教育王國

標題: 期考派左卷喇 [打印本頁]

作者: kangaroo1101 時間: 14-1-17 10:48 標題: 期考派左卷喇

只係想呻下...唔想屈住屈住咁

小二仔小一時維持住中間上少少成績..

小二第一次考試時中文得7x分，我已經好擔心喇...今次都一樣係7x分。見到份卷文法方面無問題，閱讀理解全軍覆沒。其他科的成績都有滑落，有D係大意，有D係唔識寫D字，整體平均分都跌左成5分。

其實成績起跌本來都係正常，佢自己附出幾多佢自己都知，今次亦都比佢知道要睇多D書同埋寫多D字。

最慘係佢班主任之前同佢地講左好多負面的說話，第一次考完試已經同佢地講佢地果班中英數平均分都係全級最低，最差，第時唔會有機會讀精英班。之後亦不斷講精英班點好，普通班點衰，個仔完全入哂腦。

依家咁，個仔點都似係會陪迴喺中間位置，精英班/普通班兩邊走。我尋日一同佢講佢唔一定入精英班的時候，佢成個人呆哂。傾左好耐，不過都係要佢自己去面對。我同佢講唔應該將focus放在精英班呢件事上面，要專心做好自己，咩班都有好有唔好的地方咁上下。

呢D事會令佢成長，不過做阿媽都係好心痛佢人仔細細要面對呢D問題。

呻完~~

作者: hugub 時間: 14-1-17 13:57

我囡仲大劑上次中文7X 英文7X 數8X .... 今昨天派中英已經令我血壓上升中文得返6X 英文7X ... D分扣响閲讀理解單單中文閲讀理解扣左 24/40 .... 英文就扣左9/10 ..... 激死..... 好彩今日派數學考到9X...否則冇眼睇

作者: rayeu160 時間: 14-1-17 14:03

小2比小1係會深左好多的. 我囡都跌左D...不過整體名次又無咩跌! 即個個都下降左.

作者: kangaroo1101 時間: 14-1-17 14:38

分數趺都無所謂，可以乘機加野比佢都好ar..

只係精英班呢樣野我就覺得好難解決...

作者: kangaroo1101 時間: 14-1-17 14:41

回覆 hugub 的帖子

我仔其中一篇閱讀理解成篇10分無哂..

為的就只係佢唔知咩叫左"靈魂之窗"...

作者: hugub 時間: 14-1-17 15:06

扣閲讀理解真係好頂氣... 扣運用及GRAMMER都話記性唔好, 但閲讀理解所有野响哂篇文章度...我决定操佢睇書,先培養耐性

作者: cherrieshum 時間: 14-1-18 00:18 標題: 引用：我囡仲大劑上次中文7X+英文7X+數8X+....+今

原帖由 hugub 於 14-01-17 發表
我囡仲大劑上次中文7X 英文7X 數8X .... 今昨天派中英已經令我血壓上升中文得返6X 英文7X ... D分扣响閲讀 ...

我以爲在協恩讀書，基本要每科85分以上。

作者: waiwai1224 時間: 14-1-18 10:05 標題: 回覆：期考派左卷喇

提示: 作者被禁止或刪除內容自動屏蔽

作者: waiwai1224 時間: 14-1-18 10:07 標題: 回覆：期考派左卷喇

提示: 作者被禁止或刪除內容自動屏蔽

作者: skkeung 時間: 14-1-18 10:38 標題: 回覆：期考派左卷喇

小朋友不會介意，大人介意！放低面子，爱孩子吧！

作者: hugub 時間: 14-1-18 10:43

cherrieshum 發表於 14-1-18 00:18
我以爲在協恩讀書，基本要每科85分以上。

唔一定既... 科科90分以上大概考 1-19名, 8X分大約考到20-59名... , 7X分就考59-77名 .... 6X分以下就78-96名...(校內亦有同學2科唔合格既

.... ) 津校缺點好難控制學生質素,派位入既成績好參次...所以中學部要轉直資(可以選擇學生)

作者: kangaroo1101 時間: 14-1-20 10:30

waiwai1224 發表於 14-1-18 10:07
如果連老師都講到普通班好差，我覺得個老師都好有問題

我覺得係..仲要講到小朋友讀普通班會容易被人話唔乖呀咁...

唯有係自己多D開解個仔...我都唔想佢讀精英班...

作者: cheukyu822 時間: 14-1-20 11:46

我都唔buy精英班, 對小朋友有一定影響, 無論學習及溝通

閱讀理解真係一大考驗, 小朋友真係要多睇書

作者: CALVEN 時間: 14-1-20 21:14

我仔學校前2年已取消精英班

雖然我仔成績應入到精英班,但我覺我取消左好D

作者: Crabtree 時間: 14-1-20 22:12

其實我睇要視乎小朋友是否愈強愈強, 否則不如在普通班讀得開心及自信心大, 不是更好嗎?

