教育王國

標題: 想同個女轉校 [打印本頁]

作者: daphane 時間: 14-1-11 11:53 標題: 想同個女轉校

個女本身係細女12月出世，加上佢能力及專注力均唔多好，成績一向多數唔合格，做完評估都讚同佢留一年可能有幫助，想請問馬鞍山有冇D小學係有放學功輔班，有heart嘅,唔洗太多功課的？

作者: 786 時間: 14-1-11 12:32

daphane 發表於 14-1-11 11:53
個女本身係細女12月出世，加上佢能力及專注力均唔多好，成績一向多數唔合格，做完評估都讚同佢留一年可能有 ...

在原校留校吧. 除非真不滿意現校.

作者: skkeung 時間: 14-1-11 12:38 標題: 回覆：想同個女轉校

不贊成留下，影響小朋友自尊心！

作者: 已刪除用戶 時間: 14-1-11 16:07 標題: 回覆：想同個女轉校

現實問題：成績唔好想轉校唔易，現有學校太多功課所以要轉？

作者: ronming 時間: 14-1-11 16:49

現在讀幾年班?

作者: dsvsv 時間: 14-1-11 23:54 標題: 回覆：daphane 的帖子

提示: 作者被禁止或刪除內容自動屏蔽

作者: daphane 時間: 14-1-13 15:26

第一，無論老師﹑見了兩個心理學家，都評佢專注力頗弱，理解得慢咗啲，再加上係十二月嘅細女，情況真係有點弊。人地嗰啲仔女睇下有100定90或80分，我淨係望佢合唔合格。

第二，我問番嗰兩個心理學家有關呀女留多一年二年級係咪一個選擇，佢兩個都話係。而我就當比個重生嘅機會呀女，等佢同喲同學嘅距離無咁遠。

第三，轉校係唔想佢見到啲同學上晒三年班而自己仲係二年班。加上現時間小學真無咩支援，日日放學返到屋企就好似無學過嘢咁，咩斬話唔識，樣樣等我返屋企才做，做到夜到死，無晒時間。

加上佢有好多都未攪得掂，如加減都未攪清，又點理解乘除呢？一路累積上去，到考中學又點算呢？只希望可找一間啱LEVEL比佢，至少無追得咁辛苦同挫敗感先吖！

咁大家有冇啲咩小學係覺得好有HEART同有功課輔導班呢？首選馬鞍山，次選沙田，唔該大家。

作者: annie40 時間: 14-1-13 16:14

回覆 daphane 的帖子

情理上,转校和转读低一年级是明智之選!!!! 习中家庭教育和培养阅读, 学校有爱心足矣, 不一定需要功课辅导班了.

祝福你和女儿马年进步!!!!

作者: daphane 時間: 14-1-16 12:44

仲有冇高見

作者: chymama2 時間: 14-1-16 13:17 標題: 回覆：daphane 的帖子

既然專注力低，如果重讀一年，好開心，但一齊升班次後又點? 學新野係咪會發生同樣情況? 專注力低同細女無關係。應該問下老師同你信任既醫生搵出改善的方法，並執行。家校合作好緊要。多啲留意阿女既進度，個女方面多啲讚下佢，佢就有衝勁架啦。如果真係最後發覺有另一間學校模式更適合，先考慮轉校啦。老師，阿女未放棄，做咩阿媽先投降呢?

作者: tingfeiwong 時間: 14-1-16 15:14

我同你問題一樣，阿仔專注力弱比較活躍，但學到野，但現時學校又係無支援，家校合作好緊要，但現校做唔到lee樣，我感覺自己單方面幫阿仔，老師已半放棄狀態，連我話考慮轉校班主任都冇問原因，給阿仔的評語只有負面冇鼓勵，學校老師社工知道我考慮轉校亦冇揾過阿仔傾過……對學校好心灰，感覺學校冷漠只著重成績好乖學生，所以最終諗左成個月都係決定轉校。

作者: daphane 時間: 14-1-16 17:03

tingfeiwong, 我有睇你個post, 就係有感學校無咩好做到，只會繼續你有你教，佢有佢繼續唔明，考試繼續考尾嗰群，咁有咩意思？老公成日覺得補習便可，我個人覺得補習只可以補不足，但唔係咁易由科科唔合格變到好掂。佢唔係懶所以咁差，係真係唔明唔理解，所以好頭痛！

作者: carol123 時間: 14-1-16 17:24

本帖最後由 carol123 於 14-1-16 17:25 編輯

回覆 daphane 的帖子

你有無考慮過台山陳元喜, 我仔仔現在讀一年級, 佢地課程比較適中, 功課唔太多, 小班教學, 學校有心理學家, 老師都有愛心, 放學有工輔班比學習比較差既同學

作者: daphane 時間: 14-1-17 17:17

Carol123, 多謝資訊，我都有興趣了解多些，或者看看他們有冇開放日先。

作者: selina1109 時間: 14-1-17 18:01 標題: 引用：個女本身係細女12月出世，加上佢能力及專注

原帖由 daphane 於 14-01-11 發表
個女本身係細女12月出世，加上佢能力及專注力均唔多好，成績一向多數唔合格，做完評估都讚同佢留一年可能有 ...

如果功課不多，有爱心，可考慮沙田聖華，黄耀南，慈航細校。因為91網都係谷小學。

作者: 已刪除用戶 時間: 14-1-17 23:09

本帖最後由 CALVEN 於 14-1-17 23:10 編輯

如果唔怕遠,

中區既新會商會應該啱你小朋友

作者: OMGWTF 時間: 14-1-18 09:37 標題: 引用：個女本身係細女12月出世，加上佢能力及專注

原帖由 daphane 於 14-01-11 發表
個女本身係細女12月出世，加上佢能力及專注力均唔多好，成績一向多數唔合格，做完評估都讚同佢留一年可能有 ...

我個女係11月25日生日，1，2年級個陣佢考全級最尾，不過3年級考39，4年級考60-80，5年級都係70-80，6年級55-80，宜家己經好安慰。我個女讀陳小，3年級係被『老』老師(教學經驗多)先勁左，午膳個陣被數學老師『拉』去做數。5-6年級被個miss yim教，宜家英文好左，之前都係4年級 60，5年級 70，6年級 80一路都進步。宜家女女讀緊陳瑞祺(喇沙)小學，雖然本身冇宗教，不過女女都話冇影響，好中意好感謝陳小。其實我聽老師講基督教既小學都係跟天主教既小學。天主教既小學比基督教既小學勁，不過領島就...(女女好憎領島，因爲係補習中心到有幾個領島既3年級，話我個女係鼻屎，仲經常蝦女女，我曾同佢地既家長投訴，但系佢仲話係我個女既問題 )宜家陳小己經冇以前甘多功課。雖然冇功課班，但系老師都好關心學生，如果你個女5介意既話，我諗你可以請求老師係放學之後教你個女做功課(我5知得5得，不過d老師都幾好人)你可以考慮下。

作者: daphane 時間: 14-1-20 12:21

唔該晒各位

作者: Happyhappylive 時間: 14-2-28 07:59

加油

歡迎光臨教育王國 (/)