教育王國

標題: 怪獸家長喜歡老屈自己個小朋友係adhd??!! [打印本頁]

作者: mingdhk 時間: 13-12-18 15:01 標題: 怪獸家長喜歡老屈自己個小朋友係adhd??!!

自己個小朋友成績比其他人差就話自己個仔係add自己個小朋友上堂坐唔定、唔留心就話自己個仔係add, adhd.
自己個小朋友上體育堂身手無其他小朋友咁敏捷,就話自己個仔係add
自己個小朋友上美術堂畫畫無其他小朋友咁靚,就話自己個仔係add
自己個小朋友返屋企唔願做功課,唔肯溫習,就話自己個仔係add

自己個小朋友...................(下刪二十項)

最攞膽就係,比較嘅對象,住住係全班最top果幾個.

當見到自己個小朋友好似樣樣都比唔上人地嘅時候,
就會覺得佢有問題,有d唔知咩病...............
c9之間人云亦云無可厚非,帶個小朋友去睇私家,
轉介去機構做檢測亦好正常.

但係,係正式report出嚟之前,請你地千祈唔好要求e生開藥.

如果個細路係adhd , 相信係一、二年班(小學階段)老c或者學校就會建議家長去check.

而add就可能要主動揾私家寫紙轉介去機構做檢測.

事實上,真正有問題嘅小朋友並唔係太多.

最後一提,就算小朋友食左專注達,亦唔見得成績會好左.

作者: ntefamily 時間: 13-12-18 20:58 標題: 回覆：怪獸家長喜歡老屈自己個小朋友係adhd

提示: 作者被禁止或刪除內容自動屏蔽

作者: mingdhk 時間: 13-12-19 10:45

本帖最後由 mingdhk 於 13-12-19 10:49 編輯

回覆 ntefamily 的帖子

完全同意.
add的學生上堂唔會嘈，只是遊魂，老師基本不會理會。
最大鑊係老師認為個學生成積差係因為懶,對個學生嘅態度差到不得了,
臨到學期尾仲醒佢冧下班.........唉...........

但係遊魂亦唔一定代表係add,
有邊個做細路果陣唔遊魂又肯自動讀書.

如有懷疑,都係經私家e生寫轉介信去check.

作者: Kyle 時間: 13-12-19 11:20 標題: 回覆：mingdhk 的帖子

有見地，一股清泉。所以我走來搭嗲。
上班時成日有一大班人走落樓下食煙hea, 又有些同事發白日夢，又有些同事個口唔停經常傾計, 我覺得以現在家長對小孩的標準，以上的成人都患上專注力失調，要食藥。佢地唔食藥，好危害正常成人返工安全囉！

作者: ntefamily 時間: 13-12-19 11:35

提示: 作者被禁止或刪除內容自動屏蔽

作者: mingdhk 時間: 13-12-19 14:27

本帖最後由 mingdhk 於 13-12-19 14:33 編輯

回覆 Kyle 的帖子

同大家分享一個真實故事.
友人有一女兒入讀某名牌小學,
一年級時侯,成積係十名之內,
二年級嘅時候,第一次考試跌落十五名(全班大慨三十人)

聞說友人妻見完家長之後即時發茂....家長太太團伙之中,
有一、兩位見多識廣(自認..........),即時發表偉論............
"你個女會唔會係專注力失調,快d帶佢去check下啦"

友人妻當時已經火上心頭,再加上覺得冇面,
於是二話不說,聽太太團指示直闖某名牌私家精神科e生,
並要求開出聰明藥.

果位精神科e生好有e德,亦都可能見得怪獸家長多, 即時say no,
但都出左轉介信叫友人妻帶小朋友去相關機構先做評估.

去完明愛,report出左冇事、正常,又覺得唔滿意,
跟手又青蔥、又小童群益..........洗左around兩萬.............全部report出嚟都係顯示小朋友冇事、正常.

作者: Kyle 時間: 13-12-19 14:33 標題: 回覆：mingdhk 的帖子

阿Sa 阿嬌會考零分，佢地要第一個食藥囉！

作者: mingdhk 時間: 13-12-19 14:38

回覆 Kyle 的帖子

好多時候未必真係小朋友有事.
反而係家長疑心生暗鬼(或者面子問題)

作者: mingdhk 時間: 13-12-19 14:40

回覆 ntefamily 的帖子

咁就真係要做個詳細d嘅assessment

作者: Kyle 時間: 13-12-19 14:43 標題: 回覆：mingdhk 的帖子

本帖最後由 Kyle 於 13-12-19 15:29 編輯

同意，通常是個父母有事多些，但個父母自己讀書又好叻嗎？

快㗎啦！美加澳洲已經食藥如食飯，香港就嚟唔係考第一都要食。

作者: checkylam 時間: 13-12-19 15:37

有邊個父母唔緊張, 但係真係唔好自己亂咁猜測, 有可疑, 當然要找專家評估一下, 得個安心都好, 如果唔係ADHD, 只係懶, 家長唔係應該仲開心嗎? 唔通有ADHD先至開心???

作者: mingdhk 時間: 13-12-19 15:56

本帖最後由 mingdhk 於 13-12-19 15:56 編輯

回覆 checkylam 的帖子

父母關心子女心情絕對理解.
但係最怕over左變左怪獸家長

作者: w_y 時間: 13-12-19 19:12

無事正常咪好囉...
真係有, 你估好好玩架咩.

唔好話ADHD, 評到個小朋友係資優咪又係一樣煩

作者: orphan0713 時間: 13-12-21 21:20 標題: 回覆：怪獸家長喜歡老屈自己個小朋友係adhd

完全認同, 我現時工作主要就係做專注力小組

好多老師同家長都係知道adhd而家了解adhd, 所以小朋友一有少少唔妥就賴係adhd....其實咁嚴重影響左個小朋友, 同時亦影響緊其他真係有需要接受評估/訓練既小朋友....

唉...都只有怪社會太鍾意以標籤去判斷別人...

作者: IwanBB 時間: 13-12-28 11:38

曾經親自聽到全級考第一名既家長問其他家長關於聰明豆既資料, 佢講明想俾小朋友食, 但果位小朋友出名品學兼優. 完全無需要食藥!!! 真係怪獸家長, 為佢小朋友可憐!!!

作者: Kyle 時間: 13-12-28 12:00 標題: 回覆：IwanBB 的帖子

十年樹木, 百年樹人。現今快餐文化，無人再願意花時間去慢慢哉培個人，食粒仙丹哉培都慳番。

歡迎光臨教育王國 (/)