作者: qkhui 時間: 14-1-20 23:19

其實精英班有好有唔好, 亞仔依家小六, 學校由小三就開始分精英班, 亞仔學校每級有4班, AB班係精英班, C8D班就係普通班, 噉亞仔由小三到小六都係精英班. 最初入小三入去時, 真係麻麻地, 因在班成績真係考到好後, 當然去到全級就不是太差, 但此終感覺唔好, 但講真, 讀精英班的學習氣昏事實係好些, 亞仔慢慢每年都有少許進步, 小朋友(特別係男仔) 真係遲O的先會成長. 今年小六, 岩岩個次考試係小學生活最好的一次. 2次呈分試也不錯, 明顯小心了很多
所以樓主, 你仔仔只是小二, 可似比多些信他, 做多些閱理, 一定會有進步.

作者: kangaroo1101 時間: 14-1-21 09:46

回覆 qkhui 的帖子

多謝你的經驗分享..

會努力的...希望佢讀咩班都可以開開心心..

作者: CALVEN 時間: 14-1-21 16:12

skkeung 發表於 14-1-18 10:38
小朋友不會介意，大人介意！放低面子，爱孩子吧！

而家D小朋友好早熟,
唔少都好鐘意比較,會問其他同學幾分,第幾名...
前2 日先有個同我仔小一同班既女同學(因為升小二,時,大家分左去唔同既班),追住我仔,問我仔考試英文幾分,點知我

仔班未發卷

不過我仔話小一時,如果佢知我仔高分過佢時,就會講"好叻咩"

作者: qkhui 時間: 14-1-21 16:50

我仔都會比人笑ka, 話佢考得差, 佢地有幾個特別friend, 噉亞仔不嬲都係唔夠佢地, 不過其實又唔係差太遠, 噉個幾個friend 都會笑佢, 話我地噉多個你考得最差, 噉亞仔返來都會同我地講, 噉我地都會叫佢不用太介意, 做好自己就是, 我話你比friend 噉講會唔開心, 所以你記住, 你唔可以話一o的比你差o既同學. 因對方都會唔開心. 噉同佢再睇返o的paper, 佢其實大部份都係唔小心, 噉le o的真係無辦法.
噉來到小六, 第一次考試(呈分試), 亞仔明顯追貼了個幾個friend, 某o的科巳高過他們, 噉但拉返平均都係低o的. 噉o的fd 巳講少了,
到岩岩1月個次考試, 考完第一科中文, 我問亞仔識唔識, 亞仔未答我之前, 有個fd 巳講, 我都覺難你點會識. 噉亞仔話難. 噉我話唔緊要la, 個個都話難就唔係太大問題. 噉到岩岩上星期三派paper, 點知亞仔係全班最高分(93), 仲要係得佢一個over 90, 今次仲要係所有paper 都高過佢個幾個fd. 噉我地同亞仔講, 所以不用理別人點講, 自己盡力, 改善自己o既不足, 亞仔當然好開心. 噉我都叫佢唔可以笑返同學. 同學巳同亞仔講, 下次一定要叻過佢.
其實有時互相o既競爭係好事. 噉當然要我地做家長o既去援和一下, 噉我本身同亞仔個幾位同學都會見面, 有時佢地講得太過份, 我都會出聲話下佢地. 等亞仔都知, 亞媽係會企佢身邊, 為佢說話, 而唔係only 叫佢忍 .

作者: skkeung 時間: 14-1-21 17:35 標題: 回覆：期考派左卷喇

俾人笑，又怎樣！叻過同班，又叫叻！是教育時候！

作者: kangaroo1101 時間: 14-1-22 09:02

回覆 qkhui 的帖子

依家小朋友之間competition真係好大...佢地亦都會互相比較..所以我覺得呢D位做父母的真係好重要..

本來我地讀書年代D老師都會用時間講道理...不過依家感覺佢地都係一齊追成績..

作者: CALVEN 時間: 14-1-22 10:44

本帖最後由 CALVEN 於 14-1-22 16:59 編輯

kangaroo1101 發表於 14-1-22 09:02
回覆 qkhui 的帖子

依家小朋友之間competition真係好大...佢地亦都會互相比較..所以我覺得呢D位做父母的真 ...

比較係社會縮影一部分

成年人何嘗沒有比較?

問題點轉化成動力及取得平衡

作者: zuzu888 時間: 14-1-22 10:47 標題: 回覆：期考派左卷喇

閱讀理解我從來都知囡係弱點！大家努力啦！我囡錯字都扣成兩分真係好唔抵

作者: chiandjoyce 時間: 14-1-22 13:18 標題: 引用：我囡仲大劑上次中文7X+英文7X+數8X+....+今

原帖由 hugub 於 14-01-17 發表
我囡仲大劑上次中文7X 英文7X 數8X .... 今昨天派中英已經令我血壓上升中文得返6X 英文7X ... D分扣响閲讀 ...

