教育王國

標題: 對德望的分享 [打印本頁]

作者: dichiu 時間: 14-1-8 15:20 標題: 對德望的分享

我嘅分享唔係從別人口中聽番來，而係親身經歷。。。我自己由n年前九龍塘德幼讀到中五畢業。我從不是尖子。學生時代，我並如一般GH學生咁 proud to be a hoper。傳統學校老師往往忽略咗我哋呢班喺中游嘅學生。因不受重視，我變得無乜自信。小學六年，全靠我媽媽跟功課，幫我溫書至保住中上成績。上到中學，媽媽已經冇能力幫。喺冇人管嘅情況，成績插水，更枉論自信。但中四那年我得到啟發，開始發憤，成績慢慢追上。校內英文只是合格的我，中五會考攞到C，第一次 TOEFL 攞到587分。嗰時我先知喺 GH 中下，已經係全港中上。父母為減低我考大學壓力，比我出國讀 high school。我可大膽講句：由我 Day 1 到加拿大，我已經原全聽得明講得通英語。但其他同學都有好大語言障礙。嗰陣我更肯定 GH 比我嘅英文基礎有幾扎實。一連 high school 順利完成，所申請嘅3間大學全取錄我，亦無須讀任何 ESL 課程。待續⋯

作者: dichiu 時間: 14-1-8 17:44 標題: 回覆：對德望的分享

大學畢業，回流返港，跟住結婚生女（2個女）。到面對自己個女選小學時，我冇同佢考 GH。首先因為大女從小就好「仔」，我驚佢讀女校會變 TB，而佢又唔鍾意同女仔玩。再者，我想自己個女從小建立自信，我怕傳統教學會沒殺咗佢嘅自信心。最後，選擇比佢喺原區嘅普通小學讀書。無錯，自信係有啦，仲好強添，甚至變得自我。但學校教學欠方向，又沒有聯繫中學。我一直覺得學校英文淺，但每次家長會總有家長投訴太深。好彩我由小一就要佢去上課外 Grammar班至叫做英文過得去。但隨住佢長大，成日同我鬥氣。另外，佢唔係精英班，五、六年級同班同學成績好極端，而且班內有d 情緒控制有問題嘅同學，成日搞事令到成班老師標纖為「麻煩、難搞」。阿女當時總算聽我話有考好呈分試。佢亦主動提出想考 GH。幸運地，GH 取錄咗佢！
大家以為我在唱好 GH？No, 呢個唔係我目的！我想大家知入到心儀中學並不是等於以後一帆風順。其實中學部家長送子女出國並非學校出問題。上次自殺嗰位學生同大女同級唔同班，佢並非因為成績壓力自殺，而係家庭問題。有d學生好勤力，讀得好大壓力，父母唔忍心，又對 DSE 冇信心，就及早送女兒出國。另有學生追唔上，父母又可能作出國嘅決定。坦白講，青春反叛期嘅小朋友唔到你控制。我大女成績一年比一年差，晚晚好夜瞓，唔係為溫習&做功課，而係用手機上網煲劇。我勸鬧都試過，情況卻繼續。其他同學做功課做到好夜，佢好輕鬆但又交得齊，當然質數欠奉啦！但慶幸同學個 mix 好好，冇喺其他方面學壞。我只可以等大女自己瞓醒。學校老師從冇比家長任何壓力。如果有一日佢要離開 GH，絕對唔關課程或老師事。大女到呢一刻都好鍾意間學校㗎！至於有專長嘅學生（如田徑、游泳等），DGS一定會來招攬，大部份家長都覺得 DG 比 GH 優秀，順利成章就會去咗 DG。真係無必要捉住呢點踩 GH！
老實講，家長為子女選擇出國升學或讀國際學校，並非對原校失去信心，而係對香港整個教育制度失去信心。每年不停嘅教改，香港各大學畢業出來嘅學生質素又每況愈下，情況令人擔心！較有經濟能力嘅家長當然會作出另類選擇。如果我大女重拾正軌，用心讀書，我都會考慮送他出國。
我同時亦係德小家長，待續⋯

