教育王國

標題: 天主教父母的選擇 [打印本頁]

作者: vandr 時間: 13-12-20 10:57 標題: 天主教父母的選擇

想了解天主教的父母, 如果有得揀，大家會俾小朋友入讀基教的學校嗎?
舉個例:如果st. Paul's co ed 同高主教都收，你會點揀？

作者: ayw 時間: 13-12-20 11:27

我會比小朋友讀天主教學校

作者: maomaofifi 時間: 13-12-20 11:44

我係基督徒, 所以基本上我只報左有基督教背景既學校. 但因為爸爸好鍾意德望, 所以都有報. 不過, 真係收女女時, 都會幾掙扎...始終學校會灌輸其宗教信仰比小朋友...

作者: prisca126 時間: 13-12-20 11:52

如果可入讀天主教學校的話當然是最好，但我覺得要睇返你想小朋友在學校學到什麼，如果你想注重學術，應該是St. Paul co-ed。如果是注重信仰、思想和對生活態度，可能天主教學校會好些。
我覺得信仰培育也可以自己在家或週末做，參加堂區活動、主日學、信仰小團體活動等...
不少天主教學校都會有虔誠o既基督教學生，我覺得反相也可以做到。

作者: rosebb 時間: 13-12-20 11:56 標題: 回覆：天主教父母的選擇

天主教先，但其實有些基督教會唔係太開明，未必收天主教教友

作者: TeriAnla 時間: 13-12-20 12:04 標題: 回覆：天主教父母的選擇

如果係好Top基督教學校教育如St Paul Co Ed，女拔，我都會考慮。如果唔係，一定天主教學校行先，然後冇宗教背景。

作者: jywy 時間: 13-12-20 12:07

我就係煩緊了, 我係天主教徒, 我C6都係, 但我果區多基督教學校, 所以都要報, 可惜, 偏偏基督教學校收左我女, 天主教個D就WAITING, 但收我呢間基督教學校應該開明卦, 因我填FORM時有寫明父母及考生都為天主教徒, 佢都照收...但真擔心信仰、思想方面與我地唔同.....

作者: lauwingtai 時間: 13-12-20 12:24

我自己的意見, 天主教也好, 基督教也好, 都是相信同一個「主」。只是兩者有不同的立場, 而天主從沒創立天主教, 基督也沒創立基督教, 兩個教都是人類創的, 那就是說, 天主教和基督教的分別是因創教人(人類)的立場而分成兩派, 而不是因天主或基督的立場而分成兩派。只要誠心信主愛主, 遵從主的話語, 主就會保佑和愛我們, 何必介懷呢! 若果有香港人信猶太教, 而香港又沒猶太學校, 豈不是唔駛讀書? 我覺得, 只要真心信主, 到那裡讀書都一樣, 我們得信主的安排, 主自有主張。

作者: jeanjasmine 時間: 13-12-20 14:27 標題: 回覆：天主教父母的選擇

我和女兒是基督徒，心儀全女校，但原來香港全女基督教小學只有三間。天主教辦的就比較多。我有時都想，基督徒讀天主教學校會点呢？

作者: rosebb 時間: 13-12-20 14:41

其實好多天主教的學校都會收基督徒，但係調轉，我的朋友今年APPLY小一，佢都覺得有些基督教的學校真係唔會收天主教學生，不過，我都相信，天主有佢的安排，難道我們會為子女報學校連宗教那項唔填嗎，我相信無人會LOR!

作者: elmolly 時間: 13-12-20 16:10

幼稚園階段我都有報基督徒學校, 但小學就完全唔會考慮了, 一讀6年, 希望學校宗教同家庭宗教可以一致

作者: lauwingtai 時間: 13-12-20 16:16

本帖最後由 lauwingtai 於 13-12-20 16:16 編輯

rosebb 發表於 13-12-20 14:41
其實好多天主教的學校都會收基督徒，但係調轉，我的朋友今年APPLY小一，佢都覺得有些基督教的學校真係唔會 ...

有部份基督教學校不收天主教學生的原因是「基督教與天主教對偶像」有不同的見解, 基督教認為聖母像也算是偶像, 其他聖人也不應設像, 因此, 基督教的十字架是齋架一個, 沒有基督的, 而基督教教堂亦沒有雕像, 所以, 有些較敏感的基督教學校不收天主教學生。但當然, 會收天主教學生的基督教學校為數亦不少, 視乎該辦學團體的宗旨吧!

