教育王國
標題: 91 四寶 [打印本頁]
作者: lamn 時間: 14-1-24 08:59 標題: 91 四寶
入咗91 四寶既家長，其實係咪真係咁差
有無正能量比我地
作者: bigboy129 時間: 14-1-24 11:13 標題: 回覆：lamn 的帖子
有家長講個另入差學校做band1學生，都唔想喺名校做band3生，自己取捨吧！
作者: MASAYA 時間: 14-1-24 13:58
如果眼中只有band1，咁就真係要盡量避免每區最少人揀個幾間，名校可以得幾個巴仙band3生，榜尾學校可以得幾個% band1生，呢個係事實。但如果除左成績之外，仲會考慮其它因素，如人生態度、學習動機、待人處事，咁其實每間學校都有可取之處，正如每一個人都有獨特既優點一樣
作者: kelok 時間: 14-1-24 14:08
提示: 作者被禁止或刪除 內容自動屏蔽
作者: behappydad 時間: 14-1-29 00:09 標題: 引用：講真~我都係band3+小學出黎又如何呢?+每個
原帖由 kelok 於 14-01-24 發表
講真~我都係band3 小學出黎又如何呢?
每個人都有不同命運. 正如我也有小學同學做了教師. 並不是band3小學 ...
大家加油
作者: pineapple0983 時間: 14-1-29 11:42
本帖最後由 pineapple0983 於 14-1-30 10:03 編輯
behappydad 發表於 14-1-29 00:09 
老實講，band 3学生要做好绝對不易。想做功課，朋友無人做，温書都比人笑，又怎會無分別呢?
大家加油
讀咩小學同升咩中學某程度是有關連的！
作者: tazegg 時間: 14-2-5 21:00 標題: 回覆：91 四寶
唔好意思。。。四寶係咩呀？
作者: monlingling 時間: 14-2-5 21:11 標題: 回覆：91 四寶
我都想知四寶係咩
作者: MAMAMEEE 時間: 14-2-5 23:45
tazegg 發表於 14-2-5 21:00
唔好意思。。。四寶係咩呀？
作者: sasa...... 時間: 14-5-9 22:27 標題: 回覆：lamn 的帖子
我小朋友就係讀緊大家口中所講4寶之一，聖華，注意，我係自行入的，不是抽獎。
讀左大半個學期了，感受唔到有咩特別差，我仔返學好開心，學生大都算乖，老師好肯支持小朋友，校長好開放，好肯聽家長意見。
只能講，好同唔好，視乎個人價值觀，睇下家長需要啲咩？ 又要程度好，又要無壓力，沒可能吧！
我自己，要小班教學、要生命教育、要關愛校園、要正確價值觀同品德、要學校識尊重每個學生，即使係唔出色的一群。
學業成績我放其次，順其自然，如果小朋友係一般材料，我唔會比佢入一線學校，迫到佢無氣抖大家辛苦。
作者: happyty 時間: 14-5-10 17:16
sasa...... 發表於 14-5-9 22:27
我小朋友就係讀緊大家口中所講4寶之一，聖華，注意，我係自行入的，不是抽獎。
讀左大半個學期了，感受唔 ...
作者: kitbebe 時間: 14-5-10 17:52
識人入左四寶, 二年級轉校.
作者: MAMAMEEE 時間: 14-5-10 23:49
sasa...... 發表於 14-5-9 22:27
我小朋友就係讀緊大家口中所講4寶之一，聖華，注意，我係自行入的，不是抽獎。
讀左大半個學期了，感受唔 ...
Thx!
