教育王國
標題: 有無人自行一間都唔報, 只等統一派位? [打印本頁]
作者: monkichi 時間: 14-1-13 09:41 標題: 有無人自行一間都唔報, 只等統一派位?
我係新手 ... 小朋友現在小四.
想問下, 如果小朋友無一體一藝, 無乜証書, 無參加義工活動, 成績又只係中間至中上左右.
而我又唔想為砌靚個個人履歷表而迫佢參加活動
咁樣嘅情形, 佢係咪自行一定無機會呢?
我係咪疊埋心水等統一派位算, 我同佢都唔駛煩?
我咁諗, 係咪好傻?
請指教.
作者: 奥脫福 時間: 14-1-13 09:56
請留意有些學校規定若自行無選過佢的話，是不會接受叩門申請的。
作者: cow 時間: 14-1-13 10:20
monkichi 發表於 14-1-13 09:41 
我咁諗, 係咪好傻?
作者: jasontcy 時間: 14-1-13 10:32
先唔計學業成績，如果咩都唔報，等大抽獎，派到一間校風差，我諗你到時仲頭痕
作者: monkichi 時間: 14-1-13 11:33
但個人履歷表上如無學業以外嘅"成就", 係咪好輸蝕呢?
如果寫一啲無証書証明做過嘅活動, 學校又會唔會接受呢?
我花點氣力去催逼佢學業成績還可以, 但為砌靚個人履歷表而迫佢去參加課外活動我就一定唔會做, 亦都迫唔來.
咁即係話, 就算擺明係陪跑, 都要報, 係咪?
作者: opclk 時間: 14-1-13 11:41
提示: 作者被禁止或刪除 內容自動屏蔽
作者: Yanamami 時間: 14-1-13 11:48
本帖最後由 Yanamami 於 14-1-13 11:50 編輯
煩?點可以怕煩？
自行喺命運喺自己手，派位喺買Mark6。自己既命運唔自己去爭取，反而等運到？P4仲有時間去做d野。就算真喺乜都無，都要自行努力一番，先對得住自己。有好多學校重成績，自己唔去爭取，真喺點都講唔過~成日都話，做左都叫有d機，唔做，機會=0,點解唔做？
作者: organicfans 時間: 14-1-13 12:31 標題: 回覆：有無人自行一間都唔報, 只等統一派位
如果係我, 根本唔識點同小朋友交代! 平時教佢，只要有盡力輸贏唔緊要。就算100% 陪跑, 我都會叫佢去跑, 係生命教育。
作者: fion6406 時間: 14-1-13 12:34 標題: 回覆：有無人自行一間都唔報, 只等統一派位
唔會乜都無得寫，無校外活動，都有校內活動。其實到時候小學到小五、六就會有各類校內、校外課外活動「介紹」你參加。做風紀、服務生又可以寫，校內什麼標語比賽呀、圖畫比賽呀（我仔學校每班仲再有分冠亞季），總有機會寫到一些活動、比賽。就算唔填活動，單睇成績，自行亦唔會無機會，睇你是否報咗程度太高的學校啫。
作者: monkichi 時間: 14-1-13 14:22
我都明白要付出、要自己爭取, 先有機會得到自己想要嘅野(不過現時我都唔知自己想要咩/咩野適合佢)
我所謂嘅煩, 係指要砌靚個人履歷表同準備面試嘅對答.
衰就衰在佢咩課外活動都無興趣參加, 只係鍾意睇書, 同研究佢自己有興趣嘅TOPIC.
(佢喺佢有興趣嘅TOPIC方面, 知識真係好豐富, 叻過好多大人, 但呢啲無CERT去証明.)
我亦都唔想好功利咁, 為咗証書而迫佢參加活動 (我會提議/鼓勵佢去參加, 但若佢唔想, 我係唔會迫佢的)
所以我初時就諗, 與其都係唔成功, 不如就疊埋心水等派位算了.
但經過各位嘅指點, 我會改變諗法.
謝謝各位!
作者: ppsfung 時間: 14-1-13 15:09
monkichi 發表於 14-1-13 09:41 
我係新手 ... 小朋友現在小四.
想問下, 如果小朋友無一體一藝, 無乜証書, 無參加義工活動, 成績又只係中間 ...
但我又不似你想得咁消極, 雖然間間學校都話要求全能學生, 但現實上, 大部份都是平凡人, 很多普通學校最終都會收番"普通人", 而且學校收生標準沒人知道, 可能你認為自己小朋友很平凡, 但學校會欣賞佢面試表現, 覺得他是可造之材.
一個現在平凡的小朋友, 說不定內在有無限潛能, 暫時沒有專長可能是未找到發掘潛能的人, 很多學校除了看獎項之外, 亦會看小朋友的性格, 操行, 理想抱負等等. 如果你小朋友不是最差完全沒競爭力, 應該比機會佢一試.
作者: 701003 時間: 14-1-13 15:18 標題: 引用：我係新手+...+小朋友現在小四.想問下,+如果
原帖由 monkichi 於 14-01-13 發表
我係新手 ... 小朋友現在小四.
