教育王國

標題: [求助] 每晚有50%發惡夢驚醒 [打印本頁]

作者: MASAYA 時間: 13-12-27 14:05 標題: [求助] 每晚有50%發惡夢驚醒

現在5.5歲女，經常半夜嚇醒坐起身，然後尖叫，明顯係不在清醒狀態，試過揇實叫佢個名或開燈嘗試令佢清醒，但大部份時間都唔得，到真係可以清醒既時間，大約係10mins - 30mins，冷靜到之後先可以再睏返...p.s. 唔知係咪應該係呢版發帖，因為似係心理問題

作者: sinsinlo 時間: 13-12-27 16:27

依版叫智能評估, 唔係心理評估, 咁你小朋友日頭正常嗎? 就算BK有jm俾意見你, 你擔心應該帶佢睇醫生

作者: MASAYA 時間: 13-12-27 16:50

係啦，我見有d家長會0係呢度問過度活躍問題，所以我試下呢版問問，因為我唔知其它邊個版會比較適合，日頭佢會經常處於hyper mode，玩得開心就會失控，我問過學校老師同健康院醫生係咪過度活躍，佢地都話過度活躍唔係咁，佢由三歲開始就會晚上驚醒，開頭我以為大d會好d，但而家5.5歲都仲係咁，睇醫生既話應該去邊度睇？去門診再轉介定直接搵心理醫生？

p.s. 多謝你既回覆 : ]

作者: lillymarie 時間: 13-12-27 20:36

MASAYA 發表於 13-12-27 16:50
係啦，我見有d家長會0係呢度問過度活躍問題，所以我試下呢版問問，因為我唔知其它邊個版會比較適合，日頭佢 ...

我囝囝都曾經有類似的情況，睡着約一小時左右後會突然走出房大叫好驚好驚，又話見到野，又會跑來跑去。佢個人會有對答但睇得出係發緊夢未醒的。我後來發現原來有個情況叫做night terror, 在小朋友當中係好常見的。你可以google一下。
我囝唔係晚晚都會咁，係發燒、日間情緒太高漲之下才會，現在越來越疏。

作者: MASAYA 時間: 13-12-28 00:30

lillymarie 發表於 13-12-27 20:36
我囝囝都曾經有類似的情況，睡着約一小時左右後會突然走出房大叫好驚好驚，又話見到野，又會跑來跑去。佢個 ...

謝謝你的資料, 我找到中文字眼是夜驚或夜哭, 不過大多數文章都說不用理會, 長大後便好了, 其中一篇說平均時間經歷3.9年...你仔現在多大?

作者: lillymarie 時間: 13-12-28 03:43

他七歲幾突然有這情況，現在十歲多了。

作者: Letter_lalaland 時間: 14-3-24 02:56

本帖最後由 Letter_lalaland 於 15-5-31 21:11 編輯

你試吓睇嚟本書睇吓幫唔幫到你啦，外國一位老精神科醫生寫嘅，睇完認該會明白多啲點解小朋難專注，發惡夢。

作者: MASAYA 時間: 14-3-24 15:50

Letter_lalaland 發表於 14-3-24 02:56
你試吓睇嚟本書睇吓幫唔幫到你啦，外國一位老精神科醫生寫嘅，睇完認該會明白多啲點解小朋難專注，發惡夢。 ...

感謝你的資料
布隆貝格韻律運動訓練 <-- 是這個書名嗎？

作者: Letter_lalaland 時間: 14-3-24 22:48

不用客氣。

對。

作者: deniseL 時間: 14-3-26 22:33 標題: 回覆：[求助] 每晚有50�夢驚醒

我仔三歲多都有類似情況，但斷斷續續，維持一星期晚晚都係咁，跟住隔一排又冇。又係google到有關night terror ( vs nightmare),有其他jm分享經驗真係好，仲有書參考，多謝晒！

