教育王國

標題: 有黃埔威廉offer的媽媽們會留位嗎 [打印本頁]

作者: sunnymama2 時間: 14-1-8 13:35 標題: 有黃埔威廉offer的媽媽們會留位嗎

其實黃埔威廉應該算學券中很好的幼稚園, 但點解咁少人討論呢間幼稚園呢?有冇媽媽分享你地會唔會留位, 點解會同唔會呢?

作者: Fiona3 時間: 14-1-8 14:28

我都報咗威廉, 但未收到信...
你仲報咗邊幾間?

作者: kissobaby 時間: 14-1-8 14:31 標題: 回覆：有黃埔威廉offer的媽媽們會留位嗎

唔會，老師黑面冇愛心

作者: sunnymama2 時間: 14-1-8 15:52

kissobaby 發表於 14-1-8 14:31
唔會，老師黑面冇愛心

點解咁講，幾時黑面呀？

作者: sunnymama2 時間: 14-1-8 15:58

Fiona3 發表於 14-1-8 14:28
我都報咗威廉, 但未收到信...
你仲報咗邊幾間?

學券幼稚園我只得呢間offer，今個星期六有基督教中心幼稚園要見（過未必見），冇學券的有黃埔迦南和嘉德麗，不過我會排威廉>迦南>嘉德，

你呢？

作者: kissobaby 時間: 14-1-8 16:45

sunnymama2 發表於 14-1-8 15:52
點解咁講，幾時黑面呀？

我個小朋友坐唔定, 有1/3時間郁郁下,但冇離開個位,即黑面,我個小朋友怕左佢

作者: Fiona3 時間: 14-1-8 16:55

黃埔迦南只係 WAITING OFFER....佢N 班唔可以直升 K1, 所以我唔會考慮這間
嘉德麗有 offer, 但我 reject 咗…因為一來學費貴，二來唔鐘意佢背得太多弟子經

作者: sunnymama2 時間: 14-1-8 16:56

回覆 kissobaby 的帖子

咁希望全間學校得嗰一位老師係咁差啦，其實我見到的都好nice架

作者: sunnymama2 時間: 14-1-8 17:00

回覆 Fiona3 的帖子

我諗法同你一樣，所以我排威廉先過嘉德同迦南，你bb幾月b?有冇其他offer?

作者: bkovo 時間: 14-1-8 17:23

請問知不知道威廉小一派位成績好嗎？

作者: 啡女孩 時間: 14-1-8 23:55

今日已收到pm offer,同迦南一樣pm offer!am競爭真係咁大

作者: QMbee 時間: 14-1-9 00:02 標題: 回覆：有黃埔威廉offer的媽媽們會留位嗎

今日都收到pm offer,我都苦惱緊交唔交留位費好,pm咁細個無得瞓晏覺好似好辛苦,又唔知有無校車,今日打電話去啲老師語氣都麻麻

作者: sunnymama2 時間: 14-1-9 00:20

回覆 QMbee 的帖子

可以先交留位費，再轉上午班

作者: wing214 時間: 14-1-9 00:43 標題: 回覆：sunnymama2 的帖子

我仔仔讀緊威廉N班，初初都擔心學校老師態度問題，讀了4個月，感覺呢間學校好用心，有耐性去教學生，由於仔仔曳，每隔幾天就有complaint，經過我同各老師一同教，仔仔明顯進步很多，投入了群體生活，亦學懂了多首兒歌及英文歌，自理能力高咗，連好多同學名都記得

作者: wing214 時間: 14-1-9 00:48 標題: 回覆：wing214 的帖子

小班教學真係好，全班15人，2位班主任，1位net,仲要有學卷，又近屋企

作者: sunnymama2 時間: 14-1-9 00:49

回覆 wing214 的帖子

我想知pn係唔係一半英文一半中文，英文老師有口音嗎，多謝！

作者: sunnymama2 時間: 14-1-9 00:52

wing214 發表於 14-1-9 00:48
小班教學真係好，全班15人，2位班主任，1位net,仲要有學卷，又近屋企

你仔仔讀上午定下午班？上午班一共幾班呢，每班都15人？

作者: wing214 時間: 14-1-9 00:56 標題: 引用：回覆+wing214+的帖子我想知pn係唔係一半

原帖由 sunnymama2 於 14-01-09 發表
回覆 wing214 的帖子

我想知pn係唔係一半英文一半中文，英文老師有口音嗎，多謝！ ...

