教育王國

標題: 怎樣去發展資優兒 [打印本頁]

作者: sumyau1012    時間: 14-1-9 08:08     標題: 怎樣去發展資優兒

我女做左測試,報告話左腦資優,但我又未明顯睇到像其他人一樣一年級已經可以識3-4年級的數或者讀書好勁之類,只係見到負面的問題,例如心事重重,經常唔滿意自己,對自己無信心。老師說上課易分心,唔專心及做事草草了事。成績算ok,但唔係其他資優咁勁。怎樣才能發展佢的資優?




作者: 浩霆豬豬    時間: 14-1-9 14:54     標題: 引用:我女做左測試,報告話左腦資優,但我又未明

原帖由 sumyau1012 於 14-01-09 發表
我女做左測試,報告話左腦資優,但我又未明顯睇到像其他人一樣一年級已經可以識3-4年級的數或者讀書好勁之 ...
我仔都唔覺佢有乜特別,有時我會懷疑份報告係咪計錯分,暫時只見到佢係科學方面較有興趣,成績屬中上咋!




作者: sumyau1012    時間: 14-1-9 15:06     標題: 回覆:浩霆豬豬 的帖子

我同你一樣,成績只係中上。我只係覺得理解能力好,但又睇唔出好似人地果d資優生咁叻。




作者: 浩霆豬豬    時間: 14-1-9 15:56     標題: 引用:我同你一樣,成績只係中上。我只係覺得理解

原帖由 sumyau1012 於 14-01-09 發表
我同你一樣,成績只係中上。我只係覺得理解能力好,但又睇唔出好似人地果d資優生咁叻。



  ...
係呀!有朋友覺得我仔好叻,但好老實我唔覺,只係係科學上佢同其他小朋友比較係佢好有興趣,所以會睇科學書,恐龍書,咁睇得多自然識啦,呢啲個個小朋友都得啦!學業上佢都係要温書㗎,仲要超級粗心大意我聽人哋個啲唔使點温都考得好叻嘅




作者: Radiomama    時間: 14-1-9 17:41

資優份報告有四個範疇,要睇番他們自己的強項再去配合。

資優不是什麼都識,他們也要有學習的階梯才能成長。按步就班,搵合適的機構和課程很重要。

資優同時又要績優,就要看所讀學制和學校環境是否適合了。
作者: ANChan59    時間: 14-1-9 17:59     標題: 回覆:Radiomama 的帖子

資優同時又要績優,就要看所讀學制和學校環境是否適合了。

*******

Great summary




作者: 小曳人    時間: 14-1-9 21:55     標題: 回覆:sumyau1012 的帖子

資優唔係—定好好成績,大家叻嘅地方唔—樣,有人更加討厭考核,想成績好都難!

最了解子女應該係家長,如果加埋校方配合,搵到佢嘅興趣所在,或者用啱方法,應該會好D!




作者: sumyau1012    時間: 14-1-9 23:00     標題: 回覆:Radiomama 的帖子

但係我女係左腦資優,照計讀書或數學應該是很好。




作者: sumyau1012    時間: 14-1-9 23:06     標題: 回覆:小曳人 的帖子

我女好唔鐘意做功課,寫字好似d字識飛咁,老師勁投訴字體。佢成日有種被迫做功課的心態。唔知係咪咁,攪到無突出叻部分




作者: Anniemun    時間: 14-1-9 23:58

sumyau1012 發表於 14-1-9 08:08
我女做左測試,報告話左腦資優,但我又未明顯睇到像其他人一樣一年級已經可以識3-4年級的數或者讀書好勁之 ...
想問樓主,當初為什麼和女兒做測試呢?
作者: sumyau1012    時間: 14-1-10 08:12     標題: 回覆:Anniemun 的帖子

都算是小小巧合,10-11月時請3個星期假陪女女做功課,諗住陪養自動功課的習慣,跟住覺得佢經常心事重重(以前一直覺得佢係多愁善感),又鄰居介紹一個講座,聽完就去做腦掃描,諗住了解女女多d,因為平時佢唔會講唔開心的事。跟住就知佢係左腦資優,而右腦與左腦相差5歲,所以經常對自己不滿,變得無自信,對於無信心的事直程選擇放棄。




作者: sumyau1012    時間: 14-1-10 08:16     標題: 回覆:ANChan59 的帖子

女女讀的學校,課程唔算淺,在學校會都有規矩,與同學相處得好,老師話佢係上課易遊雲,但唔會攪同學。




作者: rilakmusik    時間: 14-1-15 10:53

囡囡常對自己不滿,是因為對自己要求高,但又達唔到嗎?