作者: dichiu 時間: 14-1-8 18:23 標題: 回覆：對德望的分享

原本一心一意比細女入家姐間小學，但越來越睇清間學校嘅問題，再考慮細女嘅性格加上唔想再經歷升中嘅焦慮&不安，最後佢入咗 GH。佢今年讀小四。想講下自己感受⋯
一間傳統小學，但估唔到咁多年來佢身邊嘅老師對佢都關懷愛護。我細女自小一就有焦慮會成日肚痛同嘔。上至老師，下至校務處職員甚至清潔姐姐都好愛錫佢，好關心佢冇嫌佢煩。即使一d教咗好多年書嘅老師都唔係用成績來評價學生！細女成績一般，但今年班主任竟然話佢好乖好叻女，成績唔好只係技巧未成熟。冇諗過老牌老師會咁睇個女，真係好驚喜同意外。三年半來，細女都好鍾意間學校，仲有所有教過佢嘅老師同校長。我完全唔覺佢自信心受損。雖然一班差不多40人，但佢哋都好有紀律，好服從老師。
跟住講下課程⋯

作者: dichiu 時間: 14-1-8 19:58 標題: 回覆：對德望的分享

細女P1-P2，因為有大女學校（普通資助活動教學小學）作比較，更覺 GH 教學有系統。尤其英文，工作紙分成 Grammar, Tenses, Preposition, Comprehension, Vocab... 各類，教法循序漸進，由淺入深。教完嘅 materials 會不斷有練習重溫。英文基礎打得很好，即使讀深一年也不太難應付。中文亦一樣分成不同類型工作紙，不用書本作業。數就中英數同步教，但focus喺中數。GS只要明白課文內容，串熟生字，溫熟作業就ok。其實呢個就係一直以來 GH 嘅教學模式。我都好滿意個效果！唯一就係功課量大。細女P3那年梁校長退休，阮校長接棒。第二、三學期開始有輕微課程改革，GS嘅改變最明顯，從前嘅識串生字死記問題与答案已行唔通，要靈活地知個實驗點做，d工具點擺。忽然嘅轉變大家都應付不來。13年6月校長召開家長會講解全面推行課程改革。坦白講，我同一般家長一樣對原來嘅方法滿意，好怕變。但我好欣賞阮校長。佢可以舒舒服服維持原狀，但佢冒住比人鬧嘅險推出改革⋯

作者: dichiu 時間: 14-1-8 23:08 標題: 回覆：對德望的分享

改革內容已有家長之前提過內容，所唔多講喇！由九月到e家大考，功課量確實少咗，但大部份功課都要思考，多咗中英閱讀。我細女本來做功課已經慢，e家就更慢，晚晩都差不多11點至瞓。今年中丶英都冇乜工作紙，GS 冇咗作業但只得少量工作紙，數係唯一無大轉變嘅一科（不過冇咗英數書，改用英數作業）。中英常每科要考嘅範圍好闊（因為全學年得兩個考試），但可溫嘅材料唔多。英文& GS 冇咗試前小測，更令各家長都有d無從入手嘅感覺。坦白講，我都擔心分數影響升班及升中！甚至有家長建議我向校長投訴，但學校咁辛苦推改革，不會為d冇數據嘅投訴而剎停。雖然我目前的確見到細女喺 grammar方面退步咗（因疏於練習而淡忘），但佢其他方面有冇進步我暫未能評價。今次考試我同細女講我只要求佢用心溫熟考試範圍，結果我唔睇重。希望派卷返來可以見到佢靈活運用方面有進步 (但對分數期望唔高）。我好明白阮校長好錫班學生，小至裝飾佈置，大至課程對學生將來嘅影響都周詳考慮過。但個人認為基本嘅 grammar 操練係需要嘅！好懷念從前中、英文分門別類嘅工作紙。希望學校做改革同時可以保一d舊有嘅課程。矛盾地又好多謝校長改革著重閱讀，對平時有時間只會玩都唔睇書嘅細女來講，變相係局住佢睇！因為改革，打爛咗我逐步放手嘅計劃。呢幾個月我辛苦過以前，英文本 novel 我初時每個 chapter 睇，等佢知我會抽問，以防佢敷衍我。不過，近排佢有進步，覺得個故事好有趣，開始想追埋本 novel series 另外嗰幾本。順道一提，由小一至小四GH揀嘅 storybooks 真係好好睇，有幾本內容仲好好笑添！另外，值得一題係今年考試中英都要考寫作。我好贊成但不免擔心細女唔知考成點，心情真係好複雜！最後，今年 GS 加咗 Science 書代替其中兩本 GS 書，呢個學期教咗其中一本。本書冇乜嘢溫，以做實驗啓發思考為主。老師上當同佢哋一齊做實驗，好過以前睇 ETV 好多！估唔到佢少少年紀知點做 fair test！又有做實驗打爛 beaker 嘅趣事。
各位家長及準家長，校長和全校老師為今次改革做咗好多，好辛苦。開頭可能唔完美而家長學生會覺得無所適從，但校長嘅方向係正確嘅，我相信將來課程還會有微調，我都希望細女會續步適應，等我可以慢慢放手。同時，希望德小課程改革可以銜接到中一課程！我唔係成日上 BK，但唔想見到有人糊亂將冇關係嘅嘢放埋一齊講，如自私中學生&小學改革。大家要知道GH嘅改革剛開始，要相信學校有心比學生更好嘅！希望大家唔好為大抽獎買保險而霸住個位，好多一心一意選德小嘅人仍在等待中！將來有機再上來分享。。。完

