教育王國

標題: 樂天密習？ [打印本頁]

作者: cvpigpig 時間: 13-12-17 14:45 標題: 樂天密習？

有冇人試過去樂天做密習？仔仔早2日上左去見治療師，佢話仔仔有d行為踩界，建議做密習可快d改善。因為仔仔已排政府評估，話到時會好d。有冇人試過做？真的好d嗎？

作者: JJran 時間: 13-12-17 16:00

樂天是很商業講錢的機構，但我兩年前仔在佢度上了半年，都唔錯既

作者: cvpigpig 時間: 13-12-17 17:53 標題: 引用：樂天是很商業講錢的機構，但我兩年前仔在佢

原帖由 JJran 於 13-12-17 發表
樂天是很商業講錢的機構，但我兩年前仔在佢度上了半年，都唔錯既

咁姐係有$俾就好？你仔上左幾耐？有明顯改善？我其實見其他中心d密集課程都差不多$，所以唔知點揀！$俾左唔緊要，最想就梗係見到仔仔改善

作者: Fanfan1314 時間: 13-12-17 18:11

提示: 作者被禁止或刪除內容自動屏蔽

作者: JJran 時間: 13-12-17 22:24

我仔本來係自閉兼嚴重遲緩的，因為貴，只返了6個月，但佢返左樂天後開始有意識知道自己做緊咩…樂天可以觀課，同陳校長原本在協X做了很多年，睇小朋友好有經驗，但聽仍在樂天的媽咪話佢地近年越來越商業味重下下講錢叫你加服務…
但之前我覺得佢地的感统-職業治療師好hea , 相比OT應該是邁步或領思較好，總之有利有弊，樣樣都係錢，要看自己小朋友邊方面問題較大自己取捨

作者: little-panda 時間: 13-12-18 01:39

講明先, 我無利益衝突(最近見到BK有駡戰), 我小朋友在樂天train 過, 是不錯的, 小朋友有明顯進步.....如果係讀小幼苗或幼適型, 月費include ST, PST 同OT..校長好少叫你加嘢....不過如果你去主流學校讀唔再返, 佢就可能建議你返ST, PST, OT或社交班...是否商業化見仁見智, 因為有些小朋友的確需要(就像政府E位).......又無人迫你一定要參加

陳校長確實是很資深, 我覺得佢算係有心人....另外師生比例OK足夠

我個人認為唔同機構適合唔同小朋友, 樂天也不一定個個啱, 有時試過先知, 好多小朋友試幾間才找到合適嘅.....你小朋友年齡, 認知, 行為, 情緒如何?

作者: cvpigpig 時間: 13-12-18 02:43 標題: 引用：講明先,+我無利益衝突(最近見到BK有駡戰),+

原帖由 little-panda 於 13-12-18 發表
講明先, 我無利益衝突(最近見到BK有駡戰), 我小朋友在樂天train 過, 是不錯的, 小朋友有明顯進步.....如果 ...

謝謝，之前上去見過陳校長，佢話我仔最主要係唔肯聽指令，佢自己自由玩可以坐定，但有人叫佢點玩就立即走路！小肌肉超弱，手指冇力。所以有機會影响佢說話，佢現在2歲幾都係得幾個單音，仲要係唔準。認知冇問題，記性幾好，有d野未見過，玩一次俾佢睇之後佢就識，但要佢跟住指令做就爆喊。有少少鐘意擔天望地，行路有時似醉酒佬，有眼神接觸但唔夠多，冇特別固執但興趣狹窄，佢話都係小問題。最主要針對聽指令同加强小肌肉先，語言治療可以遲d先。所以佢叫我返小幼苗建立個規律俾仔仔。因為佢出年返K，如果照現況一定俾人覺得有問題。其實見面過程大約1個鐘，由初初一叫佢做指令就爆喊走路，到最尾一聽到陳校長叫佢埋去已經識自己行埋去但係一路喊一路行……

作者: cvpigpig 時間: 13-12-18 02:54 標題: 引用：我仔本來係自閉兼嚴重遲緩的，因為貴，只返

原帖由 JJran 於 13-12-17 發表
我仔本來係自閉兼嚴重遲緩的，因為貴，只返了6個月，但佢返左樂天後開始有意識知道自己做緊咩…樂天可以觀 ...