作者: sumyau1012    時間: 14-1-15 14:04     標題: 回覆:rilakmusik 的帖子

係呀。因為佢諗到既野,或者明明識,但又做唔到,所以經常怪自己。變得無信心既野,直頭唔會做。又引致,好多時會遇到困難就放棄。試過我對佢無要求下,得到獎(上次校際朗誦節,佢有要求參加,我唔識教佢,無教佢。老師答應午飯後幫佢練,但要主動搵老師;佢唔敢搵老師,只係老師主動同佢練左2次。事後佢先講返,佢係偷偷地睇老師幫其他同學,自己練返黎)我總結佢係怕老師失望,所以選擇偷師。但呢件事算是例外,因為其他事情會選擇唔報名。




作者: bbfish1992    時間: 14-1-15 18:30

Radiomama 發表於 14-1-9 17:41
資優份報告有四個範疇,要睇番他們自己的強項再去配合。

資優不是什麼都識,他們也要有學習的階梯才能成長。按步就班,搵合適的機構和課程很重要。

資優同時又要績優,就要看所讀學制和學校環境是否適合了
請問可唔可以講多少少

作者: Radiomama    時間: 14-1-15 19:22     標題: 回覆:bbfish1992 的帖子

有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優生的方法。學制也與評估制度有関,一味只以筆試定奪,未必是最適合資優生的方法。

有些資優生有超強記憶,那麼背誦和抄寫式的考核fit晒。

有些資優生有超級處理能力,做事速度快,喜歡第一個完成每件事;但他們往往犧牲了presentation format, 即字體醜陋,甚至錯誤頻生,這樣要績優就難。

有些愛發問、有邏輯,在IB學校一流,在講求安靜和規舉的學校是災難。




作者: bbfish1992    時間: 14-1-16 14:56

Radiomama 發表於 14-1-15 19:22
有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優 ...
多謝回覆


以上文所說,即係以小朋友性格去選擇合適的學制,是嗎?


作者: sumyau1012    時間: 14-1-16 16:04

回覆 Radiomama 的帖子

聽到你咁講。
好怕幫阿女搵錯學校或者家庭教育的方向錯,令到佢的優點未能發揮。


作者: Radiomama    時間: 14-1-18 08:57

bbfish1992 發表於 14-1-16 14:56
多謝回覆
無論資優與否,選校都應以'適合'為首,配以家庭較育。

作者: bbfish1992    時間: 14-1-18 09:43

Radiomama 發表於 14-1-18 08:57
無論資優與否,選校都應以'適合'為首,配以家庭較育。
明白

〈有些資優生在傳統學制會選擇跳級〉

請問有邉間學校可跳級


作者: Radiomama    時間: 14-1-18 22:26     標題: 回覆:bbfish1992 的帖子

跳級不只看成績,還要看孩子的心理成長。過去幾年一些報道不是都有介紹神童入大學,他們的中小學不就是會考慮跳級嗎?
但一般校長和老師都會深思熟慮才有安排。




作者: 浩霆豬豬    時間: 14-1-19 11:09     標題: 引用:跳級不只看成績,還要看孩子的心理成長。過

原帖由 Radiomama 於 14-01-18 發表
跳級不只看成績,還要看孩子的心理成長。過去幾年一些報道不是都有介紹神童入大學,他們的中小學不就是會考 ...
我仔學校校長有講笑咁叫我仔跳級,不過我真係唔會考慮住,我怕佢心態情緒上未得,而且我仔有焦慮,我擔心佢適應唔到,大啲上到中學,如果佢成績超卓先考慮囉!