作者: parentslove 時間: 14-1-9 01:56

Personal speaking, the worksheets are quite helpful.
P5 Parents

作者: QQMonkey 時間: 14-1-9 10:15

多謝分享，亦非常中肯。

課程改革，對小一至小三學生昰絕對好事，百利而無害。

對於小四以上學生可能真的要時間適應，不竟要從以往習慣了3至5年學習模式改變,又要擔心中學部對改革後分數的看法，這都是家長的憂慮。

我只希望老師們亦可與時並進，多些啓發，多些解釋，不要用往日千篇一律的方法教授，學生才獲益良多。例如那本S..R 是一本好書，老師可以將所提technique 套用就其他課本。

增加多些NET 亦是我希望的。

作者: yau_yau 時間: 14-1-9 14:23 標題: 回覆：dichiu 的帖子

多謝你的分享！

作者: ms.bead 時間: 14-1-9 17:41 標題: 引用：我嘅分享唔係從別人口中聽番來，而係親身經

原帖由 dichiu 於 14-01-08 發表
我嘅分享唔係從別人口中聽番來，而係親身經歷。。。我自己由n年前九龍塘德幼讀到中五畢業。我從不是尖子。 ...

十分多謝你的分享，你道出了不少我的心情：對改革既有期望又有些擔心、懷念以往有系統的工作紙等…你在GH的經歷很有說服力，讓對GH有興趣的家長作一個參考，選擇適合的學校!

作者: NC9 時間: 14-1-11 19:13

想問下各位GH家長, 咁GH 轉左制, 相對其他傳統學校, 大家感覺係學術上的競爭力有否改變呢, 特別是現在P1,同P2 的學生？

作者: ms.bead 時間: 14-1-12 20:43 標題: 引用：想問下各位GH家長,+咁GH+轉左制,+相對其他

原帖由 NC9 於 14-01-11 發表
想問下各位GH家長, 咁GH 轉左制, 相對其他傳統學校, 大家感覺係學術上的競爭力有否改變呢, 特別是現在P1,同 ...

請問你想知道的這個"競爭力"可以如何測量出來?

作者: parentslove 時間: 14-1-14 19:04

I don't think the worksheets take a lot of times for the student to handle, actually less than 10 minutes per one, but that's good for their basic foundations, I suggest use both to have a protection net.
Parentslove

作者: 已刪除用戶 時間: 14-1-19 21:30 標題: 回覆：dichiu 的帖子

Good sharing, could you share your elder daughter's school life in GHS?

A P6 parent

作者: dichiu 時間: 14-1-23 21:02 標題: 回覆：milkylok 的帖子

My elder daughter is in GHS Secondary. I'm not a P6 parent.

作者: grassmama 時間: 14-2-13 12:18

thanks for your sharing, it's very helpful !