佢叫我仔返小幼苖先，未有叫我加野。但我要新年後先有時間返，所以佢叫我返住ST先。其實我有排緊政府見醫生，但個姑娘話要等8個月以上……所以自己出去同佢做住先

作者: little-panda 時間: 13-12-18 03:21

同我的小朋友差唔多. ..主要係紀律,,聽指令同唔專心, 樂天應該OK適合, 你參觀過應該知佢哋啲模式活動比較似幼稚園, 會訓練聽指令.....我小朋友是先上小幼苗執紀律和坐定定, 再升上幼適學幼稚園上課模式......樂天其中一個好處係透明度比較高, 你可以觀課, 至少你知小朋友真正表現如何

個個小朋友開頭幾日去都爆喊, 通常過一排都無問題....

你怕唔適合咪報多幾間機構排住隊先囉....唔啱再轉

作者: cvpigpig 時間: 13-12-18 03:43 標題: 引用：同我的小朋友差唔多.+..主要係紀律,,聽指令

原帖由 little-panda 於 13-12-18 發表
同我的小朋友差唔多. ..主要係紀律,,聽指令同唔專心, 樂天應該OK適合, 你參觀過應該知佢哋啲模式活動比較似 ...

Thanks.咁你小朋友返左幾耐？快唔快見到改善？小朋友有冇去評估？

作者: little-panda 時間: 13-12-18 09:11 標題: 回覆：cvpigpig 的帖子

Train 咗6個月，上了1個月已適應，肯坐定定和排隊。評估過，排e位。

作者: little-panda 時間: 13-12-18 09:39 標題: 回覆：little-panda 的帖子

忘了說，我小朋友是先評估，之後去樂天train

作者: cvpigpig 時間: 13-12-18 09:50 標題: 引用：忘了說，我小朋友是先評估，之後去樂天trai

原帖由 little-panda 於 13-12-18 發表
忘了說，我小朋友是先評估，之後去樂天train

去政府評估？介唔介意講評估結果？咁現在返政府e位定普通幼稚園？

作者: cvpigpig 時間: 13-12-18 09:54 標題: 引用：Quote:原帖由+little-panda+於+13-12-18+發

原帖由 cvpigpig 於 13-12-18 發表
去政府評估？介唔介意講評估結果？咁現在返政府e位定普通幼稚園？

其實如果訓練完之後都ok..返到普通幼稚園，仲使唔使返政府評估同排位？

作者: little-panda 時間: 13-12-18 09:56 標題: 回覆：cvpigpig 的帖子

私人評估，輕微自傾，讀普通幼稚園。政府服務好長龍架

作者: cvpigpig 時間: 13-12-18 13:53 標題: 引用：私人評估，輕微自傾，讀普通幼稚園。政府服

原帖由 little-panda 於 13-12-18 發表
私人評估，輕微自傾，讀普通幼稚園。政府服務好長龍架

唔該晒！我會試左去樂天訓練先，如有問題可以在這裏再傾嗎？

作者: JJran 時間: 13-12-18 16:21

有得上就上著密集式先，陳校長真係似乎無A仔唔怕佢!

作者: cvpigpig 時間: 13-12-18 19:12 標題: 引用：有得上就上著密集式先，陳校長真係似乎無A

原帖由 JJran 於 13-12-18 發表
有得上就上著密集式先，陳校長真係似乎無A仔唔怕佢!

咁你仔仔衣加點？返緊咩位？

作者: crystal媽咪 時間: 13-12-18 21:33

識有幾個小朋友都上過樂天, 大部份都有改善,
有D由周圍走, 而家可以坐定定. 有D無咩聲音,而家開始有D聲音同簡單單字回應.
好睇小朋友同導師夾唔夾.

至於是否商業?? 其他私人的都好商業, 但呢間可以觀課, 有家長由小朋友一上課睇到放學. 放到家中再跟學校教具整家居訓練.

未排到政府可以上下先. 一般小肌肉/ 安坐都會有改善.