作者: 喜樂果子 時間: 14-5-13 14:29
回覆 kitbebe 的帖子
其實如真的覺得不合適而又可以轉校都還好, 有時真係怕出到去其他學校都會標籤左
作者: sasa...... 時間: 14-5-13 20:06 標題: 回覆：kitbebe 的帖子
都識同學仔入左聖心，測驗2次不合格，未到上學期期考，已經比老師召去見家長，叫你諗下個小朋友適唔適合喺度讀，直接啲講，即係勸退。
作者: sasa...... 時間: 14-5-13 20:14 標題: 回覆：MAMAMEEE 的帖子
學校把「人性」放好高層面，校長講明唔分精英制，係因為所謂精英係中英數拉出個平均分，最高分嗰批就叫精英，但其實佢可能只係數學叻、語文差。
學校會欣賞唔同類型的學生，講明成績不等於一切，因係人生的其中一環。
另外，學校參與校外比賽嘅學生人數有90幾%，意思係會盡量比每個學生有參賽的機會，唔會好次有啲學校成日出賽攞獎，但其實只係請啲精英出賽，表現一般的學生無參與機會。
講住咁多先
作者: MAMAMEEE 時間: 14-5-13 23:01
回覆 sasa...... 的帖子
的確睇得好通透！
等你下一回的分享！
作者: 喜樂果子 時間: 14-5-13 23:51
有時做父母真係好難脫離世俗去諗野, 好似沙田4寶咁, 問心我不是很了解這4間學校, 但一般佛教辦的學校一般都比人感覺麻麻, 而沒有宗教而又不是保良局學校一般亦都是比人感覺麻麻. 呢2類學校都會少D人選擇, 問心我又唔了解而一般都辦得麻麻, 我都係避得就避既心態放到最後, 而信義同聖華, 因一般基督教同天主教學校比人感覺都好少少, 但佢又跌在去4寶, 既然大部份人都話唔好, 咁我當然不會舉手舉腳爭入去讀啦, 因為我跟本無理據及足夠資料說服自己選大部份人棄既學校. 但如果我係SASA咁, 係母校而又了解學校, 咁可能我都會選擇, 不過要我在自行就選4寶, 真係要好理解學校先可以作出選擇
作者: MASAYA 時間: 14-5-13 23:54
sasa...... 發表於 14-5-13 20:14
學校把「人性」放好高層面，校長講明唔分精英制，係因為所謂精英係中英數拉出個平均分，最高分嗰批就叫精英 ...
作者: nieualma 時間: 14-5-14 09:05
回覆 sasa...... 的帖子
唔明好多人不介意兒女做墊底的一群, 總之入到名校就點都得, 不理小朋友的自信心全無, 冇哂學習興趣, 係咪面子緊要過一切呢?? 好欣賞你全為小朋友的正面想法, SUPPORT!
作者: chilokma 時間: 14-5-14 09:30
提示: 作者被禁止或刪除 內容自動屏蔽
作者: 喜樂果子 時間: 14-5-14 09:45
我相信父母介意小朋友做墊底的一群都是理想當然的, 沒有父母覺得小朋友在小一時不合格是正常的, 會認我的小朋友是這樣的, 他們只會盡力去幫小朋友適應. 如沒有這個心態, 那何來有進步呢? 不是名校就好, 而事實上香港又有幾多真正既名校. 大部份都是地區性家長認為一線既小學. 在學校有第一就一定有第尾, 第尾那個是否不適合該校? 那又未必! 而第一的是否最適合該校呢? 同樣都不是一定的. 有時我會想, 讀什麼小學都不太重要, 只是家長可否配合, 講真, 我時常同朋友都說, 初小是考家長投放多少時間及心機給小朋友, 在正常情況下, 如家長會幫小朋友溫習默書, 理應不會不合格. 高低分就要看小朋友幼稚園的老本和本身的性格了. 但很現實說, BAND 1 中學就跟BAND 3中學有很大的差別了, 無論讀書氣氛, 教學技巧, 同時學生行為都有差別. 這雖不是絕對, 但是一般情況下好成績好學生個百分比在BAND 1 學校一定比BAND 3 多很多.
總之, 現今做父母真係難, 大家都要努力呀! 無論子女怎樣, 他們都是我們一手一腳塑造出來的, 他們是珍貴的.
作者: sasa...... 時間: 14-5-14 18:15 標題: 回覆：91 四寶
再分享一下…………
其實，選小學不是選好不好，而是選合不合適，當然，要選合適的，先要非常了解自己小朋友的個性和能力，其次要親身去了解下心儀小學嘅課程同教學方針。
好似我仔同女分別好大，仔係年尾仔，個子矮小，易鬧情緒，做事欠信心，如果老師唔接納，佢會覺得自己好無用（幼稚園時試過），如果老師讚一句，佢會非常積極！所以，我覺得聖華適合他，即使將來不是成績卓越，反正他是個簡單小朋友，快快樂樂最開心。
我女，K1，5月出世，一入學已經同哥哥好唔同，每日放學自己做功課，對自己有信心、有要求，寫得唔好會自己擦完再寫，有通告會自己拎出嚟比我簽，老師話佢係全班最留心的學生。所以，再觀察下，如果Keep到，我可能會比佢試下讀聖心，因為佢好願意學習，不怕挑戰，聖心可能更幫助到佢發揮。
作者: kookit 時間: 14-5-20 18:41 標題: 回覆：91 四寶
我仔都係四寶的，也是和SASa的孩子讀同一的學校，我覺得佢返學返得好開心，我都無迫佢，我開初都戰戰競競，但聽到個仔喺新年同復活假期講左句，爸爸，點解要放假，我想返學，我放心了，而眼見學校也多了很多學生。
作者: momotang 時間: 14-9-25 17:02
我覺得佛教學校唔係做得唔好,只係本來佛家學說就係唔勉強. 我係四寶出生.當年,我好鍾意個尼姑校長,佢每朝未上早會就會喺操場抽同學背書,仲會同啲同學傾計. 校內有老師信佛,佢哋唔會點迫學生,但會留意同學的言行,會循循善誘.
