nur CAC, 咩評估咩workshop都要
我自己會建議你nur CAC幫女女check埋自閉, 要知道自閉唔止典型, 仲有非典型, 我仔就係了(確診), 佢無果d轉圈, 睇車碌, 狂叫果d行為, 但就有唔識睇人眉頭眼額, 唔識理人感受果d, 而你女女固執, 發脾氣, 仲有特別對一d物料鐘情, 特別唔肯去做一d事等等, 什至無端端鐘意去smell一d野, 去lam去食一d野(非食物), 都係自閉特徵 (我仔因為唔明顯, 小四至確診, 我10月左右至填過一系統問卷做過一系列評估, 所以咁有印象)
政府野呀, 一定要自己著緊, 你唔chur佢就是是但但等下次, 你試下叫學校/醫生寫信, 話佢有d症狀你覺得有懷疑, 想去check一check, 唔好怕羞, 政府野一排就幾年, 咩都排左先, 市民福利黎架
作者: fixedstar99 時間: 14-2-5 17:52
回覆 Charlotte_mom 的帖子
我其實都懷疑緊個女兒同時有過度活躍同非典型自閉
係咪CAC check自閉，精神科中心check 過度活躍？
我已經有私家醫生轉介信，宜家等緊排期去睇，除佐等，應該冇其他方法可以快D，係咪？
作者: fixedstar99 時間: 14-2-5 17:55
回覆 wan_sosin 的帖子
是否有教會背景幼稚園會有愛心多D?
小女宜家在有學卷的happy 幼稚園讀N班，下年會轉去私校（聽講有愛心）或者有學卷但課程公認較深既幼稚園讀K1，目前正在煩惱揀邊間……
作者: chowqv 時間: 14-2-5 19:08
fixedstar99 發表於 14-2-5 17:55
回覆 wan_sosin 的帖子
是否有教會背景幼稚園會有愛心多D?
私校仲無支援。
如果佢讀緊係happy幼稚園，一動不如一靜。
萬一，真係adhd/自閉，都可以慳返d錢去訓練。
家下阿妹讀果間學校，對於sen小朋友，有咩態度？
以我為例，阿仔去到k1學期尾先評到sen，
我喊住問校長要唔要阿仔退學，
好彩校長話，只要我有為阿仔排服務，一定唔要佢退學。但先小人，後君人；佢地係主流幼稚園，無sen既老師，佢地只會盡做，盡幫個小朋友。家長一定要自己跟貼d各方面。
感恩阿仔學術上無問題（我對佢功課無要求），至於上堂有無大叫，有無打人，有無走左去…有既老師會跟進，話返我知。無既佢都係一個普通學生。
我既心態，必要時，我真係唔俾佢讀幼稚園（主流）。
作者: chowqv 時間: 14-2-5 19:11
fixedstar99 發表於 14-2-5 17:52
回覆 Charlotte_mom 的帖子
我其實都懷疑緊個女兒同時有過度活躍同非典型自閉
精神科醫生，淨係會開藥同轉介訓練。（當你未排到早期訓練/已經升小學）。
作者: chowqv 時間: 14-2-5 19:13
Charlotte_mom 發表於 14-2-5 13:26
通常ADHD係6歲至會安排check, 現階段, 死nur CAC, 咩評估咩workshop都要
我自己會建議你nur CAC幫女女che ...
作者: Charlotte_mom 時間: 14-2-5 21:53 標題: 引用：Quote:Charlotte_mom+發表於+14-2-5+13:26+
原帖由 chowqv 於 14-02-05 發表
係呀，唔好怕醜，必要時，送上幾行眼淚（唔好怕唔好意思忍住唔喊）；當年我喊左2week，日日4行眼淚。
...
作者: wan_sosin 時間: 14-2-5 22:27
本帖最後由 wan_sosin 於 14-2-6 00:24 編輯
回覆 fixedstar99 的帖子
有宗教背景嘅學校比人覺得有愛心,某情度係因為好多都係happy school, 例如救世軍,聖公會.....學校唔會太要求學科成績,小朋友就開心d,輕鬆d!
保良局無宗教背景,也不是happy school,我仔讀嗰間都有d深架!小朋友一唔太跟到,老師就會提家長,話小朋友邊度邊度唔識,要同佢溫下!但老師經驗好!嚴厲又不至於無愛心!老師會管教學生,但真係唔會唔理學生,我知有d老師當發覺有D小朋友唔係好得,就會忽視個學生!比人忽視慘過比老師責怪啦!
作者: chowqv 時間: 14-2-6 00:22
wan_sosin 發表於 14-2-5 22:27
回覆 fixedstar99 的帖子
有宗教背景嘅學校比人覺得有愛心,某情度係因為好多都係happy school, 例如救世君 ...
不過校長，主任，老師到EE對小朋友既品德要求好高。有時家長唔岩照炳。
作者: wan_sosin 時間: 14-2-6 00:30
chowqv 發表於 14-2-6 00:22
阿仔讀聖公會，不過功課絕對上小一唔使追，因為k3下學期已經教p1既野。唔算谷！
不過校長，主任，老師到EE ...
其實救世軍以前0功課,而家都有小小功課做下啦!
作者: fixedstar99 時間: 14-2-7 19:15
回覆 chowqv 的帖子
咁精神科會唔會先做評估先，再開藥或轉介做訓練呀？
作者: fixedstar99 時間: 14-2-7 19:18
回覆 chowqv 的帖子
係話對住CAC姑娘喊？要求加速排期，儘快見醫生嗎？
其實如果小朋友對自己喜歡既事物，例如玩拼圖、睇書，在大人陪伴下可以專注到1-2小時，係咪就應該唔系AD?? 佢平時又中意講野同咋咋跳，有無可能只系HD?
作者: chowqv 時間: 14-2-7 19:59
本帖最後由 chowqv 於 14-2-7 20:00 編輯
fixedstar99 發表於 14-2-7 19:15
回覆 chowqv 的帖子
咁精神科會唔會先做評估先，再開藥或轉介做訓練呀？
其他我唔知。
油麻地既兒童精神科係唔會做評估。我問過醫生，佢只會開藥（如果有需要），同埋轉介去醫院做訓練囉。
不過排到早期既服務就會停。
作者: chowqv 時間: 14-2-7 20:01
fixedstar99 發表於 14-2-7 19:18
回覆 chowqv 的帖子
係話對住CAC姑娘喊？要求加速排期，儘快見醫生嗎？
但果小朋友需要去做訓練嘛？仲執著成份？
作者: HaYi 時間: 14-2-13 10:16
我個仔5歲時己在政府cfm marginal ADHD, 不過冇官方的跟進, 小一尾又再排政府, 仲有排先到, 我地等不及就剛睇左私家, 開始試藥, 未知有冇效.
佢由細都有怪習慣, 所有的衫佢一定要剪左label(內面的) 先肯穿, 又極不喜歡一些粗糙的材料做的家私, 所以就算小朋友細, 如果有一D固執得離奇的行為都係要小心的. 反而自己要選衫個D就不是, 可能是自理強些.
不過如果長假後同病中都會有倒退的可能, 此是過一陣又冇事, 不同的.
作者: chowqv 時間: 14-3-12 14:48
HaYi 發表於 14-2-13 10:16
我個仔5歲時己在政府cfm marginal ADHD, 不過冇官方的跟進, 小一尾又再排政府, 仲有排先到, 我地等不及就剛 ...
| 歡迎光臨 教育王國 (/) |
Powered by Discuz! X1.5 |