我不知道上課情況，我仔仔話每日教phonics係net教，亦有好多story time，另外2位班主任教中文短句子文章，唱歌等等，做勞作時又3位老師一齊教，做運動時間亦又3位老師，送茶點，教去廁所都係3位老師，net亦會協助所有中文課的

作者: Fiona3 時間: 14-1-9 08:56

我昨天都收到 am offer, 但仲考慮緊交唔交留位費

作者: sunnymama2 時間: 14-1-9 09:03

Fiona3 發表於 14-1-9 08:56
我昨天都收到 am offer, 但仲考慮緊交唔交留位費

恭喜! 點解考慮呢, 你有更心儀?

作者: Fiona3 時間: 14-1-9 10:22

因為我有一間全日制 offer….考慮緊讀唔讀半日好….

作者: sunnymama2 時間: 14-1-9 11:00

Fiona3 發表於 14-1-9 10:22
因為我有一間全日制 offer….考慮緊讀唔讀半日好….

你係唔係FTM? 我係FTM, 可以的話我唔會比囝囝讀全日班, 因為會比半日班易病... 之前我都想幫囝囝報九龍靈糧, 但當我知pn係全日我就冇報啦. 我個人會喜歡半日班多d, 放學可以帶佢去食密當當, 公園玩, 係屋企舒舒服服瞓晏覺.

作者: Fiona3 時間: 14-1-9 11:06

唔係呀…我要返工…屋企由工人姐姐照顧, 所以想佢番全日學下野…

作者: sunnymama2 時間: 14-1-9 11:14

回覆 Fiona3 的帖子

啊，唔怪得，比我都會比仔仔番全日，因為係學校安全過比姐姐湊……

作者: QMbee 時間: 14-1-9 14:19 標題: 回覆：sunnymama2 的帖子

可以嗎

作者: QMbee 時間: 14-1-9 14:20 標題: 引用：回覆+QMbee+的帖子可以先交留位費，再轉

原帖由 sunnymama2 於 14-01-09 發表
回覆 QMbee 的帖子

可以先交留位費，再轉上午班

可以嗎

作者: sunnymama2 時間: 14-1-9 15:39

回覆 QMbee 的帖子

實有上午班的人放棄學位，寫封申請下午轉上午班的信，留位時交俾學校就得啦

作者: QMbee 時間: 14-1-9 17:02 標題: 回覆：sunnymama2 的帖子

Thank you,不過我哩區無校車到,仲要考慮下

作者: davinchiu 時間: 14-1-10 12:53

wing214 發表於 14-1-9 00:43
我仔仔讀緊威廉N班，初初都擔心學校老師態度問題，讀了4個月，感覺呢間學校好用心，有耐性去教學生，由於仔 ...

hi, 我都收到信有am offer , 去in既時候都覺得d老師唔錯. 見到有2-3個似印度人既外藉老師. 佢地都好主動同d等候緊既小朋友玩.
我打算會交留位費. 不過想知茶點 / 課本 / 作業...其他既費用要預幾多$ ? 可否給我一些資訊

thank you !

作者: sunnymama2 時間: 14-1-10 13:13

回覆 davinchiu 的帖子

恭喜！威廉係你心儀嗎？

作者: davinchiu 時間: 14-1-10 13:22

sunnymama2 發表於 14-1-10 13:13
回覆 davinchiu 的帖子

恭喜！威廉係你心儀嗎？

靈糧堂是我最心儀的. 要到2月尾先知有無得面試.
黃埔區我只報了威廉, 因為非常近屋企. 而且面試日對學校的感覺唔錯. 所以會交留位.

作者: wing214 時間: 14-1-10 14:32 標題: 引用：回覆+davinchiu+的帖子恭喜！威廉係你心

原帖由 sunnymama2 於 14-01-10 發表
回覆 davinchiu 的帖子

恭喜！威廉係你心儀嗎？

PN算係我心儀，因為近，直升K1, K1-K3有學卷，有更多錢俾佢讀附近的ABC pathway及音樂課程或興趣班，而且我打算再第生多個（所有學費x2），黃埔個小學校網都唔錯，我比較喜歡帶小朋友一年去旅行3次，而且威廉於黃埔係幾好，又有NET from N - K3, 已經讀緊N嘅衰仔叻咗好多，亦非常喜歡返學，不過N給家長嘅功課亦多，有phonics嘅勞作，多填顏色及節日的勞作，每班咁少人都3個老師，好似上下午各2班、全日1班，收生遠比迦南少，暫時今年覺得我冇揀錯，因為我考K1民生、根德園都waiting，培正等result,好在有威廉offer升K1在手，而且亦可以再優先選擇Am或Pm，如果選擇不能直升的N學校，明年大家可能考K1要考10間，以上全部個人見解