作者: bbaunt 時間: 13-12-20 16:35

我覺得小朋友返學時間比參與星期日堂區活動多，所以只會選擇天主教學校或非宗教，始終一致對小朋友會好d。
如果是上中學，我就覺得可以揀基督教，因為小朋友己經有概念

作者: rosebb 時間: 13-12-20 16:52

回覆 bbaunt 的帖子

Agree, 因為唔同教義，係小朋友小的時候好難去解釋。不過，除了呢個考慮，C6說仲有國民教育的考慮，所以基本上我們都會選天主教先。

但原來BK都好多教友，仲好有質素同解釋詳盡

作者: Jomei 時間: 13-12-20 17:31

我係天主教徒，我會揀讀天主教的幼稚園！

作者: Martina 時間: 13-12-20 17:56

我仔女自幼稚園起至中學, 均選天主教學校
好彩全部都系當其時之第一或第二志願

作者: 雨林焱木 時間: 13-12-21 00:24 標題: 回覆：lauwingtai 的帖子

講得好好

作者: Chirley 時間: 13-12-21 00:25

我以前小學讀基督教學校，中學讀天主教學校…
個人認為校內生活分別唔係太大…
雖然一個係mother mary先，一個係主耶穌基督，
不過我讀中學時都讀好多聖經內耶穌嘅野…
而且都係導人向善…

作者: winwin228 時間: 13-12-21 15:39 標題: 回覆：天主教父母的選擇

我都係天主教但我女讀基督教幼！因之前報幼時全部下午班！我會等我女選小一時先在選天主教。

作者: Koala_Chu 時間: 13-12-21 17:46 標題: 回覆：vandr 的帖子

我們一家都是天主教徒，但兩個囡都是在基督教幼稚園讀書，冇問題喎!

小學入讀天主教學校

作者: DragonBB2011 時間: 13-12-21 18:11

jeanjasmine 發表於 13-12-20 14:27
我和女兒是基督徒，心儀全女校，但原來香港全女基督教小學只有三間。天主教辦的就比較多。我有時都想，基督 ...

which 3? TL? DGJS? HY?

作者: cloudcloudrobot 時間: 13-12-21 18:43 標題: 回覆：天主教父母的選擇

其實很多基督教會都很包容,例如聖公會同中華基督教會,某些小學仲承認天主教是同一宗教,即多5分宗教分,所以我都冇乜特別要排除基督教學校。只是因為基督宗教分支甚多,某些分支仍不包容天主教,先會導致一些公教家長以為基督教學校排斥天主教學生。倒不如大家多祈禱,希望上主的引領可使兩教合一。
哈哈,離了題,對不起。

作者: Silverhawk 時間: 13-12-21 19:26

cloudcloudrobot 發表於 13-12-21 18:43
其實很多基督教會都很包容,例如聖公會同中華基督教會,某些小學仲承認天主教是同一宗教,即多5分宗教分,所以 ...

同意，曾遇過一個天主教友，閑談間知道他在聖公會某名校教宗教。

作者: Gerard 時間: 13-12-21 20:10 標題: 回覆：天主教父母的選擇

提示: 作者被禁止或刪除內容自動屏蔽

作者: sissysze 時間: 13-12-22 00:03 標題: 回覆：null

我只揀天主教學校，另我覺得天主會安排，不用憂心。

作者: jeanjasmine 時間: 13-12-22 00:31 標題: 引用：Quote:jeanjasmine+發表於+13-12-20+14:27+

原帖由 DragonBB2011 於 13-12-21 發表
which 3? TL? DGJS? HY?

HY, DGJS and SSGPS

作者: yyetgohome 時間: 13-12-22 09:47 標題: 回覆：vandr 的帖子

天主教學校

作者: DragonBB2011 時間: 13-12-22 11:03 標題: 引用：Quote:原帖由+DragonBB2011+於+13-12-21+發

原帖由 jeanjasmine 於 13-12-22 發表
HY, DGJS and SSGPS

係喎...SSGPS...