作者: JJran 時間: 13-12-18 22:04

我仔智能本來麻麻，尤其語言很弱，所以在政府S位讀緊

作者: little-panda 時間: 13-12-18 22:27

回覆 cvpigpig 的帖子

得閒可以交流分享下, 家長們應互相幫助, 你如果去到樂天可以同觀課嘅家長傾計, 好有用架! 其實我絕少留言, 平時都係睇嘅多, 只不過呢幾日見到好多駡戰及洗版, 覺得家長本身已徬徨, 看了了那些駡戰就更徬徨, 既然有經驗就分享一下............

作者: pocoyo123 時間: 13-12-18 23:34

亞仔以前都上過樂天, 陳姑娘對A仔是有一定經驗, 至於商業品重唔重, 見仁見智, 作為商業機構, 我還可接受.

正如其他家長講, 你可觀課, 又可在上堂時問下其他家長意見, 同時開始不要交太多學費, 如覺不適合, 可快些退學

作者: meiy_mum 時間: 13-12-18 23:54

提示: 作者被禁止或刪除內容自動屏蔽

作者: cvpigpig 時間: 13-12-19 07:29 標題: 回覆：樂天密習？

多謝各位意見，初初發現仔仔有d唔同嘅時候真係唔知點算，爸爸當然係覺得佢冇問題，因為未夠2歲已經識唒A-Z,1-10,顏色，形狀，仲有d生字。配對好叻，做1次就記得唒d位，但係佢1粒聲都冇！佢如果想要某d野都唔會講，唔會用手指。會拉我去或攞部ipad開個flash card個App.不停指佢想要的給我看，直到我攞俾佢。返playgroup從未試過坐定，玩具只愛切puzzle 同睇書，可以坐定半小時以上，但其他就唔得。

作者: cvpigpig 時間: 13-12-19 07:37 標題: 回覆：樂天密習？

當2歲返健康院要覆診見醫生，醫生話佢有d傾向時我真係唔知點算，再排政府又要大半年！之後係度睇到好多有用資料，識點同佢玩。衣加叫佢10次有5次以上會即刻望過黎，有時會自己走黎kiss我。仲會主動撩我玩hide n seek.但佢次次hide係同一個地方。

作者: cvpigpig 時間: 13-12-19 07:50 標題: 回覆：樂天密習？

當然返playgroup都唔聽指令，走黎走去。不過已經走小左。其實係度睇完d資料我真係有逐間打去問，電話對話後我覺得對陳姑娘比較有信心。之後當然上左去睇下先，佢就建議我某d課程。咁我米諗住再上黎睇下有冇人試過，但我發現好少人講呢間，所以先開post問

作者: cvpigpig 時間: 13-12-19 08:00 標題: 回覆：樂天密習？

分開出post.係因為部電話short short 地。其實大家有資料分享係好有用，對於d媽咪黎講真係好有support同可以舒發感情！因為唔會周圍同朋友講，就算講都唔明！我試過嘅回應係:梗係你唔識教拉或者係咪陀住佢食錯野，陀衰左呀……真係無言！唯有係度呻下。希望大家多d分享就好了。我之後做完治療亦會再同大家分享。

作者: Anan3388 時間: 13-12-19 08:25

我自己仔讀過樂x3個月，而有朋友讀過樂x一年左右，相繼轉咗領x和太子協x青蔥，另有朋友讀咗一年中環邁x

比較返我哋經歷(我自己嘅係4年前)，太子協x最好。

樂x當年俾我和朋友感覺唔算好，校長係無乜見過，佢當時唔集中力在密集。d教員亦不太熟a仔，當年，教員話我仔咁聰明唔似a......其實仔似你講仔仔咁，認知叻，溝通弱。不過那教員在我走時已走，係咪個別係咁唔知

邁x都好商業，加乜都要俾錢。但我見佢d進度跟得幾足，有張form會不時update家長孩子能力，例如自理呀之類那六大範疇。我朋友幾like, 派到s位後都仲返去上3T小組。

協x就俾我感覺最專業。同埋d T齊。不過排好耐。那朋友對樂x真係麻麻，但好讚協x.

