教育王國
標題: 怎樣管教5歲'藉口多多'的小朋友? [打印本頁]
作者: kmmum 時間: 13-12-29 09:16 標題: 怎樣管教5歲'藉口多多'的小朋友?
小囡自幼性格固執,脾氣不好,三歲半才講自己名,極好動. 四歲半開始,說話多多.(但仍言語遲緩),咬字不清.上完言語治療,已有改善. 專注力亦不足.(經過年幾的自家training/ 書法/手工製作/ 下棋, 已有很多大改善)
現在五歲半,仍然藉口多多,老是有自己的想法.
E.G,爸爸把手提 放在床邊, 她想拿,卻不小心把手提跌入床底,她會道歉. 然後,叫爸爸應放在另一個位置,等她拿到. 當然,我已經好好訓示,要先問爸爸,等爸爸拿給她. 但囡囡口說知道, 同日晚上,卻叮囑爸爸要放好手提,好讓她第二日早上拿去玩.
E.G我拖著她正查看指示巴士路線圖,她會'甩手',自己行去另一個指示路牌幫手搵巴士, 教訓了很多次,一定要拖著媽媽手. 囡囡說[想幫媽媽找] ,她老是有自己主見, 一想到便做.
平時,和囡囡談話, 盡量小心對答,不會'亂UP',她枉枉'抽'番以前我所講過既說話. 亦會天天每事問, '我幾時何以返工? 會去那裡返工?'/ 好耐之前,你話下雨,不可踏單車, 今天無雨,便要去踏. (我說今日另有節目安排, 遲d先決定）。 她便不停追問, 很多時.會突然想起以前傾過的問題, 再重覆地問. 如我答了不同答案,便會'挑戰我', 說我記錯, 仲傻笑我'媽媽無記性',
日日如是, 感覺很累, 有時答到無氣, 又想發脾氣鬧. (試過發脾氣鬧她. 在街上,叫她'咪嘈', 唔好再問). 事後,很後悔, 唯有平心靜氣地慢慢講.
囡囡明年上小一, 在成長路上, 我怕她會否早熟?
如果問我'宇宙大爆炸', 還能用物理學去解釋, 但越問越多古怪事, 我答到氣咳. (.eg 你生左妹妹,婆婆生你. 咁婆婆生爸爸? 我答[是麻麻生爸爸] ,她再問[咁邊個生婆婆?]. 我只好再一層一層答落去,然後找藉口[oh,有車到,上車先].
不過, 過多一排, 她又會再追問[好耐好耐之前,你未答我, xxxxx 問題]
想請教家長們,作為父母應怎樣管教?!.
PS-囡囡不是資優生,找不到應在那版問, 才再這裡POST.
謝謝各位.
作者: derek0811 時間: 13-12-29 11:30
回覆 kmmum 的帖子
正常過正常, 好多5歲小朋友都係咁, 叻的尤甚. 佢唔係咁你至要擔心.
你可以做的就是盡量答他及引導他去自己找答案, 如去圖書館找書找答案.
不用擔心.
作者: wan_sosin 時間: 13-12-30 23:26
唔好比答案佢,叫佢自己諗下點解!佢答完再問下佢,還有無其他可能!佢再答完,再問佢,佢覺得邊樣最可能,最合理!總之反客為主,追問返佢轉頭,小朋友醒目的話,佢自己都可以諗到好多答案.
作者: kmmum 時間: 13-12-31 23:19
回覆 wan_sosin 的帖子
多謝指教, 一言驚醒, 下次我會叫她再想一下, 唔好自煩自擾去找個答案給她.
作者: wan_sosin 時間: 14-1-1 23:27
kmmum 發表於 13-12-31 23:19 
回覆 wan_sosin 的帖子
多謝指教, 一言驚醒, 下次我會叫她再想一下, 唔好自煩自擾去找個答案給她.
唔好客氣!大家交流!我記得之前都同你有傾過我哋嘅小朋友!
作者: Anniemun 時間: 14-1-4 14:31
kmmum 發表於 13-12-29 0916 
小囡自幼性格固執,脾氣不好,三歲半才講自己名,極好動. 四歲半開始,說話多多.(但仍言語遲緩),咬字不清.上完 ...
