教育王國

標題: 教育局：學生用普通話教中文，中文水平甚或表現更差 [打印本頁]

作者: 苗哥 時間: 14-1-10 10:33 標題: 教育局：學生用普通話教中文，中文水平甚或表現更差

全文個問題係問,普教中咁好,點解唔全港推行呀?

教育局就答,「其實呢學校可以自行決定用唔用普教中既。
但我地既基金資助個三個研究,都發現無證據話普教中好,甚或表現更差
.而且d學校都未有足夠支援操施啦」

教育局唔係咁覺得唔會亂引用研究

普教中仲係試驗階段，成效未定甚至更差，你仲以為好着數，比佢入普教中嘅小學、中學，等佢做普教中實驗嘅白老鼠？

點解成日話我地D下一代中文水平咁差,政府唔係整多D配套,搞好D教育檢討改革(唔係DSE果種朝令夕改),
而係搞個成效存疑甚至更差既普教中?

HKTHK,唔係斷章取義,我全篇copy落黎比你睇:

問：

目前個別官立中小學實施以普通話教中文，教育局能否作全港性推廣，讓學子熟練掌握普通話，以提高中文修養？

答：

自二零零零年十一月起，課程發展議會在中國語文科課程文件中指出，使用普通話教授中國語文科是該議會的長遠目標。根據現行的教學語言政策，採用中文教學的學校可用廣東話或普通話教授中國語文科及其他學科。在作進一步研究和探討前，該議會建議採取校本方針，由學校按本身情況決定是否採用普通話作為中國語文科的教學語言。

語文基金及優質教育基金近年曾資助三項與這課題有關的研究。研究發現，以普通話學習中國語文科的學生的普通話能力有所進步。他們在中文寫作方面的能力，亦較以廣東話學習的學生為佳。然而，目前仍未有確實證據，證明以普通話學習中國語文的學生的一般中文能力會有所改善。其中兩項研究發現，以普通話學習的學生的中文能力，與以廣東話學習的學生並無分別，甚或表現更差。

近年來部份中小學嘗試採用不同模式推行普通話教授中文科，如在某級或某班，或在某學習單元施行，但不是所有學校都已作好準備，以作出這項轉變。在尚未制訂明確的政策和實施時間表之前，如果學校相信自己具備成功轉換中國語文科授課語言的先決條件，我們非常鼓勵它們嘗試使用普通話教授中國語文科。作為一項基本條件，學校調派以普通話教學的中國語文科教師，必須符合普通話教師口語及課堂語言運用的語文能力要求。學校亦應確保學生有能力以普通話學習，並提供支援措施，以便順利轉換教學語言。同時教育局會廣泛推介有關採用普通話教授中國語文科的研究結果和良好教學方法，供有興趣的學校參考。

作者: 701003 時間: 14-1-10 11:25 標題: 引用：全文個問題係問,普教中咁好,點解唔全港推行

原帖由苗哥於 14-01-10 發表
全文個問題係問,普教中咁好,點解唔全港推行呀?

教育局就答,「其實呢學校可以自行決定用唔用普教中既。

學好普通話係大氣候！為咗同多過十二億華人溝通！唔係為咗中文進步！粵教中、普教中都無所謂！但普教中可以利用中文課堂時間鞏固普通話！多咗時間運用！全港未能全部推行普教中，因為缺乏普通話好的老師！

作者: 苗哥 時間: 14-1-10 12:12

本帖最後由苗哥於 14-1-10 12:32 編輯

701003 發表於 14-1-10 11:25
學好普通話係大氣候！為咗同多過十二億華人溝通！唔係為咗中文進步！粵教中、普教中都無所謂！但普教中可以 ...