領x就感統強，d員工有愛心。OT最專業，當年密集都有聽樂治療俾小朋友，不另收錢。同家長溝通較多，有耐性。但有朋友後來入咗政府s,就反映呢間hea d, 我諗意思係要求訂得鬆些。

不過重申，係二三年前資料，依家點真係唔知嘅。給你參考下，祝你找到間啱你仔嘅

作者: little-panda 時間: 13-12-19 10:23 標題: 回覆：Anan3388 的帖子

樂天陳校長很易見到的，基本上每天上課前段，大約八點九至九點半出來巡視，有什麽問題都可以問。另外，每月一聚最好盡量參加，有時有意外驚喜，陳校長試過入去課室捉幾個小朋友出來，親自示範家居訓練(佢喺好多家長眼中係神級幼兒導師)。

作者: Anan3388 時間: 13-12-19 11:16

其實不如樓主花d時間去各間行下，選返學時間，厚面皮d問下就讀家長。同埋去問下嘢，了解下間中心員工嘅態度等等，咁會更實在。

不過我都讚成邊度有位就讀住先，又唔好為揀最好就浪費咗時間嘅。當時都好多讀住一間又排住另一間，一邊觀察和比較嘅。

作者: cvpigpig 時間: 13-12-19 12:39 標題: 引用：其實不如樓主花d時間去各間行下，選返學時

原帖由 Anan3388 於 13-12-19 發表
其實不如樓主花d時間去各間行下，選返學時間，厚面皮d問下就讀家長。同埋去問下嘢，了解下間中心員工嘅態度 ...

係呀！好多都要排好耐。

作者: 王王爸爸 時間: 13-12-19 16:47 標題: 回覆：cvpigpig 的帖子

有次上九龍行，聽到以下對話

家長甲，將來都唔知點去報小學，其他人就去學音樂，西班牙話，我地個仔都唔知寫乜！

家長乙，我個仔咪寫晒D社交小組畢業，言語小組畢業去portfolio law.

家長甲，苦笑。

我無言，但心裡一酸！

作者: cvpigpig 時間: 13-12-19 18:17 標題: 引用：有次上九龍行，聽到以下對話家長甲，將來

原帖由 王王爸爸 於 13-12-19 發表
有次上九龍行，聽到以下對話

家長甲，將來都唔知點去報小學，其他人就去學音樂，西班牙話，我地個仔都唔知 ...

小朋友日日唔同/進步，我地就見步行步囉

作者: HopeLJ 時間: 13-12-20 09:29 標題: 回覆：樂天密習？

樂天很好，可放心試。每一間密集都有不同類型及經驗的老師，適合不同小朋友。所以家長一定要跟貼進度留意小朋友情緒，同老師常常溝通，才可有最大進步。

作者: cvpigpig 時間: 14-2-13 14:42 標題: 回覆：樂天密習？

Update 下先，仔仔差唔多返左6、7堂職業治療。治療師話佢唔似係自閉，認知同記憶都好，唯一嘅問題就係小肌肉發展慢，唔識點用。同佢超有性格和自我。

做左幾堂訓練後，對人反應都好左。叫佢十次有八次會即刻應你，其餘兩次就擺明聽到都唔想睬你，有時仲會掩住耳朵走開。

言語方面開始多左音，同有時會答你問題，雖然都係單字，但已經好開心。

期待下個月開始返密集，希望有更大進步！

作者: little-panda 時間: 14-2-13 18:40 標題: 回覆：cvpigpig 的帖子

咁咪好囉，恭喜！

作者: blueskybird04 時間: 14-3-11 03:29

cvpigpig,想問你點教小朋友應人呀？我囝囝叫佢十次都冇一次應我,好苦惱，thx

作者: cvpigpig 時間: 14-3-11 09:26 標題: 引用：cvpigpig,想問你點教小朋友應人呀？我囝囝

原帖由 blueskybird04 於 14-03-11 發表
cvpigpig,想問你點教小朋友應人呀？我囝囝叫佢十次都冇一次應我,好苦惱，thx

有冇帶佢評估？要同佢玩時引佢望多d你眼，練好d眼神，之後就1叫佢就應。但治療師話我仔應該係語言遲緩影響左佢d行為，衣加佢返緊密集，多左d音同反應，衣加有時會主動同人打招呼添。

歡迎光臨教育王國 (/)