作者: Miumiulab 時間: 13-12-22 14:45 標題: 回覆：vandr 的帖子

首選天主教》基督教（聖公會）》基督教》無宗教背景。

作者: manlam66 時間: 13-12-23 17:50

prefer 天主教

作者: saladmama2011 時間: 13-12-23 18:34 標題: 回覆：天主教父母的選擇

提示: 作者被禁止或刪除內容自動屏蔽

作者: angelhobo 時間: 13-12-25 06:48 標題: 回覆：ayw 的帖子

Me too. 讀天主教學校

作者: lauwingtai 時間: 13-12-25 09:30

祝大家聖誕快樂！Shalom

作者: tempooo 時間: 13-12-25 13:24 標題: 引用：我們一家都是天主教徒，但兩個囡都是在基督

原帖由 Koala_Chu 於 13-12-21 發表
我們一家都是天主教徒，但兩個囡都是在基督教幼稚園讀書，冇問題喎!

小學入讀天主教學校

同你一樣情況

作者: rainrain613 時間: 13-12-25 15:14 標題: 引用：我會比小朋友讀天主教學校

原帖由 ayw 於 13-12-20 發表
我會比小朋友讀天主教學校

應同。

作者: swcon 時間: 13-12-30 17:34

我一家是天主教, 但我兒在幼稚園其間只有基督學校收, 一讀就讀了4年, 其間他都有返主日學, 佢會成日問我D小問題如,摩西係唔係啫係梅瑟呀?彌賽亞同默西亞有咩分別?可能會有D亂, 但感恩小學可順利入到天主教小學

現在就沒問題了

作者: btrue 時間: 13-12-30 21:33

cloudcloudrobot 發表於 13-12-21 18:43
其實很多基督教會都很包容,例如聖公會同中華基督教會,某些小學仲承認天主教是同一宗教,即多5分宗教分,所以 ...

非常同意.基督教分支多.不能一概而論.
以聖公會為例,跟天主教很相似 (當初聖公會由天主教分支出黎, 是政治分歧多於教義.), 保留baptism, holy communion, saints, etc. 當然都有受到protestant movement的影響.
大家可以去多認識其他教派, 多了解學校宗教科的內容才下定論.

作者: loo123 時間: 13-12-30 22:02

因為本人會選龍校，盡量都會讀番天主教學校，雖然大家理念一致，但聽到耶和華總是不習憒！相信天主會安排最好的给我們！

作者: lewisfung 時間: 13-12-31 14:39 標題: 引用：我們一家都是天主教徒，但兩個囡都是在基督

原帖由 Koala_Chu 於 13-12-21 發表
我們一家都是天主教徒，但兩個囡都是在基督教幼稚園讀書，冇問題喎!

小學入讀天主教學校

我都係全家天主教，但大仔現讀基督教幼稚園，但我不覺有問題，幼稚園主要教聖經內良好品行。而且呢間學校很用心，亞仔進步了不少。
當然最理想由K到P到S都可以讀天主教學校。
但我住果區的幾間天主教幼稚園下年都無學卷。:;pppp:
所以都會讀返亞哥果間幼稚園。
小學就好彩亞哥出年入得返天主教學校。

作者: cmlam12 時間: 13-12-31 14:57

回覆 lewisfung 的帖子

選天主教幼稚園的好處,
是可以讓小朋友幼兒期,
都可以上稚園提供的主日學,
因為聖堂的主日學,
一般需要小朋友年滿五歲,
才能夠報名.
上主日學,
讓小朋友培養德育.

作者: ^GGmami^ 時間: 14-1-4 22:54 標題: 回覆：天主教父母的選擇

父母其中一個好重要嘅責任係要為子女安排信仰教育，連聖經大家睇嘅version都唔一樣，所以如果無天主教學校收的話，我情願揀無宗教背景，以免小朋友好混亂

反而佢大個我無咁大concern，因為佢大到可以自己分析邊個宗教適合佢，到時佢要轉會我都無辦法，起碼我已盡責任。但都係果句，天主自有安排，佢會照料我地班小羔羊，放心

作者: AImom 時間: 14-1-5 00:01 標題: 回覆：天主教父母的選擇

幼稚園問題不大但小學最理想當然是選讀天主教學校記得自己小時候和sister father brother都頗熟感覺在學校也有親人關顧令我想起現在大囝很幸運地在另一區一間傳統天主教男校讀小學男仔當然天生喜愛生事他要見訓導主仼的惡作劇想不到連沒有教他的那位堂區教友也知道呢其實也是好事讀同一宗教學校容易遇到多些弟兄姊妹幫忙提點呢

歡迎光臨教育王國 (/)