作者: wing214 時間: 14-1-10 14:44 標題: 回覆：wing214 的帖子

另外我考慮過幼稚園番學3小時，搭校車來回又共2小時，如果打算小學讀附近，冇需要浪費咁多時間，用搭校車的時間可以讀更多興趣班，或者我會放學帶佢去超市、街市、公園等等地方，學吓D生活上既細節，對佢全人發展會比較好，我好怕佢做港孩

，眼見好多讀死書畢業生，到做工作時連D common sense都唔識，真係反眼

作者: sunnymama2 時間: 14-1-10 18:00

回覆 wing214 的帖子

Hi wing214, 其實我正在威廉與York之間掙扎, 我好重視小朋友英文, 威廉勝在有學券和環境好, 空氣清新. 但有媽媽話威廉職員好rude(尤其是係聽電話的), 仲有媽媽話親友的仔係威廉graduate英文好差, 是真嗎? 好需要你意見, Thanks!

作者: wing214 時間: 14-1-10 22:17 標題: 引用：回覆+wing214+的帖子 Hi+wing214,+其實我

原帖由 sunnymama2 於 14-01-10 發表
回覆 wing214 的帖子

Hi wing214, 其實我正在威廉與York之間掙扎, 我好重視小朋友英文, 威廉勝在有學券和 ...

我仔仔interview時全以英文回答，喺屋企我同姐姐講英文，婆婆同daddy講廣東話，讀咗威廉佢廣東話及英文都好好，你用咩語言問佢，佢用一樣語言答你，另外威廉nursery phonics教得好好，net亦ok，打算下年K1有學卷後，佢又大個仔D，留番D錢俾佢額外讀cambridge

作者: wing214 時間: 14-1-11 03:49 標題: 引用：回覆+wing214+的帖子 Hi+wing214,+其實我

原帖由 sunnymama2 於 14-01-10 發表
回覆 wing214 的帖子

Hi wing214, 其實我正在威廉與York之間掙扎, 我好重視小朋友英文, 威廉勝在有學券和 ...

如果打算於香港讀書，中英文同樣重要，所以好靠家長去教，學校就算日日有net上堂，都遠遠不及屋企教既，學校責任並唔大，反而一間學校老師著重教導良好品格最為重要，我認為威廉小班教學遠比名氣幼稚園更勝一籌，而且近屋企，不用搭校車慳番唔少時間

作者: davinchiu 時間: 14-1-13 11:21

wing214 發表於 14-1-11 03:49
如果打算於香港讀書，中英文同樣重要，所以好靠家長去教，學校就算日日有net上堂，都遠遠不及屋企教既，學 ...

非常同意. 一個得2歲既人仔要返學. 近屋企都幾緊要.
今日打左去學校問學費,佢話依家收緊 $3800 一個月, 雜費$1600 半年.
請教下, 雜費係包括書簿費嗎 ??

作者: sunnymama2 時間: 14-1-13 15:00

wing214 發表於 14-1-11 03:49
如果打算於香港讀書，中英文同樣重要，所以好靠家長去教，學校就算日日有net上堂，都遠遠不及屋企教既，學 ...

wing214, 多谢你意見, 其實我唔係住黃埔, York同威廉都要搭巴士, 車程一樣, 所以選邊間交通不是問題. 反而我好重視英文, 也重啟發, 兒子好喜歡探索, 有好強的好奇心,其實啟思也有offer, 不過老公唔要, 因為空氣唔好!

見到一個事實係名幼稚園升小成績係叻D, 好似好吸引, 學校功不可沒. 但再諗深一層, 背後嗰d家長先至係幕後功臣, 比小朋友參加無數比賽, 與趣班.....所以我覺得小朋友叻唔叻最主要係靠家長多個學校. 不過對我黎講識好多英文字和數學唔叫叻, 而係遇到問題可以自己揾辦法解決先至叻. 威廉其中理念係creativity,請問你覺得威廉呢方面做得好唔好?佢係啟發小朋友方面可以嗎? Many thanks!

作者: wing214 時間: 14-1-14 01:02 標題: 引用：Quote:wing214+發表於+14-1-11+03:49+如果

原帖由 sunnymama2 於 14-01-13 發表
wing214, 多谢你意見, 其實我唔係住黃埔, York同威廉都要搭巴士, 車程一樣, 所以選邊間交通不是問題. 反而 ...