作者: Bon_Bon_Pa_Pa 時間: 14-3-4 18:29

本人很like dichiu的分享

。我女兒都係讀緊德小四年級，這兩年小女和我都經過學校改革的洗禮。起初大家都有些擔心學校改革的步伐會否太快呢？但本人因工作上經常要面對改革，所以唔怕改變。亦明白學校點解想改革，出發點都係為咗班Good Hoper好，學校咁有heart，我們都應該支持。我諗GH希望由糼稚園至小學再上中學這15年可以有一套長遠和連貫的教學方針，令學生在這環境下在德育和學術方面都有所成。改革的開始必有不少困難，老師、學生和家長都要適應，希望大家可以共同渡過。而事實上學校都在調節中，所以有些人會感到年年都有變嘅而擔憂，但要明白改革未必能一步到位的，希望逾改逾好! 經過今年上學期，功課確實少咗，小女睇書亦多咗。比起以往小女幾乎每天做功課和温書都要做到十一、二點，第朝六點又起身番學，大家都辛苦，每年兩測兩考前的考試壓力又大，今年確實舒服小小，阿女上學期成續亦沒有退步，希望學校可以繼續好下去。
記得校長Sister Pauline對我們家長講過，你們女兒入德望係12年嘅教育，唔駛心急和擔心，放心交個女俾學校教啦。我相信Sister Pauline有能力帶領學校的改革。

作者: synshu 時間: 14-11-9 18:49 標題: 回覆：對德望的分享

Thx for your detail sharing

作者: pt2555 時間: 14-11-10 11:58

Thanks for dichiu's sharing, very reasonable and helpful!!

作者: ksvivian 時間: 14-11-10 12:22 標題: 回覆：對德望的分享

小女有幸被德望收了明年p1, 想請教：
1. 除中英數外，仲有咩科目？
2. 中文是否普教？
3. 總共有幾多班？是否須要考分班試？只知每班約40人.
4. 有何課外活動可比小一參加？是否要老師選學生才可入，費用貴嗎？
5. 朋友說小一程度不深但小二就加深很多，是嗎？

作者: Laimui827 時間: 14-11-11 00:14

小囡有幸明年入讀P1, 我想知英文有沒有net teacher教？有普通話堂嗎？
另, 如何準備上小一, 因擔心課程深希望早點預備。

謝謝！

作者: 菲比B 時間: 14-11-11 16:17

小囡剛入德小一年級
,1. 除中英數外，仲有GS, Music, Computer, PE, Religous, Putonghua 同V Arts
2. 小一中文不是普教中,數學, GS, Music 用英文教
3. 每班約40人.今年共有五班,不需考分班試,每班約有45人
4. 九月開學後有合唱團,但係學校選,另現在參加樂器班,自由參加,費用唔貴,另星期三有ECA,. e.g. cooking, 剪紙, drama....,
5. 朋友說小一程度不深但小二就加深很多，是嗎？
小一暫時開學兩個月真係覺得一D都唔深

作者: 菲比B 時間: 14-11-11 16:18

3. 今年小一共有五班,不需考分班試,每班約有45人

作者: 菲比B 時間: 14-11-11 16:34

英文既ORAL堂係NET 教,學校自家飯堂好好食,小一份量唔太多,囡囡有時唔夠食要添飯。囡囡不是德幼上,佢都好喜歡德小,每間幼稚園上小學都要時間適應,一黎全日班,放學後要做功課,由其開學初唔習慣會做得慢,我都希望囡囡可以做功課做得快D。

另外德小7:30打鐘,所以要一早起身,作息時間要開學前要教一教。

作者: mickichan 時間: 14-11-11 18:29

回覆菲比B 的帖子

請問學校自家飯堂是否由校方在校內自煮的

作者: ksvivian 時間: 14-11-11 18:39 標題: 回覆：對德望的分享

小一有默書嗎？是否詞語或單子，有句子嗎？

作者: 菲比B 時間: 14-11-12 11:03

午餐,係校內自煮。

暫時中英文點書各兩次, 十月開始,隔星期點, 中文暫時仲係詞語, 英文係詞語,短句,

作者: ksvivian 時間: 14-11-12 14:31 標題: 回覆：對德望的分享

謝謝菲比B!
再請問小一有那此課外活動可參加？ECA是否不同活動呢？另外此校有否每年遊學？

作者: MSJBABY 時間: 14-11-12 19:09

想問下8月學校會不會有升小一準備班上？

作者: MSJBABY 時間: 14-11-12 19:10

想問下8月學校會不會有升小一準備班上？

作者: 菲比B 時間: 14-11-12 20:17

暫時小一係音樂班同合唱團，課外活動係星期三其中一節課堂讓小朋友輕鬆下，
遊學要高年班先有

MRSJBABY: 冇升小預備班

作者: MSJBABY 時間: 14-11-12 20:34

多謝您的分享

作者: MSJBABY 時間: 14-11-13 16:22

本身要返工，回到家已十點左右，真的好擔心下年小一冇時間看囡囡功課，其實德望收左小囡真係超開心，但呢幾日又會擔心將來自己唔夠支援係功課或溫習上比佢，始終德望一定比其他小學深，所以好煩.

