教育王國
標題: 有關買琴 [打印本頁]
作者: 幸福黃太太 時間: 14-1-12 04:18 標題: 有關買琴
大囝剛開始學琴，未知有冇心機長學，但又想買個琴比佢練習，唔想太浪費，有冇好提議?? （老公考慮買電子琴，慳位價錢又唔貴，但我想知對初學者，分別有幾大）
作者: csiusin 時間: 14-1-13 13:50
回覆 幸福黃太太 的帖子
我同你一樣. 我都打算買個電子琴先呀, 因為我朋友仔仔都學緊佢話佢係琴行買一部, 大約一千蚊到已經好好, 同埋可以練琴.
作者: 小J媽媽 時間: 14-1-13 15:11
本帖最後由 小J媽媽 於 14-1-13 15:14 編輯
向琴老師介紹下, 我地十二月向通利買左個數碼鋼琴。
雖然好多人話真鋼琴先好, 但數碼鋼琴慳位(好重要!!), 保養又容易, 價錢OK, 有平有貴, 我自己果部9千左右
我地要返工的唔得閒成日帶囝囝去琴行練琴, 而且練一節半小時都十幾二十蚊啦, 志在俾佢有得練吓, 於初學的小朋友來說已經不錯。
小朋友初學, 真係唔知佢都有無恆心學下去, 買部平平地的數碼鋼琴玩下, 如果第日真係考得上5, 6 級, 到時至一次過買部靚D 的真鋼琴給他
作者: effietly1125 時間: 14-1-13 18:20 標題: 回覆：有關買琴
提示: 作者被禁止或刪除 內容自動屏蔽
作者: yimwailun2 時間: 14-1-13 21:52 標題: 回覆：有關買琴
提示: 作者被禁止或刪除 內容自動屏蔽
作者: 肥面媽媽 時間: 14-1-14 17:12
回覆 effietly1125 的帖子
請問 1萬蚊部二手琴大約可用多久? 另是否在租琴的地方買? Thanks
作者: effietly1125 時間: 14-1-14 18:31 標題: 引用：回覆+effietly1125+的帖子
請問+1萬蚊部二
提示: 作者被禁止或刪除 內容自動屏蔽
作者: rilakmusik 時間: 14-1-15 12:24
幸福黃太太 發表於 14-1-12 04:18 
。。。又想買個琴比佢練習，唔想太浪費，有冇好提議?? （老公考慮買電子琴，慳位價錢又唔貴，但我想知對初學者，分別有幾大）
我是鋼琴老師，很明白又想學好又要顧及預算。不過市面的琴，無論是電子琴、數碼琴還是傳統木鋼琴，都是「一分錢一分貨」
以下是鋼琴價格與品質的比對：
$1xxx - $2xxx 電子琴手感 像電腦keyboard的輕盈膠質感，太習慣輕飄飄的力度，不利學琴
$3xxx - $5xxx 電子琴手感 好一點，但還算輕，雖不致於不利學琴，但.....好過無 :-I
$5xxx - $ 9xxx 數碼鋼琴
優點：手感上開始接近傳統木鋼琴、不用每隔一段時間花數百元要人調音、有volume 調教晚上練琴唔會嘈
缺點：太依賴volume調教，彈其他鋼琴就未必控制自如（eg 大細聲，因為要靠手感和聽力判斷），
而且trade出去市場較細
$1xxxx - $3xxxx 傳統木鋼琴，
優點： 手感不錯（初學者而言）、有「出世紙」的鋼琴可trade 去二手琴行（當要保養防潮做得不錯）、貴買平用
缺點： 每半年左右要花數百元調音，要防潮，否則走音/影響手感
對初學者分別大嗎？
我認為手感只影響其次，最重要是....
＊＊＊＊恆常每天練習＊＊＊＊＊
我相信我自己7成學生可以透過多練琴而進步，而不是把家裡的鋼琴換掉
但⋯⋯如果你的老師對你小朋友的評語是『學得很快喔』『一堂學到很多歌』『進展良好呀』
而又有恆常練習的小朋友，就算是頗有天份的學生，那家裡的鋼琴品質就相對重要了，
他日在音樂路上發展迅速，孩子會感謝你！
作者: mcf12345 時間: 14-1-15 14:57 標題: 回覆：有關買琴
或者做個比喻，我想個仔學大提琴，但大提琴太大舊，所以諗住買個小提琴學住先。因為平啲慳位啲。
你睇完可能會話： 根本就唔同。兩樣野黎。
所以我都可以話你知根本都係兩樣野黎。鋼琴，電子琴，數碼琴根本都係唔同嘅野，唔好諗住都係琴就可以混為一談。佢地結構唔同。大家都"唔係"
用同一個原理發聲。
希望你明白不喜勿插！！(但我都明白你地所憂慮嘅地方) 
作者: 786 時間: 14-1-15 15:54 標題: 引用：或者做個比喻，我想個仔學大提琴，但大提琴
原帖由 mcf12345 於 14-01-15 發表
或者做個比喻，我想個仔學大提琴，但大提琴太大舊，所以諗住買個小提琴學住先。因為平啲慳位啲。
你睇完可 ...