校歌後仲有一段要唱"佛計",唱完會心境平靜.
學術上其實唔算多得著,但對心靈成長有幫助囉. 起碼,啲同學仔心地善良.
作者: little_yolky 時間: 14-9-25 17:26
behappydad 發表於 14-1-29 00:09
老實講，band 3学生要做好绝對不易。想做功課，朋友無人做，温書都比人笑，又怎會無分別呢?
大家加油
作者: yanduckduck 時間: 14-9-26 12:16 標題: 回覆：91 四寶
我都有睇過4寶，其實唔係差，只係有d家長們唔認同理念或方式。
可能大部分人都顧慮雙非及sen小朋友多會影響自己小朋友，所以避之則吉。
最緊要係小朋友適合，老師包容有愛心。學業成績唔代表大個嘅工作表現，反而人生觀及品德，就會跟你一世。
作者: NTNY 時間: 14-9-26 13:56
最近去了聖華小一介紹會，感覺良好，老公仲話，去完之後，都唔驚小朋友被派入去讀。校長好友善，介紹會到尾時，我地仲同佢傾咗好耐。主任介紹課程很清晰，知道學校會同時照顧叻與唔叻的同學。學校仲有註校社工支援，好意外，呢位社工，都出來講解。介紹會期間，小朋友到了課室玩，佢都好開心。
之前亦到了信義小學上了一星期體驗課程。小朋友都好開心。同時間，此體驗課程有準小一的學生，是學校特意安排他們上適應課。最後一天，全體同學在禮堂一起做飛機，用一枝飲管及兩個紙圈來作多款嚐試，很好玩，相信此學校都是好的。
慈航雖是彿教學校，聽聞老師們都好有愛心。
另外一所，未有機會認識。
作者: sasa...... 時間: 14-9-26 15:52 標題: 回覆：91 四寶
非常意外有你們願意留意一般人口中的4寶學校，我最唔想見到人云亦云，自己都未去過就猛話人唔好，希望呢幾間學校也能成為沙田區受歡迎的學校！
作者: Siusiumy 時間: 14-9-27 08:58
請問慈航點解會被標籤為四寶? 非用家, 但外表睇學校睇幾新淨, 聽聞以前程度都幾高, 係唔係只係因為佢係佛教學校, 啲人唔揀所以認為佢差?
作者: misshk12 時間: 14-10-13 23:03
慈航學校係我母校。N年前係區內出名好嚴，同埋英文程度高的。記得當年我地每星期中默兩次，英默一次，每日要背中英文，功課亦係好多的。當年升上英中，明顯語文科比來自其他小學的同學仔強好多。這些我估計與小學的催谷有關。時至今日，我想這小學也好難再這樣迫學生了。
作者: tiggeryyw 時間: 15-1-8 17:28
硬被人標籤的學校, 真是慘......
作者: yanduckduck 時間: 15-1-8 21:10 標題: 回覆：91 四寶
想知4寶幾時再有簡介會?
作者: buddaau 時間: 15-1-29 22:43
我個仔今年大抽獎入信義，我地對間學校好滿意，呀仔日日都好開心，sen學生唔覺多，而且有專門老師跟進，唔覚對其他學生既學習進度有影響。老師好唔在講，最感動既係校長同副校每日一開門都見佢地企喺學校門口，有問題問佢地，佢地都會好熱心解答。不足既地方係校舍舊啲。
作者: map68682000 時間: 15-11-10 14:02
信義係馬鞍山果間定禾輋果間 ? 謝
作者: lauwingtai 時間: 15-11-10 14:19 標題: 引用：我小朋友就係讀緊大家口中所講4寶之一，聖
原帖由 sasa...... 於 14-05-09 發表
我小朋友就係讀緊大家口中所講4寶之一，聖華，注意，我係自行入的，不是抽獎。
讀左大半個學期了，感受唔 ...
作者: oho1 時間: 15-11-10 14:28
回覆 map68682000 的帖子
91 區...禾輋也!
| 歡迎光臨 教育王國 (/) |
Powered by Discuz! X1.5 |