再討論多些個人見解，上年我考多間幼稚園，當中收到唔少offer，$660一間留位費

，有黃埔區有九龍塘、全日半日都有，York的申請表的確令我感覺麻麻，家長title並唔只係MR、MS, 而係DR...信中好強調"今年申請人數6000人", 上課時間只有2小時，食下茶點，排隊去下廁所都1小時啦，收生人數多到校長唔知識唔識小朋友個名，如果得罪York家長，對唔住，純熟未讀過York家長睇法，而初初選擇威廉亦有懷疑自己的決定，因為校內有印巴藉班別、國內家長，怕文化上差異，但認識各家長及小朋友後，發覺不同文化家庭相比起名校怪獸家長更容易相處，到而家先知道，原來仔仔讀名playgroup的同學本地家長有幾怪獸。仔仔返學1-2日，3位班主任已經記得所有同學名字，net所教phonics令仔仔英文句子咬字更清晰，例如英文字字尾音t,d,g,s,k等等，實在有賴net平時跟仔仔多對話所吸收的，學校非常多活動、生日會、開放日、好多便服party等等，鼓勵多親子活動，每星期都有一份勞作，每天放學老師會告訴家長小朋友的曳曳事件，我收complaint一定多個appreciate，但係只要家長與老師合作教導，所有仔仔壞行為都改善好多，現在仔仔2歲3個月，已經懂得自己走去書櫃，打開故事書，睇住書中圖畫簡單講故事俾我聽，我初初實在非常感動，笑到想流眼淚，佢話老師係把故事書圖畫向住同學講故事嫁，老師偷睇就就得喇

仔仔仲學識好多對小朋友的相處禮貌，例如想玩同學手上玩具，佢會講"借俾我玩得唔得呀"，從仔仔日常對話，我知道佢學懂做個有禮貌的小朋友，學術上中英文都有明顯進步，到今年我想入龍校因為怕考小學個遊戲。

作者: wing214 時間: 14-1-14 01:09 標題: 引用：Quote:wing214+發表於+14-1-11+03:49+如果

原帖由 davinchiu 於 14-01-13 發表
非常同意. 一個得2歲既人仔要返學. 近屋企都幾緊要.
今日打左去學校問學費,佢話依家收緊 $3800 一個月, 雜 ...

我實在唔記得幾$，學費包雜費$38000一年，書簿費+書包+教材全年共$3500左右，夏季校服$1000，冬季$1400，都冇咩錢洗

作者: davinchiu 時間: 14-1-14 16:53

wing214 發表於 14-1-14 01:02
再討論多些個人見解，上年我考多間幼稚園，當中收到唔少offer，$660一間留位費，有黃埔區有九龍塘 ...

看來你對william 評價非常之好.
今日已去交留位費了. 再次睇下間學校設施很整潔. 老師既態度亦可.
老師話今年學費$3800/月, 另外預書簿雜費$2000 樓下半年.其他只係買校服.
好多謝你既分享!

作者: sunnymama2 時間: 14-1-14 22:55

回覆 wing214 的帖子

係呢個亂世中要臨危不亂真的不易！你真昰個好媽媽，而我自問也愛疼仔仔，想將最好的比佢，而家仲觀察緊佢需要咩的教育。
今曰交左留位費，環境好好，我好喜歡威廉，除左佢interview係最認真最respect小朋友外，去過開放日的感受令我覺得個別老師對家長（我）很好（認真的，有雪中送炭的感覺，好窩心），還有，升學專家趙榮德對威廉評價係好高的，大家有冇留意呢？

作者: davinchiu 時間: 14-1-15 16:07

回覆 sunnymama2 的帖子

hi sunnymama2 ,
最後你有去交留位費嗎?

作者: sunnymama2 時間: 14-1-15 16:41

davinchiu 發表於 14-1-15 16:07
回覆 sunnymama2 的帖子

hi sunnymama2 ,

交左啦，覺得佢地環境好，空間大，去到時見唔到有小朋友係走廊上堂，好過嘉德麗好多

作者: wsg1015 時間: 14-1-15 16:42 標題: 回覆：有黃埔威廉offer的媽媽們會留位嗎

我2月先in...應該冇咩位淨

作者: davinchiu 時間: 14-1-15 16:54

sunnymama2 發表於 14-1-15 16:41
交左啦，覺得佢地環境好，空間大，去到時見唔到有小朋友係走廊上堂，好過嘉德麗好多 ...