你唔好咁激動啦，按教學效能討論下姐

認真
其實而家已經有普通話堂，唔洗用普通話教中文都可以學到普通話。
另外，而且用普通話教中文會令本身係母語係廣東話既學生難以投入同參與課堂，到時中文會仲差左
中文都未學好，仲點樣可以同十二億華人溝通呢？

作者: judy 時間: 14-1-10 12:16

我一向反對普通話教中文，唔信用普通話教學中文會好啲。

現時有普通話堂，課本又有普通話注音，只要每课用普通話和小朋友朗讀一两次即可。我唔信經過咁嘅安排後，大個唔能够和國語人溝通。

作者: skkeung 時間: 14-1-10 12:40 標題: 回覆：judy 的帖子

應各有各好，又要是乎小朋友的資質！

作者: annie40 時間: 14-1-10 13:40

1)优秀的中文老师少
2)优秀的普通话老师老师十分少
3) 优秀的普通话老教中文的师老师少之又少.

遇到第三类老师是福份!!!!!!!!

作者: heidys 時間: 14-1-10 14:09

"學校亦應確保學生有能力以普通話學習，並提供支援措施"
其實如學生沒有能力以普通話學習, 就等如阻礙學習進度.
亦正如英文教學一樣. 家長要睇下自己仔女適唔適合囉

作者: annie40 時間: 14-1-10 14:37

如果中文课全用普通话教学, 一星期应该不少于五堂, 这点环境下, 半年内的听和讲已经没难度了. 除非是教的不懂, 学的不愿, 如果是教的问题, 老师是责无旁贷, 如果是孩子抗拒, 家长应诱导之

作者: talent2000 時間: 14-1-10 14:45

提示: 作者被禁止或刪除內容自動屏蔽

作者: cheng4b 時間: 14-1-10 14:54

提示: 作者被禁止或刪除內容自動屏蔽

作者: 701003 時間: 14-1-10 15:46 標題: 引用：我一向反對普通話教中文，唔信用普通話教學

原帖由 judy 於 14-01-10 發表
我一向反對普通話教中文，唔信用普通話教學中文會好啲。

現時有普通話堂，課本又有普通話注音，只要每课用 ...

事實証明普教中小學畢業的小朋友，用普通話溝通流利過粵教中的

原因只係普教中小學用普通話機會多！

作者: 701003 時間: 14-1-10 15:49 標題: 回覆：苗哥的帖子

有咩咁激動啫

你開post咁耐都無人reply,我首先回應你，帶動討論，你多謝都無句

作者: judy 時間: 14-1-10 16:58

事實証明普教中小學畢業的小朋友，用普通話溝通流利過粵教中的原因只係普教中小學用普通話機會多！

不錯，好似阿三咁，明顯比同齡時嘅阿大、阿二流利。但我又唔覺有咩大不了，阿大照樣會和大陸學生交往。依家，我反而要俾多啲心機，捉阿三讀中文。

作者: 四隻貓 時間: 14-1-10 17:48

cheng4b 發表於 14-1-10 14:54
學好普通話確是大勢所催, 我家孩子是ABC, 中文讀寫不夠強, 可是普通話聽和講都相當流利, 一來是曾有跟老師 ...

即係最重要都係語境同應用.

作者: skkeung 時間: 14-1-10 21:15 標題: 回覆：教育局：學生用普通話教中文，中文水平甚或表現更差

DSE 用什麼語言考口試？

作者: 苗哥 時間: 14-2-8 21:53

skkeung 發表於 14-1-10 21:15
DSE 用什麼語言考口試？

廣東話

作者: skkeung 時間: 14-2-9 09:23 標題: 引用：Quote:skkeung+發表於+14-1-10+21:15+DSE+

原帖由苗哥於 14-02-08 發表
廣東話

但可以用普通話考DSE, 無人揀！何解？

作者: JustAParent 時間: 14-2-9 11:02

701003 發表於 14-1-10 11:25
學好普通話係大氣候！為咗同多過十二億華人溝通！唔係為咗中文進步！粵教中、普教中都無所謂！但普教中可以 ...