有冇德望需要返工嘅家長比d意見？

作者: ms.bead 時間: 14-11-13 22:01 標題: 引用：本身要返工，回到家已十點左右，真的好擔心

原帖由 MSJBABY 於 14-11-13 發表
本身要返工，回到家已十點左右，真的好擔心下年小一冇時間看囡囡功課，其實德望收左小囡真係超開心，但呢幾 ...

唔好誤會，其實德望唔一定比其他學校深，不過英文差就可能吃力少少…我個囡小三了，比起其他朋友讀津貼小學不知輕鬆幾多，得2次試考，又少功課…小一就要比d時間習慣下就ok…

作者: MSJBABY 時間: 14-11-13 22:19

Ms Bead 多謝你的意見，希望阿囡適應到來年小一

作者: Ling2014 時間: 14-12-10 10:02

回覆 MSJBABY 的帖子

其實任何小學, 小一開始都要跟下 , 因為對小朋友或大人來說, 也是大轉變, 如十時才能回家, 你看看有沒有人幫下手, 同她傾下計都好, 因為你回家時她肯定睡了, 我們回學很早啊

作者: ksvivian 時間: 14-12-11 11:07 標題: 回覆：對德望的分享

想請問，德望是否須一體一藝？幾年班開始？包括邊d體邊d藝？謝謝！

作者: wyh:) 時間: 15-2-28 19:17 標題: 回覆：dichiu 的帖子

你的大女兒已上德望中學，可以分享中學學習的生活嗎？

我想對中學部有多點認識。
謝謝

作者: rosac 時間: 15-5-11 18:25

德望學校中學部：

去年，76.1％的學生得到了JUPAS offers，其中63.2％入香港大學/香港中文大學/香港科技大學
至少有2名學生入讀中大環球商業學
至少4名學生入讀MBBS/ MBChB
至少1名學生入讀牛津/劍橋　（其實差不多年年都有，學校都懶得再講）

Best HKDSE student:
2014 6 5 ** 1 5 *, 5 * in M1 (CUHK Global Business)
2013 7 5 **, 5 ** in M2 (狀元; HKU BBA Law)
2012 5 5 **, 2 5 *, 5 ** in M2 (HKU MBBS)

我都不太明白為何有些父母覺得德望成績差。

比賽：
田徑第2（中五的Wise Poon剛剛拿到亞洲女子100米冠軍＠Asian Youth Athletics Championships）
游泳第3
過去連續兩年，GHS學生在女子數學競賽赢了DJS學生，得到了團體總冠軍。

分班：
雖然學校從來不承認，但學校有精英班，中一二是B班，中三是Ａ班，高中是Ｆ班；Ｆ班是唯一能讀M1/M2的一班

選科：
數學M1/M2:　first term (20%) + second term (40%) + aptitude test (40%)，總成績頭40有得讀M1/M2
其他：　正常讀三科，名次高能先選

獎學金：
第1/2名：全獎
第3-8名：半獎
學科頭10名：送pageone＄500書券一張，故常出現第1名手持pageone＄4000-5000書券的現象
另設音樂/體育獎學金
交流團獎學金　（朋友女兒第2名，本來＄30000的交流團只要付＄15000）

先打到這吧，有興趣的朋友歡迎發問

作者: dwkw333 時間: 15-6-4 18:23

Thank you for your sharing!

作者: luvgaga 時間: 15-6-4 20:39

回覆 rosac 的帖子

請問可否說説小學部謝謝

作者: llkllkllk 時間: 15-7-31 11:17

很喜歡德望, 明年到我女兒考了, 請問你們怎樣裝備女兒才能考入GH?

作者: bonbon1106 時間: 15-11-10 11:53

本帖最後由 bonbon1106 於 16-1-26 15:19 編輯

作者: skkeung 時間: 16-1-3 15:46 標題: 引用：原本一心一意比細女入家姐間小學，但越來越

原帖由 dichiu 於 14-01-08 發表
原本一心一意比細女入家姐間小學，但越來越睇清間學校嘅問題，再考慮細女嘅性格加上唔想再經歷升中嘅焦慮& ...

香港教育制度有問題, 香港家長心態無問題?

歡迎光臨教育王國 (/)