教育王國

標題: A仔？ [打印本頁]

作者: yuebb 時間: 13-12-13 19:18 標題: A仔？

我仔剛六歲，k2時老師話佢上堂多嘢講，走出位，做事求其(畫畫），懷疑佢係A仔，轉介去健康院見姑娘，到k3時轉介到評估中心見心理醫生，證實係A仔！評估中心寫轉介信去醫院睇精神科，但我沒有帶佢去e院，原因係我哋唔想開精神科file.同埋唔覺得佢有問題，到依家升上小一，亦無老師察覺到佢有問題，無投訴，成績仲好好，全班頭五名内，老師淨係話佢上堂發夢（老師話好多小朋友都會嘅）！
校外生活:平時出街一定拖住我，唔會周圍走，但同堂細佬一齊時就可以好顛，周圍走，嘈嘈閉！鍾意以大蝦細方式去控制堂細佬，鍾意做領袖，只聽爸爸，媽咪話，會蝦嫲嫲、姑姐（佢哋唔會打佢，所以唔驚佢哋）！其他同一般小朋友無分別，我哋只覺得佢係曳咗少少，大D就唔會咁，所以拒絕咗去見精神科e生，繼續下去會有問題嗎？
另外，我哋想比佢做多次評估，可以從咩途徑呢？因為我哋經濟有困難，所以負擔唔起高昂嘅醫療費用！謝謝

作者: ntefamily 時間: 13-12-13 23:22

提示: 作者被禁止或刪除內容自動屏蔽

作者: yuebb 時間: 13-12-13 23:24 標題: 回覆：A仔？

我怕拖延咗佢病情呀！

作者: zhuzhu 時間: 13-12-14 11:01 標題: 引用：我怕拖延咗佢病情呀！ +

原帖由 yuebb 於 13-12-13 發表
我怕拖延咗佢病情呀！

你個仔小一好正常呀！点似a仔呀.

作者: ntefamily 時間: 13-12-14 11:24

提示: 作者被禁止或刪除內容自動屏蔽

作者: yuebb 時間: 13-12-14 11:50 標題: 回覆：A仔？

所以我哋懷疑緊係咪a仔？但之前評估中心已確診的，我哋懷疑有無斷錯症，做咗唔夠一個鐘嘅測試去判斷，會唔會魯莽咗D呢？我哋想俾小朋友評估多次，唔想標籤咗佢，好唔公平！
因為我仲未呈報比小學知，佢係a仔，又無老師投訴，懷疑佢，所以我採取被動角色，到學校懷疑佢，我先同學校合作！
真心想知邊度有較平嘅評估做，謝謝！

作者: pocoyo123 時間: 13-12-14 21:42

就算評估多次, 基於之前的評估報告的先入為主下, 好多時都會左右了今次的結果, 小兒正是一個例子, 如做政府因有之前FILE, 但做私人又可能有商業因素不夠持平, 所以, 不如唔好做, 做左都係無意思
小兒現在小二, 一樣沒有程報評估, 成績中上, 學校老師也沒有覺得佢有問題, 我覺得已OK, 前面尚有很長的路行, 以前的過去就唔想再去諗.

作者: 超人baby 時間: 13-12-15 10:42

回覆 yuebb 的帖子

你仔仔多嘢講，表達會詞不達意嗎？

作者: 王王爸爸 時間: 13-12-15 10:59 標題: 回覆：超人baby 的帖子

我個人覺得用再評估，反而自已家長最清楚自已小朋友缺少什麼，在那方面加多訓練如社交和專注。

作者: sumyau1012 時間: 13-12-15 11:44 標題: 回覆：yuebb 的帖子

我女情況同你一樣。請問a仔是什麼意思？我女又係小二，之前都係建議去精神課，我地係政府開左file.不過我要求資料唔俾學校知。近來做左測試，話係資優。a仔係咪等於資優？我同你諗法一樣，唔想被標簽。

作者: yuebb 時間: 13-12-15 16:15 標題: 回覆：超人baby 的帖子

唔會呀！

作者: yuebb 時間: 13-12-15 16:18 標題: 引用：我女情況同你一樣。請問a仔是什麼意思？我

原帖由 sumyau1012 於 13-12-15 發表
我女情況同你一樣。請問a仔是什麼意思？我女又係小二，之前都係建議去精神課，我地係政府開左file.不過我要 ...

http://zh.wikipedia.org/zh-hk/%E6%B3%A8%E6%84%8F%E5%8A%9B%E4%B8%8D%E8%B6%B3%E9%81%8E%E5%8B%95%E7%97%87

作者: 超人baby 時間: 13-12-15 17:12

回覆 yuebb 的帖子

又會同人玩又吾會詞不達意，CAC負吾負責任架亂評

作者: HaYi 時間: 13-12-15 18:30

通常如果K3情況不嚴重的, 政府不會界定ADHD, 只會說marginal, 樓主真係最好再排一次政府的去睇下.

作者: yuebb 時間: 13-12-15 21:20 標題: 引用：通常如果K3情況不嚴重的,+政府不會界定ADHD

原帖由 HaYi 於 13-12-15 發表
通常如果K3情況不嚴重的, 政府不會界定ADHD, 只會說marginal, 樓主真係最好再排一次政府的去睇下. ...

但評估中心真係確實咗，所以我哋唔甘心，想做多次評估，還佢清白！
A仔會坐定定睇書嗎？會坐定定專心油數字油畫嗎？行為上我完全唔覺佢係a仔，語言上我可能會認同多D，因為佢會多咀、插咀、所以我真係唔知佢係咪A仔！
政府嘅評估已做了，私人又會因商業因素而有偏差，有無D非牟利嘅機構呢？

作者: pocoyo123 時間: 13-12-15 23:36

重做?

評估中心會問你發現小朋友有乜問題, 如果你話問題多左又差左, 佢有機會同你做評估, 但你同佢講, 懷疑上次做最準, 今次來從新做多次, 我相信現在咁多人排隊, 資源緊張下有無可能發生, 相信微乎其微

當年我收評估報告時, 心理學家已經同我講, 這份報告唔準, 因為某些原因, 當時佢有問我, 可在半年後重做, 但我拒絕了, 因為當時我只是想知他是否智力正常,其餘不重要

作者: zhuzhu 時間: 13-12-16 09:09

pocoyo123 發表於 13-12-15 23:36
重做?

評估中心會問你發現小朋友有乜問題, 如果你話問題多左又差左, 佢有機會同你做評估, 但你同佢講, 懷 ...

其實評估只係反評估人當時所收集到有限的數据, 有誤差是正常!
若小孩抗拒評估, 亦可能影響結果.

作者: lillymarie 時間: 13-12-16 10:18

以前做的報告若家長不同意，不會交到第三者手上。如果家長和老師都認為沒問題，為何不相信自己？

作者: chynnamama 時間: 14-3-5 00:01

保良局有個叫 "點滴創明天"計劃 for sen 小朋友, 你可以打去問, 因家庭入息收費, 有全費,半費及全免的... 評估都可能有. 不過要排... 2277 8426

歡迎光臨教育王國 (/)