我同你感覺一樣. 覺得地方整潔.
唔見有學生上堂, 不過就聽到有老師唱緊國語歌. 應該上緊國語時段.
個人對嘉德麗無乜好感. 因為曾經分別幾次見到嘉德麗既小朋友好無禮貌對父母. 加上都係內地人..
唔係針對內地人. 因為依家既香港任何地方都不能避免有內地人既出入. 而係諗如果一間學校係好, 注重品德既話.
可以由學生既品行來睇到.

作者: bkovo 時間: 14-1-16 01:33

回覆 sunnymama2 的帖子

請問趙榮德對威廉有咩評價？

作者: sunnymama2 時間: 14-1-16 11:57

bkovo 發表於 14-1-16 01:33
回覆 sunnymama2 的帖子

請問趙榮德對威廉有咩評價？

以下係我由明報Happypama的幼稚園功略extract,

<2013/09/11>
曾太問﹕家住鑽石山，女兒獲黃埔威廉（睿智）幼稚園及馬鞍山威寶中英文幼稚園取錄念N班，請問兩校口碑、師資如何？聽聞威廉有較多印度籍英語老師，她們的口音是否較重？
答﹕論口碑，黃埔威廉（睿智）較佳，外籍英語老師的數目亦較多，不過，亦很難全部為英籍老師，有澳洲籍、印度籍也不出奇。

<2013/05/08>
威廉（睿智）口碑佳
曾太問﹕家住鑽石山，女兒獲黃埔的威廉（睿智）幼稚園及馬鞍山的威寶中英文幼稚園（國際班）的學前班取錄，兩校均離家較遠，但由於女兒未獲其他學校取錄，請問該如何抉擇？
答﹕論口碑，威廉（睿智）在九龍城區內較好，師生比例也較低，逾7年教學經驗的老師也較威寶的多，至於教學方法則各自各精彩。綜合來說，威廉（睿智）值得看高一線。

<2013/04/17>
問﹕是否所有幼稚園都設有兩歲班？讀完對入幼稚園有幫助嗎？九龍塘及九龍城區有好的兩歲班介紹嗎？
答﹕現時香港的幼兒教育以幼稚園為主，兩歲班不是主流，亦並非每所幼稚園都設班。若你認為有需要，可讓孩子入讀，讀完後對升讀幼稚園有沒有幫助，則要看你心儀幼稚園的學額，很難一概而論。九龍城區可考慮啟思幼稚園幼兒園（九龍塘正校）、劍鳴幼稚園、威廉（睿智）幼稚園。(趙生將威廉同劍鳴擺埋一齊, 哈哈)

<2013/01/09>
問﹕家住紅磡，請問威廉（睿智）幼稚園和德寶中英文幼稚園，哪間較好？
答：在紅磡區，論口碑以威廉較好。兩校都注重英文，威廉透過有趣的啟發遊戲，讓孩子愉快學習；德寶則用英語多元化活動教學。

<2013/01/02>
問﹕家住土瓜灣，想為女兒讀N1班，請問有什麼學校推介？
答﹕土瓜灣在九龍城區，以下為九龍城區N班學校推介﹕啟思幼稚園（律倫街）、威廉（睿智）幼稚園、學之園幼稚園（海逸豪園）。(趙生又將威廉同其他名校擺埋一齊, 哈哈)

作者: davinchiu 時間: 14-1-16 15:25

睇來威廉真係一間不錯的學校喎

作者: bkovo 時間: 14-1-17 02:06

回覆 sunnymama2 的帖子

好多謝你的詳細分享，令我有多點信心去為小朋友選這間學校了

作者: Plutoes 時間: 14-1-23 15:14

終於都有人講威廉啦, 我等佐好耐

作者: Plutoes 時間: 14-1-23 15:34

回覆 wing214 的帖子

wing, 威廉收佐我女K1, 因為好少人講, 所以我都做佐D功課同打去學校問, 但因為未開學, 學校話好多野都未定到, 亦答得有D模糊, 我有以下一d問題, 你可以比d意見我嗎?