作者: sumyau1012    時間: 14-1-19 22:57     標題: 回覆:Radiomama 的帖子

你好,多謝你一直給我的分享。你有在另一個自然主題回覆我的問題。相信你應該比較有經驗。請問有關我女女的問題,你可否分享多點意見給我。1,我經常與女為多功課煩惱,2我女讀傳統女校,校規嚴,但操行可以,在校有好朋友 3成績中上,只是功課求其,字體差。4左腦資優,但未發現 5很重感情,所以不願轉校。其實我係咪應該同佢約法,如果再經常為功課吵,就轉校,等佢努力。我已經用了很多方法去解決,但往往只能保持幾星期。有問過點解唔鐘意做功課,佢答1,抄寫好悶2,太難又唔想諗。點算好




作者: Radiomama    時間: 14-1-20 09:17

sumyau1012 發表於 14-1-19 22:57
你好,多謝你一直給我的分享。你有在另一個自然主題回覆我的問題。相信你應該比較有經驗。請問有關我女女的 ...
老實講,小學時有中上成績我覺得足夠。最重要培養她有學習和自理的能力及良好親子關係。

功課求其是因為太多太累? 另外,沒有孩子喜歡抄寫吧,除非她看作遊戲玩。(我仔會將寫中文字當畫公仔和拼圖,所以也是相當醜樣。)

我記得您女女仍是初小,她還細,慢慢來吧。

最後您做的那個test有些怪,不如做個韋氏IV的評估吧。較主流,容易跟學校溝通,也可由學校推薦去資優教育學苑上額外的課程。

作者: sumyau1012    時間: 14-1-20 10:54

回覆 Radiomama 的帖子

你說得對,没有孩子喜歡抄寫,我字體靚唔靚,我都覺得唔重要,最重要係識唔識.


作者: sumyau1012    時間: 14-1-20 10:57

回覆 Radiomama 的帖子

其實學校知道係資優,會有咩幫助?

作者: 小曳人    時間: 14-1-20 15:53

sumyau1012 發表於 14-1-20 10:57
回覆 Radiomama 的帖子

其實學校知道係資優,會有咩幫助?

我唔敢期望學校會幫d乜,但阿仔學校自從老師知道後,課堂上明白佢點解會做得快,明白佢因為悶所以畫枱,開始俾d小任務佢做,等佢忙d,起碼,老師無再因為畫枱而寫手冊!

依家仲細,希望第時提名校外課程時有份就好喇!



作者: Radiomama    時間: 14-1-20 17:56

小曳人 發表於 14-1-20 15:53
我唔敢期望學校會幫d乜,但阿仔學校自從老師知道後,課堂上明白佢點解會做得快,明白佢因為悶所以畫枱,開 ...
嘩,呢d諒解已經好好好重要啦!

我仔今年year 5,學校開始有些活動會預他一份,也會較樂意推薦他去中大和資優學苑上課。這種被重視的感覺,對小朋友的成長好重要。

作者: 小曳人    時間: 14-1-20 20:34

回覆 Radiomama 的帖子

的確係!我聽見真係眼濕濕....多謝都嚟唔切!
機會嘅嘢,慢慢嚟,重點係保住學習動機先!唔好怕咗返學

作者: sumyau1012    時間: 14-1-20 23:31     標題: 回覆:小曳人 的帖子

咁我係咪應該搵學校傾下。之前一直無諗過俾知,諗住一班咁多人,都幫唔到d咩。又驚有負面影响。因為我女自己都未知。




作者: sumyau1012    時間: 14-1-20 23:32     標題: 回覆:Radiomama 的帖子

咁你仔仔係咪因為成績好,先會被推薦?




作者: 小曳人    時間: 14-1-21 09:05

sumyau1012 發表於 14-1-20 23:31
咁我係咪應該搵學校傾下。之前一直無諗過俾知,諗住一班咁多人,都幫唔到d咩。又驚有負面影响。因為我女自 ...

好睇佢有無"曳行為"
如果佢响學校表現OK,咁又未必要講
其實學生係咪醒,老師應該知架!

作者: 小曳人    時間: 14-1-21 09:08

sumyau1012 發表於 14-1-20 23:32
咁你仔仔係咪因為成績好,先會被推薦?

資優教育學院好似每年得4個quota

但我就希望唔好用"成績"好嚟定推薦目標,因為成績好嘅學生,未必係資優
上次家長分享會度,有位家長要求學校推薦佢參加某大學搞嘅課程,學校一句:你又唔係成績最好嗰幾個!
咁樣拒絕佢....


作者: sumyau1012    時間: 14-1-21 12:36

回覆 小曳人 的帖子

我女係學校的行為,應該問題不大.老師有投訴過上課時發夢,易分心,字體差...