作者: kmmum 時間: 14-1-4 22:04
回覆 Anniemun 的帖子
係呀,她對自己想得到的東西,會不停提出要求, 不停追問原因.
好似,COOKIE 要到WEEKEND 先有時間整, 但明天要去旅行, 今晚要早點睡
一等便要下星期, 所以,嘈到不得了. , 便說過不停. E.G[還有三塊便吃完, 明天,星期一,星期二,便吃完, 星期三無得吃]
我只好叫她'不淮再嘈', 然後,催她刷牙洗臉,早點上床.
作者: wan_sosin 時間: 14-1-5 23:15
kmmum 發表於 14-1-4 22:04
回覆 Anniemun 的帖子
係呀,她對自己想得到的東西,會不停提出要求, 不停追問原因.
我反而欣賞你最後會叫妳囡囡"不準再嘈"!有些父母好怕對子女說"不準",認為唔尊重佢哋!但如果小朋友唔肯接受呢d指令!咁返到學校老師就難教架啦!老師唔會有咁多時間每個小朋友解釋咁多,有時只會話可以點樣,唔可以點樣!
我都會要求我仔立即聽,情願之後有時間才慢慢講返比佢知,點解我要咁樣要求佢!
我同我仔舉了個例,話如果行過街,上面有東西掉下來,我立即叫佢走開,如果嗰刻要解釋比佢聽點解要走開,佢才肯走開的話,咁佢條命仔就無架啦!
作者: kmmum 時間: 14-1-7 11:12
回覆 wan_sosin 的帖子
其實有時好矛盾, 唔想用'母權'壓落去.[this is an order !] 又覺得自己無理由輸俾個囡'辯論',所以,大家講過不停.
你個例子好正.
PS 你小朋友幾大?
作者: wan_sosin 時間: 14-1-7 23:09
本帖最後由 wan_sosin 於 14-1-8 22:10 編輯
kmmum 發表於 14-1-7 11:12
回覆 wan_sosin 的帖子
其實有時好矛盾, 唔想用'母權'壓落去.[this is an order !] 又覺得自己無理由輸俾 ...
我個仔5歲8個月大,你可能唔多記得我哋以前傾過,我仔好反叛,唔會一叫就聽,有時要同佢解釋好清楚先會係跟!
我講嘅例子係好真實嘅!因為生活上有時真係會d緊急情況,但叫極佢都唔理!
另外咁樣亦係對父母的一份信任,我成日同我仔講,爸爸媽媽一定唔會害你架!叫你做,一定有原因!
我其實都會經常同個仔傾偈,講返比佢聽我嘅諗法,父母嘅權力當然重要,但我又唔會唔同佢解釋,唔去明白返佢嘅諗法!
但我覺得,對幾歲人仔,需要用盡父母權力,到小朋友10歲後,就會越難用到啦!
作者: kmmum 時間: 14-1-7 23:37
回覆 wan_sosin 的帖子
同我囡差不多大?! 我囡係0806. 唔好意思, 真係唔記得之前傾過乜野.
囡囡K1開始 上過不同類型的治療課程, 有感統/有社交/有情緒. K2暑假,連言語治療都上埋.
K3上學期,情況總算OK. 開學時,有幾次在校異常行為.都係attention seeking .
可幸是.不是ADHD,不是亞氐. 各方便都OK . 唯獨是把口越來越厲害.
每每鬥智鬥力.
今天叫她過來一起溫習,她說要扮烏龜爬, 叫她快一點. 便說[烏龜是爬得很慢] (前晚,讀了龜兔賽跑故事)
其實 我想講[咁你扮白兔,白兔快好多].但若果講左, 佢會由頭再玩過, 仲花時間.
唉,嘔血. 算吧la. 偶然一次, 過多兩年就唔會扮.
作者: wan_sosin 時間: 14-1-8 22:28
回覆 kmmum 的帖子
無印象唔緊要!但我好像記得你話上過3P課程,個女嘅情緒有所改善咗之類.....