不過唔學大提琴，學著小提琴都ok,因為弓的握法一樣，有3條弦一樣；長號唔夠手長，學著小號都ok,吹法一樣。但雙簧太貴，學單簧就唔太一樣，雙簧同巴松差不多，而單簧同色士風差不多
作者: ha8mo 時間: 14-1-15 16:24
提示: 作者被禁止或刪除 內容自動屏蔽
作者: mcf12345 時間: 14-1-15 16:50 標題: 引用：Quote:原帖由+mcf12345+於+14-01-15+發表或
原帖由 786 於 14-01-15 發表
我鐘意你的比喻
不過唔學大提琴，學著小提琴都ok,因為弓的握法一樣，有3條弦一樣；長號唔夠手 ...
作者: mcf12345 時間: 14-1-15 16:56 標題: 引用：Quote:原帖由+786+於+14-01-15+發表我鐘意
原帖由 mcf12345 於 14-01-15 發表
你也講得岩，你話買小提琴可學小提琴等等，咁買電子琴就應該學電子琴，買數碼琴就應該學數碼琴囉。
:wahah ...
作者: yeungph 時間: 14-1-15 17:26
囝囝四歲學琴，六歲考皇家4級133分，一直用Yamaha最平P95數碼鋼琴，現時7歲換了Yamaha二手琴。我贊成初學未知會唔會學落去的小朋友，可以用數碼鋼琴。
作者: 小J媽媽 時間: 14-1-15 18:04
我地呢D初學者家長, 買琴在家無非想小朋友方便練習啫, 
我知數碼/ 電子鋼琴有其不足之處, 但真係一定不可取?? 奇怪有媽媽會覺得係一定係錯咁
係父母都想俾最好的小朋友, 買部二手平價木琴, 有人會話質素唔夠好, 功欲善其事, 必先利其器....最好買部XX大牌子的....跟住可能有人會話三角琴先係標準, 音色先完美,
好認同有媽媽話, 有認真學習, 勤練習先係成功的法門, 無心學習俾乜佢用都無用
作者: longlokma 時間: 14-1-15 18:42 標題: 引用：我地呢D初學者家長,+買琴在家無非想小朋友
原帖由 小J媽媽 於 14-01-15 發表
我地呢D初學者家長, 買琴在家無非想小朋友方便練習啫,
我知數碼/ 電子鋼琴有其不足之處, 但真 ...
作者: 小J媽媽 時間: 14-1-15 18:45 標題: 回覆：有關買琴
一大琴行，尖沙咀show room地下當眼處 擺放了廿幾部數碼鋼琴價錢幾千至幾萬都有，YAmaxx呢D大牌子佔不少。如果數碼鋼琴係甘差，冇市場，斷估製造商同琴行都唔會生產同放在地下買啦
或者呢度好多家庭屋企好大，又唔介意小朋友隨時唔想學，又介意要洗$，花時間揾人保養，甘買真木琴梗好格
作者: bebebe12345 時間: 14-1-15 21:30
有心讓孩子學鋼琴的、儘早考慮給她/他們接觸正式的鋼琴!
作者: 小J媽媽 時間: 14-1-16 00:15 標題: 回覆：有關買琴
請教小朋友適宜學左幾耐琴才買座鋼琴回家？
三個月？
半年？
應買幾多錢範圍的鋼琴？
如果小朋友N個月後話吾想學，部琴怎樣處置？
如果買部平平地的鋼琴回家，到小朋學到4、5級時又要換琴？
作者: bebebe12345 時間: 14-1-16 10:38
本帖最後由 bebebe12345 於 14-1-16 10:48 編輯
各有不同,沒有一定的時間,有人一開始就買,有人租,基本上一年大局己定、還看家長的要求而己!
放心,如果不太差的琴,一定有人要。送給朋友也非沒可能。
小朋友換琴那就恭喜你,孩子又上一層階了!
相對於學費和所花的練習時間.....,老師才是我所關注的!
將來雙手彈盡天下琴,不用帶自己的琴。
最重要是養成孩子練琴的習慣!否則很容易便會放棄。
家裏長時期是放著二個琴、現今則是一個也沒有,
最清楚需要還是做家長的你,其他的都是作為參考。
作者: 肥面媽媽 時間: 14-1-16 12:11
回覆 effietly1125 的帖子
請問能否介紹在那裡的二手鋼琴價錢合理 ?