作者: sumyau1012    時間: 14-1-21 12:38

回覆 小曳人 的帖子

資優教育學院的課程有咩吸引力...點解咁多人都鐘意上.
作者: 小曳人    時間: 14-1-21 13:22

sumyau1012 發表於 14-1-21 12:38
回覆 小曳人 的帖子

資優教育學院的課程有咩吸引力...點解咁多人都鐘意上. ...

其實暫時睇無乜大用,係認識多咗囉
但相信响各位前輩分享中,應該會搵到可行嘅路

作者: vienchan    時間: 14-1-21 13:24

提示: 作者被禁止或刪除 內容自動屏蔽
作者: derek0811    時間: 14-1-29 08:59     標題: 回覆:sumyau1012 的帖子

左腦資優,你可以試下教佢—些數學概念,看他反應如何及能否舉一反三。我仔都係左腦勁,所以邏輯數感好好。




作者: sumyau1012    時間: 14-1-29 09:09     標題: 回覆:derek0811 的帖子

我無特別訓練佢左腦,所以唔覺得特別強,但知佢理解能力高。




作者: shamshamwong    時間: 14-2-24 10:10

回覆 sumyau1012 的帖子

想問下你囡囡在那兒test
作者: 天山雪蓮    時間: 14-5-6 07:53

Radiomama 發表於 14-1-15 19:22
有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優 ...
但怎樣知道是那一種
作者: Anniemun    時間: 14-5-6 10:39

sumyau1012發表於 14-1-21 12:38
回覆 小曳人 的帖子

資優教育學院的課程有咩吸引力...點解咁多人都鐘意上. ...
小朋友能和其他資優兒一同交流學習,其中的得着是更高層次的。
作者: atirw    時間: 14-5-6 22:33     標題: 引用:我女好唔鐘意做功課,寫字好似d字識飛咁,

原帖由 sumyau1012 於 14-01-09 發表
我女好唔鐘意做功課,寫字好似d字識飛咁,老師勁投訴字體。佢成日有種被迫做功課的心態。唔知係咪咁,攪到無 ...
This is a very true problem, dont know how to solve it .




作者: sharons    時間: 14-5-6 23:38

Radiomama 發表於 14-1-15 19:22
有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優 ...
請問是否AP學制的就有跳級機制呢?

作者: Radiomama    時間: 14-5-9 18:35     標題: 回覆:sharons 的帖子

視乎你讀的學校和小朋友的特質,另外請不要只focus跳級的問題,就算美加等學校也不一定可以跳級。




作者: monlingling    時間: 14-5-12 23:25     標題: 回覆:怎樣去發展資優兒

好想知樓主邊度做test? 腦掃描就可以check到資優?咩價錢?幾多歲做得呢?




作者: sumyau1012    時間: 14-5-13 08:23     標題: 回覆:monlingling 的帖子

其實我都唔知準唔準,雖然我女有小小聰明,但又唔覺得有邊方面特別出色。之前聽其他家長講無認可性,所以唔敢介紹俾人。如果有需要,不如問下其實家長意見,我都諗搵唔搵過間做測試。




作者: scyauchris    時間: 14-5-13 09:02

如沒有記錯加國不是會同8歲小朋友做test, 好似還有專門的學校比這類小朋友,當然家長可以撰擇不去讀。我見我姪女佢比同年齡的閱讀及數學都快左四五級,不過在加國政府幫佢地做完test, 佢都不是gifted.  小聰明同gifted都幾難分別!
作者: sumyau1012    時間: 14-5-13 22:25     標題: 回覆:scyauchris 的帖子

咁資優測試,測唔測到是聰明還是資優?




作者: 小曳人    時間: 14-5-13 22:48

sumyau1012 發表於 14-5-13 22:25
咁資優測試,測唔測到是聰明還是資優?
IQ test >130 就係gifted,佔人口約2%
平均值係100
110-119 叫中上
120-129 已經可以叫好聰明,但無正式咁分級


作者: bbfish1992    時間: 14-5-14 14:01

Anniemun 發表於 14-5-6 10:39
小朋友能和其他資優兒一同交流學習,其中的得着是更高層次的。
我家小朋友不大喜歡到資院上堂
怕有些小朋友突然無事站起來,或四處跑