想問下, 如果小朋友無一體一藝, 無乜証書, 無參加義工活動, 成績又只係中間 ...
作者: 瑩瑩老豆 時間: 14-1-13 15:59
monkichi 發表於 14-1-13 09:41
我係新手 ... 小朋友現在小四.
想問下, 如果小朋友無一體一藝, 無乜証書, 無參加義工活動, 成績又只係中間 ...
其實好睇你報乜中學, 成績中間去報band 1 頭中學當然機會不大, 但如果報返band 1 尾或band 2 中學又未必冇機.
致於話無一體一藝, 無乜証書, 無參加義工活動, 那大可以參加下校內工作, 例如班長, 風紀, 服務生等或校內課外活動咁都有D 野塡下.
作者: cow 時間: 14-1-14 01:59
701003 發表於 14-1-13 15:18
唔傻，好多banding弱ge人都無申請自行，直接等統一派位！
作者: fuluk 時間: 14-1-14 02:39 標題: 回覆：cow 的帖子
引述某某中學所言，面見亦係一種學習，乜都唔做即係叫你小朋友放棄，揀2間合程度的學校一試吧！我冇証書..只有生活..態度正面會成功的！
作者: talent2000 時間: 14-1-14 02:58
提示: 作者被禁止或刪除 內容自動屏蔽
作者: KT0603 時間: 14-1-14 04:49 標題: 回覆：有無人自行一間都唔報, 只等統一派位?
提示: 作者被禁止或刪除 內容自動屏蔽
作者: monkichi 時間: 14-1-14 09:17
本帖最後由 monkichi 於 14-1-14 09:23 編輯
我之前所講話唔報自行, 唔係我自己單方面想搶走小朋友面試嘅權利, 而係我根據我小朋友現時的性格, 我估佢很大機會唔想去面試, 所以我先問定呢個問題.
若果佢願意去, 我一定全力支持! (希望佢喺呢兩年內, 會開竅, 會變得積極啲)
講開面試機會, 我喺另一啲POST見到有提及, 有啲學校唔係個個交表嘅學生都有機會面試.
咁若果無得in, 個QUOTA係咪都算係用咗, 無得再報另一間?
另外, 若果我最心儀A學校, 但自行時除了A學校外, 亦報了B學校.(assume兩校BANDING相若, 亦符合我小朋友的BANDING)
派位時放A首位, B第二.
會唔會自行時A唔收, B收了 (我會知道嗎??)
令到我無得派位 ... ... 就算我派位的號碼早, 都派唔到去A學校?
作者: 701003 時間: 14-1-14 09:37 標題: 引用：Quote:701003+發表於+14-1-13+15:18+唔傻，
原帖由 cow 於 14-01-14 發表
點解吳將統一的第一志願放在自行?
作者: fion6406 時間: 14-1-14 09:37 標題: 引用：+本帖最後由+monkichi+於+14-1-14+09:23+編
原帖由 monkichi 於 14-01-14 發表
本帖最後由 monkichi 於 14-1-14 09:23 編輯
我之前所講話唔報自行, 唔係我自己單方面想搶走小朋友面試 ...
令到我無得派位 ... ... 就算我派位的號碼早, 都派唔到去A學校?
〉〉自行第一選擇唔收，第二選擇收，就唔會去統一派位咖嘞（但自行結果，你7月前唔會知，你都要7月放榜至知，而4月時仍然要填統一表），所以如果A校在統一大抽獎抽中機會大的話，你自行第二選擇就唔好選差過A校的學校，而要係一間你入咗唔會後悔的學校。
作者: orangebb 時間: 14-1-14 10:05
monkichi 發表於 14-1-14 09:17
我之前所講話唔報自行, 唔係我自己單方面想搶走小朋友面試嘅權利, 而係我根據我小朋友現時的性格, 我估佢很 ...
我小朋友都係內向嘅人, 記得當年面試, 佢都話, 驚到腳都震埋, 雖然失敗咗, 但係呢個經歷, 係人生中, 係好寶貴架 !
當年, 佢地成班同學, 好多連見都無得見, 佢都話同學好失望, 當人人係到傾點樣面試, 見有D同學唔出聲, 好失落嘅樣 ! 所以, 我明白你唔想太勉強, 或者咁講, 我地就當係上一次人生課, 唔抱有期望, 只要盡力去做, 就算報咗無得見咪無得見囉, 等抽獎亦唔係一定死梗, 始終7成位係抽獎, 眼見大把同學比自行第2收咗, 放榜日喊到死死下, 因為成績比佢差9條街個同學, 抽獎都入到佢自行想入嘅第1志願 !
作者: joyjoyparent 時間: 14-1-14 21:39
monkichi 發表於 14-1-13 14:22
我都明白要付出、要自己爭取, 先有機會得到自己想要嘅野(不過現時我都唔知自己想要咩/咩野適合佢)
我所謂 ...
若可以鼓勵她看英文故事(例如她看過的中文翻譯小說), 語文可以嬴同學幾條街!
| 歡迎光臨 教育王國 (/) |
Powered by Discuz! X1.5 |