"全港未能全部推行普教中，因為缺乏普通話好的老師" ? 所以好快政府會大量引入國內老師取替香港老師, 風水佬呃你十年八年, 大家放長眼看。

我從來相信語言不只用來溝通, 否則, 用英文快靚正. 語言背後一定還有更重要的東西, 它代表某一種歷史, 文化, 還可能代表一個群體特定的思考模式和意識形態. 政府應該十分明白這點。所以語常會才這麼急不及待在未有研究實証下推出全港普教中的時間表。一句＂我相信＂政府就可任意妄為，立法局和市民的討論也被引導到如何令普教中更有成效，而不是何以我們要普教中。

人們常說，數字會說話，其實不完全正確。不同人因不同目的可以對數字有不同演繹。年前中國教育部說內地至今仍有約三分一約四億多人不會說普通話，所以為更好溝通，要加大力度推行全面普通話教學。我即時反應是，既然那三分一中國人長久以來沒有使用普通話也活得好好的，政府何苦以政治手段強行統一為數這麼大的人的獨有文化？

作者: TAPAPA 時間: 14-2-9 14:41

回覆 JustAParent 的帖子

秦朝統一後書同文，（天朝）掌權後語同言。目的—致。

作者: JustAParent 時間: 14-2-9 15:46

TAPAPA 發表於 14-2-9 14:41
回覆 JustAParent 的帖子

秦朝統一後書同文，（天朝）掌權後語同言。目的—致。 ...

目的一致, 唔知結局會否一樣 ? 歷史告訴我們, 仁者無敵, 暴政必亡 --- 公元前206年, 項羽進入咸陽, 殺秦王子嬰, 秦亡.

作者: vincher 時間: 14-2-10 12:09

回覆 annie40 的帖子

小儿在四年级，教他中文的是國內教師，普通話听講，確实進步了不少！

老師批改作文很認真，
加了不少評語，
但始終跟吾到香港教学步伐……
几次漏讲默書範圍，更試过明天默，今天才講！
最後，教了一年走了！

作者: bokit 時間: 14-2-10 16:52 標題: 引用：其實普通話只是幾百年而已，絕大多數中國詩

原帖由 talent2000 於 14-01-10 發表
其實普通話只是幾百年而已，絕大多數中國詩詞，孔子也是講閩南話或廣東話，唐詩就一定係廣東話啦。我們係中 ...

華夏文明應好好留存,唐詩更是唐人之後嘅必修詩句,外國所有嘅中國人街都叫唐人街,我哋要學都係學國語,並唔係中共嗰種帶有胡人口音嘅所謂“普通話”！

作者: happy_lavender 時間: 14-2-10 17:14

回覆 701003 的帖子

真係有十二億華人講普通話？好似廣東、廣西和福建都有好多人唔係講普通話喎！我識D廣東廠商講的普通話重水過一般香港人，咁又當唔當佢係普通話人呢？不過佢地樂於用廣東話和我溝通喎。

作者: talent2000 時間: 14-2-10 17:14

提示: 作者被禁止或刪除內容自動屏蔽

作者: talent2000 時間: 14-2-10 17:24

提示: 作者被禁止或刪除內容自動屏蔽

作者: talent2000 時間: 14-2-10 17:28

提示: 作者被禁止或刪除內容自動屏蔽

作者: happy_lavender 時間: 14-2-10 17:29

回覆 JustAParent 的帖子

你答o左啦！就是因為政治囉！如果呢1/3人口都轉了普通話，語言一變，溝通便混亂，也失去歷史文化；若然溝通不了，便不能結黨營私，就不怕你造反！就算造反，D間諜都聽得明你地講乜嘛！

作者: JustAParent 時間: 14-2-10 17:49 標題: 引用：講開先講下，現代的廣東福建話係以前的正宗

原帖由 talent2000 於 14-02-10 發表
講開先講下，現代的廣東福建話係以前的正宗河南河北山東的語言，孔子也絕對不係講普通話的。秦始皇應該係講 ...

廣東話一票之差成不了國語是謠言，根本是坊間說書佬胡說八道，完全不尊重歷史。

作者: Rebeccalamm 時間: 14-2-19 16:13

提示: 作者被禁止或刪除內容自動屏蔽

作者: ha8mo 時間: 14-2-21 14:57

提示: 作者被禁止或刪除內容自動屏蔽

作者: annie40 時間: 14-2-21 15:24

不過，劉筱玲強調學好語言最重要的因素是興趣，無論小朋友讀的學校是普教中還是粵教中，只要他們喜歡中文，多閱讀、寫作，就會有好成績。
****** *****
两择其一, 也没重大关系吧!

歡迎光臨教育王國 (/)