作者: Anniemun    時間: 14-5-14 18:23

bbfish1992 發表於 14-5-4 14:01
我家小朋友不大喜歡到資院上堂
怕有些小朋友突然無事站起來,或四處跑
Really?  平時學校所有同學都很守規矩嗎……
作者: sumyau1012    時間: 14-5-15 08:33     標題: 回覆:小曳人 的帖子

謝謝




作者: bbfish1992    時間: 14-5-15 10:45

Anniemun 發表於 14-5-14 18:23
Really?  平時學校所有同學都很守規矩嗎……
資院數學堂,有小朋友騷擾其他同學,拍打他們,亦跟老師鬥咀


因抗拒,依家不知應該到那裏上安排什麼課程




不知其他學校情況,無得比較
所以不知平時學校的同學都是否算守規矩
眼見都是一般學生的行為


我家就奉行愉快學習、愉快童年






作者: bebe媽    時間: 14-6-14 09:12

請問你們到那裡做資優測試?
作者: MC媽    時間: 14-6-16 01:15     標題: 回覆:怎樣去發展資優兒

腦掃描呢種check法我有D保留, 不如樓主找大學做真正資優評估先,因我兒是資優生, 經大學做test,  方法是要做卷, 不果份卷係全推理, 啱咗唔知幾多個%才可進入第二階段嘅test。分別用interview形式,同小孩傾計, 問問題, 智力,情理,因果邏輯同語言表達...幾個範疇去給教育同心理專家去評估小孩是否資優, 嗰個test前後做咗2個幾鐘,但沒有腦掃描。

所以建議樓主先找間大學專家確實小朋友是否資優, 如果確實的話。 該大學or機構會安排課程培訓, 亦會教導家長如何處理及栽培資優小孩。




作者: MC媽    時間: 14-6-16 01:25     標題: 回覆:怎樣去發展資優兒

還有的是, 某大學
對我兒的評估和隨後的培訓課程及家長工作坊都是費用全免的, 非牟利的。
坊間有許多林林種種嘅資優課程, 如要付錢才能上資優課程的,樓主就要小心選擇, 因為未必能反映小孩真正的情況。




作者: hinhei    時間: 14-6-16 08:07     標題: 回覆:怎樣去發展資優兒

其實四個範疇係代表住乜我都唔係好明,咩係工作記憶等。

請問係乜大學有免費課程比資優小朋友呢??




作者: Radiomama    時間: 14-6-16 08:24     標題: 回覆:hinhei 的帖子

中大港大和浸大都收費,不過有助學金可申請。(for 低收入家庭)




作者: MC媽    時間: 14-6-16 13:14     標題: 回覆:怎樣去發展資優兒

理工大學都有。




作者: GTTWong    時間: 14-6-17 08:59

本帖最後由 GTTWong 於 14-6-17 09:00 編輯

樓主, 我仔一樣做腦掃描,證實資優,右腦快6年,左腦快2年,
我亦吾覺得阿仔有咩聰明,學業成績亦一般, 只係諗野比同齡小朋友複雜 / 深入。

但我用左counsultant教我ge方法, 阿仔行爲 / 情緒明顯有改善。 Consultant 亦解釋左好多我一直諗唔明ge問題,例如阿仔資優但成績一般...  好多都解釋到。。。


我無打算同阿仔做IQ test, 我只希望同阿仔有個好ge相處方法,知道點樣栽培阿仔,無需要用數字去證明阿仔有幾聰明。
作者: sumyau1012    時間: 14-6-18 13:44     標題: 回覆:GTTWong 的帖子

我都無打算再去資優測試,同你諗法一樣,盡力去了解及幫助佢。




作者: kuma_mama    時間: 14-6-18 14:28

回覆 GTTWong 的帖子

"但我用左counsultant教我ge方法, 阿仔行爲 / 情緒明顯有改善。"