作者: walalababy2013 時間: 14-1-18 21:03
提示: 作者被禁止或刪除 內容自動屏蔽
作者: OxOx 時間: 14-1-18 23:50 標題: 回覆：小J媽媽 的帖子
想問下你老師suggest 你買果部琴係咩型號？
作者: babybear 時間: 14-1-21 15:18 標題: 回覆：有關買琴
電子琴，就冇謂買，手感同鋼琴差好遠！
數碼琴呢? 一個「高品質」嘅數碼琴個質感可同一般唔出名嘅鋼琴差不多。
優點：唔洗tune, 任何時候練琴，深夜只要插住headphone也可練習。
二手雜嘜鋼琴：質量太參差，有些完全冇乜手感，琴鍵太鬆。但當然偶然會遇到正嘢。有朋友試過買咗一部二手雜嘜鋼琴返嚟，用咗二年多，二手冇人收，仲要倒比一千蚊揾人將佢棄置！
所以並不是所有鋼琴都比數碼琴好
作者: Jazzybaby 時間: 14-1-21 15:48 標題: 回覆：有關買琴
請問初學有咩鋼琴model 介紹？
作者: OxOx 時間: 14-1-22 09:42 標題: 回覆：babybear 的帖子
同意！
作者: evason 時間: 14-1-22 14:09
真係要想清楚先好買啊，我個仔岩岩學琴個時我太沖動了，聽SALES講一買就買了一個yamaha高身琴成8XXXX肉都尺埋，都唔緊要點知佢學咗一年都唔夠就同我講無興趣學叫我唔好迫佢學
，真比佢激死
當初又係佢自話要學，最慘我月拱要拱三年，而家為有留比細個個學啦希望到時佢唔好話無興趣就好啦，所買之前要考慮清楚
作者: bebebe12345 時間: 14-1-22 15:32
本帖最後由 bebebe12345 於 14-1-22 15:35 編輯
回覆 evason 的帖子
希望你的細囝囝可以順利接手,一台不錯的琴!
嘗試想辦法推他去你想的位置。
作者: 小J媽媽 時間: 14-1-22 17:38
babybear 發表於 14-1-21 15:18
電子琴，就冇謂買，手感同鋼琴差好遠！
數碼琴呢? 一個「高品質」嘅數碼琴個質感可同一般唔出名嘅鋼琴差不 ...
意見中肯!!!
作者: annienorman 時間: 14-1-23 19:13 標題: 回覆：有關買琴
買琴……起碼要買U1,最好就買U3，仲要買日本製！大陸製的音色差，手感差，彈壞手，聽壞耳！N年後又要換琴……
其實大把人彈住個大陸琴考8級……以前呀爸呀媽邊有咁好條件買幾萬蚊個琴……咪一樣得！！
真係條件所限，買個數碼琴或萬零蚊的鋼琴平時響屋企都可以練下指位……總好過冇。真係比賽考試，咪再租個鋼琴練下囉！真係到咁上下級數，小朋友對音色又有咁上下要求，再考慮買個靚嘢也未為遲？！
唔好攪到學鋼琴係貴族音樂吧！
以上純粹個人感受……不喜勿插
作者: Angel_mak 時間: 14-1-23 20:01 標題: 引用：大囝剛開始學琴，未知有冇心機長學，但又想
原帖由 幸福黃太太 於 14-01-12 發表
大囝剛開始學琴，未知有冇心機長學，但又想買個琴比佢練習，唔想太浪費，有冇好提議?? （老公考慮買電子琴 ...
好多家長只係睇錢決定買數碼鋼琴，雖然係好似平d,但會練壞手，只係好過無。數碼對比真piano，唔使點用力就好大聲，因為好輕。
好多家長就係咁唸，到學左一年左右，開始參加比賽，要使強弱變化，就問點算。如果係咁，點解唔一開始買鋼琴？？
二手琴好多都好靚，都係8,9千蚊。買新琴，最平16000左右有交易。
就算唔係大牌子，都好過練壞手，小朋友習慣左就好難改。
請各家長三思再三思
作者: shanny 時間: 14-1-24 22:10
回覆 小J媽媽 的帖子
如果教鋼琴老師要你買電子琴練習，建議你準備搵掟新老師，否則你小朋友好難去考試。
作者: monsterson 時間: 14-2-19 00:40 標題: 引用：幸福黃太太+發表於+14-1-12+04:18+。。。又
原帖由 rilakmusik 於 14-01-15 發表
幸福黃太太 發表於 14-1-12 04:18
。。。又想買個琴比佢練習，唔想太浪費，有冇好提議?? （老公考慮買電子 ...
但如果小朋友初學又未知佢係唔係真係有興趣一直學，可以買數碼琴/平嘅二手鋼琴，到小朋友真係鐘琴先換鋼琴。
我仔兩歲十個月就學琴，當時我喺txx lee 買咗個數碼琴俾佢，學咗兩年後，見佢真係鐘意彈琴，問咗好多次佢都話唔會放棄學琴，所以換咗個U1, 依家學咗三年，佢越黎越鐘意彈琴，每日練半小時琴。
| 歡迎光臨 教育王國 (/) |
Powered by Discuz! X1.5 |