我個女P1 閱讀理解有3篇，大部份衰晒，失去好多分數

作者: JJDBB 時間: 14-1-22 13:20 標題: 引用：Quote:原帖由+hugub+於+14-01-17+發表我囡

原帖由 chiandjoyce 於 14-01-22 發表
我個女P1 閱讀理解有3篇，大部份衰晒，失去好多分數

中，英文都應看書，不為現在，也為將來！

作者: sycheung8 時間: 14-1-22 15:12

我個仔P2第一次考試....都考得好差, P1全級都有20幾30名, P2 中文80 英文77 數學85.....全級無咗排名

P1時我有幫佢溫書對功課但自從升咗P2後幫佢溫書對功課時佢就叫極都唔肯坐定定聽我講, 之後我就唔再幫佢, 唔知係埋因為咁所以考得咁差

老公要佢下個月開始出去補習...希望有少少進步啦

作者: kangaroo1101 時間: 14-1-22 15:25

回覆 sycheung8 的帖子

點都有少少影響...我同你都係差唔多咁..

今年放多左手...不過又攪成咁..

科常識放哂手比佢自己溫...由9X變7X...

不過好多人話依家唔放的話, 大左會仲難放...所以依家放, 比D磨練佢都係好..

我都會繼續放..

作者: sycheung8 時間: 14-1-22 15:33

回覆 kangaroo1101 的帖子

我都係唔想佢太依賴我去幫佢....所以先放手, 點知真係成績插水, 希望佢出去補習可以有少少改善

我都唔要求佢成績要好好....但都唔係連排名都無咗架

作者: qkhui 時間: 14-1-22 16:51

係, 學校真係一個社會縮影, 好多野真係要比佢地由細到大都要去面對.
我同意, 可以早o的放手就早o的, 一科一科噉放手, 等佢地自己去負責, 唔係真係越遲越難

作者: marble2004 時間: 14-1-22 22:29

我都只係想呻下... 今天和數個家長傾, 今年D 老師都唔知係唔係, 在中英兩科整死學生, 扣分扣到七彩, 我們的仔女都成績唔錯, 我們大家交換試卷看, 都認為不應扣分, 英文全級最高87.5, 中文全級最高71, 我們是小四家長, 其實份卷不是太難, 好像為扣分而扣分, 英文有時學生的answer 更勝老師 , 全級第一名都全軍覆沒,

作者: fishmaruko 時間: 14-1-23 16:02 標題: 回覆：期考派左卷喇

話普通班不好的是那一間學校？

作者: coco_lam725 時間: 14-1-23 16:14 標題: 回覆：marble2004 的帖子

提示: 作者被禁止或刪除內容自動屏蔽

作者: loveDD 時間: 14-1-23 16:39

閱讀理解真係咁恐怖??

作者: marble2004 時間: 14-1-23 22:26

回覆 coco_lam725 的帖子

答案明明只有一行線, 卻expect 你答三, 四行, 明明叫你從文章找一個詞語, 但卻expect 你如作短文, 英文的could , would 不一定是past tense, 有時用作一個request or demand, 可以是用present tense 去答, 但卻硬性規定用past tense. If I were you, 這不是past tense, 但卻硬性規定用past tense去答, 又扣分,

作者: marble2004 時間: 14-1-23 22:27

回覆 loveDD 的帖子

Yes, it's true. 好易扣分, 屬重災區

作者: Isaacmommy 時間: 14-1-25 13:15 標題: 回覆：marble2004 的帖子

小朋友小三，比起小一小二科科都秩了watt，因老本己吃完但他仍未覺得有需要温書。但最意外的是中作竟然大有進步，有九十幾分，足以將中文科總分拉上 A grade。

作者: annienorman 時間: 14-1-25 13:54 標題: 引用：回覆+coco_lam725+的帖子 +答案+明明+只有

原帖由 marble2004 於 14-01-23 發表
回覆 coco_lam725 的帖子

答案明明只有一行線, 卻expect 你答三, 四行, 明明叫你從文章找一個詞語, ...

那麼有沒有向老師問明白？

不為challenge,只求請教！

作者: marble2004 時間: 14-1-27 16:13

回覆 annienorman 的帖子

有想過, 但全級老師threaten小朋友不准家長問, 否則連小朋友都罰, 鄰班家長(she's very educated and very polite)問了, 小朋友要罰抄...不明現在的老師心態

作者: annienorman 時間: 14-1-27 17:45 標題: 引用：回覆+annienorman+的帖子 +有想過,+但全級

原帖由 marble2004 於 14-01-27 發表
回覆 annienorman 的帖子

有想過, 但全級老師threaten小朋友不准家長問, 否則連小朋友都罰, 鄰班家長(she ...

So strange.......要罰咁嚴重？！？！

我小朋友的學校也曾說過不希望家長為了一兩分而同老師爭論，可能因為此原因，所以考試卷是不會給家長簽閱，只有測驗卷才會派……

但當功課懷疑老師有改錯，我會要求呀仔自己向老師請教……

如果老師是這樣不講道理，而我又confirm老師錯而我啱，我會向呀仔解釋老師不是聖人，她也會錯的！跟他一起去找正確的答案，叫他不要為了分數而盲目附和

作者: marble2004 時間: 14-1-27 19:55

回覆 annienorman 的帖子

True, 我不是為了一兩分而同老師爭論, 我只希望小朋友知道他的思路是對的...

歡迎光臨教育王國 (/)