希望情況唔會維持太耐啦！

作者: bbnck221 時間: 14-4-5 23:19

今晚路過睇到各位的個案，其實都應該留意下他們有這種情況出現之前和之後有什麼異常的行為，最好都是睇心理醫生，找出原因。

作者: MASAYA 時間: 14-4-7 17:54

http://goo.gl/HhvCqa <-- 治療兒童夜啼的按摩穴位
今日見到呢篇文章，我諗手部穴位試試無妨，頭部就唔好隨便試

作者: 魚兒小寶貝 時間: 14-4-14 11:36

我囝由BB開始已經瞓得唔好，佢日頭好活躍，就算響屋企都係手腳冇停跳來跳去，以為佢朝早消耗晒d精力夜晚會瞓得淋d，但唔係囉! 2歲不能坐低睇碟超過5分鐘，把口唔停咁講野，個腦又不停咁諗野! 佢夜晚熟睡個半鐘左右，會坐起身喊，有時會指住空氣，問佢喊乜係咪發惡夢佢又答唔倒，有時會覺得佢發惡夢但叫佢唔醒，攬佢拍佢都冇用。佢反瞓得很，除左360咁碌、踢之外，仲會撞頭埋牆。

一路都覺得佢有問題但唔知乜問題，自己睇書對d特徵，過度活躍、感覺統合...中d唔中d，我諗佢屬於邊沿。後來有次佢突然一邊面及眼睛不受控制，我同佢去照磁力共振及腦掃描，好彩冇事！

我都有上網查，我相信同你地講既一樣，係＂夜驚＂! 我囝就快6歳，除左仲係反瞓，呢2、3年已冇乜夜驚，唔知係年齡關係定生活上既改變，皆因囝囝以前係99湊唔同我住，囝BB開始已好細膽，好易嚇親，響公園亦唔同其他小朋友玩。上N班喊足兩個月，老師話佢性格內憸、唔合作。。。同佢報興趣班情況一樣，會離群走埋一邊坐。

K1開始我全職湊番佢，朋友話我囝自始好似變左另一個人，我諗囝囝真係超超超鍾意我，所以之前佢好冇安全感，而且比老人家湊活躍兒亦不恰當，可能佢之前身同心都得唔到好好舒緩及引導。雖然囝性格仍然係慢熱內憸，但開朗左好多，響學校合作左好多，最重要係夜驚漸漸消失。佢依家一旦夜晚喊醒，必定係有原因既，1係太熱，1係玩得太盡。

作者: 魚兒小寶貝 時間: 14-4-14 11:47

呀! 我自己湊其中一樣好大既分別係99長期開電視，而我甚少。

作者: scyauchris 時間: 14-4-19 19:36

原來這叫夜驚，我女都有，佢大左又真係少了。

作者: Jan2010 時間: 14-11-19 14:43

我阿女都有甘呀, 而家3.5歲, 深夜大叫大哭, 好擾人呀

作者: Lam3Tai 時間: 14-11-20 22:56 標題: 回覆：[求助] 每晚有50�夢驚醒

我阿仔由細到大（4.5）都係咁，正常日子係，玩得癲仲醒多幾次，成日會發夢番日頭發生過嘅事。試過按手穴位同前按摩睡，有少少進步。但一覺天光真係好少數！

作者: kmmum 時間: 14-11-23 22:35

回覆 MASAYA 的帖子

(1) 見心理學家做'評估', 4K左右. 看看小朋友那方面有問題
(2)上遊戲治療. 由導師在遊戲中去探討小朋友'內心世界', $500/45MINS. 可能要連上四堂.

我囡5歲見心理學家,有自閉症症狀(4-7樣). 後來上小一,情緒上落很大. 堂上大叫又易哭.
後來上遊戲治療. 導師從遊戲中了解小朋友內心世界. 亦憑她的經驗解構到囡囡的自閉症症狀會在'新環境'會有什麼問題出現, 亦給了我一些意見.

有需要可PM 我拎資料.

作者: gagachu 時間: 15-3-19 07:31

回覆 MASAYA 的帖子

你哪版有無錯等版主幫你移。唔緊要的，做媽咪好擔心都想解決問題。你從中醫入手，效果快又明顯。
好快無事的。

歡迎光臨教育王國 (/)