你囡囡到而家5歲,叫做整體無大問題,都算無白花前幾年時間去幫忙佢!
我仔要今天10月左右要去睇精神科,之前CAC評為活躍及反叛!佢算係最聽我話架啦!連老師都無咁聽架!我都花了唔少心機,激咗唔少氣!
還好佢學習方面幾好!同埋運動方面出色,佢學緊跑步,教練都好睇好佢!連飲食方面都比埋意見我哋!
其實運動對佢有好大幫助!佢自信多咗!肯聽人講多咗,當然始終有時都仲會"玩嘢"!
你囡囡都多古蠱嘢!有時無傷大雅就同佢玩下囉!我有時都順住我仔同佢玩!佢有時佢鬧我媽媽衰人之類,我就同佢講笑咁,話係呀!我好衰架!衰到日日煮飯你食,帶你返學,同你去玩呀.......都幾衰架!
當然如果佢太過份我就一定stop佢!
作者: kmmum 時間: 14-1-9 14:08
回覆 wan_sosin 的帖子
3P <- 下葵涌智力中心的3P. 我還有上東華三院的親子互動輔導服務<-它可以說是改變了自己日後教育兒囡的手法及態度.
K1所學的, 未必能即時使用或有RETURN. 但我放棄. 每半年,再試下,
可能囡囡無乜目標. 不是用什麼獎勵,便誘導她.
反而,到了5歲, 我再次用.CHOP 印仔計劃. 便很有效. 可能囡囡已懂加減數. 知道自己的成績.
食飯坐得好. 自己刷牙洗臉, 完成功課. 會蓋印仔.但做錯事,便要打X.
計總數.(印仔減 CROSS ) 集齊12個,可以和爸爸一盒做手工.
當中,少不了辯論環節, E.G 我講左兩個印仔, 結果只CHOP一個. 講左打三個CROSS. 我唔忍心, 打少一個. 囡囡都會直言.
運動方面,我囡仍然不聽指示, 跟過RUNNING CROSS/FOOTBALL TEAM. 總有自己意見. 我不在場時,她便有自己一套看法. 教練罰她, 便死死地氣走埋一邊.
作者: wan_sosin 時間: 14-1-9 22:43
本帖最後由 wan_sosin 於 14-1-9 23:43 編輯
回覆 kmmum 的帖子
獎勵對我仔都唔肯太work！佢會同我坳個獎品要d乜!個獎品唔夠吸引，就話咁我唔做啦!但佢開嘅條件全都係唔合理嘅!咁我就話，就算唔要獎，都唔等於可以唔做好!獎品係欣賞佢做得好，但唔係交換!
你囡都有進步，都係好事啦!咁應該今年上小學啦!有學校未?
我仔最肯聽算係跑步啦!可能因為有成功感，覺得自己做得好，所以合作d！
不過今日係學校都出事，班主任教緊其他同學時，佢無嘢做，覺得悶，走去教其他同學仔hip hop，(其實佢只係睇過扮返出來),於是幾個同學仔跟住玩，當然比老師話啦!
作者: kmmum 時間: 14-1-9 23:30
回覆 wan_sosin 的帖子
還有妹妹跟尾.,首選屋企最近的小學. 我囡好易滿足, 買份廿元手工當獎品, 最重要她想DADDY /MUMMUM 一齊陪她完成.
你仔轉數快,識得'有要求',
作者: wan_sosin 時間: 14-1-9 23:47
回覆 kmmum 的帖子
我仔都係入間叫近嘅學校,自行20分收咗!小班教學,水平中上!都算適合我仔!
佢係多多要求!仲要指生晒添!
所以我如果唔宣示下主權,佢就惡架啦!
作者: chowqv 時間: 14-1-28 02:51 標題: 回覆：怎樣管教5歲'藉口多多'的小朋友
我對住阿仔，bb時已經講：阿媽唯一對你既要求，係要同大人配合。要話事，請等18歲有成人身份証。
不過我有時會俾佢話事，不過後果要自己負責。
| 歡迎光臨 教育王國 (/) |
Powered by Discuz! X1.5 |