可否分享一下有什麼方法?因我仔也有行為及情緒問題

作者: GTTWong    時間: 14-6-18 20:19

其實每個小朋友有情緒或行為,背後成因各有不同。
好難用同一方法改善。

以我仔為例,佢生理緊張導致集中唔到。咁就要同佢放鬆
作者: KarenKang    時間: 14-7-17 20:09

資優及聰明的分別

Bright child                        Gifted child
Knows the answers                        Asks the questions
Interested                                  Extremely curious
Pays attention                        Gets involved physically and mentally
Works hard                        Plays around; still gets good test scores
Answers questions                        Questions the answers
Enjoys same-age children        Prefers adults or older peers
Good at memorization        Good at guessing
Learns easily                        Bored — already knew the answers
Listens well                       Shows strong feelings and opinions
Self-satisfied                       Highly critical of self (perfectionistic)
Learns with ease                       Is mentally/physically involved
6-8 repetitions for mastery        Has wild, silly ideas
Understands ideas                       Discusses in detail; elaborates
Enjoys peers                      Beyond the group
Grasps the meaning                      1-2 repetitions for mastery
Completes assignments        Constructs abstractions
Is receptive                       Initiates projects
Copies accurately                     Is intense
Enjoys school                    Creates a new design
Absorbs information          Enjoys learning
Technician                     Manipulates information
Good memorizer                        Inventor
Enjoys straight-forward,        Good guesser
Sequential presentation        Thrives on complexity
Is alert                                         Is keenly observant

作者: Lam3Tai    時間: 14-7-18 09:00

最近睇0左D坊間唔同0既assessment,最怕做完又sell你唔同0既training,所以真係要小心選擇!
作者: Piggy-Baby    時間: 14-7-21 01:19     標題: 回覆:怎樣去發展資優兒

想問其實應該幾歲幫小朋友做測試?我大仔3歲半,都有類似樓主小朋友既問題。佢運動方面比較有天份,同對科學大自然特別有興趣。反而aーz同1-10都未識晒,pn老師成日投訴話佢好多野都唔識,又唔答老師😵。有朋友話佢似資優,亦有朋友話佢似亞氏保加。我應唔應該同佢去做評估?定再大d先?




作者: S-Kwok    時間: 14-9-26 08:16     標題: 引用:有些資優生在傳統學制會選擇跳級,有些學制

原帖由 Radiomama 於 14-01-15 發表
有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優 ...
“有些愛發問、有邏輯,在IB學校一流,在講求安靜和規舉的學校是災難”《==幼稚園老師曾跟我講,若然仔仔返傳統學校,我必然收到好多投訴

雖然我仔唔係讀IB學校,但慶幸可以考到間接納及極鼓勵學生發問的學校,小朋友返得超級開心。




作者: glo000    時間: 14-10-28 23:26     標題: 引用:有些資優生在傳統學制會選擇跳級,有些學制

原帖由 Radiomama 於 14-01-15 發表
有些資優生在傳統學制會選擇跳級,有些學制是較為深一點,如美國國內的AP, 又如美加會將IB學制視為培育資優 ...
在講求安靜和規舉的學校是災難。 

完全同意




作者: glo000    時間: 14-10-28 23:55     標題: 回覆:怎樣去發展資優兒

本帖最後由 glo000 於 16-7-17 17:33 編輯



我正在考慮小學的問題,我自己覺得始終係女仔,想佢讀返傳統女校乖乖地




作者: wan_sosin    時間: 14-10-29 07:36     標題: 引用:女兒現在K2,+在活動教學的幼稚園讀書,k1時

原帖由 glo000 於 14-10-28 發表
女兒現在K2, 在活動教學的幼稚園讀書,k1時都好好,品行好好,但一上到k2, 開始好曳,分別比唔同的老師罰過 ...
除了學校教深一年,有無考慮傳統女校,好重視規矩,你覺得你囡囡得唔得先?




作者: sumyau1012    時間: 14-10-29 07:37     標題: 回覆:glo000 的帖子

我女都係口水多過茶。而家在傳統小學讀書,但沒有教快的。讀傳統小學要考慮的是有規有矩,及是否可以應付功課量。我女經過2年的傳統學校教育,她適應學校生活,而且很開心;只是功課量很多,對於怕悶的她有點吃力。以上例子供你參考,實際情況,需要視付女女與你的想法。




作者: glo000    時間: 14-10-29 11:43     標題: 回覆:sumyau1012 的帖子

本帖最後由 glo000 於 16-7-17 17:33 編輯

我正在上網找心理輔導比佢




作者: sumyau1012    時間: 14-10-29 14:00     標題: 回覆:glo000 的帖子

其實小朋友鐘意講野係好事




作者: glo000    時間: 14-10-29 15:27     標題: 回覆:怎樣去發展資優兒

本帖最後由 glo000 於 16-7-17 17:32 編輯

。。。。。


。。。





歡迎光臨 教育王國 (/) Powered by Discuz! X1.5