教育王國

標題: 專注力不足問題 [打印本頁]

作者: 邪惡小天使 時間: 13-12-21 02:07 標題: 專注力不足問題

我仔仔3歲幾係政府測試證實有輕微專注力不足及語言障礙，醫生話6歲時會再約我做多一次評估，而家我仔仔已經6歲了，加上小學老師投訴佢上堂唔專心加會突然企起身等……我也覺得佢好似比幼稚園時嚴重了，請問我是否可以打電話返中心預約時間做評估定要再睇醫生拎轉介信?

作者: Vinell 時間: 14-1-14 15:13

既然之前已經有醫生話六歲才作檢查, 你應該可以打去中心跟進一下, 看排到幾時, 又或者告訴他們學校老師都覺佢有問題, 看可否加快速度。否則找家庭醫生寫推薦信, 然後打去政府較近住址的兒童測試中心預約作評估。

作者: 邪惡小天使 時間: 14-1-20 00:02 標題: 回覆：Vinell 的帖子

Thx,cac個邊已經聯絡咗我，寄咗問卷俾我同學校做啦，不過佢話如果見填完問卷覺得情況嚴重就會直接轉介去精神科

作者: chowqv 時間: 14-1-20 03:11 標題: 回覆：專注力不足問題

其實，入小學前，就要打電話去問姑娘。起碼做過小一入學評估嘛。

作者: 邪惡小天使 時間: 14-1-21 14:01 標題: 回覆：chowqv 的帖子

亞仔細個去睇個陣，醫生話等佢足6歲會主動聯絡我，所以我都冇為意原來入小學前要再做一次

作者: Ms.Mak 時間: 14-1-22 00:27

邪惡小天使發表於 14-1-21 14:01
亞仔細個去睇個陣，醫生話等佢足6歲會主動聯絡我，所以我都冇為意原來入小學前要再做一次

...

現在先再評估,再排政府精神科約2年,可能8歲幾三年級下學期才見醫生.個人意見父母應信自己和幼稚園老師觀察,早D做獨立評估,早D排政府.

作者: 邪惡小天使 時間: 14-1-25 00:47 標題: 回覆：Ms.Mak 的帖子

幼稚園個陣老師冇話佢有嚴重到，係上到小學先開始嚴重，可能小學多咗好多規矩
老師發現到佢有呢啲問題，亦都觀察左一段時間見佢冇改善先約我返學校傾

歡迎光臨教育王國 (/)