教育王國

標題: 聖心私小Like一個 [打印本頁]

作者: mygift 時間: 14-1-10 12:50 標題: 聖心私小Like一個

今早車我老婆去聖心私小交註冊費, 前面有個家長一家三口話要見校長親自多謝佢, 老師回答校長不在, 個小朋友拎住一個馬莎袋擺左上檯面問, 校長唔係度, 袋禮物俾邊個? 我聽到突晒眼, 麥現在送禮風氣已經殺到來香港? 早聽聞大陸家長逢時過節要送禮給老師, 真係唔想尼種風氣帶落來香港! 但我老婆話佢地講好流利的廣東話, 香港的家長會唔會咁做呢? 其實面試時校長都無見過小朋友, 多謝佢D咩呢? 要多謝都應該多謝面見的老師吧! 多謝學校收左小朋友? 最應該多謝或鼓勵的應是小朋友本身吧, 係佢自己咁叻考入聖心, 而唔係教佢送禮文化!
最後係點! 負責註冊的老師沒有多理佢, 只係叫佢地要多謝就寫信俾校長啦! 真係要俾個Like! 正如我同我老婆講, 如果學校收左份禮物就太令人失望了!

作者: CoffeeCake 時間: 14-1-10 14:03

聖心私小唔知，但幼稚園部講明唔准送禮比職員，只接受心意卡。
小朋友之間亦唔可以互相送野，要既話，要先寫信問准校長。
嘉諾撒會係出名好簡樸的。

作者: zuzu888 時間: 14-1-11 14:38 標題: 回覆：聖心私小Like一個

好多時學校都會出信講唔比送野

作者: chingcging 時間: 14-1-11 14:42 標題: 引用：聖心私小唔知，但幼稚園部講明唔准送禮比職

原帖由 CoffeeCake 於 14-01-10 發表
聖心私小唔知，但幼稚園部講明唔准送禮比職員，只接受心意卡。
小朋友之間亦唔可以互相送野，要既話，要先 ...

以前唔係嘅。因為前幾年聖幼同私小多土豪，嗰啲"朋友間互贈禮物"係家底指標。為免麻煩，全部唔准！

作者: a69mama 時間: 14-1-11 14:57

上次面試時，在等女女，見一女士斯文地坐在一旁，睇Alice Munro 小說。之後佢女女出黎，原來係國語人。有咁既家長peer, 都ok呀！

作者: kathyl331 時間: 14-1-11 22:04 標題: 回覆：a69mama 的帖子

有好多內地家長素質極好，感覺比部分local人更好

作者: little_yolky 時間: 14-1-13 13:44

你都唔好話自踩。我老細20+年前個囡想考DGS, 第一件事就將自己本書寄去俾校長, 一來做禮物, 二來話俾校長知佢個囡有讀書人背景, 真係cheap到呢。最後阿囡衰咗。

歡迎光臨教育王國 (/)