教育王國

標題: 救世軍卜凱賽琳幼兒學校 [打印本頁]

作者: agatha1126 時間: 14-1-20 15:55 標題: 救世軍卜凱賽琳幼兒學校

請問有無人讀緊?
可否講下課程同老師係點?
Thanks!!

作者: mannitol 時間: 14-1-22 00:32 標題: 回覆：agatha1126 的帖子

囡囡上年讀過N1, 即2歲班, 佢哋得9～11個位, 1個班主任, 但需要時會有其他老師幫手。N1會同K3共用一個課室, 但只會在早餐放學時間一齊响課室,等啲高班同學學習照顧低班同學。N1中文只會認字, 如爸媽草飯車船等。數學教到5。英文唔會教,到K1下學期先開始教phonic , 但會唱吓英文歌, 到K2先有net 老師一星期上一次。佢哋用主題教學, 每月一個主題, 學生要帶老師要求嘅嘢回校分享。課程係偏淺。功課每星期一本, 係貼圖（關於中文認咗嗰個字）, 一本圖書做親子閱讀報告, 超簡單的。自理能力一定學到, 因為返全日, 老師會教學生自己著鞋食飯去洗手間等。重德育, 基督教學校。每年聖誕節有表演, 生日會係自己生日嗰日帶蛋糕返去茶點時間開。老師好有愛心, 耐性, 好識教家長點管教小朋友, 著重大小肌肉訓練, 不過就唔多教小朋友點面對小學面試, 但小朋友都有機會show and tell 嘅。派位大部分係區內津小。

作者: hmh001 時間: 14-2-15 17:48 標題: 引用：囡囡上年讀過N1,+即2歲班,+佢哋得9～11個位

原帖由 mannitol 於 14-01-22 發表
囡囡上年讀過N1, 即2歲班, 佢哋得9～11個位, 1個班主任, 但需要時會有其他老師幫手。N1會同K3共用一個課室, ...

我囡排23 收咁少。無機會。聽你咁講，好似N1不是太重視。。

作者: mannitol 時間: 14-2-15 21:09 標題: 回覆：hmh001 的帖子

可以咁講，佢哋唔係重視知識，而係重視德育自理。排23都有機會。

作者: mannitol 時間: 14-2-21 20:39 標題: 回覆：hmh001 的帖子

其實我都慶幸我囡响卜凱賽琳讀咗一年PN。佢哋train 大小肌肉真係好好，好足夠。令小囡執筆寫字冇難度。聽有啲朋友講，佢囡囡响某名幼讀PN, 因為較著重學術，冇錯英文係比人識多啲。但因缺乏小肌肉訓練，校之後先發現執筆唔夠力，唯有人哋學執筆寫線條，佢囡就搓泥膠等將勤補拙。

歡迎光臨教育王國 (/)