1.
學校話正常係3X人一班, 但實際要視乎出年情況, 只可Guarantee一定會有2個中文老師係班房, 同埋師生比例跟教署, 即少於1:15, 咁其實唔係間間學校都跟呢個比例咩, 佢係屬於小班教學？
定還是n係小班, k變返大班？咁正常係未都係有個net老師係課室呢？因為我朋友話我知st cat k2係會取消佐個net係課室, 我驚威廉都係咁…

2.
而net老師, 有印巴, 有加拿大籍, 亦有香港人回流香港但都係native, 想問印巴籍老師口音嚴重嗎？其他英文老師口音又標準嗎？

3.
K每日有幾多時間普通話同有幾多時間英文呢

4.
威廉既課程程度ok嗎？

5.
每週功課量重嗎？我見你話每星期都要做手工….仲有冇其他？

威廉係我心儀, 但我住得唔近, 囡囡要搭校車返放學, 呢點係我最担心, 所以遲遲決定唔到…

作者: littlexo 時間: 14-2-13 13:56

請問有冇jm知道，威廉係咪9月開學?定8月已經可以返適應班?

作者: pistos2001 時間: 14-2-15 14:25 標題: 引用：Quote:原帖由+davinchiu+於+14-01-13+發表

原帖由 wing214 於 14-01-14 發表
我實在唔記得幾$，學費包雜費$38000一年，書簿費+書包+教材全年共$3500左右，夏季校服$1000，冬季$1400，都 ...

請問你小朋友係國際班定本地班？因好像只有本地班有學劵

，同埋謝謝你的分享，等我地可以對學校加深認識

作者: sauwaileung 時間: 14-2-16 00:51

回覆 wing214 的帖子

其實, 我同你一樣, 都有這兩個offer. 我都鍾意william, 約克英文一定好過william,但無校車.

作者: wing214 時間: 14-2-19 02:35 標題: 引用：Quote:原帖由+wing214+於+14-01-14+發表我

原帖由 pistos2001 於 14-02-15 發表
請問你小朋友係國際班定本地班？因好像只有本地班有學劵，同埋謝謝你的分享，等我地可以對學校加 ...

N班只有國際班，到K1-K3讀本地班，有學卷

作者: wing214 時間: 14-2-19 02:37 標題: 引用：回覆+wing214+的帖子其實,+我同你一樣,+

原帖由 sauwaileung 於 14-02-16 發表
回覆 wing214 的帖子

其實, 我同你一樣, 都有這兩個offer. 我都鍾意william, 約克英文一定好過william,但 ...

約克英文好過威廉, 但我有學卷，俾仔仔讀埋黃埔ABC pathway cambridge，自己教下，應該足夠

作者: starbut 時間: 14-4-11 09:34

我下星期威廉interview，心情緊張！有乜要注意？Thank-you

作者: sunnymama2 時間: 14-4-11 14:39

回覆 starbut 的帖子

你幾月b?又冇乜野特別要留意，最好肯講野，唔扭計，識分color, 入形狀，砌積木，聽歌跳舞。我囝囝除左跳舞係企度冇反應，其他都幾好，入左上午班，祝你成功！

作者: ferrymama 時間: 14-4-11 16:50 標題: 引用：回覆+wing214+的帖子係呢個亂世中要臨危

原帖由 sunnymama2 於 14-01-14 發表
回覆 wing214 的帖子

係呢個亂世中要臨危不亂真的不易！你真昰個好媽媽，而我自問也愛疼仔仔，想將最好的 ...

我好同意，佢地既interview 最有心

作者: starbut 時間: 14-4-13 11:16

希望寶貝順利完成，連我都緊張埋！

作者: starbut 時間: 14-4-14 20:45

我希望可以讀全日！不清楚學費？

作者: deniseutlip 時間: 14-4-15 09:47

全日學費 5200
午膳費 980

作者: starbut 時間: 14-4-15 10:12

回覆 sunnymama2 的帖子

歲半B，要為他準備好多野去面試！緊張。

作者: starbut 時間: 14-4-15 10:12

回覆 deniseutlip 的帖子

謝謝！

作者: davinchiu 時間: 14-4-15 10:39

sunnymama2 發表於 14-4-11 14:39
回覆 starbut 的帖子

你幾月b?又冇乜野特別要留意，最好肯講野，唔扭計，識分color, 入形狀，砌積木，聽歌 ...

我囝囝都派左入上午班....

作者: davinchiu 時間: 14-4-15 10:43

wing214 發表於 14-1-9 00:43
我仔仔讀緊威廉N班，初初都擔心學校老師態度問題，讀了4個月，感覺呢間學校好用心，有耐性去教學生，由於仔 ...

hi, 以你經驗書簿和校服都是在學校訂購嗎 ???

作者: starbut 時間: 14-4-15 20:32

我都希望入讀全日或者上午！

歡迎光臨教育王國 (/)