教育王國

標題: 國際學校是否唯一選擇？ [打印本頁]

作者: unrealtv 時間: 13-12-31 20:29 標題: 國際學校是否唯一選擇？

家中小朋友是混血兒，爸爸是外國人我係本地，你地選擇幼稚園係會考慮d乜？謝謝

作者: momama 時間: 13-12-31 21:34 標題: 回覆：國際學校是否唯一選擇？

我d朋友係本地幼稚園再大抽獎升小學

作者: Jane1983 時間: 13-12-31 23:13

如果你工作好忙，主要靠外傭照顧，咁IS係唯一選擇。我有個鄰居，晚晚收工好夜，佢吾係屋企，老公、外傭和女女就係全英環境，小朋友無機會學好中文。

但如果你有時間教，咁IS和local都得，語言吾會係障礙。我小朋友以前興趣班有個混血男仔讀培正，好ok。反而，讀到上小學、中學，外籍老公可能心痛小朋友太重workload，想佢轉番IS都未定。

作者: MrBeast 時間: 14-1-1 08:36

我諗好睇你兩公婆之後會留在hk or not.

作者: camomile00 時間: 14-1-2 15:38 標題: 回覆：國際學校是否唯一選擇？

呢樣真係好睇你同你老公想要o既o野同教小朋友o既理念。但可以肯定o既係國際學校絕對唔係唯一o既選擇。
我小朋友都係mixed。果陣揀K1，我地已經唔會考慮國際學校，因一心想佢中英都兼顧到。所以揀間本地幼稚園o既國際班。但讀完兩年後，唔知係間幼稚園o既問題定我小朋友o既問題定英文實在易學過中文太多。雖然學校話係國際班，而我同仔一向全中文，daddy全英文，但發覺學校D英文對呀仔太淺，佢D英文主要o係爸爸身上，英文卡通片同英文書度學返黎。至於中文就比同齡小朋友差好多。完全得唔到我地所期望o既中英兼顧到。
所以o係上年K3時，同佢轉校，甘o岩有兩間幼稚園收，一間上晝，一間下晝。一間主要廣東話，教得深同闊，多多地功課。一間主要國語，零廣東話，無乜功課。果陣諗住比佢返兩間返一個月，睇邊間適合D。End up佢兼顧到返兩間，又返得開心。然後呢幾個月，佢中文進步神速。不過主要廣東話果間，返埋一月份上學期唔會再返了。因平日返兩間幼稚園，無時間做其他o野。我地亦愈o黎愈鐘意主要國語果間幼稚園。下年小一都會讀呢間o既小學。
而我地仲有個細仔。愈緊都會打算比細仔返國語果間幼稚園。第一個小朋友，無經驗，盲中中甘令大仔浪費左兩年時間。細仔會比哥哥幸福D。因有經驗知道比佢地讀咩學校會得到我地預期o既效果。
以上只係o係我大仔身上o既小小分享。當然個個屋企唔同，狀況唔同，好難一概而論。希望你可以幫小朋友揀間適合佢而又切合你地期望o既學校。

作者: shadeslayer 時間: 14-1-2 19:56

大家也集中講語文。乜教育只係教語言？

作者: siplee88 時間: 14-1-4 14:48 標題: 引用：呢樣真係好睇你同你老公想要o既o野同教小朋

原帖由 camomile00 於 14-01-02 發表
呢樣真係好睇你同你老公想要o既o野同教小朋友o既理念。但可以肯定o既係國際學校絕對唔係唯一o既選擇。
我小 ...

thx for ur kind sharing!!

作者: unrealtv 時間: 14-1-27 22:40

thanks all,i think i will pick a local K1, my son will stay in hk for at least the upcoming ten years...cant skip learning cantonese....thanks once again

作者: wister 時間: 14-2-1 17:21 標題: 回覆：unrealtv 的帖子

都要考慮到自己家庭的經濟能力

歡迎光臨教育王國 (/)